رواية حرب التنمر
الفصل الثالث
بقلم سحر حسين
وفجاه لقيت الباب الشقه بيخبط وماما راحت تفتح لقت بابا راجع من الشغل .
الاب : السلام عليكم .
الام : وعليكم السلام ورحمه الله وبركاته انت جاي بدري يعني النهارده خير في حاجه معاك .
الاب : عادي مينفعش اجي البيت بدري يعني .
الام : لا طبعا بس غريبه شويه .
الاب : بنتك فين العريس كلمني عشان ياكد علي المعاد .
الام : طيب كويس وكل حاجه جهزه .
الاب : بس اياك بنتك تعك أو تعمل اي حركه من الحركات بتاعتها دي .
الام : لا أن شاءالله خير هما هيجو الساعه كام .
الاب : قال علي ٧ كده . بس يارب يوافق عليها عشان نخلص .
الام : خلاص بقا وان شاء الله يوفقو وهي كمان توافق .
الاب : هي توافق نعم هي تطول جوازه زاي دي طيب اياك ترفض .
الام : براحه عليها شويه ع الأقل بلاش تنكد عليها انهارده .
الاب : والله محدش مخليها شايفه نفسها غيرك انتي ماشي يا اختي عقلي بنتك بقا لحسن اعقلها انا .
الام : انا اتكلمت معاها وهي أن شاءالله موافقه .
الاب : الا توافق الا 😏 . هي فين روحي اندهلها .
الام : سبها تنام شويه لحد ما الناس تيجي .
الاب : تنام 😏 روحي روحي اعمليلي لقمه اكلها .
الام : حاضر .
بقلم ★ سحر حسين ★
★★★★★★★★★★★★
وانا كل ده وقفه علي الباب بسمع الكلام ده كله وبقول لنفسي انا لزم اوافق عشان اخلص منه وللاسف أن انا عندي اب زاي ده .
اقتربت الساعه ٧ ودخلت امي عليا الغرفه عشان تصحيني عشان البس لقتني لبسه وجهزه للمعاد .
الام : اده يا بنتي انتي صحيه . وكمان لبستي ربنا يهديكي يا بنتي ماشاءالله عليكي زاي القمر .
اسلام : قمر 😔 شكرا يا ماما كنت عايزه اقولك اني سمعت بنصحتك وهعمل بيها فعلا .
الام : بكره هتفهمي اني قولت كده عشان مصلحتك والله وعشان خايفه عليكي من ابوكي .
اسلام : ماشي يا ماما .
وفجاه الباب خبط وبابا راح يفتح الباب وعريس واقف على الباب هو ومامته .
وبابا نده علي ماما عشان تروح تسلم عليهم .
ودخلوا غرفه الضيوف .
وقاعدين يتكلمون ويضحكون وانا لسه في الغرفه بتاعتي .
وماما ندهت عليا وقالت لي .
الام : يا بنتي هاتي الحاجه الساقعه وتعالي يلا .
اسلام : حاضر يا ماما .
حسيت أن امي مكسوفه تقول اسمي قدام الناس .
روحت جبت الحاجه الساقعه ودخلت فعلا واول ما دخلت لقيت ام العريس قامت وحضنتني جامد اوي وانا اول مره حد يحضني كده بصيت علي العريس لقيته حلو اوي استغربت ايه اللي جبرك عليا وانا مش حلوه زيك .
ام العريس : تعالي يا بنتي اقعدي جامبي هنا .
اسلام : حاضر .
ام العريس : عاوزاكي تعمليني زاي مامتك ومتكسفيش مني ابدا .
اسلام : بابتسامة خفيفة . حاضر
ام العريس بصت لماما وقعدو يتكلمون مع بعض وانا ابص علي العريس شكله مش مبسوط خالص وباين عليه أنه مجبور عليا زاي ما انا مجبوره عليه .
العريس : يا عمي انا موافق علي كل طلباتك ومعنديش مشكله أن شاءالله .
الاب : يا بني انا بشتري راجل وان شاء الله خير انا معنديش طلبات .
العريس : طيب يا عمي هيكون في مشكله لو الجواز بعد ٣ شهور .
الاب : ٣ شهور ! بس يا بني انت مش شايف أن الفتره دي قصيره اووي .
العريس : انا اسف يا عمي عشان انا هسافر ومش هرجع الا بعد سنه لو ده مش هينفع مع حضرتك خلاص خلي الجواز بعد سنه .
الاب : وبدون تفكير لا يا بني خلاص بعد ٣ شهور .
بصيت لبابا وكانت الدموع بتجري في عيوني بس منعتها تنزل قدام الناس انت للدرجات مش عوزني اكون معاك اكتر من كده .
ام العريس : مبروك يا بنتي مبروك يا حبيبتي .
