رواية احفاد المنشاوي الجزء الثاني من كيان فارس
الفصل الرابع عشر14
بقلم رنا تامر
في شركه المنشاوي..
كان يجلس ويعمل باندماج حتي دخلت عليه تاليا في سرعه وتحدثت بجديه
/ تيام انا عرفت حاجه مهمه عن ادم .. عرفت انه خالو فارس وخالتو كيان يعرفوا باباه.
تيام بإستغراب/ بابا وماما يعرفوا باباه منين.
تاليا بجديه/ ما هو ده اللي عايزين نسأل خالو عليه.
تيام بجديه/ خلاص سيبيلي انا الموضوع ده.. المهم عرفتي عنه اي حاجه تاني.
تاليا بجديه/ لا لسه بعمل عليه 𝒓𝒆𝒔𝒆𝒂𝒓𝒄𝒉 اكتر.
تيام/ طيب تقدري تروحي علي شغلك.
خرجت تاليا وتركت تيام في تفكير عميق.
ــــــــــــــــــــــــــــــــــــــــــــ♥
في شركه ادم...
كان جالس في مكتبه ويفكر في المعلومات التي عرفها من معاذ وقرر الذهاب الي انجي.
في مكتب انجي....
كانت تعمل باندماج حتي دخل ادم ومن ثم جلس امامها وتحدث بجديه/ انجي ياسر عبد الرحمن درست في امريكا واصحابك المقربين بنتين واحده اسمها روميساء والتانيه تاليا وباباكي رجل اعمال مشهور و... ثم اكمل بنظره خبيثه... تحبي اكمل ولا تكملي انتي.
انجي بصدمه/ انت عرفت ده كل منين.
ادم وهو ينظر اليها بلا مبلاه/ مش مهم جبته منين المهم اني عرفت كل حاجه عنك وياريت تكملي عشان حابب اسمع منك كل حاجه.
انجي باستسلام/ انا انجي ياسر عبدالرحمن درست في امريكا لمده خمس سنين بعد ما اتحيلت علي بابا عشان اروح ادرس هناك هو مكنش موافق عشان مش عايز بنته تبعد عنه وبعد زني عليه وافق بعد ما خلصت دراستي وجيت مصر لقيت بابا اعلن افلاسه و حجزوا علي كل املاكنا وماما تعبت من الخبر ده ودخلت في مرض شديد ومحتاجه عمليه وفلوس العمليه كتير و احنا دلوقتي مبقاش معانا تمن اكلنا حتي ف عشان كده قررت اشتغل في اي شركه واشتغل اي حاجه ومبقاش مهم معايا شهدتي بقي المهم بالنسبالي اني اجيب فلوس تقضينا انا وماما وبابا.
ادم عندما سمع القصه منها تأثر جدا لكنه لم يظهر لها هذا التأثر ومن ثم تحدث بمكر
/ واللي يخلي مامتك تعمل عمليتها بره مصر كمان.
انجي برجاء/ اعمله اي حاجه يا ادم بيه بس المهم ماما تبقي كويس.
ادم بإبتسامة خبيثه/ كده الكلام احلو اسمعي بقي يا قطه.. انا عايزك تدمريلي عائله المنشاوي.
انجي بصدمه/ مستحيييل.. دول اعز اصحابي من العائله دي ازاي عايزني ائذيهم.
ادم بلا مبلاه/ والله انتي في ايديكي الاختيار دلوقتي يا اصحابك يا عائلتك.
ادم خرج من المكتب وترك انجي في صدمه وحيره كبيره.
ــــــــــــــــــــــــــــــــــــــــــــ♥
مسااااءاااا..
في غرفه كيان وفارس...
كانت تجلس كيان وريم ويتحدثون سويا حتي دخلت عليها روميساء بكل غضب ثم تحدثت بغيظ شديد.
/ ينفع كده يا خالتو اللي عمله ابنك فيا ده.
