رواية النار في بيت ابو صقر الفصل الخامس5بقلم هويدا زغلول
نعمه بعصبيه
يا نهارك مش فايت يا عز عايز يتجوز رقاصه..
ضحك حسين وقال
وطي صوتك يا امي الناس جايين علينا..
وقفو كلهم قدام نعمه وقال عز اللي كان متوتر اووي وقال..
عز
اعرفك يا ماما الاستاذ عزيز ومدام نهله ودي هنا اللي كلمتك عنها..
اتنهدت نعمه وقالت
اهلا با استاذ عزيز نورتنا والله انت والجماعه اتفضلوو..
عزيز
ربنا يزيد فضلك يا حجه البيت منور بصحابه..
حسين
اهلا وسهلا البيت نور، يا بدريه بدريه تعالي..
قربت منهم وسلمت عليهم وقولت
اهلا وسهلا ده احنا زارنا النبي النهارده، اتفضلي يا عروسه اهي القمر ده..
هنا
ميرسي ربنا يخليكي، انا هرفاكي علي فكره عز دبما بيحكيلي عنك انتي ونوال وصفاء بس اكتر كلامه علي ماما الحجه..
نعمه
قوليلي يا حلوه هو انتي لما فستانك ده اتقطع ما خلتيش ليه عز وقف بالعربيه وجابلك واحد غيره..
هنا بتوتر
اا لا هو مش مقطوع يا ماما الحجه هو تصميمه كده..
نهله بهدوء
دي الموضه يا حجه نعمه شباب اليومين دول بيحبو يجربو كل حاجه جديده..
نعمه
امم وانا ولدي بيحب الرمرمه قصدي الموضه..
قرب منها عز وقال
ابوس ايدك يا حجه نعمه بلاش كلامك ده دلوقتي الناس لسه داخله بيتك..
نعمه بحده.
بدريه وري الضيوف اوضهم لحد ما تجهزي العشا وهستاذنك يا استاذ عزيز اتكلم معاك بعد الاكل كلمتين لوحدنا انا وانت وعز ..
عزيز
تمام يا حجه، بعد اءنك هنطلع نرتاح..
نعمه
بيتكم ومطرحكم اتفضلو...
طلع هزيز ونهله مراته اوضتهم وكانت هنا معاهم، وفي المطبخ قالت نوال بصدمه..
نوال
يالهوي يالهوي شوفتو البنت لابسه ايه دب ولا البنات اللي في المسلسل التركي..
صفاء
لا والحجه لو وحده فينا طلعت من اوصتها من غير الطرحه تبهدلها..
نوال
قوليلي صح يا صفاء هي الحجه واخده لسه ياسر معاها بكره وهي رايحه بيت الحج ابراهيم..
صفاء بدموع
انتي عايزه ايه دلوقتي يا نوال ما عو كله بسببك..
نوال
بسببي انا برضو الله واعلم ايه اللي انتي عملتيه يخلي الحجه تروح بكره تخطب لياسر..
صفاء
والله لو ما سكتي يا نوال انا مش هيهمني حد و..
زعقت فيهم وقولت
بس منك ليها طيب وقدرو ان في ضيوف عندنا، روحي يا نوال وديلهم العصير ده والكيكه يلاا..
نوال
رايحه اهو اصلا المطبخ بقي يخنق اوووي..
طلعت نوال وصباح قالت بحزن
ما تزعليش يا صفاء، اصلا نوال دي انا مش بطيقها...
بدريه
بس خلاص وما. تتكلميش معاها تاني يا صفاء سيبك منها..
سكتت صفاء وراحت نوال عند الاوضه اللي فيها هنا واهلها ووقفت تسمعهم بيقولو ايه...
عزيز
هو عز كويس بس اهله بصراحه قلقان منهم وخصوصا من الست والدته..
هنا
بابا لو سمحت انا ما يهمنيش غير عز، وعز كويس معايا وانا نكون مبسوطه ومرتاحه معاه اووي..
