رواية كيندرا
الفصل الثالث عشر والرابع عشر
بقلم حليمه عدادى
فتحت عينيها ببطئ حست بألم في رأسها لقت الكل قاعد حواليها وحسام ماسك إيدها و الدموع في عينيه
حسام : ريم حبيبتي إنتي سمعاني إنتي كويسه ..
ريم : لا أنا مش كويسه خالص وحضنته وفضلت تعيط جامد ومسكت فيه بقوة ..
حسام : حصل إيه من اللي عمل فيكي كدا ..
حسام بعد عنها ومسك وشها بين إيديه ريم إنتي كويسة كانت دموعها بتعبر عن فرحتها
ريم : أنا بخير كفاية إني لما صحيت لقيت نفسي في وسط عيلتي
حسام : قلبي كان هيقف لما غبتي عني ..
ريم بحب : سلامة قلبك أو مال فين سام ووسيم
نظرت إلى الجميع وشافتهم واقفين بعيد عنها فتحت إيديها ليهم تعالوا ياحبايب قلبي الولاد جريوا عليها وحضنوها بدموع كان صوت عياطهم يقطع القلب
ريم : إنتوا بخير يا حبايب ماما
سام : اشتقنالك ياماما متبعديش عننا مرة ثانية
وسيم : لو عملتيها مرة ثانيه هخاصمك ومش هتكلم معاك ثاني إحنا عيطنا عليكي كثيراً
ريم : آسفه ياقلب ماما مش هكررها ثاني ..
و أخيراً ريم التفتت ناحية أمها اللي كانت دموعها نازلة بهدوء لأن قلب الأم ما بيتحملش إن ولادها يتوجعوا وهي رغم إنها بتبان قوية من بره إلا أن قلبها كان بينزف دم على إختفاء بنتها
ريم : ماما
حضنتها سناء ببكاء كانت عايزه تخبيها جوا ضلوعها من شددة خوفها عليها
سناء : معرفتش طعم النوم وإنت غايبه عننا ربنا يحفظك يابنتي و يحميكي من كل شر
جاد : مين اللي عمل فيكي كدا ياريم وخلانا نتألم كل الألم دا مين هو كان الغضب باين على ملامح جاد
ريم : في اليوم إياه طلبت من ماما إنها تاخذ الولاد و تسبني لوحدي علشان عايزه أتكلم مع حسام جهزت كل حاجة بعدها افتكرت إن حسام بيحب الورد جداً فروحت علشان أشتريه
فلاش باك
خرجت ريم بسرعة دخلت محل الورود
صاحب المحل : نعم ياهانم عايزه إيه عندنا كل أنواع الورد
ريم : عايزه ورد أحمر
صاحب المحل : طبعاً طلبك موجود لحظة واحدة رجع صاحب المحل وهو شايل باقة من الورد الأحمر إتفضلي ياهانم
ريم : شكراً دفعت الحساب وخرجت ... ريم وهي ماشية جنب شجرة من الشجر اللي في الطريق سمعت حد بيجيب إسم كيندرا لفت الإسم انتباهها فوقفت تسمع
1 : لازم نتخلص من كيندرا قبل ماتتحسن و إلا محدش فينا هيطلع منها
2 : أنا عملت كل اللي أقدر عليه لكن بنت الإيه كل مرة تتطلع منها
ريم لما سمعت الكلام دا جريت لكن ولسوء حظها في حاجة كانت جمبها وقعت والصوت لفت انتباه الناس دي وشافوا ريم وهي بتجري فلحقوها
ريم دخلت البيت بسرعة وحاولت إنها تقفل الباب لكنهم كانوا أقوى منها وقدروا يفتحوا الباب
هربت ريم للحديقة وهي حاسه إن قلبها هيطلع من مكانه من شددة الخوف وكان جسمها كلوا بيترعش
ريم : ابعدوا عني أنا ماعملتش حاجة
مسكها واحد منهم إيدها بقوة وهي مسكت بطربيزة الأكل بالأيد الثانية لكنه سحبها ناحيته بقوة والطربيزة وقعت على الأرض هي وكل حاجة كانت عليها وللأسف وقعت على رأس ريم ومن الخبطة فقدت الوعي
باك
ريم بدموع : ولما فتحت عينيا لقيت نفسي مربوطه في مكان ظلمه اترعبت و حسيت بالخوف أختنق صوتها بالدموع ضمها حسام لصدره
حسام : اهدي ياقلبي متخافيش دا مش هيحصل ثاني أنا هعرف إزاي أعاقبهم و كور إيده حتى برزت عروقها
جاد : ريم لو مش تعبانه تقدري تعرفينا مين اللي أنقذك منهم
ريم : أنا بخير حاضر هكمل كلامي
في يوم وأنا في وسط الظلمة سمعت صوت ضرب نار و فجأة دخل علي راجل متلثم خفت كثير منه
لكن هو قالي متخافيش إحنا عايزين ننقذك ورش حاجة على وشي ولما فقت لقيت نفسي هنا
ظهرت معالم الغضب على جاد وتحولت عينيه للون الدم وبقى زي البركان اللي هينفجر في أي لحظة
جاد : هعرف مين هو و هحاسبه على اللي عمله
ريم بصت لكيندرا طويلاً واتكلمت بإبتسامة
ريم : من البنت الجميلة دي جاد حضنها من كتافها بحب ظاهر وطبع بوسه على رأسها
جاد : دي كيندرا مراتي وقلبي ونصي الثاني
ريم : الجمال دا كلوا مرات أخويا إتشرفت بمعرفتك ياقمر ذوقك حلو ياجاد
بعدها بصت ناحية حسام بغضب إستغربه الكل
حسام : في إيه ياحبيبتي أنا عملت حاجة غلط ..
