رواية احلام والاقدار الفصل السابع7بقلم هبه احمد
فى اسيوط
::::::::::::::::::
مرسى / قاعد على القهوة منتظر مسعد
مسعد / السلام عليكم اتاخرت عليك
مرسى / وعليكم السلام لسه يدوب جاى
مسعد /طيب يلا تعالى معايا اتكلم مع ابوى هو يعرف كل حاجة عن مصطفى نور الدين
مرسى / كان جه معاك احسن
مسعد /متخافش هو رجل كبير مايقدرش يمشى
مرسى / تمام يلا بينا علشان نرجع بدرى الحساب يابنى
مسعد/ لا والله حسابك عليه ولد ياصبرى الحساب ودفع الحساب وركب عربية مسعد و على قرية مسعد
مرسى / الو السلام عليكم
احمد / وعليكم السلام وصلت لحاجة طمنى
مرسى / انا رايح مع ولد عمى مسعد سعد نور لعند ابوه فى القرية
احمد /العب طيب خلى بالك
مرسى /حاضر هارجع الليلة بأذن الله
مسعد /انت كنت بتكلم مين
مرسى / كنت بكلم اخوية بطمنة عليه
مسعد / انزل وصلنا ولد ياعبدة
عبدة / ايوة يابوى
مسعد / فين جدك ياولدى
عبدة /عند جدى متولى وهو مسنتظرك هناك
مسعد / ربنا يستر تعالى يااستاذ معايا
مرسى/ بخوف اجاى فين
مسعد / متخافش انت معايا وبعون الله انت فى امان
مرسى / ماشى ووصلوا لبيت الحاج متولى
مسعد / السلام عليكم انت هنا ليه يابوى
سعد / تعالوا ياولدى جدك متولى عوزك انت والضيف
مسعد / الضيف ضيفى ادخل يااستاذ
مرسى / السلام عليكم
الكل / عليكم السلام
الحاج متولى ( خال مصطفى نور الدين ابو احلام ) انت تعرف مصطفى منين ياولادى
مرسى / انا عمرى ماشوفتة ولا اعرفة
الحاج متولى / وهتشوفة فين ياولدى وهو اتقتل هو ومرتة من اكتر من 25 سنة
مرسى / انت بتقول ايه اتقتلوا طب ازاى
الحاج متولى / قسما عظمنا لو ماقولت انت جاى ليه وبتدعبس على ايه لتكون محصلة ولا حد يعرفلك طريق قلت ايه
مرسى / اصل ابوية تعبان وكان عوز يشوف الحاج مصطفى وانا جيت اسأل عليه
الحاج متولى / الكلام ده تضحك بية على مسعد انما انا لا هتقول الحقيقة ولا اخليك تحصلة انا مخدش فيهم ساعة زمن وانت جاى فى مطرحى فمش هاخد فيك ساعة برضة
ياولاد خدوة وخلصوا عليه فى الزرايبة جوه
مرسى / انا هاتكلم خلاص وحكى لهم بان الاستاذ احمد كلفة بمعرفة كل شيئ عن مصطفى نور الدين
الحاج متولى / ومين اللى مكلف الاستاذ بتاعك
مرسى / واحد اسمة صفوت والله ماعرف عنه حاجة ياحاج
الحاج متولى / طيب بيسألوا ليه
مرسى / على معتقد علشان بنتة
الحاج متولى / بص لسعد وقال هى بنتة لسة عايشة واسمها ايه
مرسى / معرفش والله
الحاج متولى/ شكلك هتتعبنا معاك خدوة ياولاد وخلصوا عليه
مسعد / محدش يلمسه انا عطيتة الامان ياجدى
الحاج متولى / طلما بيدعبس ورانا يستاهل يموت ياولدى
مسعد/ روحى قبل روحه ياجدى
الحاج متولى / روحك غالية عندى ياولدى انت ابن بتى ياولدى
مسعد/ انا ضامن انه مش هيتكلم ياجدى
الحاج متولى / طيب ياولدى ليك وله الامان
مرسى قام يجرى ووقف جنب مسعد
مسعد / باس ايد الحاج متولى واخد مرسى ومشى ركبه وقال له ارجع بلدك وقول للى بعتك انس الماضى لو الماضى اتفتح الدم هيكون كتير
مرسى /حاضر متشكر ليك يا مسعد انت انسان محترم
مسعد/ تعرف ان مصطفى نور الدين يبقى عمى مع السلامة
مرسى / الله يسلمك متشكر
مسعد / رقمى معاك كلمنى فى اى وقت انا تحت امرك
مرسى /ماشى يا صاحبي
نرجع لبيت الحاج مصطفى درويش
احلام /هو محمد فين ياماما
ماما سميحة/خرج من شوية يقابل واحد صاحبه كنت عوزة حاجة
