رواية احفاد المنشاوي الجزء الثاني من كيان فارس
الفصل الحادي عشر11
بقلم رنا تامر
وبعدما دخل انصدم عندما رأي تيام مرمي ارضا ويتأوء كثيرا.
يوسف ذهب اليه في سرعه وتحدث بقلق
/ مالك يا تيام انت كويس.
تيام بصريخ/ مش قادررر اطلب الدكتور بسرعه يا يوووسف.
يوسف بارتباك/ حاضر بس قوم معايا تريح علي سريرك.
يوسف قام بمساعده تيام في اوصاله الي سريره وبعدها قام بمحادثه الدكتور.
ــــــــــــــــــــــــــــــــــــــــــــ♥
في جنينه المنزل..
كان تقف وتنظر للفراغ بإبتسامة انتصار وتتذكر ما فعلته هي وشركأها.
𝒇𝒍𝒂𝒔𝒉 𝒃𝒂𝒌𝒄...
في المطبخ..
روميساء بمرح/ بقولك يا خالتو مش عايزه اي مساعده كده.
كيان بضحك/ معقول جيه اليوم اللي اشوف فيه بنت اختي دخلت المطبخ لأ وكمان تقولي اساعدك.. سبحان مغير الاحوال.
روميساء برفع حاجه/ الله مش احسن ما ابقي قاعده انا وبنتك بلا شغله ولا مشغله وتقولوا علينا مخلفتوش بنات.
ريم بسخريه/ لا يختي تصدقي خلفنا بنات بس زيهم زي الكنبه اللي بيقعدوا عليها.
روميساء بتعجب/ احنا نستاهل الجزمه اننا جينا عشان نساعدكم.. هو كده خيرا تعمل شرا تلقه يلا يا بنات نمشي.
جاسمين بجديه/ خدي يابت انتي وهي هو خروج الحمام زي دخوله يا حلوه انتي وهي وهي.. ادخلوا خدوا الاطباق دي علي السفره.
نظروا الفتيات الي بعض بشر ومن ثم اخذوا صحون الطعام الي مائده الافطار.
كيان بحذر/ استني يا روما الاكل ده كله شطه ماعدا طبق تيام انتي عارفاه مبيحبش الشطه فامسكي الطبق ده لوحده عشان متتلغبطيش مع طبق تاني.
روميساء بإبتسامة خبيثه/ حاضر يا خالتو.
روميساء قامت باخذ الصحن تبع تيام وبدلته مع صحانها ثم تحدثت في داخلها بدعاء
/ سامحني يارب ونبي علي اللي هعمله ده.
𝒃𝒂𝒌𝒄...
كانت تتذكر وتبتسم بإنتصار .
جاءت من قطعت شرودها ثم تحدثت بخضه
/ روميساء الحقي تيام بيرجع دم.
روميساء بخضه/ انتي بتقولي ايييه.
تاليا بدموع/ يلا مفيش وقت للكلام.
ــــــــــــــــــــــــــــــــــــــــــــ♥
في غرفه تيام..
كانوا جميعا مجتمعين حوله ويبكون بحرقه حتي جاء الدكتور وقام بالكشف عليه ثم تحدث في سرعه
/ انتو ازاي سايبينوا بالحاله دي لازم يتنقل علي المستشفى حالا.
فارس بجديه/ يوسف انزل شغل العربيه بسرعه.
نزل يوسف وقام بتشغيل السياره وقاموا باخذ تيام الي المستشفى.
ــــــــــــــــــــــــــــــــــــــــــــ♥
في شركه ادم...
الموظفه باحترام/ ادم بيه فيه سكرتيره جديده عملت انترفيوا مع مستر معاذ وهي دلوقتي اتقبلت.
ادم بجديه/ اسمها ايه السكرتيره دي.
الموظفه بجديه/ اسمها انجي ياسر يا فندم.
ادم بجديه/ طيب دخليها.
دخلت انجي بعدما سمحت لها الموظفه بالدخول.
جلست انجي ثم تحدث ادم بجديه/ فين الفايل بتاعك.
انجي بإبتسامة/ اتفضل يا فندم.
امسك ادم الفايل ونظر فيه وانصدم مما راءه ثم تحدث بذهول
/ احم يعني هو انتي بسم الله ماشاء الله طالعه الاولي علي جامعتك وكمان مخلصه تعليمك في امريكا ومعاكي 3 لغات.. ايه بقي اللي يخليكي تشتغلي سكرتيره وانتي ممكن بشهادتك دي تديري شركه كامله.
انجي بحزن/ ده موضوع كبير يا فندم ويفضل اني مقولهوش.
ادم بلا مبلاه/ دي حريتك الشخصيه براحتك.. المهم انتي هتتحطي تحت التدريب لمده شهر ولو اثبتي كفاءتك ممكن اخليكي مترجمه صفقات مش سكرتيره.
انجي بسعاده/ بجد ميرسي جدا يا فندم.
ادم بإبتسامة/ لا ميرسي ولا حاجه يلا بقي وريني شطارتك في الشغل.
انجي بفرحه/ اوكي يا فندم عن اذنك.
ــــــــــــــــــــــــــــــــــــــــــــ♥
في المستشفى...
وصلوا جميعا ودخلوا تيام غرفه العمليات.
كانوا يقفون امام غرفه العمليات ببكاء غزير وقلق وخوف.
روميساء كانت في حاله من الصدمه لا تتحدث ولا تبكي وتفعل اي شيء غير انها تنظر للفراغ حتي تحدث يوسف بغضب
/ ارتاحتي كده رضيتي غرورك يا روميساء هانم.. عملتي اللي في دماغك وارتاحتي.. ثم اكمل بتحذير.. بس قسما عظما لو تيام جراله حاجه هنسي خالص انك بنت خالتي وهتشوفي مني وش تاني خالص.
عمر بحده/ يووووسف انت ازاي تكلم روميساء كده.
يوسف بحده/ عمي لوسمحت انت متعرفش حاجه.
فارس بحده/ خلاص بقي كفايه انتو اييه مبتحسوش احنا في المستشفى قدروا انه في مرضي.. حتي قدروا اللي في العمليات جوا ده.
روميساء كانت تستمع لكل كلمه في صمت مخيف حتي قلقت عليها والدتها/ مالك يا روميساء فيكي ايه ما تتكلمي قولي اي حاجه ساكته ليه كده.
ريما بدموع/ هتتكلم تقول ايه يا خالتو تقولك انه هي اللي خلت اخويا جوا في العمليات وبين الحيه والموت تقولك انها خلتني اشترك معاها في موت اخويا عايزاها تتكلم تقول ايه.
ريم بصدمه/ الكلام ده حقيقي يا روميساء.
روميساء كانت لا تجيب علي اي شئ بلا بدات دموعها تسيل بصمت دون ان تتفوه بكلمه واحده.
ــــــــــــــــــــــــــــــــــــــــــــ♥
في شركه ادم..
كان ينظر للفراغ ويفكر في امر انجي ويتذكر تعبير وجهها انها كانت حزينه وهي تتحدث.
ادم في داخله بشك/ البت دي وراها حاجه كبيره وانا هعرف الحاجه دي يعني هعرفها. ..