رواية احلام والاقدار
الفصل الثاني2
بقلم هبه احمد
احلام / السلام عليكم
ماما سميحة / وعليكم السلام
حازم / ازيك ياست الكل وباس ايدها
ماما سميحة / تسلم ياحبيبى يلا غيرو على ماجهز الغدا
احلام / ارتاحى ياماما وانا هاغير واجى احضر الغدا
ماما سميحة / طيب اصحى بابا
احلام / يلا يابنات الاكل هيخلص
اية وسميرة / جينا اهو
الحاج مصطفى / ازيكم ياولاد عاملين اية
الكل الحمد لله
الحاج مصطفى / مالك يااحلام مبتكليش ليه
احلام / شبعت يابابا الحمد لله هاعمل الشاى ودخلت المطبخ
الحاج مصطفى / اختك مالها ياحازم
احلام / بابا ممكن نشرب الشاى فى الصالون عوزة اتكلم معاك فى حاجة
الحاج مصطفى /حاضر يابنتى خير ان شاء الله
اية / انا هاغسل الاطباق روحى انتى بالشاى لبابا
احلام / حاضر ياحبيبتى
احلام / اتفضل يابابا ماما الشاى حازم الشاى
حازم / انا هادخل اذاكر
احلام/ لا خليك اسمع لوسمحت
حازم / انا عارف اللى هتقوليه ياحبيبتى وقولت رأيى
الحاج مصطفى/ خلاص ريحها واقعد
حازم / حاضر يابابا
ماما سميحة / فى اية وجعتوا قلبى ياولاد
احلام / انا سبت الشغل
ماما سميحة/ ليه يابنتى دانتى حتى بتحبى شغلك وبقالك سنين فيه
احلام / حكت اللى حصل
ماما سميحة/ يالهوووووي ليه كده يابنتى
احلام / علشان يلزم حدودة
الحاج مصطفى/ انتى غلطتى يااحلام كان فيه حل تانى غير الضرب افرضى هو مد ايده عليكى كان الموضوع كبر يابنتى كنت سبتى الشغل وخلاص
احلام / مكنش هينفع يابابا ده كان ماسك ايدى جامد معرفتش اخلية يسبنى غير بكده
الحاج مصطفى/ وهتعملى ايه دلوقت
احلام / هاكمل رسالة الماجستير بتاعتى وادور على شغل تانى
الحاج مصطفى/ شغل عند حد تانى لاا عوزة تشتغلى افتحى مكتب هندسى وانتى عندك الخبرة وشوفى مهندسين خبرة كمان وابدأئ
احلام / منين بس يابابا ده عوزة اكتر من 250 الف لو فى مكان ميت
الحاج مصطفى/ انتى معاكى كتير ياحبيبتى دفوائد الوديعة بس تفتح ليكى احسن واكبر مكتب فى البلد
احلام / وديعة اية مش فاهمة حاجة
الحاج مصطفى/ قومى ياحاجة هاتى الصندوق اللى انتى شياله
ماما سميحة/ حاضر جت بصندوق وقالت اهو ياحاج اتفضل
الحاج مصطفى/ خدى يااحلام الحاجة دى تخصك دى ورثك من باباكى وماماتك الله يرحمهم
حازم/ ازاى ماانتم موجودين اهو ربنا يطول عمركم
الحاج مصطفى / احلام بنتى مش اختكم دى بنت مصطفى نور الدين محمود صالح صاحب عمرى الله يرحمة
احلام / اكيد حضرتك بتهزر صح انا بنتك انت وماما
سميحة ومش علشان عملت مشكلة تقوم تقول كده انا هادور على شغل تانى ومش هاعمل مشاكل اسفة يابا مش هاعمل مشاكل مع حد تانى
الحاج مصطفى/ بصى يابنتى انا غلطان انى ماقولتقيش من الاول على الحقيقة دى انتى فعلا بنتى وعمرى مافرقت بينك وبين اخواتك بس لازم تعرفى الحقيقة
احلام/ اوعك تكونى انتى كمان مش ماما
ماما سميحة/ امك تبقى بنت اخت ستى من ابوية الله يرحمها وكمان انا اللى مرضعاكى لما ماما وبابا الله يرحمهم اتقتلوا
احلام / هم كمان ماتوا مقتولين طب ازاى وليه
الحاج مصطفى/ اهدى يابنتى وانا هافهمك
احلام / بنتك ايه بقى ده خلاص انا بقيت مليش حد انا بنت ابوها وامها اتقتلوا والله اعلم الله اعلم هم كانوا بيشتغلوا اية غلط ولا كانوا عملين مصيبة ايه
الحاج مصطفى/ اسكتى يابنتى ابوكى الله يرحمة كان راجل محترم وامك كانت اشرف ست
احلام / انت لسه بتقول يابنتى كفاية شفقة بئا انا عوزة اعرف كل حاجة ممكن
ماما سميحة/ اهدى وبابا هيقولك على كل حاجة
الحاج مصطفى/ افتحى الصدوق اللى قدامك فيه كل الاوراق اللى تخصك ودهب ماماتك كل حاجة