احلام / كنت عوزاه يجيب عربية علشان تنفعنا للمشاوير
ماما سميحة / هههههه هو احنا بنروح فين يعنى
احلام / علشان هو وحازم واى حد يوصل ايه للكلية
ماما سميحة/ طب وانتى مصممة متروحيش الكلية
احلام /ايوة انا هافتح مكتب هندسى واشتغل انا بحب الشغل مش قاعدة المكاتب اناكنت بخلص التصميم اللى يخلص فى عشر ايام فى ساعتين زمن
ماما سميحة/ اهو طلع معهدهوش اصل وخلكى سبتى الشغل
احلام / هو مالهوش داخد حتت قلم مخدهوش حرامى هههههه
ماما سميحة/ يالهووووي هو كان جامد كده
احلام / اة دلولا شريف وعمر وسامى كنت اخدت علقة موت ههههه
ماما سميحة/ هههههه بصراحة تستاهلى
احلام / اشوف مين بيرن عليه
ماما سميحة/ وانا هاروح اصلى
دخل محمد /السلام عليكم
احلام / عليكم السلام حمد الله على السلامة حبيبى
محمد /بت يااحلام
احلام / بت فى عينك افندم
محمد / عوزك فى موضوع
احلام / قعدت وووضعت رجل فوق التانية وقالت اشجينى هههههه
محمد/ مش عوز حاجة امشى ابت
احلام / خلاص بهزر هههه قول ياحبيبى
محمد/ جميلة.
احلام /اشمعنى
محمد/ هو فى حد فى حياتها
احلام / هههه لا طبعا دى موكوسة زى اختك ملهاش فى الكلام ده
محمد/ الحمد لله
احلام/ افهم ياغزال
محمد / عوز اتقدم ليها ايه رأيك
احلام / والله دى بنت بمية راجل ربنا يوفقك
محمد/ هاكلم ماما وبابا
احلام / وانا ممكن اخليكم تقعدو مع بعض ماشى
محمد / تشكرى ياباشآ
احلام /عد الجمايل
محمد/ امشى ابت ماما ياماما
ماما سميحة/ حمد الله على السلامة
محمد/ ماما انا عوز اتقدم لجميلة ايه رأيك
ماما سميحة/ يازين ما اخترت بجد البنت محترمة واهلها كويسين
محمد/ قولى لبابا شوفى رأية
ماما سميحة/ حاضر عقبال يااحلام
احلام / تسلمى ياماما انا مشوارى لسة طويل محمد عوزين نجيب عربية نقضى بيها مشاورينا اية رأيك
محمد / انا هاستلم عربيتى بعد بكرة وتقضى
احلام / لا علشان اية وسمسم وحازم يبقى يوصلهم الجامعة
محمد/ نشوف الموضوع ده مع بابا
حازم واية / السلام عليكم
الكل وعليكم السلام
ماما سميحة / يلا يااحلام نحضر الغدا
احلام / خليكى ياماما وانا هاحضر السفرة
ماما سميحة/ هاساعدك يلا
نروح عند صفوت
~~~~~~~~
احمد المحامى / الوووو
صفوت / وصلت لايه انجز
احمد / حصلت مصيبة ياكبير
صفوت / اقفل وتعالى انا فى المكتب
احمد/ ربع ساعة اكون عندك
صفوت / منتظرك
وفاء / التصميم يا بشمهندس
صفوت/ سبيه وهاتلى قهوة سادة
وفاء / تحت امرك يافندم
صفوت / وفاء هاتلى الزفت اللى اسمة شريف
وفاء /حاضر وفاء اتصلت بشريف
شريف/ خير ياوفاء
وفاء / البشمهندس صفوت عوز حضرتك بسرعة
شريف / انا عارف انة يوم مش فايت على خير وجه لصفوت وقال خير يابشمهندس
صفوت / الشغل ده مش كامل
شريف / الشغل مظبوط انا رجعتة مع عمر وسامى
صفوت / انت وعمر وسامى فاشلين
شريف / عارف والله
صفوت / بطل برودك وظبط شغلك
شريف / حاضر وخبط الباب ودخل احمد وقال السلام عليكم
شريف وصفوت / وعليكم السلام
صفوت/ اتكلم ياوش المصايب
احمد / الرجل اللى بعته ماسكوه وكانوا هيقتلوه واحد اسمة متولى قاله انا اللى قتلت مصطفى ومرأتة ومخدش فيهم ساعة حبس وقال بلاش تنبش فى الماضى علشان الدم ميبقاش للركب
شريف / يانهاراسود حرام عليك كده ضيعت البنت الغلبانة انت ايه معندكش ضمير هو الانتقام عماك للدرجة دى بقى علشان وقفت فى وشك تعمل فيها كده
صفوت / انت تسكت خالص
