رواية حب وكبرياء
فى المشروع ( الميكروباس ) تركب علا وجارتها سناء وقعدوا جنب بعض
علا / انتى يازفتة ابقى نامى بدرى مش كل يوم معرفش اجيب فطار بسببك
سناء / يعنى كنتى هتجيبى الكفتة ولا الكباب دى سندوتشات فلافل بايتة وفول مسوس من عند عمك عصام الرخم
علا / اهو احسن من ان الواحد يقعد للساعة اربعة من من غير اكل
سناء / بت يا علوش ماتشوفيلى معاكى عشرين جنية سلف عوزة اكمل واجيب جزمة اصل الجزمة دى اشتكت ورفعت رجلها لفوق وقعدت تضحك
علا / اتلمى بابت احنا فى المشروع والناس بتبص عليكى
سناء / بت يا علوش بصى على المز اللى راكب العربية دهه وشاورت بايدها يالهوووى عليه قمر ياناس
علا / متتلمى يا زفتة هو انتى مش مخطوبة
سناء / بلا نيلة دلاشكل ولا فلوس اهو تدبيسة والسلام
علا / هههه دانتى كنتى هتموتى عليه
سناء / ده كان زمان ياختشى ههههه ربنا يسد نفسك
علا / مهو مجدى كان بروضة موز اخر حاجة ههههه
سناء / اتلمى بلا اخر بلا اول ويلا ننزل على جنب يااسطى يدوب مشوا عشر دقائق و وصول مكان شغلهم ودخلوا الشركة اللى بيشتغلوا فيها
علا / سكرتيرة ابن صاحب شركة الاسكندرية للمقاولات والبناء اما سناء فهى شغالة فى الحسابات
علا و سناء خريجات كلية تحارة و سناء جمالها عادى ومحجبة ولكنها بتحب الضحك والهزار ولكن بأدب عندها 25 عام اما علا جميلة بشرتها بيضاء وجسمها رشيق ومحجبة ايضا هى جادة فى التعامل مع الغرباء عندها 24 سنة هم جيران و اصحاب ومع بعض من بداية عمرهم
جلست علا / على مكتبها وجاء حازم
حازم ( مهندس عندة 34 مهندس ومتزوج وعنده طفلين ومهذب جدا ) يعشق النظام وبيحب شغلة جدا يعتبر دراع ابوه اليمين
حازم / صباح الخير هاتى البوسطة واطلبيلي قهوة
علا / صباح النور يابشمهندس طلبت لحضرتك القهوة وادى البوسطة وفى واحد كان مصمم يقابل حضرتك النهاردة من غير معياد ولما رفضت قعد يرعق وكل شوية بتصل ويشتم علشان كدة عطيتة ميعاد اخر الاسبوع وهنا دخل شخص فجاة وقال لعلا
مروان / انتى يابتاعة انتى اعمليلى قهوه مظبوطة بسرعة
علا / حضرتك بتكلمنى انا
مروان / انتى شايفة فى حد غيرك هنا يلا بسرعة اخلصى
علا / الله مطولك ياروح اولا انا مكنتش شغالة عندك ثانيا انت ازاى تدخل المكتب من غير لا ميعاد سابق ولا استأذن ثالثآ المفروض تحترم صاحب المكتب مش تدخل بطريقة همجية كده
مروان / اخلصى واعملى القهوة يلا ومسك ايدها
علا / شدت ايدها بعصبية اقسم بالله لولا وجود البشمهندس و احترامى للحاج محمد كنت علمتك الادب على مسكتك ايدى عن اذنك يابشمهندس وخرجت تنح مروان واتعصب حازم
حازم / متتهد بئة يخربيتك
مروان / اية رأيك انفع اشتغل مدير ههههه
حازم / ابعد عن مكتبى واعمل اللى انت عوازه
علا / قاعدة متنرفزة وبتكلم نفسها بئة انت عوزانى اعملك قهوة ليه والنبى لوكنت مين دانت اصلا انسان بارد وغتت و فى اللحظة دى جات سناء
سناء / مالك ابت انتى بتكلمى نفسك لسعتى ولا اية خسارة هتدخلى مصحة و انتى لسة صغيرة
علا / لا اصل فى واحد جه للبشمهندش دخل من غير ميعاد وكمان بيقوللي اعمله قهوة ثم انتى مالك
سناء / يكنش المز اللى كان فايت من شوية د مز جامد
علا / ده مز ده تقولى عليه زبال دبنى ادم غتت وفجاة مروان يخرج رأسةمن باب المكتب ويقول هو انتى لسه معملتيش القهوة بتاعتى
علا / انا مكنتش الفراشة بتاعة حضرتك
مروان / انا اصلا مرضاش اشغلك عندى هو انا ناقص اكتئاب ومرض وحط ايده على كتفها وقال اجرى اعمللى قهوة مظبوطة
علا / لا دانت فعلا عوز تتادب ورفعت ايدها ولسه هتضربه بالقلم
لقت حازم مسك ايدها وقال خلاص كل واحد على شغلة
