CMP: AIE: رواية احفاد المنشاوي الجزء الثاني من كيان فارس الفصل الثاني2 بقلم رنا تامر
أخر الاخبار

رواية احفاد المنشاوي الجزء الثاني من كيان فارس الفصل الثاني2 بقلم رنا تامر

رواية احفاد المنشاوي الجزء الثاني من كيان فارس 

الفصل الثاني2 

بقلم رنا تامر

في غرفه تاليا.. 


دخلو كلا من ريما و روميساء بتسحب ونظروا اليها كانت في قمه غفوتها. 


ريما بتساؤل وهمس/ احم انا مش فاهمه بردوا ايه هي الخطه. 


روميساء بإبتسامة شر وهمس/ بصي احنا قدامنا خطيتين.. الاولي اننا نجيب ريشه ونزغزها من رجلها. 


ريما بهمس/ والتانيه. 


روميساء بضحك/ هاتي بس الريشه و لو الخطه دي منجحتش ننزل بالتقيل. 


وبالفعل ذهبت ريما وجابت الريشه وظلوا يفركوها في رجل تاليا. 


تاليا بنعاس شديد/ بس بقي سبوني انام شويه. 


روميساء بحيره/ البت دي واخده منوم ولا ايه اول مره تنام كل ده. 


ريما بحماس/ هننزل بالتقيل صح. 


روميساء بضحك/ ايه الحماس ده انتي عارفه ايه هو التقيل. 


ريما بضحك/ لا مش عارفه. 


روميساء بضحك/ طب بقولك ايه في ريشه كبيره انا شيلاها في اوضتي روحي هاتيها. 


ريما بضيق/ طب ما تعملي الخطه التانيه وخلاص. 


روميساء بضحك/ روحي بس هاتي الريشه وهي هتصحي وبعدين خلينا نسيب الخطه التانيه مش يمكن نحتجها معاكي. 


ريما بخوف وهي تذهب من امامها/ لأ انا الحمدلله بصحي بدري. 


ريما جابت الريشه وظلوا يفركوا في رجل تاليا مره اخري ولكن فاشلوا. 


ريما بزهق/ ده البت مقتوله خالص هنعمل ايه دلوقتي. 


روميساء بشر/ استني وهتشوفي. 


روميساء ذهبت وجلست بجانب تاليا وظلت تفرك في معدتها فهي تعرف نقطه ضعفها. 


تاليا بضحك شديد/ ههههههه خلااااص كفااايه. 


ريما احبت الامر وذهبت لتساعد روميساء. 


تاليا بضحك/ خلاااااص مش قاااادره هموووت سبوني الله يخربيتكم. 


روميساء و ريما ابتعدوا عنها بضحك شديد. 


تاليا هدات من ضحكها وقامت ثم تحدثت بغيظ/ انتوا اييييه حمير في حد يصحي حد بالطريقه دي عايز تموتوني. 


روميساء بضحك/ انتي كنتي مايته خلقه. 


ريما بضحك/ انتي كان شكلك مسخره وانتي بتضحكي. 


تاليا وهي تخرجهم من الغرفه وتتحدث بغيظ/ يلا مش صحتوني وارتحتوا اخرجوا بقي عشان اغير هدومي. 


روميساء و ريما خرجوا في ضحك شديد. 

ـــــــــــــــــــــــــــــــــــــــــ♥

في شركه المنشاوي.. 

في الميتنج.. 


تيام بجديه للجميع/ طيب دلوقتي في صفقه جديده واحنا لو خسرنها هنخسر معاها ملاااين والصفقه دي بالذات لازم نركز عليها لانه في كذا شركه ضدنا و خسرتنا للصفقه دي مكسب بالنسبلهم. 


يوسف بجديه/ وعشان كده لازم ناخد احتياطتنا من كل الشركات وبالذات من الشركه الجديده اللي اسمها ادم للهندسه والمشروعات. 


احد الموظفين/ طب يا فندم هو دلوقتي احنا بدأنا نشتغل في المشروع وهو جايب نتيجه اجابيه هنخاف من ايه بقي. 


تيام بجديه/ احنا مش خايفين ولا عايزين نوصل لمرحله الخوف انا بقول اننا ناخد حظرنا واحتياطتنا.


يوسف بجديه/ ودلوقتي الميتنج خلص تقدروا تتفضلوا علي شغلكوا. 


رحلوا الموظفين الي عمالهم وتبقي يوسف وتيام. 


تيام نظر ل يوسف و ظل يضحك. 


يوسف بإستغراب/ بتضحك علي ايه. 


تيام بضحك/ بفتكر لما كنا صغيرين و البنات يفضلوا يعملوا معانا مقالب ولما نيجي نردهلهم هما يبقوا عارفين ويعملوا مقلب اقوي. 


يوسف بتذكر وضحك/ ما هو كله بسبب اختي كانت تعمل نفسها معانا وتعرف الخطه وتروح تقولهم. 


تيام بضحك/ والله كانت ايام جميله. 


يوسف بإبتسامة خافته/ بس للاسف بقت ماضي دلوقتي كبرنا وبقينا شايلين مسؤليه وفي تهديد طول الوقت يا نكون قد المسؤليه الكبيره دي او لأ. 


تيام بجديه/ بص يا جو احنا جينا علي الدنيا عشان نعيش مراحل حياتنا مرحلتنا الاولي واحنا اطفال وملايكه كل همنا اللعب ومش شايلين اي مسئوليّة لكن كل ما بنكبر كل ما هنشيل مسئوليّة احنا مش حابين نشيلها و تحس انها مغصوبه علينا لكن لو خدنا المسؤليه دي زي لعبه كنا بنلعبها واحنا صغيرين هنلاقيها ممتعه جدا.. ف مش عايز اسمع منك اننا مش هنكون قد المسؤليه اللي سلمونا ايها ابهاتنا وجدنا فاهم يا جو. 


