رواية بعد عقد قران
الفصل الخامس والعشرون25والاخير
بقلم ريم ابو القاسم
بعد كلامي امي قالت لي ظلمت البت لي من البدايه و خليتني اكرها زعلانه منك شديد، من حقك كلكم زعلانين و شايلين جواكم بس انا بوعدك اتوب و اصلح اي شي بس انتي اعفي لي كانت بتبكي قالت لي اخدته ذنب بتي بي سببك و ظلمتها زحتني و مرقت ...
دموعي نزلت تلقائيا مسحتها و مرقته مشيت المسجد توبته و دعيت ربنا يرجع لي غنوان و قلبها يحن علي اي سبب يا رب غنوان ترجع لي انت عارفني ندمان يا رب يا رب 😭🤲... اثناء ما انا راجع البيت لقيت كرتونه في طريقي داير ازحها من الطريق حسيت بي شي بفرفر خفته عايز ارميها بس ظهرت لي حاجه زي جلد انسان ختيتا تحت و فتحته الكرتونه ظهر لي طفل صغير يمكن عمر يوم بس ده ولد منو و من رفعتو كان ببكي بي طريقه خياليه اطريت ارفعو كنته ملاوز بس رفعتو و وقعت منو ورقه مكتوب فيها دي بتي بت حرام يا اللقيتا عليك الله ربيها انا عافيه عليك لو ماتت ربنا يرحمها و ادفها قلته معقوله يكون في ناس ما عندها ضمير زي ام الطفله دي كمان لو ماتت ادفنها حسبي الله ونعم الوكيل يا رب اتوكلته و رفعته الطفله و رجعته بيها البيت فتحته الباب لقيت غنوان في وشي عاينت لي و عاينت للطفله ظاهر في ملامحا انو مصدومه..
بلسان غنوان...
قمته غلسته وشي لانو بطني كانت بتكورك من الجوع مشيت المطبخ لقيت سحر قالت لي سخني لي معاك قلته ليها دايما تحبي تستغلي الفرص ، ههه ما عشاني اتذكري البيبي جيت قريب ليها قلته ليها ممكن المس بطنك🥺 ، قالت لي طوالي ، مديت يدي و بقيت اهبش فيها قلته ليها ح يطلع متين انتي عارفه ح امسكو و ابوسو كتير ، بقت تضحك قالت لي ما بطلع اسي لسه بدري عليو شديد جاني صوت مرت عمي بتقول ربنا يرزقك انتي كمان يا غنوان و افرح بيكم انتي و مصطفى، اتفاجئته طبعا وقفته بقيت اعاين ليها جاتني قريب مسكت يدي قدام سحر يا بتي انا اسفه اعفي لي حبيبتي لاني ظلمتك و صدقته مصطفى لو سمحتي سامحيني ، ما مشكلة يا خالتو انا ما زعلانه منك لانك من حقك تصدقيو ، بس هو يا بتي بحبك و ندمان شديد ادي فرصه ولو مره واحده ما تبقى عنيده حتى هو وعدني و المره دي انا معاك لو هبشك ساي بطلقك منو ، ما عرفته اقول ليها شنو او ما عندي شي اصلا اقولو في الموضوع ده لاني ماخده قراري خلاص فشميت ريحه الحله قلته ليها حلتي و قمته جاريه الحمد لله انقظتني الحله و مشيت قفلتها كبيت لي و لي سحر و مرت عمي قالت اكلت اكلنا مشيت وديت الصينيه عايزه امشي الغرفه الباب فتح لقيت مصطفى ماسك طفل انصدمته قلته خلاص معناها دي مصيبه من مصايبو و عايزه امشي قال لي غنوان وقفته قال لي ممكن تقعدي نتفاهم قلته لي في شنو تاني لمن كمان جايب مصايبك البيت ، شكلك فهمتي غلط دي ما بتي دي لقيتا في الشارع و انا راجع من المسجد ، وقت قال لي مسجد قبلته عاينته ليو قال لي لقيتا وانا راجع و معاها الرساله دي مدا لي الرسالة قريتا قلبي وجعني شديد كيف ام تكون بالقلب القاسي ده قربته علي الطفله لقيتا صغيره شديد و كانت بتمص اصبعا و عيونا صغار مغمضاهم شلتها من مصطفى بقيت اعاين ليها و اهبش فيها مصطفى قال لي حلاتا صح ، عاينته لي من الفرحه والاحساس بتاع الامومه الدخل فيني عيوني كانت بترغرغ قلته لي ايوا رجعته اهبش فيها حتى مصطفى كان بلعب فيها معاي فجأه بقت تبكي اتلبشته ما عرفته اتصرف كيف ختيتا في كتفي قلته ليها هش خلاص معليش و بقيت لافه بيها فجأه مرت عمي و عمي و سحر و عثمان طلعو قالو صوت الطفل ده من وين لقوني ماسكه البيبي و بسكت فيها مصطفى قال ليهم لقيتا في الشارع في كرتونه و معاها الورقه دي مرت عمي قالت ليو سجمي احتمال ود جني شن عرفك تلم ساي و تجيب لينا مصايب الناس امها وقت ما قادره عليها نحنا شن دخلنا رجعا محل جبتها ما دايرين جريمه مصطفى عاين لي لقاني حاضناها و ببكي و هي بتبكي كنته ماسكه فيها قوي لو قررو يرجعوها ح ارجع معاها💔 مستحيل افكها قال ليها يا امي اهلا اتبرو منها وقالو عافين اللقاها يربيها و شوفي غنوان متمسكه كيف بيها ، قالت لي غنوان بتي انتي راضيه ، قلته ليها ايوا انا اتعلقته بيها شديد يا خالتي ما بقدر اخليها عليك الله خلوها معانا والله ما بخليها تزعجكم و بهتم بيها ، الحكايه ما ازعاج بس الموضوع اكبر من كده اشرح ليها يا عبد الله، عمي قال ليها طالما امها عافيه و قالت ربوها وغنوان قالت بتتحمل المسؤوليه بقت في رقبتا و انا واثق من بتي و اسي حاليا اهلا ما معروفين وين لو رجعناها ح تموت افضل تكون هنا ، مرت عمي شكلها ما متقبله الموضوع دخلته الغرفه اما سحر وعثمان رجعو وعمي قال لي المسؤوليه الاخترتيها دي ما هينه ان شاء الله تكوني قدها ، قلته لي و عيوني كلها دموع ان شاء الله قدها ، قال لي موفقه يا بتي ومشى ...