ريم مسكته من هدومه
ريم : إنت اتجوزت عليا ااااه تلاقيك قلت أهي ماتت أروح بقى أتجوز واحدة ثانية تيجي تربي الولاد وبعدها تحبها
حسام بدهشه : مين قالك الكلام دا أنا متجوزتش ولاحاجة ريم حبيبتي إنتي كويسه
ريم : أنا قريت في الروايات إن لما البطلة تموت يقوم البطل يتزوج واحده ثانية علشان تربي له الولاد و بعدها يحبها ففكرت إنك أكيد عملت زيهم ..
الكل انفجر من الضحك وحسام من كثرة الضحك وقع على الأرض
ريم : بتضحكوا ليه مش فاهمه هو اتزوج عليا فعلاً
حسام : حبيبتي أنا مافيش في حياتي غيرك أنا مش هسمح لأي واحده إنها تدخل حياتي غيرك إنتي
جاد : دلوقتي كل حاجة كويسه وأطمنا على ريم هروح أنا دلوقتي لأن عمي هيجي ولازم إني أكلمه عن أسهم أمي و كيندرا
ريم : ماتقلقش ياجاد كيندرا هتكون كويسه معايا ..
******************************
في الشركه
وصل سعد الشركه وبعد ماسمع باللي حصل سعد كسر كل حاجة في مكتبه
سعد : كل دا يحصل وإنت هنا ياجاد
جاد : عمي كل الملفات كانت معاك وأنا ماسمحتش لحد إنه يقرب منها
سعد : لازم نعرف مين هو عدونا المجهول
جاد : إنت شاكك بحد
سعد : لحد دلوقتي مش شاكك بحد لكن قريب هعرف مين هو دلوقتي لازم نخلص باقي الملفات
جاد : عمي الوقت اتأخر مش هنقدر نكملها دلوقتي
سعد : علشان يعني هي لسه أسهم شركتك هتسبني لوحدي
جاد : عمي رغم إن كل واحد له نصيب في الشركه لكن شغلنا واحد حاضر هنكمل
*****************
في قصر جاد
في نص الليل بعد ما الكل نام
داخل غرفة سماح كانت نايمه بعمق حست بحد بيخنقها بقوة سماح شهقت بصوت عالي وفتحت عينيها شافت حد مغطي وشه بحاجة سوده
سماح : بصوت مخنوق إنت مين ابعد عني
حط إيده على بوءها هتدفعي ثمن اللي عملتيه لكن مش دلوقتي دي مجرد بداية
سماح : وهي بتكح بقوة وبتترعش من الخوف إنت مين أنا ما عملتش حاجة
هههههه قريب جداً هتعرفي ومن النهاردة هكون زي ظلك وسابها ومشي
سماح بقت تكح بقوة
سماح : وهي بتترعش من الخوف مين دا
*********************
في أحد المستشفيات
فتح عينيه بتعب لاقها قاعدة جنبه
رنا بدموع : يوسف ونزلت دموعها من الفرحة إنت سامعني
يوسف بتعب : رنا وغمض عينيه ثاني
رنا بدموع : يوسف كفاية وجع بقى أنا وجودي مالوش لازمه من غيرك باست إيده بحب هرجع ثاني قريب دا وعد مني هنتقم منهم كلهم
********************
في الصباح الكل قاعد يفطر
سناء : إنت إمبارح رجعت إمتا قلقتني عليك يابني
جاد : كنت بخلص الشغل مع عمي ورجعت متأخر
حسام : أنا هاخذ ريم و الولاد وهنمشي
جاد : لا مش هتاخذ حد ومش هتروحوا في حته مافيش حد هيطلع من هنا في عدوا لينا عايز يضرنا لكن إحنا لسه مانعرفوش علشان كدا لازم الكل يبقى هنا
سناء : عدوا إيه يابني إنت مالكش أعداء مين دا اللي عايز يأذيك
جاد : هعرفه قريب
سماح : بتوتر عايزه أقولكم حاجة
جاد : عمتي في إيه إتكلمي
سماح : إمبارح في حد دخل أوضتي وحاول إنه يخنقني
وقف جاد بغضب و برزت عروقه و أصبحت عينيه من لهب
جاد : إزاي دا يحصل في قصري إزااااااي قالها بعصبية وصوت عالي
حسام : اهدى ياجاد علشان نقدر نفكر كويس
جاد : نفكر في إيه الأول مراتي ودلوقتي عمتي وأختي
حسام : الشخص دا قوي وذكي ماسبش وراه أي دليل ..
