رواية كيندرا
الفصل الثالث والعشرون والرابع والعشرون
بقلم حليمه عدادى
نزلت دموعه و هو شايفها من ورى الإزاز وهما بيعملولها الصدمات علشان النبض يرجع ومع كل صدمة كان جسمها بيطلع وينزل
حس جاد إن روحه بتتسحب منه وهو شايف معشوقته بتتألم نزلت دموعه اللي مانزلتش قبل كدا قعد على الأرض يبكي زي العيل الصغير
كم هو مؤلم أن ترى من تحب يتألم
يوسف : كفاية ياجاد كيندرا هتكون بخير متيأسش أنا عارف كيندرا كويس أوي هي قوية ..
جاد : يارب ماليش غيرها يارب احفظها ..
خرج الدكتور جري جاد ويوسف وكل العيلة ناحيته
الدكتور : الحمد لله النبض رجع حاولوا تكونوا جنبها علشان نفسيتها تتحسن ونقدر نعملها العملية ..
جاد : ماتقلقش يادكتور هتكون بخير إن شاءالله وهتعمل العملية ..
زينب : دكتور أرجوك أعمل كل اللي تقدر عليه أنا عايزه بنتي تعيش ..
حضنها يوسف بدموع هو أكثر شخص بيتألم لأن كيندرا مش أخته وبس دي صاحبته كمان
خالد حاول إنه يتماسك علشان عيلته : بنتي كيندرا قوية وهتعدي الأزمة دي بإذن الله..
جاد : أنا هروح دلوقتي وهرجع بسرعة مش هتأخر ..
يوسف : جاد روح علشان ترتاح شوية إنت تعبت أوي ..
جاد : لا أنا مش هرتاح غير لما أشوف كيندرا بقت بخير خلي عينك عليها أنا هرجع بسرعة ..
********************************************
سناء : هو عارف إنها هي اللي خطفت سارة ولما سمع إنها في المستشفى جري عليها زي المجنون ..
ريم : ماما جاد عندوا أربعين سنة ومافيش أي واحده قدرت تلفت إنتباه لحد ماشاف كيندرا هي الوحيدة اللي ملكت قلبه هو بيحبها بجنون ..
سناء : حتى لولسه بيحبها هو نسي اللي عملته فيه ..
حسام : ماما هي إنتقمت منه علشان كانت فاكره إن جاد هو اللي السبب في اللي حصل لأخوها هي فهمت غلط ..
سناء : حتى لوفهمت غلط هو برضو هيتجوز سارة ويطلقها ..
جه صوت جاد من وراها
جاد : مش هطلقها ومش هتجوز غيرها ..
سناء : إزاي يعني مش هتتجوز غيرها وسارة هقولها إيه ..
جاد : ماما أنا جيت بس علشان أغير هدومي وراجع ثاني أنا مش فاضي للكلام دا دلوقتي ..
سناء : إزاي يعني مش فاضي إنت وراك إيه و هتروح فين ..
جاد : راجع للمستشفى لازم أكون جنب كيندرا هي محتجاني دلوقتي ..
سناء بغضب : إنت نسيت كل اللي عملته فيك ورحت تجري عليها ..
جاد : ماما أنا هنسى العالم كله بس هي تبقى بخير وأنا سامحتها خلاص ..
سناء : إنت خلاص سامحتها بالسهولة دي طب وسارة ..
جاد : ماما كيندرا بتموت عندها ورم في الدماغ و إنتي عايزاني اتجوز ..
سناء : إيه عندها ورم وإنت هتعملها إيه ماعيلتها معاها ..
جاد : ماما نتكلم وقت ثاني حسام خلي بالك من الشغل في الشركة الفترة دي ..
دخل لغرفته علشان يغير هدومه وخرج بعد فترة
سناء : إجري روحلها يلعن أبو الحب اللي خلاك تسامحها بعد كل اللي عملته فيك ..
ريم : خلاص ياماما هي صحيح غلطت لكن مكنش قصدها كيندرا مرات جاد وحب حياته لازم يكون معاها دلوقتي ..
********************************************
مر يومين على كيندرا وهي في المستشفى كانوا أصعب يومين بسبب الدوا اللي بتاخذوا شعرها بقى يقع كان جاد دايما جنبها يحاول يساعدها بكل الطرق
كيندرا : خلاص ياجاد أنا مش قادرة أكل ..
