رواية حرب التنمر
الفصل الثاني
بقلم سحر حسين
تاني يوم كنت بلبس ورايحه المدرسه كالعادة وفجأة لقيت بابا وقف قدامي .
الاب : انتي رايحه فين ؟
اسلام : رايحه المدرسه يا بابا .
الاب : مدرسه ايه هو انا مش قولت مفيش مدرسه .
اسلام : ليه بس يا بابا ومهو اخواتي بيروحو المدرسه عادي .
الاب : ملكيش دعوه انا حر اعمل اللي انا عوزه .
اسلام : بقهره كبيره عايزه اعرف انا بتعاقب علي ايه بظبط علي حاجات مليش ذنب فيها سواء كان شكلي ولا حتي اسمي .
الاب : بلاش كلامك ده مش هيقصر فيا .
اسلام : هو انا مش بنتك .
الاب : انتي خلاص هتتجوزي قومي اتعلمي حاجه تنفعك.
اسلام : طيب ما انا بتعلم اهو وهو ده اللي هينفعني مش الجواز .
الاب : بغضب 😠 هتكوني اي يعني بشكلك ده انا مش عارف عملت ايه عشان ربنا يبتليني بوحده زيك .
★★★★★★★★★★★★★
بابا خرج من الغرفه وملقتش نفسي غير اني بقفل الباب وره جامد اووي وبجري ع المقص عشان اموت نفسي .
بس في لحظة استغفرت ربي وقولت عشان اخلص من حاجه اعمل ذنب روحت اتوضأ وصليت ركعتين لله .
وبعد ما ارتحت جت في دماغي اني اوافق علي العريس ده وخلص من اللي انا فيه ده .
وفي نفس الوقت خايفه يطلع اوحش من كده بس قولت مفيش حاجه اوحش من اللي انا فيه ده .
روحت فتحت الباب علي صوت ضحك ابويا مع اخويا احمد .
انت ليه بتفرق بنا كده ليه بتتعامل معايا كده هل فعلا عشان انا وحشه ولا عشان بنت بسمع كلام بابا مع اخويا انت سندي يا بني انت العوض بيتكلم معاه بكل حب .
طيب انا ليه معنديش الحب ده بيجي اساله كتيره جدا في تفكيري لدجه اني بقول .
هل انا فعلا بنتهم هما دول اهلي فعلا ولا انا اصلا مش بنتهم يمكن يكون لقوني في الشارع وربوني .
كلام كتير واسأله كتير اوي بسالها لنفسي كل شويه .
جريت علي دفتر بتاعي وكتبت فيه كل حاجه انا بتعرض ليها وبقا الدفتر ده اهم حاجه في حياتي بجد من غيره انا كنت موت بجد .
وفجاه لقيت ماما بتفتح الباب . وانا خبيت الدفتر كاني بعمل حاجه غلط بس مش عارفه انا ليه خوفت .
★★★★★★★★★★
الام : بتعملي ايه .
اسلام : ولا حاجه يا ماما كنت بذاكر .
الام : طيب يلا تعالي روقي معايا الشقه عشان الضيوف النهارده .
اسلام : حاضر يا ماما .
الام : وبعد كده هننزل مشوار .
اسلام : مشوار هنروح فين ؟
الام : تعالي بس لما نخلص الشقه هبقا اقولك .
اسلام : حاضر .
الام : تعالي يا بنتي .
اسلام : بنتك انتي عارفه يا ماما أن دي اول مره تقوليلي فيها بنتك .
الام : بحزن شديد معلش يا بنتي انا عارفه بس غصب عني .
اول مره اشوف ماما كده كنت حاسه ان في جواها كلام كتير وعايزه تتكلم .
روحت مع ماما وروقنا الشقه كلها وفجاه لقيت ماما بتقولي تعالي نتكلم شويه دي اول مره تحصل بجد .
اسلام : نتكلم نتكلم عن ايه يا ماما .
الام : يا بنتي انتي كبرتي دلوقتي وهتفهمي كلامي .
