رواية احفاد المنشاوي الجزء الثاني من كيان فارس
الفصل الثامن عشر18
بقلم رنا تامر
جميعهم انصدموا بشده ثم تحدثت تاليا بصدمه/ اييييه.
روميساء بضحك/ كنت عارفه انك هتتصدمي كده..ثم اكملت بجديه.. انتي هتبقي الجاسوسه الجديده ل ادم الهلالي.
تيام بإستغراب/ واحنا هنستفاد ايه باللي هنعملوا ده.
روميساء بإبتسامه/ ازاي بقي مسيو تيام احنا هنستفاد حاجات كتير اوي.
يوسف بسخريه/ وهنستفاد ايه يا روما هانم.
روميساء بإبتسامه/ عجبني سؤالك وهجوابك عليه.. اسمعوني كلكوا وركزوا معايا كويس جدا.......
روميساء قصت عليهم ماذا سيستفادوا من خطتطها وشرحت لهم كل شئ.
ريما بدهشه/ اوباااا.. يخربيت دماغك يشيخه.
روميساء بضحكه خفيفه/ مش عارفه والله ده مدح ولا ذم.
يوسف بسخريه/ فعلا زي ما بيقولها ما يجبها الا ستاتها.
تيام بسخريه/ طب افردي بقي اتكشفت يا ست الفيلسوفه هتعملي ايه.
روميساء بثقه/ متخفش يا تيام بيه انا مخططه لكل حاجه انا مش هبله يعني.
تيام بضحك/ تخيلي كنت مفكرك فعلا هبله.
روميساء بغيظ/ ولاااا متخلنيش اقوم ازعلك.
ريما بهمس ل يوسف وتاليا/ شكلهم كده هيبدأوا.
يوسف بهمس وضحك/ هما لسه هيبدوأوا.
تيام بحده/ تزعلي مين يماما انتي عبيطه ولا ايه.
روميساء باستفزاز/ ازعلك انت يا مغرور.
تيام كان سيتحدث لكن اوقفه صوت فارس وهو يتحدث بحده
/ الله الله ده بقت مجزره مش شركه محترمه يا بهوات يا محترمين.
جميعهم صمتوا تماما وكانوا غير قادرين علي التحدث.
فارس بسخريه/ ايه سكتوا ليه ما تكملوا ولا القط اكل لسانكوا.
تيام بهدوء/ بابا اسمعني بس...
فارس بمقاطعه و حده/ بس انت مسمعش صوت حد انتو ايه مبتزهقوش كل شويه خناق.. كل واحد علي مكتبه يلاااا.
ذهبوا جميعا الي مكاتبهم ماعدا تيام.
تيام باصرار/ بابا انا عايز اتكلم معاك.
فارس هدأ بعض الشي ثم تحدث بهدوء
/ اقعد واقول اللي انت عاوزه عشان وراك شغل.
تيام بإستغراب/ هو حضرتك جيت الشركه ليه.
فارس برفع حاجب/ نعم.
تيام بارتباك/ مش قصدي والله بس حضرتك بقالك كتير مبتجيش ولا حضرتك ولا انكل عمر ولا انكل اياد.
فارس بتهنيده/ عشان موضوع ادم دخل دماغي و روميساء لما جت واتكلمت معايا وقالتلي انها محتاجه مساعدتي حسيت فعلا انكم عايزين مساعده وقررت اني اساعدكم وادير معاكم الشركه لحد ما تتغلبوا علي ادم خالص.. و السبب الاساسي انه جدك قبل ما يموت واصاني انه لو مات اعمل شركه باسمه وتكون مصدر دخل لكل الشباب اللي محتاجين فرصه عمل ومحتاجين دخل كويس.
تيام بإبتسامة/ ده شئ جميل جداً وانا اوعدك يا بابا اول ما نخلص من اللي اسمه ادم ده كلنا هنساعدك في موضوع الشركه الجديده.
فارس بفخر/ ربنا يخليك ليا يا ابني.
تيام بإبتسامة وهو يقبل يديه/ ويخليك ليا يا احلي اب.. يلا بقي انا همشي عشان ورايا شغل.
رحل تيام وفارس ابتسم بفخر ومن ثم ذهب ليري ما ورأه من عمل.
ـــــــــــــــــــــــــــــــــــــــــــ♥
في شركه ادم...
دخلت انجي بكل جراءه وجلست امامه واعطته ظرف وتحدثت بتامسك/ اللي انت طلبته مني اهو.
ادم بإبتسامه انتصار/ حلو اوي عموما انا حجزت ل والدلتك في احسن مستشفي في مصر ومتخفيش بعد ما تنفذي باقي الخطه هتلاقي مامتك في احسن حال.
انجي بإبتسامة مزيفه/ ميرسي.
خرجت انجي ودخل معاذ
ثم تحدث بقلق/ مش عارف ليه بقلق من البت دي.
ادم بمكر/ ليه بس دي حتي لطيفه.
معاذ بسخريه/ يعم اسكت دي علي طول حزينه وكمان بحس انه ليها نظرات تخوف.
ادم بضحك/ يا ابني انت كده بتتكلم عن امنا الغوله.
معاذ بضحك/ سيبك انت.. ثم اكمل بجديه.. المهم مرحتش تزور باباك.
ادم بتذكر/ صحيح فكرتني يلا انا ماشي.
