رواية بعد عقد قران
الفصل العاشر10
بقلم ريم ابو القاسم
بعد وصلنا البيت نزلته قبليهو دخلته مع اسراء لقينا مرت عمي سالتنا اليوم كيف قلتا ليها كويس شديد بس فاتني كتير والله ، ما تخافي انتي زوله ممتازه ان شاء الله بتلحقي بس الفتره دي اضغطي نفسك شويه ، قلته ليها ان شاء الله، يلا ادخلو
غيرو و تعالو اكلو ليكم حاجه ، دخلتا الغرفه و اسراء مشت غرفتا رميت الشنطه و الاسبورت كل فرده في مكان و الملابس في نص السرير و دخلته الحمام ، اثناء ما انا جوه سامعه كركبه زي في زول في الغرفه قلته يا اسراء دي انتي ما في صوت تاني كررته اسراء ما جاني صوت قلته
معناها ما في زول يكون الصوت بره اها خلصته و مرقته لقيت ملابسي والاسبورت و الشنطه وكلو في كوم ملفوف 💔 و مصطفى قاعد في الكنبه شغال بالتلفون ، قلته لي مصطفى ممكن افهم ده شنو ، انا البسألك ده شنو كيف تكوني انسانه همجيه بالشكل ده لا نظام لا ترتيب يلا عشان
انا انسان منظم و ما بحب الجوطه في المكان القاعد فيو كومتهم ليك زاتو تقدري تلقيهم بسهوله ، كيف جوطه ملابس وسخانه علي اسبورت
علي شنطه تلفهم لي سواء دي شنو العقليه المتخلفه دي ، انتي توريني عن التخلف والعقليه ما تنسى اصلك انك جايه من بيئه ف انا مفروض اتوقع اي شي منك ، كلامو زعلني شديد و حسيت بي اهانه كيف يقول لي بيئه ، مشيت بغضب لميت حاجاتي وديت الملابس في السبت و الشنطه
علقتها و الاسبورت دخلتو تحت الكرسي قعدته بي هدوء سرحته شعري لبسته لي توب و طلعته مشيت لقيت مرت عمي بتقطع في البطاطس قالت عندها مزاج تعمل مكرونه بالبشاميل و معاها بطاطس قالت لي لو جعانه في باقي الفطور فسيخ بي قراصه قلته ليها يا سلام بجد طولته
منو سخنته الاكل و كبيت و جبته شطه و قعدته اكلته بجد كان رهيب مرت عمي دي طباخه درجه اولى اي شي بتعرف تظبتو قلته ليها انتي يا خالتي ما تبدي شغل بره بالطلبيات معجنات و فطاير و حاجات زي دي
لانو اكلك طاعم شديد ، يا بتي انا اعمل حق البيت ولا اكابس بره ، حق البيت ده خلي لي لو شايله همو ، فكره حلوه بس انتي عندك جامعه ما ممكن تخليها ، انتي بتتهربي صح يوم يكون ما عندي بشتغل معاك و
يوم يكون عندي ابدي حق البيت اول بعدين انتي ح تشتغلي بالطلبيه ما ح تشتغلي بالمكونات كلها عشان ما تخسري ، والله فكرتك سمحه كدي النشوف اسي وين اسراء ، اكيد نامت ، البت دي غير النوم ما عندها شي لا
شغله ولا مشغله، بقيت اضحك قلته ليها يلا يا خالتو انا ماشه ارقد حبه و اجي اساعدك ، طيب اخدي راحتك اكيد تعبانه ، مشيت لقيت مصطفى نايم فرشته في الكنبه و رقدته نمته قمته بصوتو بقول لي غنوان يا بت
عاينته ليو ابيت افتح خشمي قال لي قومي الغداء قمته خليتو واقف غسلته وشي و طلعته، يعني لسه زعلانه و ماخده موقف ، ولا قلته لي بتقول في شنو عملته بدره حبه تشيل التعب الفي وشي و لبسته التوب قال لي بتكلم معاك انا افتحي خشمك مالك كمان ... ، بعد خلصته عايزه اطلع مسكني من يدي مش بتكلم معاك انا مالك بتطنشي فيني ولا قوه را
س ، فكني ياخ مالك مش انا بيئه عجباني نفسي كده و مستحيل اتغير عشان زول فاهم وتاني يا ريت ما تتكلم معاي بالاسلوب ده ، انتي فاكره نفسك منو بترفعي نخرتك علي ؟ انا عشره زيك بدوسهم عادي، عشره زيي بس ما احسن مني و ما ليك حق تاني تمسك يدي يا ريت ما
تهبشني تاني ، حسيتو عصب من كلامي ده قال لي بمسك يدك و بمسك اي مكان مش عاقد عليك و راجلك يبقى ما من حقك تمنعيني ، من حقي امنعك لانو الزواج ده مزيف و لا انا ولا انت معترفين بيو ، لو قلته ليك
انو بالنسبه لي ما مزيف و مسك يدي شديد و بقيت قصاد وشو .. مصطفى فكني ياخ ، لو قلته ما بفكك ح تعملي شنو ، ولا شي مش داير حقك دقيقه طلعته التوب و فرتقته شعري عايزه ارفع القميص رجع لي وراء
مش قلته عايز حقك تعال اخدو ما مجرد آلة وقت تحتاج ليها بتلقاها متوفره صح ؟ جاوبني مش ده تفكيرك ؟ حب حبيت .. بنات ! جبتهم لي في شقتي مفروض تكون لي بس ، بس انت جبتهم و عملته لي مشكله
، الجامعه بتتحكم فيني قررته انزل بس عشان انساك وانسى الواقع بس لسه مصر تلحقني داير مني شنو نسيت انك شلته مني اغلي شي انا في الليله دي انتهت حياتي لحدي الان وقت اقيف في المرايه بستحقر نفسي بي
سببك و دموعي جات جاريه ، غنوان عايز يهبشني ، زح يدك مني لو سمحته دخلته الحمام غسلته وشي عشره مرات طلعته طوالي بره الغرفه خليتو واقف في مكانو بعاين لي ما اتحرك