نهله
بس الجواز مش واحد لوحده دي عيله كامله انتي هتبقي منها..
عزيز
خلاص يا جماعه انا ا..
ما قدرتش نوال تسمع الباقي لما شافت قدامها نعمه بتبصلها وهي متعصبه..
نوال بخوف
والله يا حجه اا..
نعمه بصوت واطي
اخرسي خالص وديلهم الضيافه وحصليني علي اوضتي يلاا..
مشيت نعمه وخبطت نوال علي الباب وفتحت ليها هنا اللي كانت مبتسمه وقالت نوال..
نوال
اتفضلو تلاقيكم جايين هفتانين من المشوار..
هنا
شكرا يا نوال صح، مش انتي نوال برضو..
نوال
ايوه انا نوال، بعد اذنكم...
مشيت نوال من قدامها وراحت اوضة نعمه واول ما دخلت قالت وهي خايفه..
نوال
والله العظيم يا حجه ما كنت بسمعهم، انا بس لقيتهم بيمكسو فيكي وو..
نعمه
مهمها ربيتك وعلمتك طبع امك فيكي، امك اللي سابت البلد وهربت مع عشيقها فاكراها بس انا قولت مالهاش ذنب وغلبانه بس انتي زيك زيها حربايه ملونه..
نوال بدموع
والله ما هكررها تاني يا حجه انا كنت خايفه عليكي ليكونو ا..
نعمه بحده
صغيره انا هستناكي تخافي عليا ولا ايه، بس انا خلاص رميت طوبتك..
نوال
والنبي يا حجه بلاش تبعتيني لبيت ابويا، مرات ابويا طبعها وحش وانا مش ناقصه قرفهاا..
نعمه
ما انتي اللي مش حامده ربنا علي النعمه اللي بقيتي فيها، حلو برضو الدجال اللي انتي بتروحيله عشان تعنلي عنده اعمال لسلايفك عشان يطلقو..
نوال بخوف
لا والله العظيم دد ده انا روحت عشان يشوفلي خل للخلفه..
نعمه
يا شيخه وطرحة صباح اللي كنتي وخداها معاكي وانتي رايحه عنده عشان تعمليلها عمل والحمل ما يكملش دي كانت ايه، انتي عبيطه وغبيه عشان فاكره ان ممكن حاجه تحصل في البيت ده وانا ما اعرفهاش..
نوال ببكاء
انتي هتعملي فيا ايه يا حجه نعمه، راضيه باي حاجه هتعمليها بس بلاش تبعتيني لبيت ابويا...
نعمه
اللي هعمله فيكي هتعرفيه كويس لما يحصل، غوري يلا من قدامي وكفايه لقيح بالكلام علي سلايفك عشان حسابك ما يتقلش عندي يلاا غوري..
نوال بخوف
حححح حاضر يا حجه..
طلعت نوال ودخلت عندنا المطبخ وكملنا الاكل سوا وكانت ساكته وباين عليها الخوف، وبعد شويه اتجمعو الكل علي الاكل وانا وسلايفي قعدنا في المطبخ..
نوال
هو احنا قليلين اووي كده عشان نقعد زي الشغالين في المطبخ وهما قاعدين بره ياكلو مع بعض..
بدريه
وانتي عايزه تطلعي تقعدي تاكلي قدام الراجل الغريب ولا ايه يا نوال..
صباح
علي الاقل كان االستات قعدو مع بعض والرجاله مع بعض..
بدريه بحده
خلاص منك ليها ما اسمعش صوتكم، واللي شيفااه الحجه نعمه هو اللي هيحصل..
وخلص الغدا وقعدت نعمه مع عزيز ومع عز في المندره، ودخلت حطيتلهم الشاي قدامهم وقولت وانا باصه في الارض...
بدريه
حاجه تاني يا امي الحجه؟..