معاذ بإبتسامة/ ابقي طمني عليه.
ــــــــــــــــــــــــــــــــــــــــــــ♥
في فيلا المنشاوي...
في حديقه المنزل..
كانوا يجلسون الثلاثي سويا وكيان وجاسمين يعملان علي تهدأت ريم.
ريم بدموع/ عايزني اهدي ازاي بقلكوا شفت علي موبيله ماسج من بنت غريبه ولما سالته قالي واحده من ضمن الشغل وهو بيكدب عليا الكداااب.
جاسمين بضحكه مكتومه/ يا حبيبتي ما يمكن عنده حق فعلا.
كيان بهدوء وجديه/ جاسمين عندها حق يا ريم وبعدين مشكلتكم من زمان علي نفس القصه و عمر شخص محترم وبيحبك واحنا من زمان عارفين كده لكن بطريقتك دي هتخليه فعلا يكلم واحده غيرك.
ريم هدات من بكائها وتخيلت حديث كيان في الواقع.
ريم بصدمه/ يعني عمر ممكن يخوني.
جاسمين بتحذير/ ده لو فضلتي بالغيره والشك المبالغ فيهم دول.
ريم في سرعه/ لا لا خلاص انا هغير طريقتي بس اهم حاجه موري يفضل يحبني انا وميشوفش حد غيري.
رحلت ريم وتركت كيان وجاسمين في ضحك.
جاسمين بضحك/ عمرها ما هتتغير.
كيان بضحك/ بتفكرني بأيام زمان كانت تيجي وتقعد تندبلنا زي ما عملت من شويه.
جاسمين بإبتسامة/ ربنا يهديها.
كيان بإبتسامة/ يارب.
ـــــــــــــــــــــــــــــــــــــــــــ♥
في شركه المنشاوي..
في مكتب روميساء..
دخلت ريما ثم جلست امام روميساء وتحدثت بجديه/ روميساء!!.
روميساء بانتباه/ نعم!!.
ريما بجديه/ فين فايل الصفقه الجديده؟.
روميساء وهو تدون بعض الملفات/ هتلاقيه في الرف التاني علي ايديك الشمال.
ريما كانت تبحث عنه حتي وجدته ثم تحدثت روميساء وهي مندمجه في عملها
/ ها لاقتيه.
ريما/ اه لاقته.
ريما كانت ستخرج لكن فكرت في شيء ثم تحدثت بمكر/ بقولك يا روما.
روميساء وهي تنظر للملفات/ اممم.
ريما بإبتسامة خبث/ انا شفت تيام من شويه بيكلم بنت وبيضحك معاها.
روميساء نظرت اليها بصدمه/ نعععم.
ريما بمكر/ زي ما سمعتي كده يا روما.
روميساء بحده وتوعد/ ده نهاره اسود ومنيل.
ريما بضحك/ اهدي بس يا مناارر.. انا بهزر معاكي بشوفك لسه بتغيري عليه ولا لأ.
روميساء بغيظ/ تصدقي انك عيله بارده.. اطلعي بره يابت.
ريما بضيق/ خارجه اهو متزقويش بس.
ــــــــــــــــــــــــــــــــــــــــــــ❤.
في المستشفى..
دخل ادم بكل كارزمه وذهب الي غرفه والده الخاصه.
ادم وهو يتحدث بجديه مع الدكتور/ ها يا دكتور بابا عامل ايه دلوقتي.
الدكتور بإبتسامة/ احب ابشرك انه باباك لسه فايق من الغيبوبه من شويه.
ادم بفرحه/ بجد يا دكتور يعني بابا بقي كويس خلاص.
الدكتور/ بص مقدرش اوعدك أنه هيبقي كويس بس هو حاليا فاق لسه بقي لما نشوف حالته بعد كده إذا كانت هتستقر أو لأ .
ادم بإبتسامه/ طيب انا اقدر ادخله.
الدكتور/ اه طبعا.. اتفضل.
رحل الدكتور ودخل ادم ل أبيه ثم جلس بجانبه وأمسك بيديه وتحدث بلهفه
/ بابا اخيرا فوقت.. انا بقالي كتير اوي مستني اللحظه دي بفارغ الصبر.
ادهم بتعب/ انت مين.
ادم بإبتسامه/ انا ادم ابنك.. ادم ادهم الهلالي.
ادهم بإبتسامه تعب/ ياااه اخيرا جيت انا كنت مستنيك بردوا.. ثم أكمل بحزن.. بس كنت مستنيك أنه انا اللي اشيلك واربيك وتكبر معايا.
ادم بحزن/ وانا كمان كان نفسي أجي علي الدنيا الاقي أهل واتربي وسط عائلة حلوه ومليانه بالدفه والحنان والحب.. بس للاسف كل ده محصلش واتربيت في ملجاء وشفت حاجات وحشه كتير.
ادهم بحزن علي ابنه/ انا اسف يا بني انا كنت شخص وحش جدا وعشان كده ربنا عقابني فيك.
ادم بفضول/ بابا انا عايز اعرف ايه حكايه عدوتك مع عائلة المنشاوي.
ادهم بإستغراب/ وانت ايه عارفك ب عائلة المنشاوي.
ادم/ هبقي احكيلك كل حاجه بس انا عايز اعرف انت عملت معاهم ايه وهما عملوا معاك ايه.
ادهم بتذكر/..........