رواية بعد عقد قران
الفصل الثاني عشر
بقلم ريم ابو قاسم
دخلته الحمام لبسته لي عبايه و طلعته لقيت اسراء يداب قايمه قالت لي حماس فل شنو قايمه بدري كده ماشه تفتحيها انتي بي ضحكه قلته ليها الليله ما ماشه و انتي ما ح تمشي ،خير ان شاء الله عرفنا انتي متزوجه و ممكن ما تمشي نان انا وراي شنو ، بصراحه يا اسراء الموضوع اكبر من كده ، في شنو كمان ، البسي سريع و انا بحكي ليك في الطريق ، الليله محاضره التشريح يا غنوان ما بقدر افوتا ، خلاص يا اسراء براحتك مشيت زعلانه منها دموعي نزلت مسحتها الطريق كلو بفكر في الحاصل و ال ح اشوفو و قلبي واجعني مشيت نفس العنوان نزلته لقيتا شقه كبيره شديد و رقم الشقه مكتوب 7 يعني ما فوق شديد دخلته ووصلته الغرفه وقفته مسافه بعدين قلته لو دقيت الباب ح يعملو احتياط و انا عايزه افضحهم نزلته تحت لقيت الغفير قاعد قلته لي دايره مفتاح الشقه رقم 7 عاين لي باستهزاء قال لي و بتقوليها بي ثقه متوقعه اديك لي قدي يا زوله شوفي ليك شغله ، بليز يا عمو و الله ضروري عايزه، ما في شي اسمو ضروري المفاتيح للحالات الطارئه انتي عزرك شنو طالما الجوه الشقه حسهم ما في يبقى خلاص، طيب انا بوريك الجوه الشقه ديل راجلي و مرت اخو راجلي و انا عروس ما تميت شهر بخوني معاها عايزه امسكم و عصرته عيوني بقيت ابكي سكت مسافه وقال لي لو كلامك صح خليهم يطلعو بعدين واجهيهم بس انا اسف يا مدام ما بقدر، قلته في سري شكلو ما ح يديني ليو طلعته وقفته بره بقيت اعاين للشقه بي فوق لقيت انو الشقه رقم 6 الشباك حقها ممكن يوديني الشباك حق الغرفه بتاعتهم بس احتمال اقع و دي مخاطره كبيره بالنسبه بي لي حياتي تاني قلته بعمل اي شي عشان ابين حقيقتهم و اليحصل يحصل ما عندي خيار تاني مشيت عمك يعاين لي ساي دخلته ركبته السلالم وصلته الشقه رقم 6 اخدته نفس و دقيت الباب فتحت لي مره كبيره قالت لي انتي منوشه بتي ، قلته ليها انا ضيفه يا حبوبه قالت لي اااا ، شكلها ما بتسمع عليت صوتي ، قالت لي يحليل الضيوف اتفضلي مرحب بيك ما حصل جوني ضيوف انتي بت منو ، ما عرفته اقول ليها شنو انا يا حبوبه وحده راجلا جاب وحده في الشقه الجمبك و بخونا و عايزه اكشفهم طبعا بصوت عالي ، كرعلي يا بتي اها جيتي تسوي شنو توجعي قلبك يعني ، لا يا حبوبه عايزه ادخل ليهم بي شباكك ده و اصورهم و الناس تعرفهم ، تطلعي بالشباك تنتحري يعني ، لا يا حبوبه ادخل ليهم لانو ما ح يفتحو لي المهم يا حبوبه ممكن استعمل شباكك ، اتفضلي طوالي بس انتبهي لنفسك و راجلك الخايب ده اطلقي منو فاهمه ، ضحكته ان شاء الله يا حبوبه ادعي لي اتفكي منو ، اها مشيت الشباك عاينته لقيت المسافه ما كبيره شديد بس لو وصلته يدي ما ح تصل الا اجيب حاجه اطلع فيها جبته طربيزه و ركبته اها قريت يس و ايه الكرسي و اخدته نفس عميق و ختيت يدي عشان تحصل الشباك بعد محاوله يدي اتسبتت اها رجولي عاينته تحت لقيت في حاجات طالعه بره البختو فيها الزراعه عاينته تحت ما لقيت زول رميت الزراعه و ختيت رجولي و بحركه سريعه دخلته بالشباك اتفاجئته بي الشفتو ....