شريف / معدش ينفع اسكت
احمد / الولد مرعوب خايف يطلع من البيت
صفوت / اكتب كل اللى قاله وهاتخ
احمد / حاضر بس انا برا الموضوع ده سلام عليكم
شريف / على فكرة الحب مش بيدمر الناس انت قلبك عمره ماعرف الحب قلبك مليان حقد وغل
صفوت / بصوت عالى اخرج بررررررررا
شريف/ اناخارج ربنا يهديك
صفوت قعد يلوم نفسة ويلعنها
بعد الغدا ماما سميحة قالت ياجماعة عندى لكم خبر حلو
الحاج مصطفى/ خير يارب
ماما سميحة/ محمد عوز يخطب
حازم / مبروك يامعلم ومين سعيدة الحظ
الحاج مصطفى/ حاطط عينك على حد ولا امك تشوفلك
ماما سميحة/ ايه رايك ياحاج فى جميلة
الحاج مصطفى/ المهم رأى محمد هو اللى هيعيش معاها
محمد/ انا بقول لو مفيش حد متقدملها يعنى
الحاج مصطفى/ يازين مااخترت والله بنت كويسة
احلام / وانا هاخليك تتكلم معاها
الحاج مصطفى / ماشى اخرجوا كلكم وجميلة معاكم ويتكلم معاها انت عارف حلال ربنا يابنى
محمد/ دى تعتبر اخت ليه لحد مايكون كل شيئ رسمى
الحاج مصطفى/ ربنا يوفقك يابنى كلميها يااحلام واخرجوا وخدو ماما معاكم اقعدو شوية فى مكان هادئ خلص معاها
محمد / حاضر يابابا
ماما سميحة/ البسوا يابنات هى قالت ايه يا احلام
احلام / بتلبس ياماما وجاية
حازم /هانزل اشوف عمى صابر
ماما سميحة/ ياريت يكون موجود
احلام /افتحى ياسمسم لجميلة
محمد/ خليكى انا هافتح
جميلة/ السلام عليكم ازى يامحمد
محمد/ انفضلى بخير الحمد لله
احلام / يلا ياماما حازم بينادى
الكل ركب احلام بصوت واطى لجميلة جوجو محمد عوز يتكلم معاكى فى موضوع يخصكم اسمعية الاول ماشى
جميلة /هو فى ايه افهم
احلام / محمد عوز يتقدملك بس عوز يتكلم معاكى الاول
جميلة / ممكن انزل هنا عوز اروح
احلام/ اتوكسى واسكتى حد لاقى جواز اليومين دول
نروح اسيوط
~~~~~~~
الحاج متولى / الووو عرفت حاجة ياولدى
منصور ابن الحاج متولى / لسه يابوى مخرجش من بيته لحد دلوقت
الحاج متولى / خلى بالك فتح عينك كويس عوز اعرف كل حاجة
منصور / حاضر انا اخدت شقة فى البيت اللى فى وش بيتة وقاعد مستنى اى خبر
الحاج متولى / تمام مع السلامة
نعود للاسكندرية
~~~~~~~~~~~
محمد / اتكلم مع جميلة واتفقوا على التقدم لاهلها والشبكة بعد اسبوعين
جميلة / انا هافضل فى شغلى انت عارف بابا على المعاش وانا بساعد فى البيت
محمد/ ماشى بس بعد الزواج تقعدى
جميلة / كده صعب على ماما
احلام/ ليه ياجوجو
جميلة / انت عارفة الجهاز والاجهزة غالية وممكن اهلى يفضلوا يسددو اقساط سنتين على الاقل
جميلة / الاجهزة هدية منى ليكى ياجوجو
جميلة / منين يا احلام دانتى مش بتشتغلى
احلام / بابا كان حاطط ليه وديعة وانا لسه مولودة وانا حولتها حساب جارى. تانى يوم الخطوبة هاننزل نحيب الاجهزة
محمد/ كل ده مطلوب منى انا ياحلومة
احلام / مش هتفرق ياحبيبى ربنا يسعدكم
محمد جميلة مع بعض / عقبالك يارب
روحوا وتانى يوم اتقدم محمد لجميلة واتفقوا على كل شيئ
احلام قالت / عمى فهمى انا عليه الاجهزة والمطبخ
والحاج مصطفى/ قال واللى يلزم بنتى جميلة انا موجود والفرح بعد 3 شهور
عم فهمى ( والد جميلة )/ بس جهاز جميلة فرض عليه مش مجبرين تعملوا كده
الحاج مصطفى/ احنا اهل ياحاج فهمى يكفى اننا هناخدت ست البنات
ومرت الايام جميلة حتى ميعاد الخطوبة وكان محمد عامل مفاجاة لجميلة
فى الكوافير يلا ياعريس العروسة جاهزة
