رواية كان حلم الفصل الثالث3الاخير بقلم مني صقر
روز.. طب انا عندي حل
سجده.. قوليلي بسرعه
روز...تروحيله شغله وتفهمي كل حاجه
سجده... 🤨اروح لمين اقله ايه اقله ازيك يمروان انا كنت بحلم اني مراتك وبعدين صحيت من النوم لقيت نفسي مش مراتك ولا اقله ايه بنتك هي بنتي انتي هبله ياروز
روز... والله بقي مش عارفه طب هتعملي اي
سجده... شكلي كده هروح للدكتور الي بابا قال عليه وخلاص
يعدي يومين كانت حجزت عند الدكتور
دكتور مازن.. اهلا وسهلا انسه سجده
سجده ... اهلا بحضرتك
مازن.. ها بقي مالك بصي عايز نتفق اتفاق انسي اني دكتور اعتبريني صديق وفضفضي وقولي كل حاجه
سجده... انا سجده طالبه في كليه تجاره والحمد لله متفوقه ف دراستي وعندي حلم كبير اني انجح واكبر واعمل شركه خاصه بيا وده اكبر امنياتي
عمري ما لقيت اهتمام من اهلي دايما زعيق سوا ملقتش الدفا والحب وسطهم مش عارفه بيكرهوني ليه
مازن.. مبدائيا يا سجده محدش بيكره اولاده ممكن اسلوبهم يبقي شديد معظم الاهالي فاكره انها لما تشد علي عيالها تبقي كده بتخليهم ناس كويسه تتحمل مسؤليه ميعرفوش ان الشده بتولد العقد والكراهيه
سجده.. عندك حق حتي لما كنت بنجح واجيب تقدرات مكنتش بلاقي تشجيع دايما طيب تمام ما هو لازم تنجحي ما احنا بنطفح الدم عشان تنجحي
لحد الثانويه العامه وجبت مجموع كبير بس محبتش ادخل كليات الي بيقولو عليها قمه
حبيت ادخل الي يريحني ودخلت تجاره وزي اي اهل سمعت كلام صعب انتي فاشله يبقي جايبه مجموع عالي وداخله كليه ناس فاشله وكلام من ده الي انت عارفه
بس مشيت ف الطريق بتاعي وكل مره بنجح بتفوق اتمنيت الاقي الحب والاهتمام من اهلي اتمنيت يحبوني اتمنيت يسمعوني يقفوا جمبي حتي ف تعبي تعرف كنت تعبانه جدا وبموت قدامهم قلت لبابا يبابا عايزه اكشف يقولي ايه حاضر حاضر الماتش يخلص وننزل ماتش ايه وانا بموت قدامك محستش بنفسي غير وانا ف المستشفى مركبه محاليل وعرفت ان كان عندي حمه شديدة وهما جابوني هنا طبعا مفضلتش اكلم معاهم فتره
مازن.. انا فهمت الي حصلك انتي كنتي نفسك تعيشي الحب والاهتمام من اهلك وطبعا ده محصلش فعقلك الباطن هيألك حياتك الي نفسك تعشيها فحلمتي انك اجوزتي وعايشه الحب والاهتمام الي انتي نفسك تعيشيه ولما صحيتي من الحلم ده اتصدمتي بالواقع بتاعك فحصلك حاله الانهيار دي طب انا محتاج اكلم مع اهلك عرفيهم وانا هاجي عندكم البيت اكلم معاهم
وبالفعل راحت لاهالها الي طبعا مش مقتنعين بالي حصل وقالتلهم ان الدكتور هيجي هنا يكلم معاكم وسابتهم ودخلت اوضتها وهما بره بيكلموا سوا
فريده لجوزها عبد الرحمن... وبعدين البت شكلها فعلا تعبانه واحنا بنجي عليها كتير يا عبد الرحمن قلتلك نشد ونرخي لكن انت كنت مصمم مفيش دلع واديك شفت اخرتها
عبد الرحمن بصلها ومكلمش
تاني يوم الدكتور مازن راح لاهل سجده واكلم معاهم انهم يهتموا بيها لان بسبب اهمالهم بنتهم تعبت
وفضلوا يكلمو سوا واتفقوا انهم يغيروا المعامله
وبالفعل اليوم الي بعده سجده راحه الكليه صحت لقت والدتها بتصحيها بهدوء ولقت الفطار جاهز ليها وباباها ومامتها بيشجعوها وبيدعموها سجده نفسيتها اتغيرت كتير وبقت احسن وفي الفتره دي كان مازن بيطمن عليها لانه حس بانجذاب نحيتها لحد امتحانات اخر السنه
كل يوم يكلمها ويطمن عليها
وفي اخر يوم امتحانات
روز... اخيرا خلصنا امتحانات
سجده... اه يختي خلصناا ربنا يستر من النتيجه
روز.... بس شايفه انك متغيره احلويتي يبت عن الاول ايه الحاج والحاجه رضوا عنك
سجده... اه الحمد لله كنا فين وبقينا فين 😂😂
روز.... طب والدكتور مازن اخباره😉
سجده.. بصراحه انسان محترم ولسه بتكمل لقت الي وراها ببوكيه ورد كبير
مازن... احم احم
سجده... دكتور مازن بتعمل اي هنا
مازن... جاي عشان اشوفك.
سجده تشوفني انا ليه
مازن... لاااا دنا بقول بتفهميها وهي طايره
روز.... يعني يا هبله بيقلك جاي عشان اشوفك يبقي جاي ليه
مازن... اهي صحبتك فهمت 😂
سجده... 😊😊😊.
مازن اه احنا هنفضل ساكتين طب بقلك ايه حضر ي نفسك لبليل
سجده... ليه
مازن... يارب صبرني نفسي اعرف بتطلعي الاولي ازاي وانتي ذكاءك محدود كده يلا خدي الورد ده وامشي يلا 😂😂😂
بليل جيه مازن مع اهله وطلبوا ايد سجده الي فرحت اوي
وتمت خطوبتهم وبعد فتره كتبوا الكتاب
يوم كتب الكتاب مازن... سجده انا بجد
بحبك اوي كنت بدور عليكي من زمان واخيرا لقيتك
سجده.. وانا كمان يا مازن كنت بدور عليك انت ادتني حب واهتمام كنت محتجاه عرفت معاك معني حب 😍ربنا يخليك ليا 😍
نصيحه للاهل اهتموا باولادكم بلاش الشده المبالغ فيها اه الشده مطلوبه بس كمان الحنيه والحب مطلوبه بلا ش كلمه لازم نشد ونضرب عشان يكونو كويسين او محترمين ساعات الشده بتجيب نتيجه عكسيه
شدوا وارخوا صحابوا اولادكم عودوهم دايما يحكوا كل حاجه من غير خوف عشان يتعملوا الصح من الغلط
تمت بحمد الله