الووو ايوه بتقولى ايه
سليم بقلق :فيه ايه يا فارس
يهرول فارس سريعا للخروج من المكتب وهو يقول بسرعه : أمى تعبت جامد
فيسير سليم وراءه بسرعه وهو يقول :استنى اجى معاك
بينطلق فارس بالسيارة بسرعه كبيره وتفادى حدوث أكثر من حادث
فشعوره انه من المحتمل فقدان والدته جعله كالمختل عقليا فمجرد التخيل فقط أنه سوف يفقدها جعله سوف يجن
يدخل فارس بسرعه القصر بخوف ولهفه وهو ينادى :أمى فين
حصل لها
فترد عليه سماح كبار الخدم فى قصره باحترام : فى أوضتها يا..
يسير بسرعه قبل أن تكمل. حديثها إلى غرفه والدته
فارس بخوف وهو ينظر إلى والدته وهى تنام على السرير بتعب /مالك يا ست الكل فيه ايه
نرمين بتعب :مفيش ي حبيبى شوية تعب عاديين كبرت بقى يا فارس بقى
فارس بحب وهو يقبل يديها :ربنا يخليكى يا حبيبتى
ثم يكمل وهو يخرج هاتفه : ،ثوانى هتصل على الدكتور حالا
تحاول نرمين أن تطمئنه
:انا كويسه يا حبيبى مش محتاجه دكتور
سليم بهدوء :انا اتصلت خلاص وجاى يا فارس
ثم ينظر إلى نرمين بقلق هو الآخر فهو يعتبرها مثل والدته
:مالك يا ست الكل ،فارس البارد دا اللى مزعلك
فتبتسم نرمين على حديثه ثم تقول : هتفضلو زى القط والفار كده دايما ، ربنا يخليكوا لبعض يا حبايبى
وبعد مرور بعض الوقت يصل الطبيب ويتم الكشف عليها
فارس بخوف ولهفه بمجرد الخروج من غرفه والدته :طمنى يا دكتور
الطبيب بعمليه :هى كويسه دلوقتي يا فارس باشا هى محتاجه رعايه ،متنساش أن والدتك عندها القلب واى خوف أو توتر بيتعبها
فارس بشرود: خوف أو توتر
وايه بس اللى هيخوفها أو يعمل فيها كده
يلاحظ سليم شرود فارس فيخرج مع الطبيب
يدخل فارس إلى والدته
فارس بقلق وهو يجلس بجانبها :مالك يا ست الكل ايه سبب خوفك والتوتر دا
نرمين بحزن :عايزه اطمن عليك وافرح بيك يا فارس قبل ما اموت يا ابنى العمر معتش فيه حاجه
فارس بسرعه : ربنا يخليكى يا ست الكل متقوليش كده
هعملك اللى انتى عايزاه بس انتى خلى بالك من نفسك
...........................................
يوم جديد عليهم ،يطمئن فارس على والدته وينطلق لشركته
يدخل سليم بدوشه ومرح كالعاده/
ايه يا بنى انت نايم فى الشركه ولا ايه
ترد عليه فارس وهو مازال يعمل دون النظر إليه:سليم باشا بذات نفسه فى الشركه من بدرى
سليم بطريقه دراميه مقلدا صوت أنثى :امال اسيب فروسه حبيبى البنات تعاكسه ولا ايه عامل ايه يا قلبى هتيجى تخطبنى امته ثم يقهقه عاليا
فارس بجدية: يلا يا أخويا ورانا شغل
ثم ينظر إليه وهو يقول بغموض بقولك ايه اعملى اعلان عن سكرتيره
سليم بجديه : ليه يا بوص انت شاكك فى حاجه ولا ايه
فارس /هقولك ........
...........................................
منى مازالت تبحث عن عمل حتى أنها لم تذهب لجامعتها
وعندما كانت تجلس محبطه حزينه تجد اعلان مازال يعلق
لتنطلق إليه سريعا وهى تنظر إليه
فتتحدث إلى نفسها وهى تقول :هقدم ازاى وانا لسه فى الكليه ،
ثم تحسم أمرها على تجربه الأمر هقدم وانا ونصيبى وخلاص
مش يمكن يكون ليا ،دا يدوب لسه نازل الثانية دى ،هروح الحق بسرعه قبل ما يكون هناك عدد كبير
ثم تنطلق إلى العنوان الموجود
تتمنى الحصول على هذه الوظيفة
بعد إرشادها على الطابق المخصص ل فارس وعندما رأوا الاعلان وجدت فتاه تعمل فتذهب إليه
منى إلى سكرتيره منال :لو سمحت انا جايه اقدم فى وظيفه اللى فى الإعلان
فتنظر منال بتعجب الى هذا الاعلان وتقول فى نفسها
: اعلان عن سكرتيره امال انا بعمل ايه يمكن يكون لسليم باشا
تخرج من شرودها على صوت منى وهى تسألها اين تذهب
منال وهى تقف للذهاب إليه
: هشوف فارس باشا
وتطرق الباب عليه ثم يسمح لها بالدخول
ادخل
منال بعمليه :فيه واحده بره يا فندم بتقول انها جايه لوظيفه سكرتيره متقدمه فى إعلان للشركه
فارس بجديه :خليها تتفضل
بتسمح منال إلى منى بالدخول
فارس وهو مازال ينظر إلى الورق الذى أمامه :اتفضلى
فتبدأ منى بالتحدث بتوتر وهى تفرك فى يديها خوفا من فقدان الوظيفة :انا اسمى منى وكنت جايه اقدم ...