جاد : لازم تاكلي ياحبيبتي علشان تبقي كويسة ..
كيندرا : ما افتكرش إني هبقى بخير العملية مش سهله و نسبة نجاحها 20% ..
جاد : كيندرا متقوليش كدا إنتي هترجعي زي الأول وأحسن كمان وهتحققي كل أحلامك ..
كيندرا : أنا بخير ياجاد إنت لازم تروح علشان تتجوز إنت وسارة أنا آسفه لأني كنت السبب في إن فرحكم ميكملش ..
جاد : جواز إيه وفرح مين ياكيندرا أنا مش هتجوزها وأظلمها معايا ..
كيندرا : إزاي مش عايز تتجوزها وإنت كان فرحك في اليوم إياه ..
جاد : دي كانت غلطه في ساعة غضب قلبي مافيهوش غير صغيرتي ..
حاولت ماتبينش فرحتها
كيندرا : مين هي صغيرتك ممكن أعرفها ..
مسك إيدها وباسها بحب وبص لعينيها
جاد : مافيش في قلبي غير بنت واحده وهي إنتي ياكيندرا إنتي اللي سرقتي قلبي وعقلي وبقيتي النفس اللي بيتنفسه ..
كيندرا بدموع : جاد إنت تستاهل اللي أحسن مني أنا مابقتش أنفع لحاجة الموت بقى قريب مني ..
جاد حط إيده على بوءها :
اششش قلتلك هتبقي كويسة وهتنوري حياتي ..
كيندرا : جاد بصلي شعري بقى بيقع وجسمي خس إزاي والهلات السوداء تحت عيني ..
جاد : أنا حبيتك إنتي محبتش جمالك حبيت روحك الجميله وقلبك الطيب وكمل بهزار ونظرتك الجميله دي ..
كيندرا بخجل : وأنا كمان بحبك ..
جاد : إيه أنا ماسمعتش إنتي قولتي إيه قوليها ثاني كدا ..
كيندرا : جاد أنا قلت سكتت بخجل قلت إني أنا كمان بحبك ..
جاد بفرحة : دا أجمل يوم في حياتي وأنا بسمع إن حبيبتي بتحبني زي ماأنا بحبها ضمها لحضنه ..
كيندرا : جاد أنا حاسه بألم في راسي مسكت رأسها وعيطت من شددة الألم ..
حضنها جاد وهي تبكي وهو بيبكي معاها
جاد : اهدي ياحبيبتي أنا حاسس بألمك ..
في الوقت دا دخل الدكتور جاد مسح دموعها وباس عينيها
الدكتور : دلوقتي وقت علاجها ..
كيندرا مسكت جاد بقوة
كيندرا : جاد أنا مش عايزه أنا بتألم كتير ..
جاد : علشان خاطري استحملي علشان تبقي أحسن ..
كيندرا : جاد أنا تعبت تعبت وكملت بدموع إمتا الألم دا هيخلص ..
جاد : قريب إن شاءالله كل حاجة هتخلص ..
خرج جاد وساب قلبه وراه بينزف من الألم
**********************************************
بعد مدة دخل جاد لغرفتها لقاها نايمه بهدوء وعيلتها قاعدين حواليها
يوسف : تعبت بعدما خذت العلاج ونامت من كثر التعب هي كانت مستنياك ..
جاد : أنا روحت الجامع مقدرتش أشوفها بتتألم ..
يوسف : أنا هروح دلوقتي خليك جنبها وبكره هنعرف نتيجة التحاليل ولو الورم حميد او خبيث ..
جاد : إن شاءالله خير ..
يوسف : يلا نروح ياماما علشان ترتاحي شوية ..
بعدما خرجوا بصلها بحزن وهو شايف شعرها اللي وقع هو عارف إنها هتزعل أوي ..
نام جنبها وضمها لحضنه وهو خايف إن الموت ياخذها منه ..
*********************************************
سناء : حسام فات يومين أهو وجاد مجاش البيت هقول إيه لسارة
حسام : انسي موضوع سارة جاد خلاص سامح كيندرا وإن شاءالله أول ما تشفى هيتجوزها ..
