رواية حب وكبرياء الفصل الثامن8بقلم هبه احمد
ومع تصميم الست مديحة على العريس
الحاج منصور/ هو انتى تعرفى العريس ده منين ياحاجة
مديحة / ام السيد اختى هى اللى جيباه هو جارها معندوش غير اخ متزوج واختين متزوجين بروضة وعندة شقتة جاهزة من كله وعوز واحدة محترمة بس مستعجل قدامة شهر ويرجع شغلة هيسافر وعوزها تكون معاه
علا / انا مش عوزة اسافر وبعدين انا معرفهوش اصلا
مديحة / اهو هيجى واتعرفى عليه
علا/ انا قلت لا مش عوزة اتجوز
الحاج منصور / بصى يابنتى هو يجى وتقابلية وياخد واجبة وبعدين الزواج قسمة ونصيب
علا /حاضر يابابا تحت امرك
مديحة /خلاص خدى اجازة بعد بكرة وانزلى هاتىليكى حاجة تقابلية بيها وتظبطى نفسك
علا / لا طبعا عندى شغل
مديحة/ خذى اجازة مجتش على يوم
الحاج منصور / اسمعى كلام ماما يا علا
علا / طيب انا هاخرج نص يوم انا وسناء وننزل نجيب طقم ماشى
الحاج منصور / كدة تمام هانزل انا لو فضلت قاعد هانام عوزين حاجة
مديحة /تسلم ياحاج
علا / منحرمش منك يابابا
مديحة / ربنا يسعدك يارب
علا. / يارب ماما انا هادخل انام حاسة انى مرهقة جامد
مديحة / ماشى يابنتى
علا / دخلت علشان تنام ولكن مع الاسف النوم هرب وقعدت تفكر فى كلام ماماتها والعريس. وفجاة جاء مروان واحتل كل تفكيرها قعدت تفكر فى كل ماحدث بينهم وتبتسم وقررت ان تتعامل معة بأسلوب كويس طلما انها يمكن ان يكتب لها نصيب وتتزوج فلا داعى ان تترك خلفها حد بيكرها واغمضت عينها لكى
تنام ولكن وجدت صورة مروان تظهر امامها تانى فابتسم ونامت
يوم جديد
_________
مديحة / علا يابت ياعلا قومى هتتأخرى
علا / انا قمت ياماما صباح الخير
مديحة / يسعد صباحك ياحبيبتى الفطار جاهز
علا / حاضر ياماما انا هالبس بسرعة فطرت بسرعة ونزلت لقت سناء جاية على الناصية
صباح الخير ياعلوش
علا/ صباح النور بسرعة انأخرنا
سناء/ انت اللى متأخرة ياختش
علا /ده على اساس انك كنتى مستنيانى على فكرة بكرة ناخد نص يوم وننزل نجيبلى طقم
سناء / لية هو عمى منصور هيتجوز ياعينى عليكى ياانطى مديحة
علا/ ههههه يخربيتك افصلى اصل جايلى عريس
سناء / مين يابت يكنش الواد مروان
وركبوا العربية وهم بيتكلموا
علا/ هاه
سناء / يبئى هو
علا / دة واحد من الح....... وهو مسافر وجاى يتزوج وياخد مراتة معاه و يسافر
سناء / يارب تتفشكل عوزة تسبينى و تسافرى ياجزمة
علا/ يالهووووى عليكى مانتى هتتزوجى مجدى
سناء/ بلا خيبة دانا هاطلع من شقتنا يدوب عشر سلالام اكون فى شقتة
علا/ مجدى ابن حلال ربنا يسعدكم
سناء / يارب حبيبتى يلا ننزل
علا / ماشى استنا يااسطا حرام عليك هنرجع كل ده
السائق / هو انتى قولتلى اقف وانا موقفتش
سناء / لازم تبقى عارف كل راكب هينزل فين
كل الركاب ضحكت
علا/ ادامى يافضحانى هههه
علا / حضرت البوسطة و دخلت فتحت المكتب وظبطت
كل شيئ فى مكانة وخرجت لقت مروان قاعد مكانها
وسرحان فخبطت بشوش على المكتب واخذت حقيبتها
وتركتله المكان وفاتت على سناء وسالتها لوعوزة شاى
سناء/ لو على حسابك ماشى
علا / جابت الشاى لقيتة مشى قعدت تنتظر البشمهندش حازم
حازم / صباح الخير
علا / صباح النور يا بشمهندش
حازم / خدى انسخى الملف دة وهاتى البوسطة
علا / حاضر يافندم وطلبت 2 قهوة ودخلت بالبوسطة
علا /السلام عليكم
حازم و مروان / عليكم السلام. وعمى حسين جاب القهوة وخرج
علا / مفيش مقبلات عند حضرتك النهاردة وادى البوسطة وهاروح احضر الملف
حازم / ماشى وخدى نسخة لبابا وسلميهاله بايدك وانتظرى سجلى ملاحظاتة وهاتيها لية
علا / حاضر تأمرنى بحاجة تانى
حازم / امال انتى بتفتحى ايميل الشركة ازاى علشان لوجه اى حاجة للشركة وانتى مش فى المكتب
علا/ من اللاب توب بتاعى اللى فى البيت تامرنى بشيئ تانى
حازم / لا شكرا كل ده ومروان قاعد لا كلام ولا تعليق
مر اليوم على خير وعدت الليلة لاجديد
يوم جديد
قامت علا ولبست وفطرت لان ماماتها راحت المدرسة بدرى
ووجد فلوس ورسالة لها على السفرة يجوار الفطار من امها تذكرها بان تجيب طقم جديد اخدتت الفلوس وخرجت.
