رواية احفاد المنشاوي الجزء الثاني من كيان فارس
الفصل الحادي العشرون21
بقلم رنا تامر
كانت ستضغط علي نشر حتي سمعت صوت افزعها كثيرا.
انجي ذهبت ل مصدر الصوت وانصدمت عندما رات والدتها ارضا.
انجي بصدمه/ ماااامااااا.
قامت بمحادثة والدلها وجاء علي الفور وقاموا باخذها الي المستشفي.
ــــــــــــــــــــــــــــــــــــــــــــ♥
في المستشفي...
وصلوا وجاءوا الممرضين واخذوها غرفه العمليات.
انجي و والدها انتظروا بالخارج وانجي كانت في قمه قلقها.
ــــــــــــــــــــــــــــــــــــــــــــ♥
في فيلا المنشاوي...
في غرفه ريما..
كانت تلعب فيديو جيم هي ويوسف حتي دخلت روميساء بفزع شديد.
يوسف بخضه/ في ايه يا روميساء ايه داخلت الحكومه اللي انتي دخلاها دي.
روميساء بدات تسيل دموعها ثم تحدثت ريما بقلق/ في ايه يا روميساء بتعيطي ليه.
روميساء بدموع/ انجي كلمتني وقالتلي انه مامتها في المستشفي وهي هناك دلوقتي معاها.
ريما بصدمه/ ايه اللي انتي بتقوليه ده.
يوسف في سرعه/ انتو لسه هتتكلموا يلا اجهزوا وانا هوصلكم.
بالفعل روميساء وريما بدلوا ملابسهم و رحلوا مع يوسف.
ــــــــــــــــــــــــــــــــــــــــــــ♥
في المستشفي...
وصلوا كلا من يوسف وريما وروميساء.
روميساء بدموع/ لو سمحتي المريضه لبني المعز في غرفه رقم كام.
موظفه الاستقبال/ هتطلعي فوق غرفه رقم 4 علي ايدك اليمين.
جميعهم صعدوا سريعا و وجدوا انجي تصرخ باقصي قوي وريما و روميساء اسرعوا اليها وهم يبكون معاها.
انجي بوجع ودموع/ ماما ماتت يا روميساء مااامااا سبتني ومشيت قولولي ازاي هعيش من غيرها ده هي الوحيده اللي كانت بتحسسني بالحنان وتديني الامل.. هعيش ازاي من غيرها قولولي هعيييييش ازاااااي.. ياااااااارب.. اااااااااه.
روميساء بدموع/ اهدي يا حبيبتي ده قدر ومكتوب وهي دلوقتي في مكان احسن من هنا بكتير.
ريما بدموع/ ايوه يا حبيبتي اهدي هي دلوقتي عند ربنا ادعلها بالرحمه.
يوسف كان يعمل علي تهدأت ياسر وريما و روميساء يعملان علي تهدأت انجي التي ظلت تصرخ حتي صمتت فجاءه ولم تعد تبكي ولا تتحدث ولا تفعل اي شئ بل جالسه ارضا مثل الصنم.
روميساء و ريما قلقوا عليها كثيرا ومن ثم اخبروا الدكتور ونقولها الي غرفه الكشف.
الدكتور بحزن/ اللي حصل ده اثر فيها جامد وخلاها متعملش اي حركه يعني بمعني اصح حاله عصبيه.. ودي بتبقي عباره عن انها ممكن تتحرك عادي بس مش هتبقي مركزه في اللي انتم بتقولوه ولا حتي هتتكلم.. هي كل اللي هتعمله انها هتفضل ساكته ومش بتتكلم.
ياسر بحزن/ وهي هتفضل كده كتير.
الدكتور/ والله مقدرش احدد وقت معين لانه دي حاجه بايد ربنا كل اللي اقدر اعمله انه اكتبلها علي علاج وهي مع الوقت هتتحسن.. ااه ونفسيتها اهم حاجه يعني كل ما نفسيتها بقت احسن كل ما هي هتتحسن اسرع.