احلام/ فتحت الصدوق لقت فية دهب كتير وجريدة بتحكى عن هذة الحادثة البشعة وصور كتير لرجل وست واخرى للحاج مصطفى وماما سميحة معاهم قعدت تصرخ وتقول انا مين وليه هم يموتوا اشمعنى انا اللى بقيت يتيمة حد يفهمنى
حازم/اخد احلام فى حضنة وقال اهدى ياحبيبتى كفاية عليها كده ياحماعة بابا من فضلك سابها النهاردة كان يوم صعب عليها
ماما سميحة/ انا كنت خايفة من اليوم ده ليه اتكلمت ياحاج
الحاج مصطفى/ علشان ماتحسش انها محتاجة لحد كان لازم تحس انها قوية تقدر تقف قدام اى حد بنفس السلاح بتاعة
حازم / ليه متكلمتش من زمان يابابا وبعدين دى اختينا وهتفضل كده طول العمر
الحاج مصطفى/ علشان كنت خايف عليها لحد يقتلها زى ما قتل ابوها وامها علشان فلوس ابوها ويقتلنى انا وانتم علشان انا هربت بيها انا بعت شركتى بنص التمن وجيت اسكندرية واشتغلت مواظف بماليم كنت بدفعهم بقشيش فى غدوة وحمدت ربنا ان ابوها اسمة مصطفى علشان متسألش وتعرف الحقيقة وعشنا زى ناس المنطقة وكمان كنت بتقطع واخواك مسافر وانا اقدر اجيبله الشقة واجوزة خوفى عليها كان اكبر فاهم
احلام / اسفة بجد انا اتسبب ليكم فى مشاكل وعيشتكم فى الفقر والخوف حقكم عليه انا ورحت مغمى عليها
الحاج مصطفى/ شيل اختك ونيمها على سريرها وانزل هات الدكتور خالد زمانة لسه صاحى وانتى ياحاجة استرى بنتك بطرحتها وغطيها
اية / انا لبستها طرحتها وغطيتها يابابا
الحاج مصطفى/ خليكم جنب اختكم ياولاد دى حتة مننا
حازم /حاضر ياباب
اية / دى تعتبر امى واختى يابابا
ماما سميحة/ مش عارفة اللى عملناه غلط ولا صح جيب العواقب سليمة يارب
حازم / اتفضل يادكتور
الدكتور خالد/ مساء الخير خير ياعم مصطفى
الحاج مصطفى / اتفضل يابنى روحى مع الدكتور ياحاجة
الدكتور خالد / هى عندها انهيار عصبى انا عطيتها حقنة هاكتب ليها الدوا ده و بلاش حد يضيقها عن اذنكم الف سلامة عليها السلام عليكم
الحاج مصطفى / تعبانك معانا يادكتور اشكرك
الدكتور خالد/ عيب ياعمى مصطفى انا ابنك
الحاج مصطفى/ تسلم يابنى
حازم وصل الدكتور خالد وجاب العلاج وقال العلاج يااية بابا ممكن تفهمنى هو فى ايه
الحاج مصطفى/ انا تعبان دلوقت مش قادر بجد هادخل انام شوية ياحاجة فهمى حازم على كل حاجة وهو يبقى يفهم اخواتة واولاهم احلام
ماما سميحة /حاضر اطمن على بنتى الاول واجى
حازم / ماشى يابابا
نروح عند البشمهندس صفوت
شريف / مساء الخير يابشمهندس
صفوت / مساء النور كنت فين سها مرأتك سألت عليك
شريف / انا طالع اهو قولت اطمن عليك انت و ماما وتامر وشيماء واطلع
صفوت / انا كويس وماما جوة نايمة دلوقت
شريف / طيب تأمرنى بحاحة على فكرة انا بعد اذنك
هاحاول ارجع البشمهندسة احلام الشغل تانى
صفوت / تمام اللى تشوفة صح اعملة
شريف / تامر وشيماء عاملين اية فى الدراسة
صفوت / كويسين هم فى الدروس دلوقت ممكن تركز فى الشغل اليومين دول
شريف / حاضر ياكبير سلام
صباح يوم جديد
==========
ماما سميحة/ يلا يابنات الفطار جاهز بلاش تشغلوا النور علشان اختكم
اية/ مش مهم كلية النهاردة وافضل جنب اختى
ماما سميحة/ لا روحى كليتك انا معاها اهو وبابا النهاردة اجازة
اية/ حاضر يلا ياسميرة هتتاخرى
حازم / صباح الخير احلام عاملة ايه
ماما سميحة/ لسة نايمة يلا افطر علشان متتأخرش
حازم / حاضر ياماما يلا يابنات
شوية وفون احلام رن اية خدى ياماما دى جميلة
ماما سميحة/ السلام عليكم
جميلة / وعليكم السلام فين احلام اتأخرنا ياانطى
ماما سميحة/ هى تعبانة شوية مش هتقدر تروح الشغل النهاردة
جميلة / الف سلامة عليها هابقى اطمن عليها النهاردة لما ارجع