اسلام : الله يبارك فيكي يا طنط .
ام العريس : لا طنط ايه قوليلي يا ماما انتي بقيتي بنتي خلاص .
اسلام : حاضر يا ماما .
ام العريس : بفرحه كبيره ايوه كده وان شاء الله انتي بنتي .
العريس : بعد ازنك يا عمي حابب اتكلم مع العروسه لوحدينا لو تسمح يعني .
الاب : بخوف ليه يا بني .
ام العريس : متخفش خليهم يقعدو في البلكونه وحنا قاعدين معاهم اهو .
الاب : ماشي يا ابني اتفضل .
ابويا بصلي اووي كده بطريقه حده جدا حسيته بيقولي اوعي تعملي حاجه تبوظ الجوازه .
دخلنا فعلا البلكونه انا وهو .
★★★★★★★★★
بقلم ★سحر حسين ★
العريس : بصي يا بنتي الناس عشان اكون صريح معاكي انا مش عاوز اتجوز اصلا بس عشان خاطر امي تعبانه ومحدش معاها وابويا اتوفي وانا عاوز واحده تقعد معاها مش اكتر .
اسلام : تمام ماشي .
العريس : باستغراب يعني موافقه ! .
اسلام : اه موافقه بس عندي طلب ممكن .
العريس : قولي .
اسلام : انا عاوزه اكمل تعليمي لو سمحت وانا والله مش هخلي مامتك تشتكي من حاجه خالص .
العريس : انتي في سنه كام .
اسلام : انا لسه في أولي ثانوي .
العريس : تمام ماشي .
اسلام : ولو مش عاوز تصرف عليا في تعليمي مش مشكله انا هشتغل وهصرف علي نفسي .
العريس : 😂 لا يا ستي سهله . اه صح انا كريم وعندي ٢٥ سنه .
اسلام : وانا ........
كريم : انتي ايه مكسوفه تقولي اسمك ايه .
اسلام : اه
كريم : ليه هو وحش ولا ايه .
اسلام : يعني ممكن يخليك ترفض الجوازه .
كريم : باستغراب ؟ هو انتي عاوزه الجوازه اوي كده .
علي العموم متخفيش عشان زاي ما انتي عاوزه ده وانا كمان عاوز ده فا قولي مش فرقه معايا كتير .
اسلام : بجد .
كريم : يا ستي قولي متخفيش .
اسلام : اسمي اسلام .
كريم : ايه نعم اسلام 😂😂😂😂😂 لا حلوه دي 😂😂😂😂😂 لا بجد قولي اسمك ايه .
اسلام : بكسوف شديد والله اسمي اسلام .
كريم : باستغراب ده بجد .
اسلام : 😔😔 اه بجد .
كريم : يعني انا كريم وهتجوز اسلام . استغفرالله العظيم. 😂😂😂😂 .
علي العموم اسلام اسلام المهم أن امي مرتاحالك اووي .
اسلام : مامتك طيبه اووي هي عندها ايه .
كريم : بحزن شديد سرطان . وبابا هو اللي كان معاها وانا للاسف عندي مشاكل في الشغل كتيره مش هينفع انزل دلوقتي ولا هينفع اخدها معايا دلوقتي .
اسلام : متخافش عليها هاخد بالي منها كويس ومش هخليها محتاجه حاجه .
كريم : انتي شخصية غريبه اووي علي فكره انا مش هسالك دلوقتي انتي عايزه تتجوزي ليه .
بس كل اللي انا عايزك تعرفيه أن الجواز ده جواز مصلحه وبس .
اسلام : تمام ماشي .
كريم : يعني احنا متجوزين قدام الناس بس فهماني .
اسلام : فهماك انا المهم عندي اني اكمل تعليمي وبس واي حاجه تانيه لا .
كريم : باستغراب بس هو ليه عمي وافق علي ٣ شهور على طول كده .
اسلام : باحراج شديد جدا سكتت ومقالتش اي كلمه .
كفايه كلام بقا وتعاله ندخل بقا الجو ساعقه .
كريم : اه تمام ماشي تعالي ندخل .
★★★★★★★★★
ودخلنا فعلا نقعد معاهم عادي .
ام العريس : يا كريم يا بني طلع الشبكه بقا عشان نلبسها للعروسه .
كريم : حاضر يا ماما .
اسلام : ثانيه واحده يا كريم معلش انا عاوزه اقولك حاجه يا ماما بعد ازنك يمكن اهلي مقولهاش لحضرتك .
ام العريس : قولي يا بنتي .
الاب : بغضب 😠 بس يا بنتي هتقولي ايه .
ام العريس : لا معلش سبها تقول اللي هي عاوزاه .
اسلام : شكرا يا ماما انا بس عاوزاكي تعرفي اسمي .