سناء : إيه إنت بتقول إيه وهقول إيه لخالته ..
ريم : إتكلمي معاها ياماما وهي هتفهمك أكيد ..
سناء : يارب تفهم ولا أنا هخسر أختي بسببكم ..
*******************************************
إنتفض من مكانه للدرجة إنه كان هيقع على الأرض
يوسف : جاد اهدى يابني دا أنا يوسف ..
جاد : كيندرا بخير بصلها لاقاها لسه نايمه ..
جاد : حرام عليك رعبتني أفتكرت حصلها حاجة ..
يوسف : الدكتور طلب إنه يشوفنا علشان يعرفنا نتيجة التحاليل وإيه هو نوع الورم ..
جاد بخوف ورجاء : يارب لا تحملنا ما لا طاقة لنا به ..
خرجوا من عندها راحوا عند الدكتور بقلب يرتجف ودقاته مسموعه
الدكتور : بعد الفحوصات والتحاليل اللي عملناها ..
جاد : اتكلم يادكتور أعصابي ماعدتش مستحمله ..
الدكتور : طلع الورم
الفصل 24
الدكتور : الحمدلله الورم طلع حميد ..
يوسف بفرحة : الحمدلله يارب بس يادكتور يعني إزاي إنتوا بدأتوا العلاج قبل ماتعرفوا نتيجة العينه ..
الدكتور : عملنا عينه في الأول وطلع خبيث علشان كدا بدأنا العلاج واستغربنا ليه شعرها وقع في بداية العلاج فلما رجعت علشان أتأكد من العينة اكتشفت إن العينه دي لحد ثاني مش العينة بتاعت كيندرا علشان كدا عملنا واحدة ثانية وطلع الورم حميد ..
الجاد : طيب هتعمل العمليه إمتا يادكتور إنت قلت بعد أسبوع ..
الدكتور : الورم الحميد مش محتاج علاج كثير لأن ممكن استئصاله وسرعة نمو الأورام الحميده بتكون بالعادة بطيئه أوي ومش بتنتقل لعضو ثاني ..
جاد بفرحة : هتعمل العملية وهتبقى كويسة صح كدا ..
الدكتور : هتاخذ كام جلسة علاج الأول وبعدها العمليه بإذن الله..
جاد : الجلسات صعبه أوي هتستحملها إزاي ..
يوسف : إن شاءالله كل حاجة هتعدي ..
جاد : أنا هروحلها دلوقتي أكيد هتكون فاقت ..
يوسف : ماتسيبهاش لوحدها هروح علشان أشوف ماما لأنها تعبانه ..
جاد : ماتقلقش أنا هبات معاها الليلة دي كمان روح إنت علشان ترتاح ..
❈-❈-❈
خرج يوسف من المستشفى
أما جاد راح لأقرب مطعم جاب شوية أكل فتح الباب واتصدم لما لاقاها حاضنه نفسها وبتبكي حط الأكل وجري عليها ضمها لحضنه اتمسكت بيه بقوة ..
جاد : حبيبتي اهدي في حاجة وجعاكي أكلم الدكتور ..
كيندرا ببكاء : حلمت إني بعد العلاج شعري وقع كله وشكلي مابقاش حلو وإنت روحت وسبتني
وكملت ببكاء وشهقات عاليه
جاد إنت هتسيبني لما شعري يقع شوفوا هو لسه حلو ..
جاد : ششش اهدي ياحبيبتي أنا مش هسيبك خالص مافيش أي حاجة ممكن تبعدني عنك إنتي روحي ياكيندرا مافيش حد يقدر يسيب روحه ..
بصتله والدموع في عينيها
كيندرا : أنا بحبك ياجاد متسيبنيش مرة ثانية أنا هموت لوإنت بعدت عني ..
جاد مسح دموعها وباس خدودها بحب
جاد : يلا بقى خفي أنا عايز اتجوز أنا عجزت عايز يبقى عندي ولاد ..
كيندرا : ولو متعالجتش هتفضل مستنيني طول عمرك طيب لو مقدرتش أخلفلك الولاد اللي إنت عايزهم ..
