رواية النار في بيت ابو صقر الفصل الثاني2بقلم هويدا زغلول
كبيرة بيت العيله2
ــــــــــــــــــــــــــــــــــــــــــــــ
حسين بعصبيه
يعني ايه الكلام ده يا بدريه ما انتي حاطاهم قدامي لما اديتهملك في الدولاب...
بدريه عيطت
والله يا اخويا سيبتهم علي حطة ايدي كده وما روحتش عندهم تاني..
نعمه
دوري كويس يا بدريه وهتلاقيهم..
بدريه
ما انا دورت يا حجه والله وو..
زعقت فيها نعمه وقالت
دوري تاني يمكن عينك اعمت ومش شايفه، روووحي يلاااا..
دخلت جوه تاني ودموعي علي وشي وفضلت ادور علي الفلوس، وبره جمعت الحجه نعمه الكل وقالت..
نعمه
من امته في حاجه بتتشال في البيت ده وتختفي..
صفاء
واحنا مالنا يا حجه طيب هي مش الفلوس دي كانت شيلاها بدريه اساليها هي..
نعمه
انا مخلصتش كلامي عشان تتكلمي يا صفاء ولا نسيتي الادب اللي علمته ليكي لما جيتي من بيت ابوكي وما كنتيش عارفه حاجه.. اسمعو هي كلمه اللي خدت الفلوس تطلعها بالادب والا لو عرفت من نفسي مش هيحصل كويس..
صباح بدموع
هو فين يوسف يا محمد مش كان طالع معاك..
محمد
جاله واحد صاحبه يباركله وخده المندره وقاعدين هناك..
نعمه
ابعتله يجي وكل وحده تغور من قدامي علي اوضتها...
وكلهم مشيو علي اوضهم وقرب حسين من امه وقال بحزن..
حسين
انتي لو عايزاني اودي بدريه بيت ابوها هعمل كده، بس بدريه مش ذنبها يا امي وعمرها ما تمد ايدها علي حاجه..
نعمه
من غير ما تقولي يا حسين انا عارفه مرتك كويس، واوعي تمشيها ولا تزعلها..
محمد
وبعدين بس يا امي هنسكت علي الفلوس اللي ضاعت دي..
نعمه
رد علي اخوك يا ياسر ايه رئيك انت نسكتو ولا ندورو عليها..
ياسر
هو في ايه يا امي كلامك ما مريحنيش انتي شاكه فيا ان انا اللي خدت الفلوس..
نعمه
ما حدش غيرك كان زعلان عشان الارض هتتكتب باسم حسين، والفلوس تختفي كده يوم تسجيل العقد..
ياسر بحزن
انا بصىراحه ايوه زعلت بس والله عمري ما تمد ايدي علي فلوس اخويا، لا وكمان ادخل اخدهم من اوضة نومه هو انتي ربتيني علي كده يا حجه..
ادايقت نعمه وقالت
حسين شوف فلوس غير دي، عايز تسحب من البنك اسحب والتسجيل يتم النهارده ومش عايزه كلام في النوضوع بتاع الفلوس ده..
قالت كلامها ودخلت عندي الاوضه وانا كنت بعيط وقالتلي...
نعمه
كفايه بقي يا بت وقومي جهزي الغدا عشان عيالك اللي جاين من المدرسه دلوقتي..
بدريه
والله العظيم يا حجه انا ما خدتهم ولا ضاعو مني انا متاكده انهم اتاخدو من الدولاب..
نعمه
بعد كده خلي عينيكي في نص راسك وخصوصا من نوال وصفاء، وقومي يلا كفايه دلع وانا هعرف كويس مين اللي خدهم..
وتاني يوم صحيت الصبح وطلعت عشان اجهز الفطار لقيت صباح واقفه عند باب المطبخ ونوال وصفاء بيتكلمو ومش واخدين بالهم منها..
صفاء
ما هي لو ما كنتش بدريه هتكون صباح وانا شاكه في البت صباح..
نوال
والله مش لوحدك دي يتيمه واتربت من غير اب وام وكمان احنا عمر ده ما حصل في البيت..
دخلت بدريه وقالت
مش كفايه لت انتي وهي وتخليكم في شغلكم..
نوال
في ايه يا ابله بدريه هو انتي حد داسلك علي طرف احنا بنتكلم عادي..
بدري
تتكلمو براحتكم بس ما تجيبوش سيرة حد ولو دايقتو صباح تاني انا هقول للحجه.. وتعاليو بينا يا صباح نروق البيت لحد ما هما ربنا بتوب عليهم ويجهزو الفطار..
صفاء بغيظ
شايفه يا نوال عامله علينا كبيرة البيت..
نوال
حقها ما جوزها في صفها وحماتها في صفها ومخلفه بدل الولد تلاته وكل فلوس الشغل معاها..
صفاء
بس علي مين اصبري عليا وانا هوريها وهخليها تبقي اقل واحده في البيت ده..
وكنت انا وصباح بنروق في البيت وصباح قربت مني وقالت..
صباح
حقك عليا يا بدريه دول نوال وصفاء طلعو مش ساهلين..
