رواية احلام والاقدار الفصل الحادي عشر11بقلم هبه احمد
ذهب مسعد إلى صفوت فى الشركة وقال للسكرتيرة عوز اقابل البشمهندس صفوت
وفاءالسكرتيرة /في ميعاد يافندم
مسعد / لا انا عوزة ضروري قوليله انا من طرف البشمهندسة أحلام
وفاء /حاضر يافندم هبلغة ودخلت بلغت صفوت اللى قال لها دخليه بسرعة
دخل مسعد / وقال انا عوز أعرف انت ازاى مسمى نفسك راجل وأنت انسان زبالة معندكش ضمير
صفوت / انت مين وازاى تتكلم معايا بالطريقة دى انا ممكن أجيب لك الأمن يرميك برة
مسعد / طيب تعالي بقى يازبالة ياحيوان ومسك صفوت من ياقة قميصة
صفوت/ وفاء هاتى الأمن يرمي الحيوان ده برة
مسعد / طاااخ انا حيوان ياواطى يا عديم الضمير طااااخ على وشه دخل شريف على الصوت العالي ووراءة رجال الأمن وبعض موظفين الشركة
شريف /مفيش حاجة ياجماعة كل واحد على شغلة وقفل باب المكتب
كل ده ومسعد ماسك في صفوت و بيضرب فيه
شريف / ممكن حضرتك تقعد وتفهمنى هو فى ايه
مسعد / الحيوان ده كان السبب في خطف بنت عمى وكانت هتموت بسبب واحد معدوم الضمير زيه
شريف /عندك حق في كل كلمة قولتها وإنا بعتذر ليك وصدقنى أنا اتخنقت معاه ومش بتكلم معاه من ساعة ما عرفت
مسعد / وقد هدء شويه فقال اقسم بالله العلى العظيم لولا دخولك كنت هاخده معايا متكتف واحطة تحت رجل أحلام وهى ساعتها اللى تقرر تعمل ايه معاه
صفوت / انت فاكر انى كنت هاسكتلك
مسعد / نجرب ونشوف ورن على رقم شويه ودخل 8 رجالة بالسلاح
كبير الرجال اللى مسعد طلبهم تحت امرك يا كبير
مسعد / على فكرة سلاحهم مرخص
شريف /طلباتك يااستاذ أنا قولت لك انا اسف نيابة عن أخوية
مسعد / أنا كنت عوز أبلغ الأخ ده رسالة أن بنات الناس مش تسلية افرض انا مكنتش لحقتها كان ايه العمل كان ضميرك هيكون مرتاح
صفوت / صدقني انا مكنتش اعرف ان مجرد سؤال عن والد احلام هيحصل كل ده وانا فعلا غلطان وندمان صدقني انا بحب أحلام وعملت كده لانى استغربت اختلاف اسمها عن اسم اخوها ولما شريف راح ليها علشان ترجع الشغل وهى قالت إنها هتعمل شركة فبصراحة مكنتش مصدق كلامها وعلشان كده بعت مرسى و انت اكيد عارف الباقى
شريف/ انا بكرر اعتذارى لحضرتك واللى يرضيك احنا فعلا غلطنا
مسعد / للرجالة اللى معاه انزولو وانا جاى و راكوا
الرجالة / حاضر ياكبير
مسعد/ انا مسامح فى حقى بشرط اخواك ياجى لحد عند احلام ويعتذر ليها وادى تليفونى يتصل قبل ماياجى ولازم ياجى
شريف / ناجى بس بشرط
مسعد / انا محدش يتشرط عليه بس لانى استجدعتك فانا تحت امرك
شريف /تتغدا معانا علشان يكون عيش وملح
مسعد /الغدا عندى بأمر الله لما تاجوا
شريف /حاضر هناجى فى اقرب فرصة
مسعد/ قولت ايه يا بشمهندس صفوت
صفوت / بامر الله هناجى فى اقرب فرصة
ومشى مسعد على الصعيد
نروح عند احلام قاعدة مع عمتها خديجة تهانى روحت وخديجة هتقعد معاهم شوية
خديجة/ احكيلى عن نفسك كان مصطفى ومرأتة بيعاملوكى ازاى
احلام/ بابا مصطفى وماما سميحة دول اطيب واحسن ناس فى الدنيا ولا اخواتى محمد وحازم وايه واللمضة سميرة
خديجة / هم سموا سميرة على اسم امك الله يرحمها
احلام / ايوة ياعمتو انا هاقولك كانت حياتى ازاى معهم وحكت لها كل شيئ
خديجة / والله يابنتى لوكنتى بنتهم بجد مكانوا عملوكى كويس كده
احلام / عمرى ماعرفت انى مش بنتهم الا لما اتخانقت مع صفوت صاحب الشركة وسبت الشغل وقولت لبابا عوزة ادور على شغل فقاللى لا افتحى مكتب هندسى ولا شركة ولما قولتله منين قاللى بفلوسك اللى باباكى سابها ليكى انا حاطتها وديعة باسمك ده حتى البيت اللى بابا وماما الله يرحمهم اتقتلوا فيه شال نص تمنة ليه
