رواية سجين الروح
الفصل العشرون20والاخير
بقلم ريم ابو القاسم
كل شي كان حلو و مميزه لحظه العقد و الطلق الزعاريد شويه ناس ملمومه في صاله و دلوكه و اغاني سودانيه و فرحه احمد و حضور طارق المفاجئ اثناء ما انا قاعده لابسه التوب و احمد ببشر و برقص ظهر لي طارق واقف بعيد كان ببكي 💔 حتى انا وقت شفتو دموعي جات جاريه تلقائيا ما قدرته اتحكم فيها احمد انتبه لي قال لي مالك في شي حبيبتي و مسح لي دموعي اما انا نظري موجه لي طارق وقت احمد شافني مركزه اتجاه واحد قبل لقى طارق واقف ( غلط طارق يدخل لانو الحفله كانت نسوان بس ما بعرف دخل كيف كان ببكي و بمسح دموعو فجأه و بدون مقدمات طارق وقع يا جماعه💔 وقع عديل قمته جاريه الناس كلها اتخلعت بقيت اضرب فيو طارق طارق😭😭😭 هاله .خالتو ، عمي ، كلنا بقينا حولينو ابى يصحى قدر ما ضربتو و بكيت و اتكلمته معاه عن حبي ايوا عن حبي صح انا عروس بس مشاعري و قلبي مع واحد تاني و هو قدامي و غلط بس انا بحبو جاء احمد زحانا كلنا بعد تعب وقت قاس نبضو عاين لي خالتو و هاله قال لي البقاء لله وحده البركه فيكم خالتو دي وقعت الا رفعوها اما هاله دخلت في حاله هستريه 💔 واي يا اخوي طارق ما مات و نكشت شعرا و عملت عمايل و صريخ و نياج الا مسكتا خالتو سميه اما انا قاعده بي توبي جمب طارق و بتامل فيو وفي ملامحو اكيد ما مات اكيد هو ما بتكلم كيف مات ؟ هو قال ليكم مات ؟ انا حاسه انو ح يصحي ده كلو وانا قاعده احمد قال لي كفايه ياخ انتي بتحبي يعني للدرجه دي 😡 قومي يلا ارح لانو ح يجو رجال و يشيلو الجثمان البيت رفعني نهائي ما قاومتو دخلني الغرفه و قفل علي الباب شكلو ما عايزني اطلع و مشى مع الرجال زي ساعه سمعته صوت بكا و صواريخ عاينته بالشباك لقيت الرجال رافعين الجثمان حق طارق و ركبو العربيه في اللحظه دي انا استوعبته حقيقه وفاتو جريت ناحيه الباب بقيت ابكي افتحو لي الباب عايزه طارق ودوني لي طارق ما مات طارق ما مات هو قال عايز يطلب يدي من عمو والله قال بحبني و عايزني طارق انا بحبك تعال شيلني ياخ 😭😭😭😭 ببكي و بضرب لحدي ما سمعته صوت العربات جريت ناحيه الشباك شفتهم مشو شالو طارق ليه بس شيلو هو ما مات طارق حي هو ما ودعني هو كان ببكي و بعاين لي اخخخ يا قلبي تاني عيوني وقعت اتجاه شباك غرفتي بقيت ابكي بي هستريه ببكي و ببكي عيوني وجعتني و دموعي كملت بعد حكايه ساعتين سامعه صوت باب الغرفه فتح جاني صوت احمد بقول لي للدرجه دي بتحبي ابيت ارد او ارفع راسي جاء قعد في الارض جمبي و مسك وشي من تحت للدرجه دي بتحبي جاوبي ياخ و كان بكورك ابيت ارد برضو، مشى خلاني واقعه الليل كلو قاعده في مكاني و بي ملابسي جاء الصباح برضو ابيت انوم ، انوم كيف و طارق مشى طارق ما ح يرجع انوم كيف 😭😭😭💔 شويه جات خالتو سميه قالت لي كلنا ماشين من الدنيا دي يا بتي انا انتي عمك امك ابوك اي زول يعني ما تنخدعي بيها بكره تسمعي خالتك اتوفت طوالي عانته ليها و حضنتها بقيت ابكي بعد الشر يا خالتو سميه بعد الشر 💔😭😭😭 حبيبتي يا تبيان الدنيا ما بتقيف لو زول اتوفى هو محتاج دعواتك ما محتاج بكاك لانو بكاك ما ح يفيدو في شي بالعكس ح يعذبو عرفتي بقيت ابكي بس ...
