رواية بسمتي
الفصل الرابع4
بقلم حليمة عدادي
في بيت جميلة رحبت بعلي وكريم
جميلة بإبتسامة : أهلاً وسهلاً يابني إتفضلوا ..
علي : إحنا آسفين يا طنط إننا جينا من غير ميعاد ..
جميلة : مافيش مشكله يابني ..
علي : آنسه بسمة أنا آسف أنا عارف إني زعلتك بتمنى تسامحيني ..
بسمة : محصلش حاجه أنا بتفهمك ..
كريم بهزار : إنتي مسمحاه من قلبك ..
بسمة : أيوه مسمحاه من قلبي ..
وهما قاعدين بيتكلموا سمعوا خبط على الباب
جميلة : بسمة شوفي مين اللي جه ..
بسمة : حاضر ياماما ..
بسمة فتحت الباب اتصدمت من اللي كان على الباب رجعت تجري واستخبت وراء أمها وهي بتعيط
جميلة بقلق : في إيه يابسمة فيكي إيه يابنتي ..
بسمة برعب : جدي جه علشان ياخذني اعملي حاجة ياماما ..
دخل راجل كبير في السن ماسك في إيده عصايه يخبط بيها على الأرض وباين عليه الجبروت
منصور: هي دي تربيتك لحفيدتي إنها تجري لما تشوفني أنا وأعمامها ..
جميلة : إنتوا عايزين مننا إيه جيتوا ليه ..
منصور بغضب : إنتي هربتي يوم ما كنا عايزين نجوزك لحسن وجابت الفضيحة لعيلتها ..
جميلة : إنتوا مش مكسوفين من نفسكم بعدما جوزي مات كنتوا عايزين تجوزوني لأخوه ودلوقتي جايين ورايا عايزين مني إيه ..
حسن : جينا علشان ناخذ بنت أخويا ..
جميلة بحدة : مش هتاخذوا بنتي مني أنا مش هسمحلكم إنكم تاخذوها ..
منصور : هناخذها ونجوزها لإبن عمها ..
علي وكريم كانوا قاعدين وهما مش فاهمين حاجه لكن لما شافوا بسمة وهي مرعوبة عرفوا إنه راجل مش سهل ..
كريم اتدخل : هتاخذوها إزاي وهي مش عايزه تروح معاكم هو مافيش في البلد قانون ..
منصور : ماعدش عندك حيا ولا خجل بتدخلي رجاله لبيتك في عز النهار أنا هاخذ حفيدتي ولو عملتي حاجة هخلص عليكي والنهاردة هيكون كتب كتابها ..
بسمة ببكاء : لا أنا مش عايزه أنت مش هروح معاكم سيبوني في حالي ..
حسن : لما يتكتب كتابك هتيجي معانا غصب عنك ..
منصور : حسن كلم المأذون وإبنك علشان ننهي الموضوع دا بسرعة ..
حسن : حاضر يابابا ..
بسمة بإنهيار : أنا مش عايزه إبعدوا عني أنا مش عايزاكم ..
ووقعت مغمى عليها جميلة جريت ناحيتها
جميلة بخوف ودموع : بنتي فوقي ياحبيبتي أنا مش هسيبهم يأخذوكي ..
علي : إنتوا إزاي عايزين تجوزوا بنت متجوزه ..
كلهم بصوا لعلي بإستغراب
منصور : ياترى مين هو جوزها ..
علي بثقة : أنا جوزها على سنة الله ورسوله ..
حسن ضحك بصوت عالي
حسن : هههه جوزها إزاي وإنت بالحاله دي ..
جميلة : ومالها حالته علي جوز بنتي وهي بتحبه وعايزه تكمل حياتها معاه ولو كنت بتقصد اعاقته فالإعاقة مش إعاقة الرجلين الإعاقة إعاقة القلب والعقل ودي عندكم ..
منصور بغضب : اسكتي يامرة فين عقد الجواز اللي يثبت كلامه ..
علي : إحنا لسه متجوزين جديد وعقد الجواز لسه مطلعش اعطينا مهلة ..
منصور بغيظ : أنا همشي دلوقتي وهرجع بكرة ولو اكتشفت إنكم بتكذبوا عليا ساعتها تصرفي مش هيعجبك لا إنتي ولا بنتك
أنا هسيب رجالتي هنا ولو حاولتي تهربي هيقتلوكي يلابينا ياحسن ..
غادروا المكان جميلة قعدت وهي حزينة هي عارفه جبروتهم وقسوتهم
كريم : هتعملي إيه دلوقتي ..
جميلة : بنتي في خطر مش هيسبوها في حالها ..
علي : هما ليه مصرين ياخذوا بنتك ..
جميلة : أبوها سابلها أرض بإسمها وهما عايزين ياخذوها منها وكمان بيت في المدينة عايزين ياخذه ..
كريم : روحي للبوليس واشتكي عليهم وهما هيحموكي ..
جميلة : هما مراقبني ولو اتصرفت أي تصرف هيقتلوا بنتي هما مافيش في قلبهم رحمة ..
علي : كريم اسمع اللي هقولوا كويس إنت هتروح وتجيب مأذون وتيجي وهيعملنا عقد جواز بتاريخ قديم وبكدا جدها هيبعد عنها لما يشوف ..
كريم : مين اللي هيتجوزها هنلاقي حد يوافق على الجواز ..
علي : أنا اللي هتجوزها وهتبقى في حمايتي لحد ماجدها يبعد عنها وبعد كدا هطلقها إيه رأيك ياست جميلة ..
جميلة : اللي تشوفه يابني ..
كريم خرج وعلي قعد يفكر اللي بيعملوا دا صح ولالا
*********************************************
عند بسمة لما فتحت عينيها افتكرت كل اللي حصل شافت جوري قاعدة جنبها
بسمة ببكاء : ماما علشان خاطري ابعديهم عني ..
جوري : اهدي ياحبيبتي خلاص مشيوا ..
بسمة : إنتي بتتكلمي جد ..
جوري بفرحة : أيوه مشيوا يلا قومي جهزي نفسك ياعروستنا ..
بسمة بإستغراب : إيه ..