خديجة / معقول فى حد كده
احلام / ايوة ياعمتو دحتى هو شغال فى شركة ومرضاش يفتح مشروع بفلوسة علشان محدش يعرف حاجة عنه
ويأزينى وبخاصة ان الزفت متولى ملقاش مع بابا فلوس
خديجة / ونعم الرجال ده راجل يتحط على الرأس يابنتى
احلام / هو ابويه اللى ربانى وماعرفش اب غيرة وماما سميحة رضعتنى مع محمد واخواتى احسن اخوات فى الدنيا
مصطفى/ انا كده هاغير منك بجد
احلام / ليه بئا انت عندك ماما كويسة وباباك اكيد راجل محترم
سارة / الله يرحمه
احلام / اسفة بجد ربنا يرحمه هو واموات المسلمين
مصطفى وخديجة / اللهم امين
مصطفى/ اعملى لينا سندوتشات وشاى ياسارة ممكن
سارة/ روح هات عيش فينو وتعالى
احلام / العيش اللى عمتو جيباه جميل هاتى منه احسن
سارة حاضر
نروح عند مصطفى درويش
الحاج مصطفى/ محمد حدد فرحك بقى يابنى طلما اطمنا على اختك
محمد / مش لما احلام تاجى وتعيش معانا زى الاول
الحاج مصطفى/ احلام وراها حاجات لازم تعملها قبل ما تاجى
حازم / بابا ممكن سؤال
الحاج مصطفى/ اتفضل يابنى
حازم / الا انت عرفت مسعد ازاى وانت عمرك ماشوفته
الحاج مصطفى/ انا شوفته كذا مرة فى اسيوط بس هو ماعرفنيش
محمد /هو انت كنت بتروح اسيوط يابابا
الحاج مصطفى/ ايوة وشقتى لسه باسمى لما بروح ببات فيها وعاطى المفتاح لجاراتى وبنت خالى فى نفس الوقت هى بتنضفها و واخده بالها منها
حازم / انت بتلعب من ورانا يا بابا الحقى ياماما
ماما سميحة / اطمن انا عارفة كل حاجة ياخفيف
الحاج مصطفى/ انت ولد رزل اموال كنت هاشوف قرايبى ازاى وكان لازم اعرف تحركات متولى علشان كنت خايف عليكم
محمد/ انت وماما اتحملتوا كتير
الحاج مصطفى/ كان لازم اكون اد المسئولة دى بنت صاحب عمرى واخويا
محمد / عوزين نبقى نروح اسيوط ونقعد مع احلام شوية وحشتنى بجد
الحاج مصطفى/ متخفش عليها مسعد ده راجل بجد وبعدين هى قاعدة مع عمتها واولادها
حازم / مترجع تقعد معانا زى الاول
الحاج مصطفى/ هى عوزة تنتقم لابوها بس بطريقة صح
محمد/ مش فاهم يابابا انا خايف عليها
اية / يعنى مش هنشوفها تانى دى وحشتنى كتير
الحاج مصطفى/ اكيد هنتحمع تانى ياحبيبتى
صباح نهار جديد
نروح عند احلام
الباب بيخبط خديحة افتح يامطصفى
مصطفى /صباح الخير ياامى حاضر
خديجة /صباح الفل على عيونك يا حبيبى
مصطفى / يافتاح ياعليم اتفضل
مسعد / يارب متكنوش فطرتم
مصطفى/ لسه ياغلس شكلك راكن هنا روح شوف مرأتك هى ما وحشتكش
مسعد / ملكش صالح هى راضية ياعمتى انتى فين
مصطفى/ وطيئ صوتك ياجدع الناس نايمة
مسعد/ كل يقوم علشان الفطار ساخن
خديحة/ تعالى ياولدى اتفضل
مسعد /سلم على عمتة وباس ايدها عاملة ايه ياغالية
خديجة / بخير ياحبيبى ربنا يبارك فى عمرك
مسعد / ويخليكى يا حبيبتى هى احلام لسة نايمة
احلام / صباح الخير هو حد يعرفك ويعرف ينام
مصطفى/ ههههه سمعت انا كده صح
مسعد / بقى كده يابنت عمى ماشى حسابنا بعدين خدى حاجاتك والحاج مصطفى واخواتك بيسلموا عليكى
احلام / شكرا يامسعد تليفونى كان وحشنى
الكل ضحك على كلامها
خديجة / يلا يا احلام انتى وسارة حضرو الفطار خدو الحاجات دى
احلام / حاضر ونادت على سارة وحضروا الفطار
سارة/ الفطار جاهز
مصطفى/ يلا الفطار
مسعد/ براحة عليه دانا بروضة مسعد اوعى تنسى
مصطفى/ هههه ظريف بجد
بعد الفطار مسعد حاجتك تمام يااحلام عوزة حاجة اروح اشوفى مرأتى ومصالحى وهابقى اجاى تانى
احلام / عوزاك تروح معايا البنك وعوزة اتكلم معاك بس تكون عمتى تهانى تكون موجودة علشان نقرر ها نعمل ايه