يوسف بإبتسامة/ فاهم يا تيمو وانا دلوقتي بقيت واثق انه طول ما احنا ايد واحده و ربنا واقف معانا دايما هنتجاوز اي صعب في حياتنا. 


تيام بإبتسامة/ صح كده ودلوقتي تعالي نروح الكافيه. 


يوسف بإستغراب/ معقول البريك جيه بالسرعه دي. 


تيام بضحك/ لأ لسه مجاش بس احنا مش هنفضل شايلين المسئولية طول الوقت. 


يوسف بضحك شديد/ ههههههه والله انت مسخره اللي يشوفك من كام ثانيه وانت بتتكلم بجديه ميشوفكش دلوقتي. 


تيام بضحك/ طب يلا يا اخويا. 

______الأمـيࢪه ࢪنـا تــامــࢪ______👑✨ 

في غرفه كيان وفارس.. 


كيان كانت جالسه وتقوم بتصفيف شعرها الي ان دخل فارس. 


كيان راته ثم ادارت وجهها في الجهه الاخري. 


فارس جلس بجانبها وتحدث بإستغراب 


/ مالك يا قطيتي مين مزعلك. 


كيان بزعل طفولي/ انت اللي مزعل قطيتك يا فاروستي. 


فارس بصدمه/ انااا ليه عملت ايه. 


كيان بزعل/ مبقتش تحبني زي زمان.. فاكر زمان يا فارس كنت بتخرجني وتهتم بيا اكتر من كده لكن دلوقتي لأ. 


فارس بضحك/ يا كياني احنا كبرنا علي الكلام وعندنا عيال علي وش جواز. 


كيان بغرور/ لا يا حبيبي اتكلم علي نفسك انا لسه في عز شبابي. 


فارس بضحك وهو يحملها/ بما انك في عز شبابك تعالي بقي اقولك كلمه سر. 


كيان بخضه وصريخ/ فاررس انا كنت بهزر نزلني يا فارس. 


فارس بحده مصتنعه/ هشششش مش عايز اسمع حرف. 


كيان صمتت مثل الاطفال وهو ظل يضحك عليها. 

ـــــــــــــــــــــــــــــــــــــــــــ♥

مسااااءااا. 


كانوا جميعهم يجلسون ويشهدون التيفي. 


ريم باندماج مع الفيلم/ بقولك يا روما قومي اعميللنا فشار نتسلي بيه. 


تاليا باندماج هي الاخري/ اه ونبي قومي يا روما. 


روميساء بغيظ/ ومتقوميش انتي ليه. 


ريما برجاء/ يلا بقي يا روما انتي بيطلع من ايديكي تحفه انما تاليا بتحرقه. 


تيام سمع هذه الجمله ولم يتحمل كتم ضحكته ومن ثم انفجر في الضحك. 


عمر بإستغراب/ في ايه يا تيام بتضحك علي ايه. 


تيام هدا من ضحكته وتحدث بإبتسامة/ لا مفيش يا انكل اصل افتكرت حاجه كده 😂. 


روميساء كانت في قمه توترها خاصتا بعدما رأت تيام يضحك عليها. 


تيام كان جالس بجانب روميساء ومن ثم تحدث بهمس وتهديد/ تحبي اقولهم علي المفاجاءه العظيمه. 


روميساء بهمس ورجاء/ لا ونبي يا تيام متقولش حاجه. 


فارس بحده/ في ايه يا روميساء انتي وتيام حد فيكم يقوم يعمل الفشار ويخلصنا. 


تيام بثقه/ خلاص يا بابا انا هقوم اعمله. 


تيام نظر ل روميساء بإستفزاز/ روما اتمني تيجي معايا تساعديني اصل بيطلع من ايديكي تحفه. 


روميساء بتوعد/ اه طبعا انا جايه يا تيمو. 


ذهبوا الي المطبخ تحت نظرات الاستغراب من الجميع. 

______الأمـيࢪه ࢪنـا تــامــࢪ______👑✨ 

في المطبخ.. 


كان يجهز تيام الفشار و روميساء تقف بجانبه. 


تيام بغرور/ بصي يا انسه انا كرما مني مش هقولهم علي السر الخطير وكرما مني بردوا هقولك علي طريقه الفشار بصي هو سهل جدا هتجيبي الفشار وحله وزيت.


تيام بدأ يشرح لها طريقه الفشار العظيمه 😂. 


هي كانت تنظر له بتوعد وتحدث نفسها/ بقي انا روميساء المنشاوي هتغلب من ابن خالتي.. مستحيييل انا هوريك يا تيام. 


تيام انتهي من الحديث معها ومن ثم نظر لها وتحدث بإبتسامة/ ها فهمتي يا روما. 


روميساء بإبتسامة مزيفه/ اه طبعا تحب اوريك. 


تيام بسخريه/ يشرفيني طبعا انك توريني يمكن اتعلم منك. 


روميساء بصوت منخفض وتوعد/ وكمان بتتريق عليا يا تيام ماااشي انا هوريك. 

ــــــــــــــــــــــــــــــــــــــ♥

في الخارج.. 


اياد بسخريه/ هما بيعملوا ايه كل ده. 


عمر بضحك/ ده لو بيخترعوا الذره مش هيقعدوا كل ده. 


احتل الصمت المكان عندما سمعوا صريخ صادر من المطبخ. 


جميعهم قاموا وذهبوا الي المطبخ في سرعه وانصدموا عندما رأوا... 

           الفصل الثالث من هنا

لقراءة باقي الفصول اصغط هنا 

تعليقات



حجم الخط
+
16
-
تباعد السطور
+
2
-