رواية بعد عقد قران
الفصل السادس عشر16
بقلم ريم ابو القاسم
حنستو عشان ما يمشي يعمل ليها شي لانو ح يلخبط الامور و بزات مرت عمي و عمي ما عارفين قلته لي انا تاني ما بثق في مصطفى يا عثمان احتمال يكون كذاب ، انا بعرف سحر يا غنوان دي اخطر مما تتخيلي و اثق في مصطفى ما اثق فيها ،
خلاص نتصرف كيف و كيف نعرف منو البقول الحق ، شوفي تعالي معاي البيت عشان نعرف ،انا مستحيل ارجع يا عثمان كلهم ما دايرني مرت عمي و كلهم ، قصدك ابوي علي فكره بسال منك و بتصل في تلفونك قافل الفتره ديك تعالي لو كلام مصطفى صح لازم ننصر الحق اما لو غلط و طلع
بكذب ارجعي و انا بطلقك منو بالغصب ، صراحه القرار صعب يا عثمان ما بقدر امشي خليني افكر ، طيب اخدي راحتك بس اتذكري اي ثانيه واي دقيقه محسوبه عليك 🥰 وطلع ، قعدته طرف السرير و سرحته ...
فلاش باك...
فتره الشهر ...
بلسان غنوان...
محمد تعال لي اسي انا في الكافي الطرف الجامعه ، طيب جاي عليك ، السلام عليكم، قبلته لقيتو ده محمد سلمته عليو ما شاء الله جريت ولا شنو، بجري عشانك قلته لي شنو
ابتسم قال لي خليت اي شي في يدي عشانك احكي لي في شنو ما في جديد، بصراحه يا محمد لقيت حاجه بس هي ما مؤكده لانو مستحيل بس ما استبعد ، احكي لي طيب في شنو ، شاكه انو سحر ليها يد في الجريمه دي واحتمال كبير تكون هي القتلت روان ، عندك ادله واضحه
او حاجه يعني خلتك تفكري كده ، بصراحه هي ما ادلة هي معلومات مشيت بيت روان و اتعرفته علي اسرتا وقت فتحته ليهم سيره القضيه كان في رفض كبير و عدم قبول لانو لسه متاثرين بس وقت ضغطته علي
امها حكت لي و ركزته اكتر وقت جابت لي سيره سحر انو كانت صحبتا شديد حتى ما بفترقو و بقيت اسالا اكتر وقت قالت لي حصل بيناتم خلاف كبير خلاهم يكرهو بعض حتى روان جات غضبانه شديد و بتقول ح
اقتلا ح امشي اقطعا قطع و ارميها لي كلاب الخرطوم، قلته ليها الخلاف كان بسبب شنو ، قالت لي يا بتي قدر ما ضغطنا علي روان ابت تحكي لينا شي كانت بتشتم بس و بعد تلاته يوم جابو لينا خبر وفاتا وبقت تبكي ...
محمد قال لي يَس برافو عليك يا غنوان .. اسي مش احتمال كبير احتمال 100 في الميه سحر تكون عملت كده بس يا غنوان تاني ما حكت ليك شي ..
ايوا حكت اتذكرته و نقطه مهمه شديد قالت لي كانت بتحب واحد اسمو مصطفى شديد و برضو كان في
بيناتم خلاف بسبب سحر ، محمد قال لي ايوا و ضرب الطربيزه بقيت اضحك والله يا محمد كانو القضيه حقتك انا ما اتحمسته كده 😂 ، ما انا و بقى يحك راسو ...
علي العموم نحنا لازم بعد ده نتاكد من المعلومات و اتجهز لانو وجهتنا الجايه سحر قال لي ظابط جاهو
تلفون و قال لي بستاذنك زي ما عارفه حاله الوالدة شويه تعبت قلته لي يا سلام ياخ وصل تحياتي ليها ان شاء الله بصلكم قال لي ان شاء الله بصل و
مشي ، قلته يحليو محمد حتى وهو امو عيانه كان واقف معاي الفتره دي كلها عكس عثمان السحر سممت ليو راسو و بقى ضدي بي فتره بجد محمد يستاهل كل خير و يا رب ارفع امو ...
باك...
بلسان عثمان...
بعد يومين بالضبط الباب ضرب انا كنته قريب كنا بنتغدا كلنا انا والوالد و الوالدة و سحر مشيت افتحو لقيتا غنوان انصدمته في جيتا بس كنته متوقع ابتسمته قلته ليها عشان كده من قبيل اقول النور ده طاقي من وين انا اقول جاي من وين بقت تضحك اتفضلي نورتي دخلتْ طوالي ..
بلسان غنوان...
ابوي بعد رجع بعد يومين قال لي كفاك شيلي شنتطك و ارجعي بيت راجلك ما عندي بت تقعد اكتر من
اسبوع قلته لي حاضر كنته متردده شديد بس قرار ابوي خلاني اتشجع واشيل شنطتي و امشي امي قالت لي احسن قرار المره ما عندا غير راجلا مهما كان اعقلي واعرفي حلي مشاكلك مش تشياي شنتطك اقل
شيو ترجعي ... اما عواطف تبكي متاثره اكتر مني بس وعدتها احكي ليها اي شي بس في وقت تاني ...
ركبته الباص ابوي وعدني و غمض لي قروش و مشى الطريق كلو بفكر في المستقبل المجهول وصلته فتح لي الباب عثمان كان ظريف و قال لي النور ده طاقي من قبيل ضحكته في
كلامو قال لي اتفضلي نورتي دخلته لقيتم بتغدو عمي قال لي اجي اقعد رفضته لانو شايفه نظرة مرت عمي كلها غضب كنته واقفه مكاني لا قادره اقعد ولا اتحرك ..