رواية بعد عقد قران
الفصل الثاني2
بقلم ريم ابو قاسم
فلاش باك ...
اثناء ما كنته ببكي سامعه صوت باب الشارع فتح و جاني صوت امي و خالتي بتكلمو و يضحكو قلته اعمل شنو اسي اقوم ؟حيل فيني زاتو ما في فجأه اثناء ما بفكر امي دقت لي الباب اترددته حكايه كم دقيقة افتح ولا لا بس هي لسه و اقفه و بتنادي غنوان يا بت جريت نفسي بالعافيه و فتحته ليها قالت لي مالك من قبيل واقفه ..ده نوم شنو ده و عيونك دي مالا قعد تبكي ولا شنو ، لا بس قلته ليها كده ما عرفته اقول ليها شنو قالت لي زحي زحتني و دخلت شوفي جبته الستاير ليك لانو قلتي الشمس بتضايقك حلوه صح و كانت مبسوطه من صوتا ... فجأه صرخت قالت سجمي ده شنو يا بت بتعاين في السرير بصدمه الدم ده جاء من وين ... ما قدرته امسك نفسي اكتر من كده بقيت ابكي و اشهق مرت عمي جات جاريه قالت في شنو امي قالت ليها بتي يا عزيزه جابت لي العار بتي خذلتنا و فقدت نفسا خلاص و تبكي انا جيت جمبها عليك الله يا امي انا ما عملته كده احلف لي بي شنو ، زحي مني يا وسخانه يا نجسه زجي مني انا ما امك ده طرفي منك يا عفنه ، عليك الله يا امي 😭 ، بس وريني قصرنا معاك في شنو عشان تعملي كده دم قلبنا كلو دفعنا ليك عشان في النهايه تكسري عينا يا فقر الله يشيلك ياخ ، امي ما تقولي كده 😭😭😭 انا بريئه هو براو جاني هو اعتصبني يا امي ما قدرته عليو ، هو منو تكذبي يعني ادتني كف ، مصطفى ده مصطفى عمل كده والله ما عملته انا 😭😭😭 بكيت لمن الله غفر لي مرت عمي قالت مصطفى ولدي وكانت مخلوعه انا بس بقيت ابكي امي قالت ليها الموضوع ده لازم ابوها يعرف مصطفى غلط و لازم يصلح غلطو انتي يا المنحوسه من الغرفه دي تاني ما في مرقه الا بي توبك حق العقد ..
مشو هي و مرت عمي قفلوني في الغرفه بالمفتاح مضى يوم كامل بلزو لي الاكل تحت الباب كنته بهبش عشان ما اموت بالجوع ما كان عندي رغبه لاي شي فقدته الشغف في حياتي تاني اليحصل يحصل... اليوم التاني المساء الباب فتح بقوه جاني ابوي مندفع اداني كفين بس بقيت ابكي و ماسكه وشي 😭😭😭 ،قال دي نهاية تربيتي صح ، بس انا يا ابوي ما عملته شي والله ما عملته شي تفهمو كيف ، كمان بتردي والله الليله اضبحك حيه طلع و جاء شايل سكين الا عمي و عثمان مسكو و طلعو بره بعد تعب و قفلو لي الباب ... شويه كده جاتني اسراء مسكتني بقيت ابكي بحرقه قلته ليها ليه يا اسراء الذنب دايما علي البت طيب اذا البت دي ما عندها ذنب في الموضوع برضو تكون الغلطانه، كلو لي خير ما تبكي اسي و تحرقي قلبك انا واثقه فيك و عارفه انو ده قضاءك و قدرك اهدي تمام ..
بعد كلام اسراء اطمنته شويه لانو فعلا قضاء وقدر بس برضو الحصل ما ساهل و ما هين علي لحدي اسي برجف من الخوف مجرد اتذكر الصباح الشوم ...
بعد اسبوع بالضبط امي جات قالت لي بكره عقدك انتي و مصطفى و الموضوع يتقفل علي كده ما في زول يعرف ابيت ارد ليها طلعت و قفلت الباب وراها تاني يوم رفعتني اسراء زي الجثه ماشه مكان يقولو لي امشي لبسوني و بخروني و جابو حنانه شكلها مبتدئه رسمت لي حنه كعبه و ما سمحه عباره عن شخبطه قلته شكلو لسه بعاقبو فيني ...
وانا قاعده جوه سامعه الناس بقولو عقدو الزعاريد و فرحه البنات المباركات الدلوكه الاغاني كلو حرفيا كان زي ما اتمنيت بس ما اتمنيت اكون بالحال ده من منو ؟ من اكتر انسان بكرهو ...
باك ...
اسراء قالت لي بعد ده الجرتق خليك جاهزه مسحته دموعي قلته ليها اعملو الدايرين تعملو انا تاني ما تسالوني ...
جابو الصينيه و ، الفحم الأحمر ، البخور ، الضريرة، الصندل ، المحلب كلو ريحتو طاقه 💔...
جاء قعد جمبي و لسه ببشر بعد جرتكونا بقو يدعو عماتي و خالتي ربنا يرزقهم الذرية الصالحة و يعمرهم..
غطوني بالقرمصيص عشان خلاص ماشين صحباتي حضنوني فاكرين دموعي دموع فرح جات امي واخيرا حضنتني شديد و عاينت لي بعيون كلها دموع و حزن و ندم كنته بعاتبا بي عيوني بعد شنو لاكن الندم قالت لي ما اوصيك انتي واعيه و عارفه ربنا يسعدك، ربنا يسعدك دي وجعتني اكتر كانو بتقول لي شي كعب سعادة وين تجي سعادة تاني 💔 اما ابوي لحدي ما ركبته العربيه كنته بعاين وراي بس ما لمحتو ...