انا عارفه يا بتي انتي و طارق عايزين بعض بس عشان طارق عيان و شايفه حتى لو اتزوجتي كان ما ح يدوم ليك عرفتي و زواجك من احمد اتاكدي انو لي خير عشان كده انا و عمك ما وافقنا علي الزواج ده ...
بس انا بحبو يا خالتو بحبو اعمل شنو 😭😭😭
تصلي و تدعي ليو و تشوفي بيتك عرفتي نحنا كلنا ضيوف هنا و كونك تعزبي نفسك كده معناها انتي ما رضيانه بي قضاء وقدر ربنا و الايمان بالقضاء والقدر خيره و شرا من اركان الاسلام و طارق ما غالي عند ربو اتاكدي الحاجه دي و طارق عرف مصيرو بس الكلام فينا نحنا نبكي علي الحي مش علي الميت ...
كلاما خلاني افكر و اسرح باست لي راسي يلا حبيبتي امشي اخدي حمام و تعالي اشربي الشاي عشان تمشي معاي بيت العزاء حاضر هزيت ليها راسي هي طلعت دخلته استحميت و طلعته اثناء ما بلبس في الشبط جاء احمد ونزل تحت رجولي مسكا لي و بقى يلبس فيني بعد خلص قال لي هاك مدى لي النقاب لبستو ربطتو لي هو بكل الحنيه انا منزله راسي ودموعي نزلت ما بعرف لي ما قاومتو يمكن الفتره دي محتاجه يكون زول جمبي و يطبط علي 💔 بعد خلصته قال لي يلا مسك يدي انا اكتفيت بي اني اعاين ليو و بس نزلنا شربته الشاي نص الا عمي حلف لي الا اشربو كلو والا هو كمان ما ح يشرب اطريت اشرب و بعد خلصنا خالتي قالت لي يلا نقوم نمشي هزيت ليها راسي ما بعرف جاتني القوه من وين وافقته امشي بس كلام خالتي كان ماثر معاي و اداني قوه و تفائل عمي قال لي قبل تطلعي امس امك و ابوك كانو بتصلو في تلفونك عشان يباركو ليك بس انا قلته ليهم جدعتو مع العرس و الجوطه اكيد ما فتحتو و ما حبيت اخوفهم بعدين ارجعي ليهم تمام قلته لي حاضر اها مشينا قعدته مع هاله و خالتو قالو هم زاتم ح يسافرو و يرجعو السودان عشان هنا ح يزكرهم بي طارق و اصلا هم جو عشان شغل طارق 💔 طالما طارق اتوفى خلاص ما في داعي يعقدو كانو شويه متصبرين كانو عارفين ح يتوفى قلته لي خالتو مات كان عندو مرض ولا مات كيف ...
والله يا بتي انتي عارفه غير عدم الكلام طارق عندو ضغط و بزات لو زعل اقل شي برتفع طوالي بس ما عارفه كيف حصل و ارتفع للدرجه دي عمل لي جلطه .. و بقت تبكي ...
يعني طارق اتوفى بي سببي😭😭😭💔
بقيت ابكي معاها حتى هاله قالت لي شاء الله و اتوفى و الضغط بقى لي سبب ربنا يرحمو ولدي طارق ما تبكو لي قال ما نبكي عليو بس ندعي يا ريت يا بتي ما تبكي و انتي ما السبب لانو هو كان عارف نفسو و قال عايز يشوفك اخر مره انا منعتو بس اصر و جاء ده قدر ربنا انا دموعي ما قادره تقيف عن البكا لانو حاسه انو كلو بي سببي انا الحصل 💔💔😭😭😭 قررو ناس هاله بعد يومين من الوفاة سفرهم و مشينا ودعناهم وقت جينا مارقين خالتو سميه الا فكتني من ام طارق كانت بتبكي من قلبا كانو شافت فيني طارق حتى انا بكيت شديد حسيت روحي مرقت رجعنا اليوم كئيب حتى اخر ريحه من طارق مشت 😭😭💔 تاني باقي لي منو في حياتي اثناء سرحتي جاء احمد قعد جمبي ومسك يدي كنته قاعده اكتفى بالصمت بعد شافني ما اتكلمته قال لي انتي عارفه اني حبيتك من اول لحظه شفتك فيها في المطار حتى قبل اشوف وشك و حبيتك اكتر وقت شفتك من غير قصد انا الليله ديك ما كنته قادر انوم كنته كل ما اغمض عيوني بشوف شكل وشك و انتي قاعده بتتكلمي مع ليان كنتي بالنسبه لي اجمل واقع حصل معاي في حياتي كلها ،
بس انت كنته قاسي معاي يا احمد ...