جاد : كيندرا إنتي بتقولي إيه إنتي هتبقي بخير وتخلفيلي ولاد جميلة ودلوقتي أنا عندي أجمل بنوته في الدنيا كلها ودا مكفيني ..
كيندرا : هو إنت بقى عندك بنت إنت متجوز ياخاين ..
جاد : ههههههه هو في بنت غيرك في حياتي إنتي بنوتي ومراتي وحبيبتي حضنها بكل بحب لما شاف إبتسامتها كأنه ملك الدنيا باللي فيها ..
كيندرا : رغم الألم اللي بحس بيه لكن لما بشوفك بنسى كل ألمي ..
جاد : اااه الأكل برد أنا نسيت الأكل ..
جاب الأكل وقعد قدامها وبدأ يأكلها بإيده بكل حب وهو شايف ابتسامتها ..
جاد : عارفه إبتسامتك دي بتخليني انسى كل حاجة..
كيندرا : إنت أجمل حاجة حصلت لي في حياتي رغم تعبي لكن لما بشوفك بحس إن بقالي سند ..
جاد : أنا هكون دايما سندك ودلوقتي لازم تنامي لأن بكره عندك جلسه علاج ..
كيندرا بحزن : إمتا بقى الألم دا ينتهي أنا تعبت ..
جاد : كيندرا إنتي مؤمنة بقضاء الله قولي الحمدلله إن شاءالله كله هيعدي ..
كيندرا : إنت هتروح فين دلوقتي وكملت بغيرة ولا عايز تروح علشان تشوف سارة ..
جاد : هههههه ..
كيندرا : إنت بتضحك ليه يعني كلامي صح خلاص روحلها ومتجيش هنا ثاني ..
جاد : إنتي متأكده عايزاني أروحلها ..
كيندرا : روح مش عايزه أشوفك ..
قعد جنبها وضمها لحضنه
جاد : عينيا مش شايفه غيرك ياكيندرا أنا هنام هنا معاك يلا نامي هتنامي في حضني ..
بصتله بخجل وهي مبتسمة
جاد : مالك دا مجرد حضن
حضنها جاد وناموا ..
جاد فاق بالليل مفزوع لما سمع صوتها بتئن بصلها شافها حاطه إيديها على بوءها ودموعها نازلة بغزارة
جاد بفزع : حبيبتي مالك إيه اللي واجعك ..
لما ملاقاش منها رد ضمها لحضنه
جاد : ليه حاطه إيديك على بوءك إنتي مش عايزاني أسمع عياطك ..
كيندرا بدموع : أنا بتألم أوي ومكنتش عايزه أزعجك بصوت عياطي ..
جاد : كدا أنا هزعل منك ياكيندرا لازم تفهمي إن ألمنا واحد و حزننا واحد ..
كيندرا : وإنت ذنبك إيه إنك تبقى من غير نوم بسببي ..
حط إيده على بوءها
جاد : ذنبي إني بحبك ذنبي إنك روحي في حد يقدر يعيش من غير روحه تعالي لحضني ..
ضمها لحضنه ومسح دموعها
كيندرا : إنت اللي بتصبرني على الألم ياجاد ..
جاد : حبيبتي أنا معاكي لحد ماتبقي كويسة بلاش تخبي ألمك عليا مرة ثانية ..
كيندرا هزت رأسها بالموافقه
♡♡♡♡♡♡♡♡♡♡♡♡♡♡♡♡♡♡
عدى أسبوع و كيندرا متابعة الجلسات بقى جسمها هزيل وشعرها وقع
كيندرا بدموع : بصي يارنا شعري وقع إزاي فين جمالي بصي بقيت عامله إزاي جاد مش هيعجبه شكلي دلوقتي وهيكرهني ..
رنا : جاد بيحبك و مستحيل يسيبك أو يتخلى عنك ياكيندرا إنتي كل حياته ..
كيندرا : إنتي بتتكلمي جد يارنا جاد مش يكره شكلي ..
رنا : جاد حب جمال قلبك وروحك الحب مش بجمال الوش الحب الحقيقي بجمال الروح ..
كيندرا : أنا بحاول بكل قوتي لكن القوة اللي بتخليني استحمل كل دا هو وجود جاد جني ..
دخل جاد و باقي العيلة وراه
جاد : حبيبة قلبي الجميله عامله إيه دلوقتي قعد جنبها وباس راسها ..