ياسر بإبتسامة مزيفه/ شكرا يا دكتور تعباناك معانا.
الدكتور بإبتسامة/ ولا تعب ولا حاجه ده واجبي.
رحل الدكتور و روميساء جلست بجانب انجي التي كانت شارده في الفراغ.
ــــــــــــــــــــــــــــــــــــــــــــ♥
في فيلا المنشاوي...
تاليا دخلت غرفه روميساء ولم تجدها بالغرفه ومن ثم ذهبت ل غرفه ريما ولم تجدها ايضا.
كانت تسير وهي في حيره حتي وجدت تيام.
تاليا بتساؤل/ بقولك يا تيام مشوفتش ريما و روميساء.
تيام بإستغراب/ لأ مشوفتهمش.. تلاقيهم في اوضهم.
تاليا بنفي/ لا هما مش موجدين في اوضهم لاني دورت فيها وملاقتهمش.
تيام بحيره/ هيكون راحوا فين.. طب انا هتصل علي روميساء وانتي اتصلي علي ريما.
بالفعل فعلوا ذلك ولكن لا رد.
تاليا بقلق/ لا بقي انا كده ابتديت اقلق.
تيام/ بقولك ايه متبينش حاجه قدام حد خليكي هنا وانا هروح اشوف يوسف واجيبه عشان نشوفهم راحوا فين.
ــــــــــــــــــــــــــــــــــــــــــــ♥
في المستشفي...
روميساء بهمس ل يوسف/ بقولك يا يوسف هو ينفع ناخد انجي معانا الفيلا واخلي بالي منها انا وريما.
يوسف بهمس/ ايوه ينفع بس ناخد اذن بابها الاول.
روميساء بهمس/ طب يلا قوله مستني ايه.
يوسف ل ياسر/ احم احم لوسمحت يا انكل عايزك في كلمتين.
ياسر بحزن/ اتفضل يا بني .
يوسف بتماسك/ انا بستأذان حضرتك ناخد معانا انسه انجي علي الفيلا عندنا واخواتي هيخلوا بالهم منها متخفش لغايه بس لما حضرتك تخلص اجراءات دفن والدتها وكده.
ياسر بحزن/ بس يا بني...
يوسف بجديه/ مفيش بس يا انكل زي ما قولت ل حضرتك اخواتي البنات هيحطوها في عنيهم وهي اختي يعني زيها زي ريما و روميساء وتاليا بالظبط.. مش عايز حضرتك تقلق من حاجه.
ياسر بقله حيله/ هقول ايه يابني.. امري لله.
ــــــــــــــــــــــــــــــــــــــــــــ♥
في فيلا المنشاوي...
عاد تيام الي تاليا بعدما بحث علي يوسف ولم يجده هو الاخر.
تاليا بإستغراب/ اومال فين يوسف.
تيام بحيره/ ملقتهوش هو كمان ورنيت علي موبيله مغلق.
تاليا كانت ستتحدث ولكن تفاجأوا عندما رأوا ثلاثتهم داخلون ومعهم انجي.
تاليا بتساؤل/ اده في ايه.
روميساء بجديه/ ساعدينا نطلعها اوضتي.
بالفعل تاليا ساعدتهم وصعدوا الي غرفه روميساء.
عند تيام و يوسف...
تيام بنفاذ صبر/ كنتوا فين يا بهوات وازاي تطلعوا برا البيت من غير اذن.
يوسف بجديه/ اهدي يا تيام وانا هحكيلك كل حاجه.
بالفعل يوسف قص علي تيام كل ما حدث معاهم وتيام حزن لهذا الخبر السئ.
تيام بحزن/ ربنا يرحمها ويغفرلها.
يوسف بحزن/ ياارب.
عند روميساء و ريما...
دخلوا انجي الغرفه و ساعدوها علي النوم وبعدما نامت خرجوا من الغرفه وهما في حزن ما عدا تاليا التي في حيره لماذا هم في حزن هكذا؟..
في جنينه المنزل...