يقطع حديثها صوت سليم وهو ينادي على فارس بصوت عال وهو يدخل المكتب مره اخرى
ولكنه عندما وجد فتاه تجلس أمامه نظر إليها بإعجاب وهو يقول :
اوووبا ايه الجمدان دا
فارس بعصبية :بس يا حيوان بره
مش هتشتغل فى يومك ،كل شويه عندى
سليم بطريقه دراميه :ايه يا ابو الفوارس اخدت غرضك وسبتنى لا لا مينفعش كده
تحاول منى كتم ضحكتها على حديثه
فينظر إليها سليم وهو يقول لها بمرح :اضحكى يا قمر اضحكى فكك من الواد البارد دا
انا البشمهندس سليم وتقوليلى سليم عادى صاحب الواد البارد دا
منى وهى بتضحك :اهلا يا بشمهندس انا منى
فارس بجديه وصرامه : انت يا ابنى حسابك معايا بعدين ،هنا شغل مش لعب عيال على شغلك يالا ،وانتى يا أنسه اتكلمى
سليم بجدية عندما لاحظ عصبية فارس :تمام يا بوص ،بس كنت جاى اقولك ان الإعلام نزل ،همشى بقى ورايا شغل
فتنظر إليه فارس باستخفاف فنتيجه الاعلان أمامه الان ثم ينطلق سليم للعمل
تبدأ منى بالتحدث مره اخرى: انا جايه اقدم فى وظيفه
السكرتيره ،
ثم تكمل بتوتر شديد: بس لسه فى الكليه
سليم بتساؤل :هتعرفى توفقى بين الاتنين انا بحب الانضباط فى المواعيد
منى بأمل إن يقبل :إن شاء الله يا افندم مش هيكون فيه اى تقصير
سليم بموافقه: خلاص تمام تقدرى تستلمى من دلوقتى لو تحبى
منى بسعاده /احب جدا
........................................
كانت منال تتحدث إلى نفسها وهى تفرك يمينا و يسارا
؛سكرتيره ازاى امال انا ايه
يكون خلاص استغنى عنى فى الشركة
يقطع حديثها مع نفسها صوت الهاتف وهو يرن باسمه فترد عليه بسرعه :
الو يا فارس باشا
جايه حالا يا فندم
كانت منال تنظر إلى منى بضيق
فارس بأمر: هتقعدى مع منى تعرفيها النظام
هتكون السكرتيرة الجديده
منال بطاعه : حاضر يا فندم
ثم تكمل بتعجب :،بس انا كده هشتغل فى ايه
فارس بخبث /.....
الفصل الرابع
فارس بخبث /هتسافرى مع سليم للصفقه ،انتٍ اكتر حد اشتغل على الصفقه دى
ودى مكافأة منى ليكٍ
منال بسعاده ؛تمام يا فارس باشا
شكرا جدا
تخرج منال بسعاده من المكتب
فتنظر إلى منى وهى تقول لها : خليكى هنا ثوانى وجايه
لتؤمى منى إليها بطاعه وتنطلق منال وهى سعيده وتقوم بالاتصال على شخص ما
المجهول :الوووو
منال بسعاده : ايوه يا باشا اعتبر كل حاجه تمت
أنا خلاص مسافره للصفقة
المجهول بشر: اخيرا يا فارس ،نهايتك هتكون على أيدى
...........................................