بقينا انا ومصطفى و طبعا البت نامت قال لي نسميها منو قلته لي الشفقه اول نرقدا وين نحنا ما جهزنا ليها غرفه قال لي نجهز ليها كيف و نحنا ما متوقعين تجي قلته لي صح نسيت خلاص رايك شنو نرقدا وسطنا و انت بكره امشي جيب ليها سرير تمام و الملابس انا بختارا لانو زوقي حلو 😌❤️ قال لي حاضر رقدتها ...بقيت قاعده اعاين ليها كانت حلوه شديد مصطفى قال لي ح تاكليها بي عيونك قلته لي مصطفى قال لي عيونو قلته لي الحليب كيف لازم نمشي اسي الصيدليه لانو ح تصحى و تبكي ح تحتاج بزه و ولبن ، خلاص ارح ... فعلا مشينا الصيدليه جبنا حليب و بزه طبعا عايزين نرقد صحت تبكي مصطفى مسكا و انا مشيت اجهز الحليب سريع لدرجه من التوتر البزه وقعت الا غسلتها بي مويه حاره بعدين عبيتها و شلتها منو بقيت اشرب فيها بعدين سكتت و رجعت نامت قال لي علي فكره الساعه 12 افضل نجهز ليها الحليب عشان لو صحت ما نتعب قلته قلته لي صح عايزه امسك البزه مسكا هو بقيت اعاين ليو قال لي علي فكره لسه منتظر تقولي لي بحبك ما عرفته اقول ليو شنو لاني اتلبشته قلته لي البزه شلتها وجريت ..
بعد خلصته لقيتو بتكلم مع عواطف وده تلفوني قال ليها هدي جات قالت لي سمعته كلام راجلك و حرقتها اسي هدي اوراق الطلاق قدامي و بتتحرق عاينته لي مصطفى غمز لي قلته ليها انتي صبرك عندي بعدين يا معفنه و قفلته الخط في وشها ..
جيت ختيت البزه و رقدته طوالي اديتو ظهري كان يتكلم ابيت اتحرك عملته نفسي نايمه عاين لي شكلو سكت .. الليل نصو اقوم عشان اديها الحليب و ارجع تاني او مرات من التعب ما بقدر فبقوم مصطفى يشربا و يرجع .. تاني يوم كنته طالعه من الحمام لبستها من ملابس سحر جابتا لي اشترتا قالت لي لبسيها لانو ما عندها اكيد علاقتنا بقت حلوه الايام دي و لبسته اتعطرته و عطرتها و جهزته الحليب في الشنطه و كنا منتظرين مصطفى شويه كده تلفوني اتصل لقيتو مصطفى قال لي اطلعي منتظركم بره فعلا طلعته مشينا محل الالعاب و الملابس اخترنا ليها سرير وردي صغنوني وفيو العاب كده حلوه و ملابس رهيبه 🥺 و العاب بتاع المحل عايز يدينا هديه قال لي اسمها منو مصطفى ابتسم عاين لي نظام سميها انتي قلته لي اسمها ريم ❤️ بتاع المحل قال دي هديه لي ريم رجعنا قال لي ريم ده اخترتي ليه قلته لي عشان بحبو جاني قريب قال لي انا البحبني منو و كان بقرب قلته لي مصطفى قال لي ما ح ابعد الا تقولي بتحبيني قلته لي مصطفى فكني و ابعد ، قولي اول بحبك ابتسمته وقلته لي بحبك خلاص عملا تاني وقبلني 😭 قلته لي لي بتعمل فيني كده قال لي عشان بحبك ومن حقي ما تنسي انك مرتي 😊 غطيت وشي و الحلاني منو بكى ريم قلته لي قامت مشيت عليها شلتها اديتا الحليب و نومتها ...
بعد سنتين ريم كبرت و اسي حامل خمسه شهور بي رنين و سحر ولدت جابت إياد الحمد لله بي سبب ريم كنا قريبين انا و مصطفى من بعض في وقت كنتا بقول انو مصطفى ده مستحيل ارجع ليو مهما كان بس ربنا اقوى وفعلا زي ما قال مصطفى نحنا اتخلقا لي بعض و كانت ريم ٠❤️ العوض لينا والحمدلله عايشين و مبسوطين رغم الخلافات البحصل بس بنحلها ومصطفى اتغير شديد من جات رنين بقو اتنين يحليلو راسو ما بقدر يحكو من يجي اقول ليو يلا استلم ورديه الليل بنقنق كده بس بشيلا و انا انوم وارتاح... 😹
تمت