رواية بعد عقد قران
الفصل السابع 7
بقلم ريم ابو قاسم
وصلته المستشفى اول شي عيني وقعت علي عمي و مرتو ، و امي و ابوي برضو موجودين اسراء قاعده و عثمان و مرتو برضو واقفين طيب الجوه منو وصلته اسراء و مرت عمي مسكوني يبكو قلته ليهم في شنو منو راقد جوه ..
اسراء قالت لي مصطفى عمل حادث و وضعو صعب يا غنوان ادعي لي ان شاء الله يقوم ...
قلته ليها مصطفى ! انصدمته متين وكيف حصل .. وقت طالع علي الشغل شاحنه ضربتو ... طبعا اتخلعته و اتاثرته بس ما لدرجه انو ابكي بقيت قلقانه من جوه امي جات وقفت جمبي قالت لي ح يبقى كويس ما تخافي ، قلته لي سري ما بهمني اصلا امرو اها وقفنا مسافه زهجته و رجولي نملت قلته اطلع و اكيد ما شربو حاجه من وصلو و منو اشم هواء طلعته بره عشان اجيب مويه لقيت نارين واقفه بتسأل السكرتيرة عن مصطفى ووضعو كيف باين من كلاما جات تاخد معلومات عايزه تقبل طوالي اتدسيت ...
بعد زحت عملت اتصال ..
الو ايوا قروشك ما تخاف بتصلك ..
ايوا ايوا طبعا راقد و ما في امل حتى لو عاش احتمال يكون معاق او مكسر ما معروف بي ضحكه سخيفه زيها ...
ههههاي ايوا دي ضربه خفيفه عشان يتادب و ما يلعب تاني مع اسيادو ..
تمام اسي راجع الاشعار بعد تفصل مني ..
بعد قفلت الخط شكلها حولت القروش و مشت تتجدع اخر توب و قاشره طلعت بره المستشفى قلته يعني دي انتي وراء الحادث ده معقوله بس اصلو ما بصدق ، جريت وراها لقيتا راكبه عربيه ركبته ركشه لحقتها ما بعرف عملته كده لي مع انو ما مفروض الحقا بس لحقتها لحدي ما وصلت عمارة كده باين ده بيتا حفظته الشارع و العنوان و رجعته بنفس الركشه الجابتني ..
وقت وصلته شلته معاي مويه اسراء قالت لي مالك اتاخرتي قلته ليها مشيت جبته ليكم مويه حتى لمحته عمي وابوي ما في سالته عنهم قالو مشو الصلاة اها الدكتور طلع قال لينا( البقا لله وحده ربنا يرحمو) مرت عمي دي انهارت بالبكا اما امي تصرخ و تكورك و اسراء كمان يمكن انا الوحيده البهدي فيهم جيت عشان اهدي مرت عمي جرتني حضنتني واي يا مصطفى كيف تمشي و تخلينا بدون وداع يا ولدي ما شفناك ولا شبعنا منك احي يا ولدي 😭😭😭 ، رملة مرتك تخلينا لي منو يداب دموعي جرت بقيت ابكي معاها اتاثرته شديد خصوصا الفتره الاخيره اتعودته علي وجودو صح هو اذاني و دمرني نفسيا بس اتاثرته بقيت ابكي معاها جو ابوي وعمي من سمع الخبر ضغطو ارتفع الا رقدو بعد عملنا الإجراءات انا و ابوي شلنا الجثمان و وصلنا البيت ، البيت اتملى وقتي ناس، و رجال لانو معارفو و معارف ابوي و عمي براهم ملو البيت غير الحريم غسلوهو خلاص و عايزين يودو يداب بعد شفتو ملفوف بالكفن ورافعنو قعدته تحت بقيت ابكي حرفيا اليوم كان صدمه لينا كلنا كلو حصل في ثواني و مصطفى فات و بقى ما في ، في حياتنا 💔 ...
بعد البيت فضى بقينا نحنا بس ناس البيت، قلته الحصل كلو ما كان صدفه كلو كان مدبر و انا باخد حق مصطفى مهما كلفني حتى لو حياتي ، جاتني فكره فتشته تلفون مصطفى لقيتو مجدوع في الغرفه شلتو طوالي فتشته الارقام لقيت رقم امل اتصلت فيو من الجرس الاول ردت قالت لي مصطفى بصوت مقروش باين كانت بتبكي قلته ليها دي انا يا امل غنوان مرت مصطفى، مالك اتصلتي دايره مني شنو مصطفى ومات ، دايراه اقابلك بكره ممكن تجيني في البيت ، ما ممكن يا ريت ما تتصلي لي هنا تاني فاهمه وقفلت في وشي الخط رجعته ليها اكتر من تلاته مره ابت ترفع في النهايه حظرتني 💔 ...
قلته ما مشكلة انا بتصرف 😊...