بدريه
عادي يا صباح انتي زي اختي الصغيره بس خلي بالك منهم واوعي تنضمي للحزب بتاعهم..
صباح
بس تفتكري مين اللي اخد الفلوس يعني مين في مصلحته يعمل كده..
بدريه
بقولك ايه يا صباح انتي مدام هتعيشي في البيت ده يبقي تسمعي كلام الحجه نعمه وتنفذيه بالحرف الواحد والحجه قالت نقفل موضوع الفلوس ده يبقي ما حدش يتكلم فيه..
صباح
حاضر يا بدريه انا هعمل كل اللي انتي بتقولي عليه..
وفي اوضة الحجه نعمه كانت بتتكلم مع ابنها الصغير اللي عايش في القاهره وقالتله..
نعمه
ايوه وبعدين برضو انا عايزه اعرف معاد محدد هتقولي انت نازل فيه يا عز..
عز بقلق
يا امي انتي عارفه انا لسه ماسك الشركه دلوقتي وفي شغل كتير عليا..
نعمه
تنزل وتشوف العروسه وتبارك لاخوك اللي مهانش عليك تنزل تحضر فرحه وبعدين امشي..
عز
لحظه بس عروسة ايه يا امي اللي اشوفها، انتي تقصدي مرات يوسف يعني..
نعمه
وانت مالك انت ومال مرات يوسف انا بتكلم علي العروسه اللي نقيتها ليك بنت تقول للقمر قوم وانا اقعد مكتنك ومتعلمه واخده الاعداديه..
اتنهد عز بضيق وقال
بس انا مش عايز اتجوز من البلد يا امي وانتي عارفه كده من زمان..
نعمه
وبعدين معاك يا واد انت، هو من امتي حد بيقول للحجه نعمه علي حاجه لا..
عز بقلق
انا مش قصدي يا امي و..
زعقت فيه نعمه وقالت
وبعدين مش عايز تتجوز من البلد اومال عايز تتجوز منين، من بنات بحري اللي بيقولو علينا فلاحين وارياف، لااا انت هتتجوز اللي انا اجيبهالك ويومين وتكون قداامي يا عز فاهم ولا لا..
عز بحزن
تحت امرك يا حجه يومين وهكون عندك..
قفل عز معاها وبص للبنت اللي قاعده قدامه وكانت لابسه فستان قصير وفارده شعرها وقال..
عز
مالك يا هنا بتبصيلي كده ليه؟..
هنا
هو مش انت المفروض مكلم مامتك عشان تقولها علي موضوع انك عايز تتجوزني ايه اللي حصل قدامي ده..
عز
لما اروحلها البلد اكلمها انما في الموبيل مش هعرف اتكلم معاها..
هنا
انا ماشيه يا عز ولما تبقي تاخد الاذن من مامتك عشان ترضي عنك وتخليك تيجي تخطبني ابقي كلمني..
وفي البلد في بيت الحجه نعمه، اتجمعو كلهم علي السفره عشان يفطرو..
نعمه
عز جاي علي بعد بكره كده..
بدريه
الف حمد لله علي سلامته، انا هعمل ليه كل الاكل اللي هو عايزه..
صفاء
وانتي مش ناويه يا حجه تجوزيه وتخلينا نفرحه بيه هو كمان؟..
ردت عليها نعمه وقالت
ايوه طبعا ناويه اخليه يتجوز، بس كل حاجه في وقتها ويلا افطروو..
ياسر بصوت واطي
انتي مالك فرحتي ليه كده يا صفاء لما عرفتي ان عز جاي..
صفاء
ها لا عادي والله اجيبلك بيض تاكل..
ياسر
ما قدامي البيض اهو كلي انتي واسكتي يا صفاء وبطلي تشغلي دماغك دي..
وبعد ما خلصنا الفطار كنت موديه الشاي لحماتي ونزلت صفاء وهي ماسكه شنطه في ايدها وقالت..
صفاء
بعد اذنك يا حجه هروح اشوف واقعد معاها شويه..
نعمه
وايه الشنطه اللي في ايدك دي يا صفاء، واخده فاكهه ولا لحمه معاكي..
صفاء اتوترت وقالت
ها لا دا انا واخده شوية خضار لبيت اهلي ما انتي عارفه ان حالتهم علي قدهم..
نعمه
طيب روحي وقبل المغرب تكوني في البيت فاهمه ولا لا..وقولتي لجوزك ولا لا؟...
صفاء
قولتله طبعا وهو انا اقدر اطلع من غير ما اقوله، ووهروح وارجع قبل المغرب ان شاء الله اصلا سايبه البنات فوق مع صباح ومش هطول عليهم...
ومشيت صفاء وانا قعدت مع حماتي وقولتلها..
بدريه
بقولك ايه يا حجه انا اسفه في اللي هقوله بس صفاء معاها الفلوس انتي مش شايفه هي ماسكه الشنطه وكانها مخبيه فيها كنز...
نعمه
اكتمي با بت وحطي لسانك في بوزك، ايه يا بدري هتخرفي علي كبر ولا اتعديتي منهم وبقيتي تحكي كتير..
