رواية بعد عقد قران
الفصل الخامس5
بقلم ريم ابو القاسم
في جانب تاني..
هو مصطفى ده كان طبيعي معاي، أربعه وعشرين ساعه في بيتي ووعدني ما يعرس و يبقى لي انا بس ، شكلو محتاج يتأدب من اول و جديد عشان تاني ما يكذب و يدي وعود كاذبه ...
اسي هو عرس وخلاص ح تعملي شنو يعني، عايزه تخربي بيتو و انتبهي كمان بيتك انتي كمان يمكن يتخرب ..
بيتي هههه يختي انا بعد سجلته البيت باسمي من المخرف العجوز ده و لميت لي دهب و عربات تاني لو بكره ، خلي بكره اسي لو قال لي اطلعي بطلع تلعبي ولا شنو وبعدين اسوي بي شنو العجوز ده اليرفع رقبتو اول ...
بري منك ناكرة جميل طلعتي ما كلو العايشه فيو ده بي فضل العجوز ده اسي الجد شنو ...
هي شنو هو خلينا من السيره دي اسي بكره رايك شنو نمشي لي مصطفى في الشقه حقتو و نعمل ليو مفاجأة...
شوفي انتي لو ماشه امشي براكي انا مستحيل اعمل شي زي ده و بعدين عرفتي الشقه حقتو وين ...
ما تنسي حبيبتي انا نارين يعني اي شي بعرفو فهمتي ، و ما ضروري تمشي معاي احسن زاتو عشان اقدر اخد راحتي معاهو واقدر اادبو بي طريقتي ...
....................
نرجع ...💛
طلع لي بي ردا بس قال لي وطي الشي ده ما عايزين ازعاج ، قلته لي يا روح امك انت امشي اي مكان هادي بس ده بيتي بعمل العايزه فاهم ، انتي وحده متخلفه وواجعك اني
جايب بت في شهر عسلك ، عسل الما تضوقو شاحده ربى ولو اكلتو يسممك يا فقر يا عارض ، و تجيب بت تجيب قنبله دي حاجه تخصل فاهم و عليت الصوت زياده قال لي غبيه حمقاء و دخل قفل الباب شديد سامعه
صوت ضحكاتهم بقت عاليه قلبي وجعني بس اعمل شنو اها لحدي ما نعسته ما طلعت الما عندها ادب شكلها بايته معاهو قلته بت صغيره زي دي اهلها اكيد ما عارفين و تكون كذبت عليهم الا افضحا عشان تاني ما تباري راجل متزوج و بعدين الحاجه دي غلط مفروض في عمر زي ده تكون بتقرى او تكون شخصيتا مش تكون كده ..
اها للصباح ما طلعو قمته مشيت الحمام الخارجي و طلعته عملته الشاي بالسخان و طلبته بسكويت و كيك
غايتو عازه نفسي شديد اكلته و نظفته المكان و فتحته التلفزيون بقيت احضر واقلب في القنوات و لسه العرسان ما طلعو قلته شكلهم مساهرين بس دي فوضى مستحيل اقبل بيها جدعته الريموت و مشيت دقيت ليهم الباب
شديد و اشيل و ادق ، مصطفى قال لي ياخ مالك اصبحنا واصبح الملك لله، قلته لي اطلعو تطلع روحكم يا رب سريع ... طلعا لي من هنا لانو وقسما ارتكب فيكم جريمه ، قال لي هوي انتي فاكره نفسك منو دقايق بس اطلع ليك انظمك اها انتظرتو ساعه كامله جوه و لسه ما طلع
ونفسي فوق و جاهزه ليو كمان ، سامعه صوت الباب مشيت فتحتو لقيتا مره ما شاء الله حلاتا لابسه توب و قاشره و الدهب ده يلمع ساي و الحنه دي نفسي فتحت ما شاء الله قالت لي مصطفى موجود، من قالت مصطفى بطني طمت عرفتها من ناساتو قلته ليها دايره بيو شنو ، ما يخصك
يا حلوه بس لو في نادي لي لانو موضوع خاص شويه ، ادخلي ادخلي بس انا ثانيه ما بقعد هنا بقيت اكورك يا مصطفى يا تافه اطلع هنا شوف منو الجاتك وحده من الزباله حقنك ، قالت لي ما تقولي كلام
تندمي علي بعدين انا انضف من وشك ده ، كلاما حرقني بس ضحكته قلته ليها لو انضف من وشي ده ما بتجي لي راجل متزوج في شهر عسلو وكمان باين متزوجه عاينته ليها من فوق لي تحت قالت لي وجعك بي ضحكه
، قبلته منها بقيت اكورك مصطفى، يا مصطفى فجأه طلع و طلعت معاهو البت قال لي في شنو ياخ مالك ااا عايزه مني شنو ، فجأه سمعتا المره صرخت أمل دي انتي الجابك هنا شنو ؟ ...
انا و مصطفى خلينا نقاشنا و قبلنا نشوف الحاصل شنو ..