صح كنته قاسي بس ده نتيجه حبي كوني اشوفك بتعملي الغلط قدامي ما قدرته امسك نفسي و ما اقول شي لانك مهمه شديد بالنسبه لي قال جملتو لي و بقيت اعاين لي عاين لي مسافه وسرحنا في بعض(اول مره اشوف احمد من قريب كانت عيونو اجمل حاجه فيو بتحكي عن حاجات كتيره و صححت لي حقيقه كلامو و صدقو في مشاعرو اتجاهي صح كنته ماره في حاله صعبه بس كلامو و حنيتو و حبو لمسو فيني حاجه بس هي شنو ما بعرف ❤️ ) بعد شافني سرحانه قال لي يلا ننوم ؟ هزيت راسي مسك يدي بعد رقدته رفع لي رجولي و غطاني و مشى رقد في الكنبه اطمنته شديد من قربو بالطريقه دي و وجودو في حياتي في اللحظه دي بزات ٠❤️...
كانت اول ليله انوم فيها و انا هاديه و ما اقوم بي احلام و كوابيس و بكا بليل بعد وفاة طارق ... 😔
بعد تلاته شهور علاقتي بي احمد بقت قويه شديد وانا رجعته لي حياتي الطبيعيه و حتى الليله اول ايام لي دراسه في الجامعه وداني احمد من الصباح متحمسه و خايفه شديد قلته لي كيف ح يتقبلوني بي شكلي ده يا احمد هنا كلهم لابسات كيف كيف ،....
انتي مالك مش مقتنعه ..
ايوا بس 😔
بس شنو لازم تعرفي انك جوهره و ملكه بي نقابك لانو انتي بتعملي شي محبب لي ربنا و ما تعملي حاجه عشان الناس دايما اعملي البرضي ربنا عشان ربنا يرضيك فهمتي ...
كلامو طمني شويه ياخ دايما احمد بفوز ...
و وصلنا الجامعه و بالجد يوم حلو ما اشتغلته بي زول كنته واثقه من نفسي و في سنه كونته علاقات حتى تلاته من صحباتي بقو منقبات زيي يعني بدرس و بنشر في الإسلام عامله داعيه و كده 😂😂❤️💃 بجد و بنات كتار بجو بقعدو معاي و احكي ليهم عن قصص الأنبياء والمرسلين و حكاوي الرسول و عن المعجزات و القران و حاجات حلوه و كتيره شديد و شويه شويه بدخلو الإسلام و في البتنقبو كمان ...
الليله تخريجي معاي امي و ابوي و اخواتي و اسعد و عمي و خالتو سميه وليان و الاهم زوجي حبيب قلبي و قره عيني و عوضى الحلو احمد احتفلنا و هو كان معاي لحظه تسليم الشهاده جاب لي خاتم و لبسني ليو قدام الناس بما انو ما عملنا خطوبه ❤️🥺 و سلم لي في راسي من الفرحه بكيت ما قدرته اعبر مسك يدي و الشهادة واخدنا صوره مع بعض وتاني جماعيه حقيقي فخوره بنفسي و بي وجود احمد كنته فاكره الزواج ضرب و قهر و وجع قلب بس جاء احمد و اثبت لي العكس وخلاني ما اشوف غيرو و الخبر الاجمل عملنا عمره لي طارق انا و احمد 😔❤️..
الخلاصة: عايزه اقول ما كل حاجه سيئه او بلاء معينه يحصل معاك معناها ربنا ما بحبك لا دايما خلي في بالك ما احب الله عبدا الا ابتلاه يعني ربنا بحبك و اعتبر الحاجه دي حسنات جاريه و عوض ربنا دايما بكون جميل و حلو بس نحنا كيف نصبر ...
و انو الدنيا دي زي بيت الإجار اكيد لو عندك قروش في يدك ما ح تبني بيت الايجار انت ساكن فيو لانو مؤقت اكيد ح تقول قروشي دي طالما بتعمل لي قطعه ارض خاصه بي افضل ابني بيها بيتي و ارتاح بس يلا انت لازم تعمل لي اخرتك الدنيا دي كلنا ماشين منها سواء رضيت او ابيت ربنا يدينا العمل الصالح و يحسن خاتمتنا لانو البقاء لله وحده ❤️
تمت