محمد/ بسم الله ماشاء الله قمر
جميلة / متشكرة وجه يمسك ايدها جميلة شدت ايدها من ايدخ براحة
محمد / بصلها وسكت
كان الشارع مليان عربيات وزفة جميلة وصلوا المسرح وكان من المعازيم اغلب زملاء جميلة واحلام فى الشغل ومن ضمنهم صفوت وشريف وعمر وسامى ووفاء
احلام / بترحب بالمعازيم وصلت لطربيزة صفوت وشريف وباقى زملاء العمل سلمت على الجميع
شريف / الف مبروك على الماجستير يابشمهندسة
احلام /الله يبارك فيك اشكرك
شريف / مش عوزة ترجعى شغلك بروضة الشغل وحش من غيرك
احلام / معتقدش ارجع تانى يابشمهندس عن ازنكم منورين
صفوت/ هو انت ليه مغرورة اوى كده
احلام / حضرتك بتكلمنى انا
صفوت / ايوة طبعا
احلام / انا مش مغرورة وكمان مبحبش حد يجى على كرامتى
صفوت / بس انا مصمم انك ترجعى شغلك تانى
احلام / معتقدش اقدر ادوس على كرامتى وارجع
صفوت / هترجعى و الايام بيننا
احلام /انت ليه بتدى لنفسك الحق انك تقرر نيابة عنى مع الاسف لو مفيش شغل غير مع حضرتك يبقى قعدة البيت افضل
صفوت/ هترجعى
احلام /بصوت وطئ مستفز ههههه نورتوا وسهرة سعيدة
محمد مسك المايك وقال عمى فهمى انا بطلب من حضرتك اننا نكتب الكتاب ايه رأيك
عم فهمى (والد جميلة) انت فعلا مجنون انا موافق
جه المأزون وعقد القران وانتهى الحفل وخرج اهل جميلة مع اهل محمد اتعشوا وسهرو ورجعوا نام الجميع
صباح يوم جديد
~~~~~~~~~
احلام يلا ياماما علشان منتأخرش حازم يلا معانا جميلة وماماتها واقفين فى الشارع
حازم / انا جاهز بس المفروض محمد هو اللى هيروح معاكم
احلام / مهو هيخرج مع جميلة بعد المغرب
حازم / حاضر يلا
احلام/ فى محل عنده الاجهزة قالت بصى ياطنط شوفى اية اللى لازم جميلة وشورى عليه بس
ام جميلة/ تسلمى يابنتى
اشتروكل اللازم وجم يرحوا عند بيت اهل جميلة فامها
قالت / الحاجة تطلع لشقتهم لحد ميعاد الفرش
ماما سميحة/ ماشى ياحبيبتى
احلام / فاضل بكرة ياجوجو هتتعبى معايا
جميلة / هو فى ايه
احلام / انا حاسة ان ايامى معدودة معاكم علشان كده عوزة اخلص من جهازك
جميلة/ ربنا يخليكى ليه حبيبتى
احلام /بكرة تنزلى معايا بدرى ماشى
جميلة /عندى شغل
احلام / انا هاتصل بالبشمهندس شريف واستأذن منه
جميلة / لوكده ماشى قبل الضهر اكون جاهزة
احلام / ماشى ياعروسة
نروح للحاج متول
~~~~~~~~~~
تجيبها وتوديها البيت المهجور وخلى بالك مش عوز ولاغلطة ماشى
منصور / حاضر يابوى انا مرقبها اول ماتكون لوحدها هنفذ على طول
الحاج متولى / خلى بالك اوعك تغلط ومتسبش اى شيئ وراكم
منصور فاهم يابوى
احلام وماما سميحة وجميلة ومامتها
احلام / لزمك حاجة تانى ياعروسة
جميلة /منحرمش منك يارب
احلام / هاتى ياعمو الفازة دى واخدتها وعطتها لجميلة وقالت علشان تفتكرنى بيها
جميلة/ مالك اليومين دول ياقلبى
احلام / مفيش حاسة انى هابعد عنكم
ماما سميحة /عمرك ماتبعدى الا لما تكونى ريحة بيتك فى ايد عريسك يابنت قلبى
احلام / حضنت ماماتها وقالت ربنا يخليكى لية يلا نجيب لبس لاخواتى
وجابت لبس للكل وروحت وعطت اية وسمسم حاجاتهم وبصت لقت فى حاجات لجميلة معاها ( هدوم وقمصان نوم )
احلام/ ماما هانزل اودى حاجات جميلة
ماما سميحة /خليهم لبكرة وارتاحى دلوقت
احلام / هوديهم بسرعة واجاى
ماما سميحة / متغيبيش
احلام / حاضر وخرجت ولسه بتعدى الشارع لقت ست بتقول ليها ممكن تعدينى الشارع معاكى