كيندرا بخجل من نظرات الجميع لها : بخير الحمد لله ..
خالد : إنتي حاسه بإيه دلوقتي ياقلبي ..
كيندرا : حاسه إني مبسوطة أوي لأني شايفه كل اللي بحبهم حواليا ..
يوسف بهزار : قصدك باللي بتحبيهم إحنا كلنا ولا حد معين ..
كيندرا : أنا قصدي الكل يايوسف .. بصت لجاد بكل حب وأكتر واحد استحملني في تعبي هو جاد مش هنسى أبداً وقفته جنبي ..
جاد : كيندرا كل حاجة عملتها كان علشانا إحنا الإثنين إنتي مراتي وكل حاجة ليا ..
يوسف : حبيبتي النهاردة هتعملي العمليه لازم تكوني مستعده ونفسيتك كويسة ..
زينب بدموع : أنا بنتي قوية وهتطلع من العملية بسلام ..
كيندرا : بعد إذنكم ممكن تسيبوني مع جاد شوية ..
يوسف : حبيبتي إنتي بخير ..
كيندرا : أيوه أنا بخير يايوسف ماتقلقوش وكمان مستعده للعمليه لكن عايزه أبقى مع جاد لحد معاد العملية ..
يوسف : تمام ياحبيبتي يلا بينا نخرجك ..
قعد جاد جنبها مسكت وشه بين إيديها
كيندرا : جاد بصلي لوحصلي حاجة ماتوقفش حياتك اتجوز وعيش حياتك ..
جاد : كيندرا إزاي تطلبي مني الطلب دا إنتي حياتي فاهمه إنتي هتخرجي من العمليه بخير يإما نعيش سوى أو نموت سوى أنا من غير مش عايش ..
كيندرا : جاد نسبة نجاح العمليه 20% يعني مش مضمون إني أطلع منها ..
جاد : كيندرا مافيش حاجة إسمها مش مضونه ربنا قادر على كل شيء ..
كيندرا : جاد أنا بحبك أوي إنت أول وآخر حب في حياتي ..
حضنته بقوة وهي حاسه إن دا آخر حضن ليها ..
جاد : كوني قوية أنا مش هقدر أعيش من غيرك حبيبتي اطمني هتكوني بخير ..
كيندرا : جاد أحضني أنا محتاجه لحضنك أوي ..
جاد ضمها لحضنه بقوة حست إن ضلوعها هتتكسر وقلبه كان بيبكي دم
الباب خبط ودخل الدكتور ومعاه سرير المرضى
جاد شالها بين إيديه وحطها على السرير مسك ايدها وخرجوا بيها من الأوضة
يوسف : هتخذوها على فين يادكتور ..
الدكتور : لغرفة العمليات ..
كيندرا : خلوا بالكم من بعض وابقوا دائماً مع بعض وبلاش تزعلوا بعض ..
الدكتور : هندخلها دلوقتي علشان نبدأ العملية ..
جاد : بلاش الحزن اللي في عينيك دا إن شاءالله هتكوني بخير ..
دخلوها غرفة العمليات
قعد جاد على الأرض كان بيحاول يكون قوي قدامها ومحدش عارف إن قلبه بينزف من خوفوا عليها نزلت دمعة حارقه من عينيه
يوسف بدموع : جاد اهدى إن شاءالله هتكون بخير ..
❈-❈-❈
الساعات بتعدي كأنها شهور خيم الحزن على الجميع كل واحد فيهم دموعه هي اللي بتعبر عن اللي جواه
قعد جاد في زاوية بعيده وسمح لدموعه بالنزول الخوف أكل قلبه هو عارف إن نسبة نجاح العملية قليل أوي وصعب إنها تنجح لكن هو مش هيستحمل إن يحصلها حاجة ..
❈-❈-❈
بعد ست ساعات خرج الدكتور من غرفة العمليات الكل جري عليه إلا جاد كان حاسس إنه مابقاش عندوا طاقة علشان يتحمل يسمع خبر وحش ..
خالد بلهفة : ها طمنا يادكتور هي كويسة العملية نجحت مش كدا اتكلم يادكتور ..
الدكتور : قلبها وقف ..