جاد : هلاقيه ووقتها مش هرحمه أبداً
**********************
في الشركه رنا بتتكلم في التليفون
رنا : إي هي خطوتنا الجديده أنا مابقتش قادرة أستنى ..
& : لو كان بإيدي كنت نهيت كل حاجة لكن خطوتنا دلوقتي مهمة وخطيره
رنا : أنا معاك في أي حاجة هي إيه بقى أنا مستعده حتى لو حياتي هي الثمن
& : تمام النهاردة لازم يكون نصيب جاد في الشركه لي
رنا : إزاي أنا تحت أمرك
& : إنتي كل يوم بدخلي ورق لجاد علشان يمضي عليهم و النهاردة هدخلي ورق كثير حتى لو كان مش مهمه
رنا : فهمت و لكن إيه علاقة الورق
& : استني لما دخلي الورق هتحطي بين الورق دا ورق تنازل جاد عن أملاكه ولما يمضي هتخذي الورق المهم دا من بين بقية الورق
رنا : تمام هدخله دلوقتي
رنا قفلت الخط وجمعت الورق
وأخذت نفس عميق وشالت الورق
وراحت على مكتب جاد خبطت على الباب سمح لها جاد إنها تدخل
رنا : جاد بيه لازم تمضي على الورق دا
جاد : رنا أنا مشغول دلوقتي ماعنديش وقت عندي شغل كثير روحي دلوقتي وابقي إرجعي مرة ثانية
رنا اتكلمت بسرعة : جاد بيه أنا محتاجه لإمضتك ضروري علشان أقدر أكمل شغلي
جاد : طيب تعالي يارنا مسك جاد الورق ومضى عليها كلها ها في حاجة ثانية
رنا : لا ياجاد بيه شكراً وخرجت من المكتب
دخلت مكتبها و هي مبسوطه لأنها نفذت خطتها طلعت تلفونها وكتبت رساله و استنت الرد
& : تمام استني مني خبر في المساء
*********************
سعد كان بيتكلم في التليفون : لازم أخذ شركة جاد في أقرب وقت دا بقى بينافسني
يعني إيه إن دا مش وقته
سعد : أنا شاكك بجاد يوم ماسافرت خسرت كل اسهمي مين اللي ليه يد في دا غير جاد
هفكر في الموضوع إنت عندك خطة
سعد : نتكلم لما نلتقي لكن لازم إننا ناخذها منه
تمام لكن فكر ألف مرة قبل ما تاخذ خطوة جديدة
*******************
في قصر جاد على سفرة العشاء
جاد : أنا مبسوط أوي لأن عيلتي كلها متجمعه النهاردة
حسام : الحمد لله إن الكل بخير
ريم : ياريت عمي سعد كان معانا كدا هتكون العيلة كلها اتجمعت فعلاً
جاد : رغم أني مبسوط لكن خوفي على كيندرا خلاني مش قادر أنام
حسام : إن شاءالله خير ياجاد بلاش القلق دا
رن تلفون جاد جاد بصله بدهشه
حسام : مش بترد ليه يمكن تكون حاجة مهمة
جاد : دا حارس الشركة أول مرة يتصل بيا
سناء : رد يابني يمكن يكون حصل حاجه
جاد : الو في إيه ياعم منصور خير
منصور: الحق ياجاد بيه الشركة بتتحرق
جاد : إيه بتتحرق؟؟؟؟
الفصل 14
جاد وصل الشركه نزل من العربية و دخل الشركة بسرعة إستغرب لما ملاقاش حريق
لكن سمع صوت عمه بيزعق جري للداخل لاقى مكتب سعد بيتحترق و النار بتاكل فيه و الجارد بيحاولوا إنهم يطفوه
جاد : حصل إيه ياعمي مين اللي عمل كدا
سعد بغضب حارق : إنت أكيد عارف ياجاد ما الجردات كلهم بتوعك ..
