رواية بعد عقد قران
الفصل الرابع4
بقلم ريم ابو قاسم
مشيت ناحيه الباب حاولته افتحو ابى يفتح معاي شكلو قفلني من بره ، انتظرتو لحدي ما جاء قال لي للاسف شكلك دعيتي لي لانو اتصلو لي ناس الشغل و دي مساحه كافيه ليك انك تتجهزي ، قلته لي بالجد الاستحو ماتو ، قلتي شنو بي صره كده ، قلته ليك الاستحو ماتو انت كنته واعي وقت عملته عملتك معاي نفسي افهم لي عملته كده ما ح تعرفا حاره الا وقت يضوقو زول قريب ليك ، عايزه تعرفي لي انا اغتصبتك اذا المساء بعد ارجع ح اوريك انا عملته كده لي وعشان شنو 😊 ..
و دخل الحمام و طلع لبس ختى لي مصاريف و طلع قلته لي دافعك شنو يا متوحش ...
جاني قريب قلتي شنو لفيت علي الطرحه كويس قلته لي ما في شي في سري قلته يا متوحش😒..
ما فاضي ليك اسي لمن اخد وادي معاك انا طالع ..
طلع و قفلني المعفن بي بره كالعاده قلته اعمل شنو اسي ما لقيت موضوع نهائي ونفسي كتم حاسه نفسي مخنوقه كانو ما في هواء من القفله قلته لو بقيت علي حالي ده ح يجي و يطبق فيني نفس النظريه لانو ما عندو مبرر يخلي يعمل عملتو ربنا ما يوفقو 💔 ..
فكرته مسافه اتوصلته لي اني لازم اطلع باي طريقه بس كيف جاتني فكره فتشته كبريت او مولع او اي شي لقيت بعد تعب و عملتو في الغرفه جمب الجهاز البعمل انزار للحريق مسافه كده انا واقفه منتظره ، فجأه سمعته صوت الانزار و بقيت اصرخ رميت النار و جدعته فيها المجلات الفي التربيزه وبقيت واقفه و بصرخ ...
جوني الطاقم الفي الفندق فتحتو الباب لقو الحريق طلعوني بره اول و بعدين طفهوهو وانا الدموع زاتو ما بعرف جات من وين لمن صدقته نفسي كفرو لي و قالو لي حاجه بسيطه و اتحلت و الحمد لله انك طلعتي منها سليمه كنته عايشه دور المحمومه و كده ...
اها قعدته معاهم لحدي المساء البنات ظراف ونسوني لحدي ما مصطفى جاء طبعا سأل في شنو و اتصدم كيف انا طلعته ووجودي هنا ، حكو ليهو الحاصل جاء جاري علي عامل فيها خايف علي عايز يحضني لزيتو بي طرف اصبعي عاين لي وقال لي حمد الله على سلامتك ابتسمته ابتسامه ناشفه زيو و دخلنا الغرفه تاني قال لي شنو حركات الهنود دي دايما بتعجبني شخصيتك ما بترضى زول يفرض عليك حاجه ما عايزاها عشان كده عرستك 😌 ...
قصدك شنو حركات هنود انت مجنون ولا شنو ...
لا ما مجنون قصدي واضح كذبك يا حلوه قصه الحريق دي البصدقوها الناس البره ديل و طلع قمصيو قدامي ، طوالي غطيت وشي انت واحد تافه عارف نفسك ، عارف علي العموم افضل تقعدي عاقله لحدي ما اشوف ليك حل لاني ما طايق وجودك ووشك و داير اضيف حاجه بعدين جاياني وحده يا ريت الليله تبيتي في الصالون هنا و تفضي لينا الغرفه و دخل الغرفه و قفلا عليو ... قلته استغفر الله يا رب ده انسان معقوله جابت ليها كمان وقاحه و قله ادب بس انا مالي شايله همو كده ان شاء الله يتحرقو هو و بناتو نفضته الكنبه و دقيت ليو الباب فتح قال لي عايزه شنو قلته لي عايزه لي غيار و مفرش زحى بي طرف نظام خشي دخلته شلته لي غيار و مفرش و طلعته طوالي قفلو شديد حسيت بي اهانه بس بلعتها مشيت فرشته الكنبه و غيرته ورقدته شويه كده الباب ضرب طوالي طلع فتح الباب طلعت وحده كده باين عليها صغيره و شديد كمان يمكن عمرها زي 17 في الحدود دي قال ليها اتفضلي حبيبتي دخلت عاينت لي و دخلا الغرفه شكلو سالتو دي منو قال ليها دي الشغاله ده كلو وانا واقفه سامعه بقول ليها شنو قلته يا عفن انا بوريك الشغاله دي بتعمل شنو ، اتصلته بي خدمه الفندق طلبته بيتزا اغلى نوع الحجم العائلي و فشار و مكسرات و عصير فريش اغلى نوع برضو في اقل من نص ساعة طلبي وصل قفلته الباب رصيت الحاجات في الطربيزه الكبيره و سامعه ضحكتا العولايق حقتو فتحته التلفزيون باعلى صوت وبقيت اكل واحضر و ده كلو ح ينزل في حسابو مستمتعه بالفلم والاكل خلفته رجولي و بحضر و بضحك قلته بعد ده مستحيل اخاف منو و اخلي يطلعني ولا شي ...