علا /صباح الخير ياطنط ام سناء
ام سناء / صباح العسل حبيبتى وحشانى عامله اية
علا / الحمد لله هى سناء هتتاخر
سناء / انا جيت يلا وكالعادة مشوار كل يوم ......،،،،.....
وصلوا الى الشركة
سناء/ ابقى خلى البشمهندس حازم يكلم الاستاذ احمد
علشان اروح معاكى
علا/ حاضر ونتغدا كشرى
سناء / اى حاجة على حسابك حلوة ياختشى
ودخلت علا المكتب فوجئت بمروان قاعد سرحان وشكلة تعبان
علا/ السلام عليكم وفتحت الشباك وظبطت المكتب وخرجت وتركتة وهو لم يرد عليها ينظر اليها فقط
تليفون مكتب حازم رن دخلت علا لترد على الهاتف
السلام عليكم
حازم / وعليكم السلام
علا / فى حاجة يا بشمهندس
حازم /علا شفيلى البشمهندس مروان فين خلية يكلمنى ضرورى
علا/ البشمهدس مروان قاعد على مكتب حضرتك لحظة يافندم بشمهندس مروان يابشمهندس مروان مردش
فمد يدها هزتة اتنفض من مكانة فقالت اسفة اصل نديت عليك كتير وانت مش رديت
مروان / مفيش مشكلة
علا / البشمهندس حازم عوز يكلم حضرتك اتفضل وتركت له الهاتف على المكتب وخرجت وقعدت مشغولة بيه هو ماله تعبان ولا فى ايه اروح اسألة لا بلاش انا مالى دهو اصلا مستفذ و فجاة خرج بسرعة ووقف ينظر اليها ومشى بدون كلام قالت دانت
بنى ادم مستفذ وخرجت تجيب الملف من عند الحاج محمد هناك عرفت ان حازم فى الموقع وعربيتة باظت ومروان راح يجيبه واخدت التقرير وقعدت تنتظر وجه كذا شخص لمقابلة حازم واجلت مواعيدهم
حازم / صباح الخير
علا/ صبااح النور حمدالله على السلامة وشوية ودخلت بالبوسطة
علا/ البوسطة يافندم ومفيش مقبلات النهاردة وبعد اذنك انا هاخد باقى اليوم اجازة انا وسناء لو ممكن تكلم الاستاذ احمد علشان يسمح ليها
مروان/ مفيش خروج قبل الميعاد وبعدين خفى فى الكلام مع اللى اسمها سناء دى فاهمة
علا/ نع------- م وانت مالك تكنش ولى امرى وانا معرفش
مروان / مفيش اجازات غورى على مكتبك
علا / انت مالكش حق تتكلم معايا على فكرة وكمان انا بقول للبشمهندس حازم يعنى انت كلامك ملهوش لازمة ثم بالعند فيك هاخد بكرة كمان اجازة
كل ده وحازم مبتسم واخيرا اتكلم علا على مكتبك
علا / حاضر ولو سمحت يابشمهندس حازم خلى الاستاذ ده يبعد عن طريقى
مروان/ انتى فاكرة نفسك ايه انا اللى هاكسر انفك
علا/ الزم حدودك لوسمحت
حازم / اطلعى ياعلا خرجت وهى متعصبة على الاخر
حازم / مالك ياض
مروان / اصل انا متغاظ منها علشان امبارح كانت واقفة هى والزفتة سناء بيتكلموا مع واحد
حازم / هششش اصبر عليه ومسك الفون وكلم احمد
وقال علا تعالى من فضلك
علا / حاضر
علا /تحت امرك
حازم / اتفضلى خدى سناء وامشى وبكرة تجى فى ميعادك وتابعى الشغل من البيت
علا/ عوزة بكرة كمان اجازة
مروان / انت بتستهبلى
علا / انا مش هرد عليك.
مروان/ مفيش اجازات
حازم / محدش فيكم يتكلم علا روحى مشوارك وتعالى بكرة فى ميعادك
علا / تحت امرك سلامو عليكم وخرجت لقت سناء منتظرها فخرجوا
مروان انا هامشى
حازم/ لا انا عوزك
مروان / بكرة نتكلم
حازم / لا اقعد احكيلى هو انت طبيت ههههه
مروان / الظاهر كده ياصاحبى هاتجنن عليها وهى ولا فى بالها
حازم / ومين قالك انك مش فى بالها دهى بتتعمد تستفذك يابيبى
مروان / متحترم نفسك قال بيبى قال هههههه
حازم/ احكللى اللى حصل امبارح
مروان حاضر وحكى له
حازم / بصراحة هى بنت كويسة بجد وشكلها هى كمان بتحبك
مروان معتقدش
حازم / صدقنى
نروح لعلا وسناء طول الطريق بتكلم نفسها وسناء بتضحك عليها
سناء/ مالك ابت حكت لها فردت سناء اقولك بصراحة هو انا هبلة اة بس هاقولك هو بيحبك وبيغير عليكى وانتى كمان بتحبية يااختشى