جاد : وأنا هعرف منين أنا زي زيك معرفتش حاجة غير لما عم منصور كلمني .
سعد : في الأول الأسهم و دلوقتي المكتب الشخص دا بيبعثلي رسايل يا ترى هو مين ..
جاد : الشخص دا بيبلغك إنه قادر يعمل كل حاجة وإن دي مجرد البداية..
سعد : أنا هعرف هو مين قريب بس ياجاد لو عرفت إن ليك إيد في الموضوع دا صدقني مش هرحمك ..
جاد : إزاي ياعمي هيكون ليا إيد فيه ماإحنا بنشتغل مع بعض..
سعد : طب تقدر تقولي ليه مكتبي أنا اللي يتحرق و مكتبك لا ..
جاد : عمي إنت سامع إنت بتقول إيه إنت بتشك فيا أنا ..
سعد : لومش إنت يبقى دا عدونا إحنا الإثنين ..
بعد شوية قدروا يطفوا الحريق
جاد : عمي هنقفل المكتب دا وهتاخذ مكتب ثاني ..
سعد : أنا هنشي دلوقتي ونبقى نتقابل بكره علشان تمضي على شوية ورق مهم الحمد لله إني أخذتهم معايا ..
لكنهم ماخذوش بالهم من العينين اللي بتراقبهم بصمت
****************
في الصباح وصل جاد للقصر بتاعه لاقى الكل قاعدين مستنينه والقلق مسيطر عليهم وأول ما شافوه جريوا عليه
سناء : إيه اللي حصل يابني
جاد : حصل خير ياماما ماتخافوش ياجماعة دا مجرد حريق صغير في مكتب عمي في حد حرق مكتبه وكأنه بيبعثله رسالة ..
حسام : لازم نعرف الشخص دا معادينا إحنا ولا عمك ..
جاد : الموضوع بقى خطير جداً دا بيلعب بينا و إحنا مش قادرين نعرف هو مين ..
سماح : جاد يابن أخويا إفتكر مين اللي ليك عداوه معاه او مين هو اللي بينافسك في السوق ..
جاد ومعالم الحيرة بتظهر على وشه أنا اه ليا منافسين لكن ماليش عداوات
سناء : خذ بالك يابني متخفش من عدوك الظاهر لأنه سهل وهتقدر تاخذ حذرك منه لكن خاف أكثر من عدوك اللي متعرفوش لأنك هتبقى مش عارف الضربة هتجليك منين وإمتا ربنا معاك يابني ..
جاد : أنا دلوقتي هروح الشركة علشان أشوف شغلي أنا جيت بس علشان أشوف كيندرا و اطمن عليها ..
***************
عند سعد
كان الغضب باين على وشه وبيكسر في كل حاجة تيجي قدامه
مسك تلفونه وعمل مكالمة ..
سعد : من غير كلام كثير أهم ملف مع جاد في القصر أنا عايزوا يكون عندي الليلة دي
..... : عرفت إزاي إنه في القصر وحتى لوفي القصر إنت عارف مكانه فين ..
سعد : عرفت إزاي دا مش مهم أما هو فين فهو في أوضته لأن دا أكثر مكان آمن بالنسبة لجاد
٠٠٠٠ : تمام هعمل اللي أقدر عليه علشان أخذه ..
سعد : لو أخذنا الملف دا هتكون دي أول صفقة لينا ..
٠٠٠. : ما ممكن يكون عند جاد ملفات ثانيه غير الملف دا أنا هعرف منين إن دا هو الملف المطلوب ..
سعد : الملف لونه أحمر في عليه إمضت جاد من بره ..
...... : طيب لو مسكوني ..
سعد : بلاش تخاف لكن لو اتمسكت ماتجبش إسمي خالص ..
٠٠٠ : تمام استنى مني خبر ..
***************
دخلت رنا المستشفى لقت الدكاترة بيجروا حست بخوف وقلق راحت بسرعة لواحدة من الممرضات
رنا : في إيه ليه الكل بيجري كدا في حاجة حصلت ..