بدريه
انا اسفه يا حجه بس انتي مش شايفه حسين بقي يبصلي ازاي من يوم اللي حصل ما حصل..
نعمه
اطمني انا عارفه كوبس صفاء واخده ايه معاها، ده انا الحجه نعمه المهم قومي شوفي البنات اللي مش معاهم غير ماسكة موبيلاتهم وجهزو الغظا وتطلهو علي السطوح تنضفوه يلاا..
بدريه
من عينيا يا حجه اللي تشوفيه..
ومشبت انا من جنبيها وجه حسين بعد شويه وقالها..
حسين
بقولك يا امي انا متابع ياسر من غير ما ياخد باله لا معاه حاجه زياده ولا قليله، حرام علينا يا امي انا مش عايز افصل مراقب اخويا كده..
نعمه
مين بس اللي خدهم، هما لا نقصو ولا قللو معايا بس انا عايزه اعرف مين اللي اتجرأ ومد ايده علي حاجه في بيتي..
حسين بصوت واطي
طيب نوال واقفه ورا باب المطبخ يا امي..
نعمه
خدي يا بت فهيمه هنا بدل ما انتي ملطوعه زي البرص ورا الباب..
طلعت نوال وقالت بتوتر
هاا ددد دا انا كنت جايه اسالكم تشربو ايه اعملو ليكم..
نعمه
هتعبك يا حسين يا ولدي تكلم محمد اخوك تقوله بجي يودي مراته لبيت ابوها شكل اللي كانت شيفاه مع مرات ابوها وحشها..
نوال بخوف
لا حجه ابوس علي ايدك والله العظيم مش هتتكرر تاني بس بلاش امشي من هنا والنبي..
حسين
خلاص يا امي امسحيها فيا المره دي..
نعمه
اكتم يا ولد انت وانا مش بحب اكرر كلامي مرتين يلاا كلم اخوك وقوله يجي يوديها وما ترجعش غير لما انا اقول ترجع ده لو حبيت ارجعها اصلا..
مشيت نوال من قدامها وطلعت فوق وقبل ما تدخل اوضتها سالتها صباح اللي كانت قاعده جنبي..
صباح
مالك يا نوال بتبكي ليه كده؟..
نوال بعصبيه
البركه في الست هانم اللي جنبيكي اللي مكرهه الحجه فينا ومخليها مش طايقانا..
بدريه
طيب وطي صوتك لتسمعك والموضوع يكبر، وانا مش هاخد علي كلامك ده عشان عارفه انك زعلانه..
نوال بغيظ
ماشي يا بدريه انا راجعه تاني بس والله لخليكي انتي اللي تطلعي من البيت ده..
اتعصبت وقولت ليها
لا يا نوال انا مش بعمل حاجه غلط ولا بحشر مناخيري في اللي ماليش فيه..
نوال
كملي كلامك وقولي اني ما قدراش اخلف حتت عيل وعشان كده الحجه بتطلعني من البيت بسهوله..
بدريه
انا ما قولتش كده ولا عمري اقول كده..
سابتني نوال ودخلت اوضتها وكانت متعصبه اووي، وجه اليوم اللي جاي فيه عز..ودخلت نعمه المطبخ وقالت..
نعمه
ما كفايه رغي منك ليها وتخلصو الاكل البشمهندش عز علي وصول يلاا..
بدريه
من عينيا اهو يا حجه علي طول الاكل هيبقي جاهز
ووصل عز وكانت حماتي مبسوطه اوي انه جه، وقعدنا كلنا علي السفره وقال..
عز
اومال فين نوال هي ما جتش تسلم عليا ليه؟..
محمد
عند بيت ابوها وافتكرلنا سيره تفتح النفس بالله عليك..
صفاء
احطرلك حمام يا عز ده انا عملاه ليك مخصوص..
عز
تسلم ايدك يا صفاء انا باكل اهو..
صفاء
طيب دوق المكرونه انا برضو اللي عملاها و..
زعقت فيها نعمه وقالت
ما تخلصي بقي يا صفاء الاكل قدامه وياكل من اللي عايزه....
قالها ياسر بضيق وصوت واطي
اقعدي كلي يا صفاء وداريهم شويه..
صفاء
قصدك ايه بالكلام ده يا ياسر..
ياسر
مش قصدي حاجه كملي اكلك..
وبعد ما خلصنا اكل وكل واحد راح اوضتته ونام، صحيت علي صوت حد بيزعق..
حسين
يا ساتر استر يارب انا طالع اشوف في ايه بره..
بدريه
وانا هطلع اروح للعيال ليخافو من الصوت ده..
وبره البيت كان واقف يوسف مع خالد صاحبه وبيزعقو مع بعض..
يوسف
بقولك امشي من هنا والا والله مش هديك ولا قرش..
خالد
ليه هتمشيها بلطجه تديني نص الفلوس وعايز تاكلني في الباقي طيب ايه رايك اني مش ماشي من هنا غير بالفلوس كلها..
نعمه
فلوس ايه دي يا يوسف؟..