انا قولت بس هتقولي انتي مش بنتها .
اسلام : خير يا ماما في ايه .
الام : بصي يا بنتي عوزاكي توفقي علي العريس ده هو مناسب ليكي .
اسلام : هو ده اللي انتي عايزه تقولي .
الام : يا بنتي اسمعيني بس .
اسلام : اتفضلي .
الام : انا اتجوزت من ابوكي وانا اصغر منه وكنت بتعامل منه بطريقه صعبه جدا وهو من زمان وهو عصبي كده ومش عوزاكي تبقي زاي انا كنت شغاله خدامه لاهلو فعلا وانا خت وقت طويل لحد ما خلفت وكان زمان معظم البنات لزم تجيب ولد وانا ولتك انتي وابوكي خاف من كلام الناس عليه فسماكي اسلام .
اسلام : ومن امته ابويا كرهني كده يا ماما .
الام : بعد فترة قصيرة الناس عرفت انك بنت وبدات الناس تتكلم عن ابوكي وانت ازاي تعمل كده يا ابو البنت وكمان كذبت وساعتها رجع ودور الضرب فيكي وفيا وكان عايز يموتك .
اسلام : يعني كان عايز يموتني عشان كلام الناس لمجرد اني بنت .
الام : الناس مكنتش بتتعامل مع ابوكي وبعد كده قرر ان احنا ننقل لمكان محدش يعرفه فيه .
اسلام : عشان كده بيحب احمد اكتر مني مش كده .
الام : العريس ده يا بنتي معندوش حد غير أمه وأمه تعبانه عندها مرد وحش واحتمال تموت قريب وهو هيكون عايش لوحده وهو صغير في سن وانا أقنعت ابوكي بيه بلعفيه اسمعي كلامي يا بنتي .
اسلام : طيب انتي مش خايفه عليا لما اتجوز اتعامل وحش .
الام : علي الاقل هتكوني بعيده عن ابوكي ومهما حصل اوعي ترجعي هنا تاني اطلعي منها عروسه احسن .
اسلام : معقوله حتي انتي كمان مش خايفه عليا .
الام : بكره تعرفي انا بعمل ده عشان مصلحتك يا بنتي . انا للاسف مش هعرف اتكلم مع ابوكي عن حاجه هو لسه شايف أن انتي السبب في الزول اللي شافه من الناس ومستحيل ينسا ده .
اسلام : حاضر يا ماما . هوفق عليه وهسمع كلامك .
اقولك على حاجه يا ماما ياريتك سبتي بابا موتني من زمان 😔.
بقلم ★سحر حسين ★
★★★★★★★★★★★★
سبت امي وقمت دخلت غرفتي وكتبت كل حاجه عرفتها في الدفتر بتاعي عشان منساش ورجع هنا تاني .
بعد شويه :
الام : يلا يا بنتي تعالى معايا.
اسلام : يلا يا ماما .
مشيت وانا مش عارفه حتي احنا رايحين فين وفجاه وقفنا قدام محل ملابس ودخلت وقالت للبنت اللي وقفه عايزه فستان لبنتي حلو .
البنت : حاضر اتفضلي .
الام : يا بنتي تعالي .
البنت : شوفي ده كويس اوي وهيكون حلو عليها .
الام : خدي يا بنتي شوفي ده .
اسلام : هاتي طيب .
خت الفستان منهم ودخلت لبسته وانا مش حاسه اني فرحانه زاي اي بنت بعد شويه خرجت وانا لبسه الفستان عشان ماما تشوفو عليا .
الام : ماشاء الله عليكي شكله حلو اوي يا بنتي.
البنت : فعلا شكله زاي ما يكون معمول علشانها .
الام : تمام يا بنتي هناخد ده .
البنت : مبروك عليكي .
الام : الله يبارك فيكي .
دخلت عشان اغير الفستان وامي دفعت فلوس الفستان وخدناه ومشينا وفجاه دخلت كوافير حريمي وكلمت واحده .
الام : يا مدام رحمه ازاي حضرتك .