مروان / وقف مذهول مش مصدق انها ممكن ترفع ايدها عليه
كل ده و سناء واقفة مذهولة
علا / خلاص يابشمنهدس اعتبرنى مستقيلة طالما ان حضرت عاجبك كده وكمان ميشرفنيش اشتغل مع حضرتك والشخص ده موجود ادى مفتاح المكتب ودى نوتة المواعيد ودى الملفات وسلام عليكم ومشت والتفتت لمروان وقالت كرامتى اهم عندى من اى شيئ تعرف لوكنت فى مكان غير ده كنت عرفت اعلمك ازاى تتعامل مع البشر
مروان / زهل اما حازم فقعد ينادي علا من فضلك يا علا
ولكنها لم ترد وخرجت من الشركة كلها وروحت طول الطريق تبكى وتكلم نفسها وتقول هو علشان معاه فلوس ينسى حاجة اسمها ادب وتربية ياخسارة لو كان فى مكان تانى كنت علمتة الادب ال......... ....... ده بنى ادم ........ لحد موصلت بيتها
( علا بتعيش فى منزل خاص بيهم مكون من ثلاث ادوار يمتلكة والدها ولديها ثلاث اخوات بنت اكبر منها متزوجه ولديها طفلان واخان واحد متزوج فى الدوار اللى فوقهم وهو اكبر اخواتها و عايش فى حاله ملوش علاقة بيهم الا فى المناسبات بس التانى اصغر منها مسافر يعمل فى احد البلاد العربية بيشتغل وامها شغالة مدرسة اعدادى وابواها فاتح سوبر ماركة فى الدور الاراضى )
علا / ماما السلام عليكم جعانة هو فى اكل اية
مديحة / ايوة الاكل على البوتاجاز هو اتتى جيه بدرى لية
علا / لا ابدا حازم مسافر رتبت الشغل وجيت هاكل وانام شوية واقوم اكوى الغسيل
مديحة / طيب حضرى الاكل على ماالم الغسيل ونتغدا انا وبابا معاكى
علا / ماشى ياماما بسرعة.
مديحة / حاضر
نرجع لمكتب حازم
****************
حازم / بص من الاخر يامروان انت تبعدعن مكتبى انا مش ناقص وجع دماغ بصراحة انت غتت مالك دخلت فيها كده دى زى متكون عدوتك
مروان / اصلها بجد عجبتنى فحبيت استفزها
حازم / دى انسانة محترمة مش زى الزبالة اللى تعرفها
مروان / طب عرفنى عليها ههههه دانا كنت فى منتهى الغتاتة معاها على الفون
حازم / هو انت اللى كنت عوز ميعاد ياخرببيتك دى لسة كانت بتشتكى منك وتقول انك غتت
مروان / كنت بتسلى بس ردها عجبنى بجد عرفت توقفنى عند حدى
حازم/ اما اكلم بابا يتصل بيها علشان ترجع منك لله ياشيخ متتزوج وتنهد بئة
مروان/ افكر بقولك انا هامشى اروح انام وابقى اجى بكرة استلم الشغل
حازم / ابعد عن مكتبى وادعى انها ترضى ترجع تانى
مروان / اللى زى دى لو محدش كلمها هترجع لوحدها
حازم / لا معتقدش دى عندها كرامة وكبرياء فوق ماتتصور
مروان/ لما نشوف وادينى بنتسلى ههههه
حازم / انت ممل امشى وتعالى اسهر معانا بالليل
مروان / اما اشوف ظروفى اية سلام
حازم / بيتصل بالحسابات يرد عليه احمد تحت امرك يابشمهندس
حازم / هى الانسة سناء عندك ولا مشيت
احمد/ ينظر لسناء ويقول لا هى موجودة
حازم /طيب ابعتها لمكتبى بسرعة.
احمد/ حاضر سناء البشمهندس حازم عوزك
سناء / حاضر رايحة حالا
باب مكتب حازم خبط حازم اتفضل
سناء / مساء الخير.
حازم/ مساء النور عوز رقم علا
سناء / هاه حاضر هاجيب الفون واجاى
حازم / بسرعة ممكن
سناء / خد الرقم حضرتك اهو هو فى اية
حازم / ابقى اسالى صاحبتك تقدرى تمشى
سناء / حاضر عن اذنك
حازم / بابا السلام عليكم.
الحاج محمد/ اهلا يابنى خلصت التصميم
حازم / لسة الطتش النهائى يومين كدة يأمر الله بابا ده رقم علا هى مشت النهاردة وسابت الشغل
الحاج محمد / ليه كده دى بنت محترمة و شغالة كويس
حازم / مروان غلس عليها جامد
الحاج محمد / انت ازاى تسمح بكده انا هاكلمها بس هجيبها تمسك مكتبى وشوف انت حد يمسك مكتبك طلما مش قادر تحافظ على كرامة اللى بيشتغل معاك
حازم / بجد مقدرش استغنى عنها دى شعلة نشاط ومظبطة كل شغلى
الحاج محمد / مش لما هى توافق الاول