مسعد / سابينى النهاردة وبكرة وبعد بكرة الصبح هاكون عندك
مصطفى/ اشمعنى بعد بكرة ههههه
مسعد / خايف مرأتى تخلعنى ههههه وابويه يتبرأى منى
احلام / ههههه ضحكتنى والله
سارة / انا هاقول لام عبدة وشوف شغلك بئا ههههه
مسعد / متخفيش انا واثق من مرأتى حبيبتى
احلام / ياخرابببببىىىىى انت بتتكلم زينا ههههه
مسعد / هامشى وهاجى انا وعمتى بأمر الله
الكل مع السلامة
سارة / مسعد ابقى جيب معاك عيش فلاحى علشان عجب احلام
مسعد / عيونى حاضر
احلام/ تصدق يامصطفى مكنتش اعرف ان ممكن اقابل حد صعيدى بيضحك كده
مصطفى / مسعد ده راجل بمعنى الكلمة بجد
سارة / امال لو شوفتى عزيزة مرأتة حتة سكرة متعلمة معها كلية شريعة وقانون هى كمان
احلام / يعنى هم الاتنين خريجين من نفس الكلية
سارة / وكانوا بيحبوا بعض جامد تصورى هو اتجوزها وهم فى الجامعة وخلفوا عبدة قبل مايتخرجوا
احلام / معقول ربنا يسعدهم وعقبالك
سارة / لسه بدرى لما اخلص جامعة الاول
نروح عند الحاج متولى
الحاج متولى/ ولد ياسالم
سالم / نعم ياجدى
الحاج متولى / روح شوف مسعد ابن عمتك لو لقيته قوله جدك عوزك
سالم/ حاضر ياجدى وراح بيت مسعد
سالم / عبدة ياعبدة
عبدة / تعالى ياسالم جيت فى وقتك تعالى سمعلي السورة
سالم / مش دلوقت هو ابوك موجود
عبدة / ايوه جوه
سالم / قوله جدى عوزك
عبدة / حاضر طلع مسعد و مسك سالم من دماغة بهزار وقالله ادخل كل مع عبدة انا رايح لجدى
سالم / حاضر ياعمى مسعد
مسعد راح لجده
مسعد/ السلام عليكم ياجدى كيفك وباس ايده
الحاج متولى /فينك ياولدى مش باين
مسعد / مشاغل ياجدى والله ولد يا ياسين عوزين شاى
ياسين (ابن منصور واخوا سالم الكبير )
ياسين / حاضر جاى وجاب الشاى
ياسين / اتفضل ياجدى اتفضل ياعمى مسعد
مسعد/ عامل ايه فى المدرسة
ياسين / كويس الحمد لله
مسعد/امال خالى منصور فين ياجدى
الحاج متولى /فى الارض الجديد هياجى الليلة بأذن الله
مسعد /يرجع بالسلامة ياجدى كنت عوزة حاجة
الحاج متولى / سلامتك ياولدى متبقاش تغيب علىه
مسعد /حاضر ياجدى اشوفك على خير تأمرنى بشيئ
الحاج متولى / ربنا يبارك فى عمرك ياولدى
مشى مسعد وراح لعمتة تهانى واتفق معاها يرحوا عند احلام بكرة
صباح جديد
احلام /عمتو مسعد اتأخر
خديجة / زمانة جاى يابنتى
احلام/ انا هاعمل قهوة الا مصدعة اعملك معايا
خديجة / ياريت يابنتى انا كمان مصدعة
الباب خبط احلام عمتو افتحى الباب
خديجة / يادى النور نورتى يا تهانى تعالى امال مسعد مجاش معاكى ليه
تهانى / مسعد بيجيب حاجة وجاى
خديجة / تعالى ادخلى
احلام / ازيك ياعمتو تهانى
تهانى / الله يسلمك يابنتى كيفك دلوقت
احلام/ الحمد لله بخير
مسعد / السلام عليكم
الكل وعليكم السلام
احلام / نجيب فطار ليكم
مسعد/ لا فطرنا وخدى الحاجة دى للمطبخ عوزك تعملى اكل اسكندرانى هههه
احلام / حاضر ودخلت الحاجة وجت
احلام /بصوا انا عوزة اخد رأيكم فى حاجة
مسعد / اتفضلى
احلام /عوزة حته ارض كبيرة تكون فى حدود البلد عندكم
مسعد/ افهم عوزاها ليه
احلام/ عوزة اعمل مستشفى وحضانة ومجمع مدراس ومشغل ومصنع لمنتجات الالبان ومصنع لتعبئة الخضروات والفاكهة يصرف على المستشفى وكله يبقى صدقة جارية على روح ماما وبابا
تهانى / والله احسن حاجة تعمليها
احلام / وعوزاك تاجى معايا البنك اسحب فلوس لتمن الارض
مسعد / هو فى عشرة فدن بتاعوا مرأت صالح محمود وهى قاعدة عند اهلها ومش طايلة من المؤجرين لاحق ولا باطل وابوها كان مكلمنى اشوف ليها بيعة
احلام / دكده تمام الارض باى تمن
مسعد / حاضر يلا على البنك علشان عوز ارجع البلد النهاردة
احلام /ماشى