الممرضة : المريض اللي بالغرفة 12حالته مش كويسه ..
رنا ماستننتش تسمع الباقي وراحت جري لأوضة يوسف دخلت شافت جسمه بيتشنج
رنا والدموع ملت وشها : يوسف لا لا أنا وفيت بوعدي و انتقمتلك ماسبنيش أرجوك ..
يوسف بصوت ضعيف : ماتبكيش يارنا أنا عايز أشوف ماما وبابا ..
رنا : حاضر هعملك اللي إنت عايزوا يوسف ماتسبنيش أرجوك أنا ماليش غيرك ..
دخل الدكتور
الدكتور : المريض حالته مش كويسة هندخله أوضة خاصة من النهاردة هنمنع عنه الزيارات ..
رنا : إزاي يادكتور مش إنت قلت إن حالته اتحسنت ..
الدكتور : الحقنة اللي اخذها كان فيها دوا سام مالاقناش دوا مضاد للسم دا ..
وقعت رنا على الأرض وموعها نازلة بغزارة حاسه بالألم والإنكسار
رنا : بصوت مختنق من شدة البكاء أرجوك يادكتور أعمل أي حاجة طيب ممكن عيلته تيجي تشوفوا ..
الدكتور : هم جم شافوه إمبارح للأسف حالته ماتسمحش بالزيارة ..
رنا : تمام يادكتور
خرجت رنا من المستشفى و الحقد والكره اللي في قلبها زادوا وأقسمت إنها هتشربهم من نفس الكأس
رن تلفونها بصت مين اللي بيتصل
رنا : الو معدش عندي طاقة أتحمل مقدرش أشوف يوسف بالحالة دي
& : لو إنتي زعلانه على يوسف فأنا أكثر حد بتألم عليه ..
رنا : إيه هي الخطة دلوقتي..
& : اسمعيني كويس لازم الخطة دي تنجح ..
****************
اتسللت لأوضة جاد بهدوء ودورت في كل مكان لحد مالقت الملف اللي بتدور عليه بصتله بفرحة
٠٠٠ : النهاردة هتكون نهايتك ياجاد المالكي خبته تحت هدومها وطلعت بهدوء لقت عربية أجرة مستنياها ركبت وادتله العنوان وهي حاسه بالإنتصار لأنها خذت اللي عايزاه
بعد مدة بصت من شباك العربية لقت إن العربية دخلت في الغابة بطريق مهجور ..
٠٠٠ : ياأستاذ دا مش طريقنا إنت ليه دخلت الطريق دا
وقفت العربية في مكان بمجرد ماتبصله تحس بالرعب نزل السواق و طلب منها إنها تنزل بعد مدة من التردد نزلت
٠٠٠ : سماح إنتي مكتفتيش من العابك القذره لكن لحد هنا وطريقك إنتهى ..
سماح : إنت مين وحاولت إنها تقلع الغطا اللي مغطي بيه رأسه لكن هو كان أقوى منها و رش حاجة على وشها ووقعت على الأرض و فجأة ظهرت رنا و معاها اثنين رجاله
& : سماح هتبقى معاكم لحد ما أقولكم تعملوا معاها إيه ..
رنا : تمام كل حاجة تحت السيطره سماح حسابي معاها بعدين
****************
طوال اليوم جاد مرجعش للقصر هو بيحاول إنه يكمل كل الشغل اللي عليه وبالليل لما رجع للقصر لاقى كيندرا قاعدة مع ريم و أمه
جاد : السلام عليكم
قعد جنب كيندرا باس جبهتها حبيبتي آسف إني سبتك لوحدك .
ريم : إحم إحم نحن هنا سيدي ياسيدي إيه الحب دا كله ..
جاد : و أكثر من دا كمان دي حياتي و نور عيني هي سبب سعادتي رغم إني تعبان من الشغل لكن لما بشوفها بنسى كل التعب ..
في اللحظة دي وصلت رسالة لجاد فتحها و اتصدم من اللي شافوا انتفض من مكانه بفزع كأن افعى قرصته ..
سناء : في إيه يابني إيه اللي شفته عمل فيك كدا ..
فتح جاد تلفونه كان فيديوا فتحه علشان الكل يشوفوا شهقوا بصدمة لما شافوا سماح متعلقه من إيديها في شجرة ووشها مش باينه ملامحه من أثر الضرب وحالتها كانت سيئة جداً ..
و تحته في رسالة
(هذه مجرد قرصة وذن ولسه؛؛ انتظروني ياعائلة المالك