كانوا يجلسون الاحفاد في حزن علي خبر وفاه والدت انجي وكانوا يفكرون في شئ يجعلها تتعافي سريعا ولا تتطول في مرضها هذا.
تاليا بحزن/ طب والدكتور محددش وقت معين انه هي هتخف فيه.
ريما بحزن/ لأ للاسف.
روميساء بحزن/ قال انه دي حاجه بايد ربنا.
تيام بجديه/ طب يلا يجماعه كل واحد علي اوضته والصباح رباح.
بالفعل جميعهم ذهبوا الي غرفهم و روميساء ذهبت الي غرفه الضيوف لكن تيام اوقفها.
تيام بجديه/ رايحه فين.
روميساء برفع حاجب/ رايحه انام.
تيام بجديه/ ما تطلعي اوضتي.
روميساء بحده/ نععععم.
تيام بزفر/ انتي دماغك شايلاها وحاطه دماغ جموسه ليه.. انا قصدي اني انا هنام في اوضه الضيوف وانتي نامي في اوضتي يا ذكيه.
روميساء بإبتسامة بلهاء/ اااااه.. طب ما تقول كده من الاول.
تيام بضيق/ اديني قولت.. اتفضلي بقي اطلعي نامي وسيبيني انام.
روميساء بضيق/ ما تنام هو انا مسكاك.
ــــــــــــــــــــــــــــــــــــــــــــ♥
صباااااحااااا...
في شركه ادم الهلالي..
معاذ دخل في سرعه مما فزع ادم.
ادم بخضه/ في ايه يحمار انت مش فيه باب قدامك.
معاذ في سرعه/ الحق يا ادم في خبرين اوحش من بعض.
ادم بضيق/ خبرك اسود يا بعيد.
معاذ بزفر/ انت شكلك مش هتسمعني.
ادم بضيق/ ارغي وانجز.
معاذ/ الخبر الاول والدت انجي توفت.. والخبر التاني شركه المنشاوي كسبوا اهم صفقه واللي احنا كنا واثقين انه احنا اللي هنكسبها.
ادم بحده/ يعني ايه الكلام ده.
معاذ بارتباك/ والله زي مابقولك كده.
ادم بضيق/ سبني لوحدي دلوقتي.
خرج معاذ ونظر ادم للفراغ ثم تحدث بتوعد
/ حسابكوا تقل معايا اووي يا احفاد المنشاوي.
ــــــــــــــــــــــــــــــــــــــــــــ♥
بعد يومين...
في فيلا المنشاوي...
في غرفه روميساء..
كانت صامته تماما حتي رأت والدتها امامها.
انجي بصدمه/ مامااا.
لبني بإبتسامة/ ايوه يا روحي.. انتي عامله ايه.
انجي بفرحه/ انا بخير يا امي.. انا كنت واثقه انك ممتيش كنت عارفه انك مش هتقدري تمشي وتسيبيني زي ما انا مقدرش اعيش من غيرك.
لبني بإبتسامة حب/ حبيبتي انا علي طول الوقت جمبك وقت ما تحتاجيني هتلاقيني جمبك كل اللي محتجاه منك انك تكملي حياتك وتبقي مديره اكبر شركه في مصر زي ما كنتي بتحلمي يا روحي.
انجي بدموع/ بس ازاي هحقق حلمي وانتي مش جنبي.
لبني بحب/ انا قولتلك انا جمبك طول الوقت وحاسه بيكي.. بس اللي حوليكي دلوقتي هما صحابك وباباكي دول بيحبوكي وهيخافوا عليكي اووي.
انجي بدموع/ بس مش اكتر منك.. انتي مصدر للحنان والامل والامان والدفي وكل حاجه في الدنيا.
بني بحب/ صدقيني ياحبيبتي انه انا عمري ما هسيبك هفضل جمبك دايما.. انا بس عايزه اطلب منك حاجه.
انجي ممسحت دموعها وتحدثت باهتمام/ اومري يا ماما انا هعمل كل اللي تطلبيه.
