رواية بعد عقد قران الفصل الثالث3 بقلم ريم ابو قاسم

 الفصل الثالث3 

بقلم ريم ابو قاسم 

ركبنا العربيه مشينا الشقه شال الشنط و دخل بيها مشى قدامي و انا ماشه وراه بعد وصلنا ختاها جمب الباب و طوالي دخل الحمام انا قعدته طرف السرير بقيت اعاين للغرفه كانت مزينه و حلوه باين لي عرسان ، بس الشي المؤلم تكون لي عروس مكسوره و قلبها محروق ، بعد طلع ولا عاين لي حتى طوالي رقد و اداني ظهرو قلته معقوله في زول زي ده ما بحس و ما عندو دم نهائي حسبي الله ونعم الوكيل فيك ، قعدته مسافه فجأه قلب اتجاهي باين نايم بعمق شديد،  تاني فكرته قلته اصلا الحصل حصل ما في شي ح يتغير طالما هو ما شغال بي يبقى انا كمان اعتبرو كانو ما في ... شلته غيار و دخلته الحمام و طلعته رقدته في الكنبه و نمته طوالي من التعب ، الصباح قمته مع صوت اذان الصبح صليت و تاني رجعته ما قمته الا الساعه 8 لقيتو ما في فتشته الغرفه كلها ما في شكلو طلع لقيت الشاي جاهز و فطور كمان وورقه مكتوب فيها اسف يا عسل لاني خليتك بس لازم امشي الجيم .. شرطها في وقتها قلته ناقصاك انا وليك عين كمان تكتب في المسجات بس عشان جعانه شربته الشاي و فطرته مليت بطني (يخوانا الطقه دي اهم شي ) شويه كده تلفوني اتصل عاينته لقيتا دي اسراء ..

مرت اخوي ..

خوخ يخلخل ضروسك ..

شنو يعني لا تلفون لا ده ...

هو متين انا وصلته يداب نص يوم ..

كيفك و كيف اخوي ..

انتي بتتظارفي والله افصل في وشك ..

😂😂😂 خلاص خلاص كيفك انتي مرتاحه ؟🥺

الحمد لله بخير و يا ريت ما تساليني عن اني مرتاحه ولا لا لانك عارفه ... و امي كيف و ابوي كيف نفسي كان اشوفو بس هو اليوم داك شدة ما كارهني ما جاء ودعني ما طايق يشوف وشي حتي  ...

منو القال لي كارهك و ما طايق يشوف وشك ..

هو ما جاء ودعني يا اسراء انا ما لمحتو حتى 😭😭 ..

بس انا شفتو واقف بعاين ليك من الشباك و كان ببكي بي صوت والله ...

ما تكذبي يا اسراء مستحيل البتقولي ده ...

والله لو معاي تلفون كان صورتو بس انا شفتو واقف بعاين ليك و كان متاثر شديد ابوكي اكتر زول حنين بس بعمل نفسو صعب للناس ...

يحليلك يا ابوي يحليلك 😭😭😭😭😭 وتاني دورته بكا من اول و جديد ...

اسراء قالت لي هي امك بتنادي فيني من قبيل برجع ليك لحدي ما تكملي دموعك ...

فجأه باب الغرفه فتح رفعته راسي لقيتو مصطفى قال لي الدموع دي كلها عشان طلعته لا شنو بي ابتسامه عريضه ، مسحته دموعي و مشيت الحمام غسلته وشي و طلعته كده حسيت بي يد جرتني من يدي بقوه و رماني في السرير ، كفاك بعد ده يوم كامل ياخ اديتك راحتك مش مفروض اشيل حقي ...

قلته لي حقك شنو انت مجنون ولا شنو...

حقي الشرعي يا زوله ..

بقيت ابكي عليك الله يا مصطفى خليني احلفك بي شنو ياخ ..

ما تتعبي نفسك المره الفاتت عشان ما حلالي بس المره دي لو رضيتي او ابيتي انا بشيلو افضل تسلمي نفسك ...

بطلب ليك الشرطه و دموعي عشره عشره و الله تلمسني يا مصطفى الم فيك الناس انت واحد مريض ياخ ما عندك انسانيه كيف قادر تتصرف طبيعي بدون خجل بدون حياء بدون اي شي كيف وريني ياخ انا عرفته انك مريض رسمي ...

استحي من شنو ما فهمته ؟ ...

تعرف قدر شنو قرفانه منك لو بتعرف ما بتتكلم معاي تاني💔 ..

انتي عايزه تضيعي لي زمني بس انا ما فاضي لي كلامك ده لانو ما بهز فيني شعره يلا اجهزي انا طالع و بعد اجي القاك اتجهزتي فاهمه و طلع خلاني برجف و ببكي بحرقه ...

                      الفصل الرابع من هنا 

لقراءة باقي الفصول من هنا