ام العريس : 😂😂 اه صح محدش قالي علي اسمك .
اسلام : انا اسمي اسلام يا ماما .
ام العريس : باستغراب شديد ايه اسلام ازاي يعني .
الكل سكت وكان في صدمه كبيره والاب كان في غضب شديد جدا جدا والام كانت مكسوفه جدا .
اسلام : اه يا ماما انا اسمي اسلام وده اللي لزم حضرتك تعرفيه .
ام العريس : بغضب شديد 😠😠 يلا يا كريم نيجي في يوم تاني باذن الله .
الاب : استني بس الاسم مفيهوش مشكله اووي يعني .
ام العريس : مفيش مشكله يعني ابني يتجوزه واحده اسمها اسلام ازاي يعني .
كريم : طيب اهدي يا ماما انا معنديش مشكله مع الاسم المهم انها شخصيه كويسه وانتي مرتحالها صح .
ام العريس : ايوه يا بني بس ازاي يعني .
كريم : يا ماما احنا هناخدها بذنب اسمها ده حاجه ملهاش ذنب فيه وانا موافق عليها يا امي .
ام العريس : باستغراب موافق !
كريم : اه يا امي موافق .
اسلام : يا ماما انا والله مش هخليكي تعوزي اي حاجه وهتكوني مرتاحه معايا .
كريم : يا ماما انا هكون مطمن لو اسلام كانت معاكي وانا موافق انها تكون مراتي .
بصيت لكريم كده معقول ده اول واحد يقول ملهاش ذنب فيها وميخدنيش بذنب اسمي حسيت بحساس غريب جوايه معنو عاوز ده عشان مصلحته .
بس انا كمان عاوزه ده عشان مصلحتي .
ام العريس : ماشي يا بني مدام انت موافق عليها انا كمان موافقه .
وفعلا كريم طلع الشبكه ولبستها وامي زغرتط لولولولولولولولي و اول مره احس اني فرحانه مش عارفه ليه . معنه جواز مصلحه .
★★★★★★★★★★★★★★★
قاعدنا نضحك ونتكلم مع بعض لحد ما قامو عشان يمشو وسلمو علينا وانا سلمت علي ام العريس وقولتلها براحه متزعليش مني انا اسفه لو زعلت حضرتك.
ام العريس : بهدوء لا يا بنتي انا مزعلتش ده يبين انك صريحه جدا .
وخلصنا سلامات وفعلا مشيو وانا اول ما مشيو جريت علي الغرفه بتاعتي خايفه من بابا .
الاب : بغضب 😠😠 افتحي الباب ده وحيات امك لو كانت الجوازه باظت النهارده لكنت خلصت منك انتي محتاجه تتربي من اول وجديد افتحي .
الام : خلاص ونبي حقك عليا انا المهم الجوازه كملت والحمد لله .
الاب : مهي تربيتك يا ست هانم .
الام : معلش معلش حقك عليا انا .
الاب : ماشي اوعي من قدامي انتي كمان .
الام : افتحي يا اسلام ابوكي مشي خلاص .
اسلام : بجد يا ماما .
الام : والله مشي افتحي .
اسلام : فتحت الباب ادخلي بسرعه يا ماما .
الام : ايه اللي عملتيه ده .
اسلام : يعني عوزني اتجوز واحد ميعرفش اسمي ازاي يعني .
الام : أمه شكلها حبتك اووي .
اسلام : عارفه يا امي اول مره حد يحضني كده بجد .
كنت مبسوطه اوي وانا في حضنها .
الام : بكسوف بصت في الأرض .
اسلام : ماما انا مكنتش قصدي حاجه .
الام : عارفه يا بنتي عارفه .
اسلام : بس يا ماما هو عنده ٢٥ سنه وانا ١٦ سنه ده مش فرق كبير بنا .
الام : بضحكه بسيطه لا يا حبيبتي وبعدين هو شكله صغير مش باين عليه سنه .
اسلام : اه فعلا وشكله حلو اوي يا ماما .
الام : هو اسمه ايه ابوكي مقليش اسمه .
اسلام : اسمه كريم .
الام : ماشاء الله اسمه حلو .
اسلام : اه فعلا 😔 .
الام : طيب يا بنتي اسيبك تنامي واروح اشوف ابوكي .
اسلام : ماشي يا ماما تصبحي على خير .
الام : وانتي من أهله .
★★★★★★★★★★★★★★★★★★★
امي خرجت وانا جريت علي الدفتر عشان اكتب احساسي غريب اللي جوايا ده .
❤️❤️❤️❤️❤️❤️
لا تياس من رحمه ربك . ربك قادر يغير حياتك في لحظة . ويدخل حد في حياتك يعوضك عن اللي انت شوفته في حياتيك .
حتي ولو بكلمه بسيطه .