لبني بإبتسامة/ الامر لله يروحي.. انا بس عايزاكي تنقذي اخت صحابك لازم تنقذيها لانه انتي الوحيده اللي عارفه خطط ادم وشريكه.
انجي بإبتسامة/ حاضر يماما بس خليكي جمبي.
لبني بحب/ طول ما هتحتاجيني هتلاقيني وهتحسي بيا.
استيقظت من نوما وهي في قمه السعاده انها رأت والدتها.
ظلت تفكر في والدتها وهي مبتسمه ومن ثم تذكرت خطط ادم وماذا يريد ان يفعل ل يدمر عائله المنشاوي.
ــــــــــــــــــــــــــــــــــــــــــــ♥
في الاسفل...
كيان/ ما تقوموا يا بنات اطمنوا علي انجي.
ريما و روميساء/ حاضر.
صعدوا الي الغرفه و وجدوا انجي جالسه صامته لا تتحدث..قاموا بالذهاب اليها وجلسوا بجانبها ثم تحدثت روميساء بإبتسامه
/ عامله ايه يا حبيبتي.
انجي اجابتها بإبتسامه/ انا الحمدلله بخير.
ريما بفرح/ انتي رجعتي تتكلمي ده بجد.
انجي بإبتسامه/ ايوه يا روحي.
روميساء بفرحه/ الف حمد وشكر لك يارب.
انجي بارتباك/ انا عايزه اقولكوا حاجه.
روميساء وريما/ قولي .
انجي قصت لهم امر ادم وخططه وماذا يريد ان يفعل ب عائلة المنشاوي.
روميساء بصدمه/ وكل ده وانتي ساكته.
ريما بصدمه/ ليه كده يا انجي ليه عملتي كده سيبك مننا احنا ليه مفكرتيش تنقذي حياه مامتك .
انجي بدموع/ ما مرض ماما اللي خلاني اضطر ابقي مجرمه مع ادم..لكن انا مستحيل اسكت بعد كده.
روميساء بحزم/ يعني لو مامتك مكنتش ماتت كنتي زمانك نشرتي الصور .
انجي بدموع/ مش ده المهم دلوقتي المهم تنقذوا تاليا.. هي فين صحيح.
ريما بارتباك/ تاليا في الجامعه.. ليه مالها تاليا.
روميساء في سرعه/ ما تتكلمي يا انجي مالها تاليا.
ــــــــــــــــــــــــــــــــــــــــــــ♥
في الجامعه...
كانوا يجلسون سويا في الكافيه ثم تحدثت هي بضيق/ ينفع اعرف انت جايبني هنا ليه انا المفروض اكون في البيت دلوقتي.
مازن بإبتسامة/ بصي يا ستي هقولك حاجه انا جايبك كافيه الجامعه ليه.. قوليلي ليه.
تاليا بنفاذ صبر/ ليه.
مازن بإبتسامة/ عشان اعزمك علي مشروبك المفضل وندردش مع بعض شويه.
تاليا بصدمه/ انت بتهزر لا اكيد انت بتهزر .. انت معطلني عشان تعزمني علي مشروبي المفضل.
مازن بارتباك/ اهدي يا منااار.. اهدي بس انا عايز اتكلم معاكي في حاجه ضروريه.
تاليا بنفاذ صبر/ اتفضل قول اللي عندك.
مازن بإبتسامة/ بحبك.
تاليا بعدم فهم/ انت بردوا مقولتش عايز ايه.
مازن في داخله/ البت دي حماره ولا ايه.
مازن بإبتسامة/ احم بقولك بحبك ايه مسمعتيش الكلمه دي قبل كده.
تاليا بسخريه/ طب يا دنجوان الكلمه دي تروح تضحك بيها علي واحده هبله من بتوعك لكن انا لأ.. انت فاااهم.
تاليا ذهبت من امامه ومازن تحدث بصدمه/ البت دي مجنونه اه والله العظيم مجنونه.
مازن ذهب ورأها وكانت خرجت من الجامعه وعندما رأها انصدم بشده.
مازن بصدمه/ تااااااالياااااا.