بعد مرور أسبوع
منال وسليم انطلقوا إلى باريس ,منى تعمل سكرتيره فارس
وتحاول جاهده إشغال حياتها ما بين الدراسه والعمل حتى لا تفكر كثيرا ولكن مازالت تشعر. إن وفاه أهلها لم يكن عاديا
ونرمين مازالت تريد أن ترى فارس عريسا بأسرع وقت حتى أنها كل يوم تعزم أصحابها وبناتهم حتى تأخذ رأى فارس
لكنه يتجاهل الموضوع
وفى نهاية الأمر قال لها أنه يحب فتاه وسوف يعرفها عليها حتى تكف عن ما تفعل
____يوم جديد فى شركه الملك
يذهب إلى شركته فيجد منى هناك
لاحظ فارس انضباطها فى العمل ورقتها فى التعامل
لكن يحاول ان لا يشغل عقله فمنذ متى وهو يلاحظ تصرفات امرأه ويوهم نفسه انه لاحظها بسبب الحزن الظاهر عليها
فهى مهما يحدث لا تستطيع اخفاء حزنها ودموعها التى تتسقط دائما دون سابق إنذار
منى برقه :صباح الخير يا فارس باشا
فارس بشرود فهى تشغل عقله منذ قدومها :الله يخربيت الرقه اللى انتٍ فيها وهدؤك
ايه يا فارس بتقول ايه ،مش معنى انك ملاحظ حزنها انك تركز معاها كده ،انتٍ اهم حاجه عندك شغلك وبس
كانت تنظر إليه بتعجب من شروده حتى قال لها بجدية :
هاتيلى القهوه على مكتبى
منى باحترام :حاضر يا فندم
بمجرد ذهابه تتحدث إلى نفسها وهى تقول :يخربيت برودك يا اخى ،هى كلمة صباح النور تقيلة عليك
كل شويه هاتيلى قهوه
ثم أكملت بتوبيخ نفسها /انتٍ مالك، انتٍ هنا للشغل بس
وتذهب لتعد له قهوته
بعد انتهائها من اعداد القهوه تذهب إليه فتطرق الباب حتى يسمح لها بالدخول
__ادخل
منى باحترام /القهوه يا فارس باشا
فارس وهو ينظر إلى الاوراق التى أمامه :حطيها عندك واطلعى
منى بصوت منخفض تظن أنه لن يصل إليه :مكعب تلج دا ولا ايه
شخص بارد ما بين القهوه والشغل
يوقفها صوت فارس الحاد: بتقولى ايه , سمعينى كده
فتخاف منى منه وإن يقطع عملها فتهرول من أمامه بسرعه وهى تقول :مفيش حاجه يا فندم
انا رايحه اكمل شغلى
ينظر إلى أثرها بابتسامة وهو يقول فى نفسه : شكلنا هنتسلى ،ليه حاسس انى اعرفك
قبل كدا
شكلها مش غريب عليا يا ترى شوفتها فين قبل كده ويا ترى ايه سبب الحزن اللى فى عيونها دا
ثم يكمل بتوبيخ لنفسه :
اعقل يا فارس دى مجرد موظفه عندك وصغيره فى السن
تخرج من حديثه مع نفسه وهو يعزم على فعل شئ ثم يقوم بالاتصال على شخص ما
_ عايزك تجبلى كل المعلومات عن الاسم دا
منى الدمنهوري
ويقنع نفسه أنه يفعل هذا
ليتأكد انها لا تعمل مع أحد من منافسينه
يمر بعض الوقت والجميع يعمل بجد ثم يخرج من مكتبه وتذهب إليها وهو يقول بأمر : ورايا
منى وهى تقف :على فين يا فندم
يقترب منها فارس وهو يقول بصرامة :لما اقولك حاجه تعمليها بدون اسئله انا هنا المدير ،ورانا شغل يلا ورايا
منى بعناد رغم خوفها من صرامته /وانا مش هطلع غير لما تقول رايحين فين
انا شغلى هنا فى الشركة بس
يتجاهل فارس اعتراضها وهو يقول بصوت حاد : احنا مش بنلعب هنا
مش عاجبك الشغل سبيه لغيرك
يلا ورايا
فتنطلق منى وراءه بسرعه
كان حامد يتحدث إلى نفسه بطمع وهو يقول :ابن شاهين لازم كل ثروته تبقى ليا
هو أخد الصفقه وحرق المخزن وانا هاخد كل ما يملك
مش أنا اللى يتعمل فيا كده
تقطع حديثه صوت الهاتف
مجهول ٢/ايوه يا ........بنت الدمنهوري بتحاول تعرف ايه حصل لأهلها ،وعرفت انها اشتغلت من اسبوع
حامد/اعرفلى هى شغاله فين وكل التفاصيل بتاعتها تكون عندى فى خلال ساعه
حامد بشر وجنون :مفيش حد يقف قصادى انا هكون الملك
...........................................
تعزم صفاء على التحدث مع منى وسوف تضرب حديث زوجها عرض الحائط فهى تشعر بالشفقة عليها : لا انا هقول لها واللى يحصل يحصل البت صعبانه عليا
ذنبها ايه تعيش فى وهم مش كفايه اللى هى شافته ومش عارفه تفرح زى باقى البنات ،عايشه فى وحده وحزن
فاروق بشر :بتقولى ايه سمعينى كدا ،رايحه فين
تقف عند الباب بخوف /.......