رواية اميرة الجيل
الفصل الثالث3والاخير
بقلم نشوه عادل
- مش ممكن الاميرة ... الاميرة وصلت واخيرا نورتى يا اميرتنا
رزان باستغراب: هو جلالتك تقصدنى انا؟
الملك هوشيام: ايوة انتى الاميرة المنتظرة
رزان: انا مش فاهمة اى حاجة
هوشيام: تعالوا ورايا وانا هفهمك كل حاجة
دخل الملك الى غرفة بها مكتبة كبيرة مليئة بالكتب القديمة الذى نثر عليها الزمن الثرى ما عدا كتاب واحد كان يوجد بمنتصفها وصحفه مفتوحة وكأن حروفه كتبت من ذهب اخذه الملك وقرأ جملة كأنها الاهم وهى: وستأتى الاميرة لا محالة من الجيل الرابع لعائلة الكراريين ومن العلامات التى تدل عليها انها تمتلك كل قوى المصاصين والمستذئبين وستكون هى الناهية لكل شرور هذا العالم الغامض ومن دلالة انها الاميرة وجود النجمة اللامعة على جبينها
انهى الملك جملته وذهبت رزان تقف امام مرآة ترى انعكاسها لتجد نجمة تلمع على رأسها ثم نظرت للملك: يعنى ايه اميرة الجيل الرابع من عائلة الكراريين
هوشيام: كل العائلة الملكية بما فيهم انا من عيلة واحدة يربطنا صلة دم والحقيقة ان جدك الاكبر يدعى كرار وكان موجود من اكثر من ٤٠٠ الف سنة وقعت ساحرة فى حبه لكنه رفضها عشان كده عاقبته بأنها القت ع ابنه لعنة حولته لمصاص دماء وكل ١٠٠ الف سنة بيظهر له حفيد او حفيدة مصاصين دماء او مستذئبين والمذكور فى الكتاب ان الاميرة هتكون من الجيل الرابع يعنى فى ١٠٠ الف سنة الرابعة وانتى هى الاميرة دى المختارة
رزان: طيب انا ايه المطلوب منى بالظبط ؟
هوشيام: انتى المختارة عشان تغيرى من قوانين العالم ده لان كلهم بلا استثناء يملأهم الشر وانتى الوحيدة اللى قادرة تنهى كل ده وتسيطرى عليهم وتحمى بقيت العوالم من شرهم وقتها هتنكسر اللعنة بتاعت الساحرة والاحفاد اللى بعدنا هيكونوا بشريين عاديين
رزان: طيب سؤال مهم انت قولت ان كل ١٠٠ الف سنة بيكون فيه شخص بيتحول طيب ازاى بقيتوا عدد كبير ؟!
هوشيام: لاننا اتجوزنا فتكاثرنا
رزان: طب انا هقدر اعمل كده ازاى؟
هوشيام: لازم تأمنى بقدراتك عشان تعرفيها وتقدرى تتحكمى فيها وتحكمى العالم ده وخلى بالك احنا مش مصاصين ومستذئبين بس فيه مخلوقات كتير غيرنا
رزان: احب اشوفها
هوشيام: ده اكيد لانهم شعبك وخلى بالك مش كلهم يغلبهم طابع الشر المصاصين والمستذئبين فقط .. أهيل
أهيل: نعم يا مولاى
هوشيام: خد الاميرة وعرفها ع شعبها واعمل حفلة واعلن فيها عن قدوم الاميرة المنتظرة
بالفعل أخذ اهيل رزان حيث شعبها وكانت مصدومة لرؤية كائنات غريبة منهم اقزام وعمالقة وقناطير وهم عبارة عن رأس انسان وجسد حصان وغيرهم الكثير وبعد ان فهمت رزان كل شئ خاص بمملكتها جاء وقت الاحتفال وقدمها الملك لشعبها اللى معظمه تضرر لوجودها لانه يعلم مدى قوتها المذكورة واللى بدأت تبان شيئا فشيئاً مع مرور الوقت تمكنت رزان من السيطرة على ذمام الامور كافة وبدأت تتقبل حياتها الجديدة واحدثت التغيير المطلوب
هوشيام: انا فخور بيكى يا اميرتى حال المملكة بقى افضل من يوم ما نورتينا
رزان: شكرا لك يا مولاى
هوشيام: عندى ليكى مفاجأة هتحبيها اوى
رزان: خير
اشار هوشيام بيده ودخلت منه اشجان مربية رزان وما ان رأته هرولت اليها بحب ممزوج بدموع: دادة وحشتينى اوى انتى كويسة بابا وماما وروان بخير
اشجان: الكل بخير يا حبيبتى
رزان باستغراب: ثوانى بس هو انتى جيتى هنا ازاى؟!
اشجان بضحك: وفيها ايه؟
رزان: انتى مش من عالمنا فازاى جيتى؟!
اشجان: ومين قال انى مش من العالم بتاعك يا رزان
رزان بدهشة: ها .......... فجأة تحولت اشجان الى بومة جميلة
هوشيام: دى البومة اشجان وهى المسؤلة عن انها تكون موجودة اول بأول بجانب المتحولين من البشر من صغرهم فى العيلة بتاعتنا لانهم طبعا ملكيين
رزان: طب ....طب ليه مقولتليش من البداية
اشجان: لان دى الاوامر يا رزان
رزان: اهلى وحشونى اوى يا دادة
اشجان: متقلقيش هما بخير لكن مبقاش ينفع وجودك فى عالمهم انتى مش من البشر
وبعد هذا اليوم ازيلت اللعنة عن عائلة الكراريين وتقبلت رزان حياتها الجديدة وتزوجت من أهيل وحكمت مملكتها بالعدل والحب الذى زرعته بقلوب شعبها وحولتهم للافضل
وبكده نقول خلصت الحكاية وشكرا من قلبى للناس اللى دعمتنى انى اكمل الاسكريبت
تمت