كيان وريم نظروا علي ملابسها المبلله بالكامل ثم تحدثت كيان بضحكه مكتومه
/ ليه بس يا روما تيام عمل ايه.
روميساء بغيظ/ ابنك شافني وانا بتكلم في الفون ولسوء الحظ اني كنت واقفه تحت شباك اوضته قام سيدته استغل الموقف وجاب جردل مايه ودلقه عليا لا وكمان المايه بارده.
تيام دخل وتحدث بغيظ/ وانتي سيادتك مقولتلهمش انا عملت كده ليه.
ريم بجديه/ ايوه صح يا روميساء هو عملك كده ليه.
روميساء بارتباك/ لا يعني هو انا....
تيام بمقاطعه وبرود/ خلاص يحبيبتي انتي لسه هتهتهي.. انتي عملتي حاجه وانا اخدت حقي و ردتهالك يبقي خلصنا.
روميساء بحده/ لا مخلصناش يا تيام وانا اوعدك اني مش هرحمك.
تيام بسخريه عليها/ نينيني نينيني ايه انتي مش بتزهقي ارحمي نفسك شويه.
روميساء بغيظ/ اعااا يا بارد بجد والله واحد مستفز.
تيام ببرود/ وانتي واحده مجنونه وهبله.
روميساء بغيظ/ انا مجنونه يا عمود نور انت.
تيام بعند/ ايوه انتي مجنونه يا شبر ونص.
كيان بصوت عالي/ خلااااص انتووو اييييه مش بتزهقوا.
تيام و روميساء صمتوا وتحدثت ريم بجديه/ دلوقتي يا تيام هتقول السبب عشان نشوف روميساء هانم عملت ايه و اذا كان عندك حق فعلا في اللي انت عملته ده ولا لأ.
تيام بشر/ والله يا خالتو طالما مصصمين تعرفوا هقولكم بصوا بقي.. الهانم دخلت حمام اوضتي ومن ورايا ودلقت زيت علي الارض ومن صفي نيتي دخلت و...
روميساء بمقاطعه وغيظ/ ايوه وبعد كده موقعتش ليه موقعتش عشان سياتك شفتني وانا بحط الزيت ومرضتش تكشف نفسك بس انا عرفت انك شفتني.
تيام بسخريه/ الله ما انتي طلعتي شاطره اهو اومال ايه بقي.
كيان بحده/ ولما هو انت موقعتش دلقت عليها مايه ليه.
تيام بغرور/ عشان اعلمها هي بتتعامل مع مين.. ثم نظر ل روميساء واكمل.. وبعدين يا هانم انتي نسيتي لما قولتلك توقعي مني اي حاجه كده ولا كده ولا انتي فاكره اني هنسي موضوع الشطه ده بسهوله.
روميساء بارتباك/ هههه انت صدقت يا تيمو ده انا كنت بهزر معاك يجدع.. احم طيب يجماعه اضطر استاذن انا عشان تاليا كانت عازاني.
تيام بسخريه/ دلوقتي تاليا عايزاكي روحي اجري يختي انتي اصلا جبانه.
روميساء بإستفزاز/ انا مش هرد عليك كل اللي هقولهولك ربنا يسامحك.
تيام بضحك/ يختي ربنا يسامحنا جميعا.
ريم بضيق/ يلا بت انتي وهو علي برا مش ناقصين قرف منك ليها.
خرجوا هما الاثنين من الغرفه و روميساء ظلت تجري علي غرفتها وتيام ضحك عليها بشده ثم تذكر امر ادم.
ــــــــــــــــــــــــــــــــــــــــــــ♥
في مكتب فارس..
دخل تيام بعد ان طرق الباب وسمح له فارس بالدخول.
جلس امام ابيه وتحدث بجديه/ بابا انا عايزك في موضوع مهم.
فارس ترك عمله ونظر له باهتمام/ اتكلم يا حبيبي في ايه.
تيام بجديه/ هو حضرتك تعرف ادم الهلالي.
فارس بصدمه/ ميييييين.