نعمه
تسلمي يا ام الغالين روحي اقعدي مع الست نهله والعروسه ما تسيبهموش لوحدهم..
طلعت بره وهي قالت لعزيز
بص يا استاذ عزيز انا طلبي تيجو هنا اشوفكم ونتعرف، واعرف مين الناس اللي ابني عايز يناسبهم..
عزيز
حقك طبعا يا حجه وانا احترماً لحضرتك جيبت عيلتي اللي ماليش غيرها وبنتي الوحيده وجيت..
نعمه
وتقديرك ليا فوق راسي، وان شاء الله زي النهارده انا وابني الكبير حسين وابني البيه عز هنيجو عندكم القاهره عشان نطلب ايد هنا مش اسمها هنا برضو..
اتنهد عز وهو مبتسم وقال
ايوه يا ماما اسمها هنا..
وبره كنت قاعده مع نهله وهنا ومعانا نوال وصفلء وصباح راحت نامت لانها تعبانه من الحمل...
نوال
وانتي يا عروسه ناويه تقعدي معانا هنا ولا فين؟..
ردت عليها نهله وقالت
والله لسه بدري علي الكلام ده، احنا يدوب بنتعارف علي بعض..
بدريه
معاكي حق يا هانم، والمكان اللي ترتاح فيه عروستنا ان شاء الله تقعد فيه..
هنا
والله العظيم انا مرتحالك اووي من لما شوفتك اصلا بدريه..
نوال
واحنا ايه خوفناكي مثلا ولا ايه؟..
هنا بقلق
اا لا انا مش قصدي والله، انتو اصلا كلكم وصباح كمان حبيتكم جدا...
قامت صفاء وقالت
بعد اذنكم انا تعبانه ورايحه انام، تصبحو علي خير..
ودخلت صفاء اوضتها وبند شويه جه ياسر وقال اول ما شافها مدايقه..
ياسر
مالك يا صفاء ما خلاص اللي حصل حصل وامي تلاقيها نسيت اللي حصل..
صفاء ببكاء
انت رايح بكره مع الحجه بيت الحج ابراهيم صح؟..
ياسر
ايوه رايح مع امي، اهي اول مره تكبرني وتاخدني معاها في مشوار بدل ما تاخد حسين..
صفاء
لا وحياتك دي وخدااك معاها عشان تخطبلك العروسه اللي كانت عايزه تخطبها لعز وهو ما رضيش وراح جاب اللي عايزها..
ياسر
كلام ايه ده انتي بتقوليه، امي مستحيل تعمل كده وازاي اتجوزها انا وليه؟..
صفاء
عشان تربيني علي اللي عملتو، امك دي مفتريه اووي يا ياسر بس والله لو ده حصل انا مش هقند ليك هنا يوم واحد تاني..
ياسر اتعصب وقال
وانا مش عيل صغير معاكي ومعاها انا رايح ليها وهعرف ايه اللي ناويه تعمله من ورايا..
صفاء بخوف
لا يا ياسر امك لو عرفت اني قولتلك هتخليك تطلقني..
ياسر
وانا قولتلك انا مش عيل صغير عشان تعمل فيا كده..
طلع ياسر وراح اوضة امه وخبط علي الباب ودخل..
نعمه
خير جاي وشايل طاجن ستك كده ليه؟..
ياسر
هو احنا رايحبن ليه بكره بيت الحج ابراهيم يا امي؟..
نعمه بهدوء
بكره لما هنرزح هتعرف احنا رايحين ليه..
ياسر بضيق
تمام يا امي بس مهما كان ايه هو الغلط اللي عملته صفاء عشان تخليني اعمل فيها كده..
نعمه
روح نام وبكره يعدلها ربنا يلاا..
ياسر
انا بحب صفاء يا امي وراضي ببناتي ومش عايز اتجوز تمام كده..
نعمه
تصبح علي خير يا ياسر ابقي روح اطمن علي بناتك قبل ما تنام..