ماما سميحة/ تنورى حبيبتى
اية وسميرة احنا ماشين ياماما سلام
ماما سميحة/ مع الف سلامة
حازم / ماما خلى بالك من احلام محدش يعصبها علشان متتعبش
ماما سميحة/ حاضر ياحبيبى توكل على الله
ودخلت المطبخ تغسل الاطباق شوية وسمعت بكاء احلام
ماما سميحة / صباح الفل ياحبيبتى
احلام / صباح النور ياطنط
ماما سميحة/ بقى كده يابنت قلبى بقيت طنط الله يسامحك
احلام / اسفة مش عوزة اخد حاجة مش من حقى انا بقيت غريبة اية وسميرة ومحمد وحازم اولى بكلمة ماما منى
ماما سميحة/ بصى ياحبيبتى الام مش اللى ولدت الام هى اللى سهرت وربت وعانت علشان كده انتى بنتى وحبك فى قلبى زيهم والله
احلام / اسفة ياماما
ماما سميحة/يلا هاحضر الفطار واصحى بابا علشان نفطر سوا
احلام / خليكى انا هاحضر الفطار وكمان هاصحى بابا ونفطر
ماما سميحة/ حاضر ياقلبى
احلام / بابا بابا يلا الفطار وبتفتح الباب لقيت بيشيل سجادة الصلاة وقال صباح الفل يابنتى
احلام جرت عليه وباست ايدة اخدها فى حضنه وقال ربنا يبارك فيكى ياحبيبتى يلا نفطر
احلام / الفطار ياماما
ماما سميحة/ صباح الخير ياحاجة
احلام /انا هاعمل الغدا تحبوا تتغدو ايه
ماما سميحة/ نعمل باشمل وفراخ مشوية
احلام / حاضر بابا هو بابا كان عيش فين قبل مايتجوز ماما
الحاج مصطفى/ فى اسيوط يابنتى بتسألى ليه
احلام/ لانى هنزل علشان عوزة اعرف كل حاجة عنهم
ماما سميحة/ بصى ياحبيبتى انسى انك تروحى هناك علشان محدش يأزيكى
الحاج مصطفى / بصى يابنتى هم فاكرين انك موتى قبل ابوبك وامك ما يتقتلوا لان الحاجة كانت قاعدة بيكى انتى ومحمد فى جنينة الفيلا
احلام /.بابا ممكن اعرف اية اللى حصل وماتو بالطريقة البشعة دى ليه
الحاج مصطفى/ علشان الفلوس يابنتى
احلام / طب ازاى يابابا
الحاج مصطفى/ بلاش النهاردة نحكى على اى حاجة انا بجد تعبان جامد عوز اريح اعصابى وافكر صح فى اللى هنعملة
احلام / حاضر ياحبيبى الف سلامة عليك
ماما سميحة/ الشاى يلا عوزين احلى مكرونة وانا هنزل اجيب الفراج ولوزام البيت بقالك ايه تاجى معايا تشمى هوا ونجيب طلبات البيت وناجى نعمل الاكل سوا
احلام / ماشى ياماما هالبس
الحاج مصطفى / انا هانزل ورايا مشوار
احلام / خلى بالك من نفسك ياحبيبى
الحاج مصطفى /حاضر هالبس وانزل
ناجى للشركة عند شريف
شريف / وفاء مفيش اخبار عن احلام
وفاء / لا مش بترد على الفون النهاردة هو مقفول
شريف / طيب متعرفيش عنوانها بالضبط
وفاء / انسة جميلة هى اللى تعرف لانهم بيجوا مع بعض ويروحوا مع بعض
شريف/ جميلة بتاعة الحسابات
وفاء / ممكن اسأل ليه حضرتك بتعمل كدة اصلى مستغربة
شريف / علشان انا حاسس بالذنب صفوت بهدلها بسببى التصميم كان عندى وهى ملهاش ذنب وكمان علشان هى الوحيدة اللى وقفت قدام صفوت من غير ماتخاف منه
وفاء / فى دى عندك حقك دى كانت بترد عليه ولاهمها ان ده صفوت صاحب الشغل الحازم
شريف / على فكرة هاقولة هههههه
وفاء /والنبى بلاش خلينا ناكل عيش هههههه
نروح عند الحاج مصطفى قاعد مع ابن خالة فوزى
(فوزى عايش طول عمرة فى الاسكندرية من اول ما خلص جامعة بيروح البلد فى المناسبات وبيعرف كل الاخبار من اخواتة وبيبلغ بيها مصطفى ومحدش يعرف انه على اتصال بمصطفى ومتزوج اسكندرنية ومعاة 3 اولاد )
الحاج مصطفى/ اللى كنت خايف منه انكشف يافوزى
فوزى / هى عرفت كل حاجة
مصطفى / حكى لة باللى حصل وفى الاخر قالة انا هاقول ليها كل حاجة بكرة
فوزى / ربنا يكون فى عونها خلى بالك صعب عليها اللى هى فية
الحاج مصطفى / عارف والله هامشى ولوفية جديد هبلغك سلام عليك
فوزى / مع الف سلامة