رواية حب وكبرياء
الفصل الحادي عشر11
بقلم هبه احمد
وصلوا هم الثلاثة الشركة علا وسناء ومروان اللى كان ماشى وراهم بالعربية زى كل يوم بينتظرهم فى الوقف ويمشى وراهم
سناء / سلام ياعلوش واتلفت وراها لقت مروان فقالت فكرى
فى موضوع العريس وصلى الاستخارة وربنا يسهل الحال ونفرح بيكى قريب
بصت لها علا ولسة هتتكلم لقت مروان معدى بسرعة وراح
على مكتب حازم وجلس كالعادة حاطت رجالية على المكتب
دخلت علا المكتب وفالت سلام عليكم لم يرد واخذ ينظر ليها نظرات غريبة فهى تلاشت نظرتة وفتحت الشبابيك ونظمتالمكتب واخذت باقى الاوراق وهى خارجة
مروان/ هاتى ملف شركة العدلى
علا /جابت الملف وحاطتة على المكتب
مروان / نظر لها نظرة وقال شكرآ يابرنسيسة
علا / مردتش وخرجت وقعدت على مكتبها تشتغل كالعادة
وصل حازم
حازم / صباح الخير ياعلا
علا/ صباح النور يابشمهندس البشمهندس مروان فى مكتبك
بيراجع ملف شركة العدلى
حازم / طيب تمام
حازم / علا لوسمحتى خلى عمى حسين يجيب اتنين قهوة
علا / حاضر يابشمهندس وطلبت القهوة
دخلت بالبوسطة قالت لحازم على مواعيد اليوم وخرجت
ومروان بيشتغل وهو ساكت
حازم / مروان اخرج روح مكتبك كمل شغلك
مروان / حاضر تحت امرك
حازم / مالك ياض انت محترم اوى النهاردة
مروان / اصل الانسة شكلها هتتخطب قريب
حازم/ انت عرفت ازاى
مروان/ مهى كانت فى الكوافير اول امبارح وسمعت سناء بتقولليها ابقى صلى صلاة الاستخارة وربنا يسهل ونفرح بيكى قريب
حازم / طيب وانت هتعمل اية
مروان / ولا حاجة انا تعبت من كل يوم اعمل مشاكل معاها ربنا يسهلليها وانا هارجع الموقع تانى هاكلم عمى محمد وارجع اشتغل فى الموقع من يوم الاحد اللى جاي
حازم / بس انت حبتها وهى كمان صدقنى بتحبك
مروان / معتقدش علشان كدة انا همشى ربنا يسعدها
حازم / تبقى غلطان ياصاحبى
مروان / وهاعمل اية كل شيء نصيب
حازم / كل شيئ نصيب اة بس نعمل اللى علينا على فكرة علا بتحبك بس انت بتعاملها وحش وعلشان كدة هى بتعند معاك
مروان / اعمل اية مش بطيق اشوفها بتكلم حد لو حتى فى التليفون مش بحس بنفسى ساعتها وبتعصب عليها حتى من غير سبب
حازم / حرام تضيع كل الحب ده من ايدك وتهرب على فكرة هى بتحبك جدا بس عمرها ماهتعترف بكدة لان عندها كبرياء جامد وكمان مش
حاسة معاك بالامان
مروان / معتقدش د زمانها من كتر ما انا بتعصب عليها وبزعق فيها زمانها كرهت اسمى
حازم / لا صدقنى هى بتحبك وجامد كمان
مروان / معدش تفرق معايا انا مش هاكون فى اى مكان هى فية بعد النهاردة
حازم / وهتهرب و تموت قلبك حرام عليك
مروان / نفسى هى بس تسامحني و اوعدها انها مش هتشوف وشى تانى
حازم / مستحيل اسيبك تعمل فى نفسك كدة
مروان / خلاص ياصاحبى انا كنت فاكر ان قلبى من حجر بس انا دلوقت اتاكدت انى زى اى انسان بيحس وبيحب وبعدين المهم هى تكون سعيدة وهى تستحق اللى احسن منى الظاهر انى بسدد فاتورة ايام زمان
حازم / طب اهدى بس وروق كدة وسيبها على الله
مروان/ ونعم بالله عوز حاجة انا رايح مكتبى اخلص التصميم
حازم / ممكن تدى الملف اللى معاك لعلا
مروان / ضحك بالم وقال بلاش ربنا يكرمك لما بقرب منها بحس انى بتخنق وخرج بسرعة ولم ينظر لها وهى استغربت منه وقالت بصوت واطى دة اكيد انسان مجنون كل ساعة فى حال
فى هذا اليوم مروان لم يذهب وراهم بالعربية بل رجع على بيتة دخل لقى ماماتة بتتفرج على التليفزيون
مروان / مساء الخير ياماما وباس ايدها وقعد جنبها
الست مشيرة / والدتة مساء الفل ياحبيبى حمدالله على سلامتك احضرلك الاكل
مروان / مليش نفس ياماما
مشيرة / مالك يابنى شكلك تعبان
مروان / رمى نفسة فى حضن امة وقال قلبى بيوحعنى اوى ياماما حاسس انى مخنوق جامد
مشيرة / يالهوووى يابنى فيك اية اتصل ببابا يخيب دكتور
مروان / لا ياماما تعبى مش بتاع دكتور انا هبقى كويس بس خدونى فى حضنك
مشىرة / حاضر تعالى معايا واخدتة من ايدة ونيمتة فى حضنها على سريره وقعدت تقرأ عليه قرأن لحد مانام غطتة كويس وخرجت
كلمت اختة سها وحكت لها اللى حصل سها قالتلها مروان بيحب ياماما واحدة من الشركة اللى بيشتغل فيها
مشيرة / هو نام دلوقت
سها / سبية نايم محدش يصحية لانة تعبان بجد
مشيرة / حاضر يابنتى
مروان / فضل نايم للصبح
اما عند علا فلا جديد غير ان عقلها وقلبها اصبحوا مشغولين بمروان
فقامت وفتحت ايميل الشركة وتابعت مايحدث ونامت وهى مشغولة بية
والصبح كالعادة ذهبت الى الشركة طول الطريق سناء تتكلم وعلا مش معاها سرحانة بقلبها الذى يدق بسرعة وصورتة الى بتظهر امامها
ووصلت علا مكتبها وتقابلت مع مروان فوقف على جنب حتى يمروا من جواره
سناء / بصوت واطى بت ياعلوش
علا / نعم يازفتة
سناء /هو المز. مالة شكله تعبان
علا / تصدقى اول مرة يكون محترم ويخلينا نعدى من غير مشاكل و....فكرت علا وقالت ده من اول امبارح وهو كده مش عارفة ماله ربنا يهدى
سناء / هههه تصدقى شكله بيحب على نفسه
علا / ضحكت وحست ان قلبها هيقف من الفرحة فاكتشفت انها بتعشق هذا المشاغب