رحمه : اهلا يا مدام ازايك .
الام : تمام الحمدلله ازي حضرتك .
رحمه : الحمدلله بخير .
الام : دي بنتي اللي قولتلك عليها .
رحمه : اه تمام بس هي محتاجه شغل شويه .
الام : مهو البركه في ربنا ثم فيكي بقا .
رحمه : تمام تمام بس هي زعلانه ليه كده هي مش مبسوطه أنها هتتجوز .
الام : بتوتر لا ده مش زعل ده كسوف وتوتر عروسه بقا .
رحمه : طيب ماشي تعالي معايا .
الام : روحي يا بنتي معاها وانا هستناكي هنا .
اسلام : انتي مش هتيجي معايا .
رحمه : متخفيش احنا مش هنعملك حاجه تعالي مالك خايفه ليه كده .
اسلام : انا مش خايفه انا بس معرفكيش .
رحمه : هههههههههه بس كده هنتعرف يا ستي .
الام : ادخلي يا بنتي معاها .
وفعلا دخلت معاها وانا مش عارفه هي هتعمل ايه ولا حتي عايزه ايه دخلت غرفه فيها ادوات وحاجات للشعر والاظافر ومكياج .
رحمه : شكلك كده مش موفقه علي عريس ده صح .
اسلام : مش فرقه كتير .
رحمه : اقولك على حاجه انا بردو اتجوزت جوزي غصب عني وابويا الله يرحمه هو اللي جوزني ليه وانا كنت بكره جدا في أول الجواز بس مع العشره حبيته بجد حبيته لما اتعامل معايا صح عملي اللي انا عاوزه وكان بيعملي اي حاجه بس عشان احبه وفعلا حبيته وقولت أن دي احلى حاجه ابويا عملها قبل ما يموت هههههههههه هههههههههه .
اسلام : هههههههههه طيب كويس حظك حلو طلع شخص كويس .
رحمه : حولي تددي نفسك فرصة تتعرفي على حد وان شاء الله يطلع احسن من جوزي كمان .
اسلام : اتمنا فعلا أن حظي يبقا حلو ولو مره واحده .
رحمه : أن شاءالله يا حبيبتي يلا بقا نشوف شغلنا .
اسلام : تمام بس عايزه اطلب منك طلب .
رحمه : اتفضلي .
اسلام : مش عايزه مكياج مش عايزه اخدع حد لزم يشوني علي طبيعتي .
رحمه : بصي اوعدك اني مش هغير حاجه في شكلك بس هحط حاجات بسيطة تمام .
اسلام : تمام .
وبدأت فعلا تعمل شعري ومكياج ويمكن عملت حاجات بتاعت العروسه وبعد شويه خرجت لماما .
الام : اده ماشاء الله يا بنتي شكلك حلو اوي .
اسلام : بقيت حلوه يعني .
الام : اه يا حبيبتي حلوه .
رحمه : يا بت انتي حلوه اصلا من غير حاجة .
اسلام : شكرا يا مدام رحمه .
رحمه : العفو يا حبيبتي انا معملتش حاجه .
الام : شكرا يا مدام رحمه تعباكي معانا .
رحمه : العفو انا معملتش حاجه .
وخرجنا من الكوافير ومشينا جبنا فواكه وحلويات وروحنا البيت .
★★★★★★★★★★
البيت :
دخلت علي الغرفه علي طول وصليت ركعتين لله ودعيت انه يكون شخص كويس ويكون هو عوض ربنا ليا . وفجاه امي داخلت عليا .
الام : يا بنتي ممكن تنامي شويه لحد ما ابوكي يجي وانا هصحكي .
اسلام : حاضر يا ماما .
الام : وخدي افردي الفستان ده هنا عشان ميحصلش فيه حاجه لحد ما الناس تيجي .
اسلام : حاضر .
امي طلعت من عندي وانا فرت الفستان فعلا ورحت علي الدفتر عشان اكتب كل حاجه حصلت معايا .
وانا بكتب سمعت صوت الباب خبط .