طلع ياسر وهو مدايق وراح اوضته، وفي اوضتي انا وحسين سالته وقولت..
بدريه
هو الكلام اللي قالته نوال صح، ياسر وامي الحجه رايحين بكره بخطبو بنت الحج ابراهيم..
حسين
ما لكيش دعوه يا بدريه ونامي الحجه عارفه هي لتعمل ايه كويس..
بدريه
بس صفاء اياً كانت غلبانه وكويسه غير نوال وعمايلها واصلا نوال من لما دخلت البيت وهي اللي خربت صفاء..
حسين
بدرييييه خلاص قولت واطفي النور وتعالي نامي يلاا..
بدريه بضيق
طيب كلمها قولها بلاش اللي هي ناويه عليه ده ، والله صفاء صعبانه عليا اوي..
حسين
ما كفايه بقي طيبه وهبل يا بدريه، انتي لو كنتي مكان صفاء كانت هي اول وحده شمتانه فيكي دلوقتي..
بدريه
ماليش دعوه بيها انا قلبي كده، عشان خاطري يا حسين طيب..
حسين
حاضر يا بدريه يلا اطفي النور وتعالي نامي يلا..
بدريه
لا انام ايه دلوقتي انا رايحه اجهز الحاجه اللي هنديها للجماعه نسايب عز وهما مسافرين..
وتاني يوم الصبح محمد كان متعصب وقال
انتي اتجننتي يا نوال،بيت ايه ده اللي اجيبه بره..
نوال
اومال عايزني استني لحد ما امك. تخليك تطلقني..
محمد
دلوقتي امك وقدامها بتبقي شبه الفار المبلول..
نوال
ما انا لو متجوزه راجل بحد ما كنتش خوفت منها ولا من غيرها وكنت عرفت اتحامي فيه..
محمد بضيق
ماشي با لت الاصول ياللي عايزاني اقف في وش امي، اطلعي بىه روحي جهزي الفطور يلا..
نوال
مش هطلع من هنا غير لما اعرف انت هتنفذ كلامي ولا لا..
محمد
هو مش انا في نظرك مش راجل وولد امي، رةحي بقي خدي اءن امي بالليوقلبك جامد انتي وما فيش منك، ولا اقولك روحي اعمليها عمل خليها توافق..
نوال بعصبيه
اهو انت كده علي طول انا لا واخده منك حق ولا باطل..
محمد
اياكي با بت انتي تفتحي سيرة اني اسيب امي ده تاني فاهمه ولا لا..
نوال
ماشي يا محمد لما تبقي تخليك تطلقني ابقي افرح وقتها..
محمد
والله مش هي اللي هتخليني اطلقك، عمايلك معايا هي اللي زهقتني وخلتني عايز اخلص منك باي طريقه..
نوال
نجوم السما اقربلك يل محمد انت فاهم، وفكر في كلامي برضو عشان هتنفذه مش هيبقي غلب عند مرات ابويا وحزن هنا عند امك...
طلع محمد من عند. نوال ولقي امه في وشه..
نعمه
علي قين كده من صباحية ربنا، عي لحقت تنكد. عليك..
محمد
لا ابدا يا امي انا بس فاتتني صلاة الفجر وهروح اصلي الصبح في المسجد..
نعمه
عارف يا محمد انت من وانت صغير الوحيد. اللي مريحني فيهم، ما تعبتنيش زي اخواتك.، وروحت اتجوزت وحده. تعبتك وتعبتني..
محمد
النصيب يا امي المهم. انا ماشي تامريني باي حاجه يا غاليه..
نعمه
ما يامرش عليك عدو يا حبيبي خلي بالك. من. نفسك..
مشي محمد وقرب منها حسين وقال
انا اسف يا امي لو هدايقك بسؤالي بس انتي ليه فهمتي صفاء انك هتخطبي بنت الحج ابراهيم لياسر، مع انك في الحقيقه. هتخطبيها لمحمد..