رواية عشاق الصعيد الفصل الحادي والعشرون والثاني والعشرون بقلم اية الابشيهي
بعد مرور اسبوعين
ورد (بنرفزة): -انا خلاص ما بقتش مستحملة اللي بيحصل ده
أحمد: -انا عارف والله بس انا طلبت منك في الأول إننا نرجع مصر
ورد: -لا والله.... نرجع مصر عشان ايه بقي.... عشان واحدة زي دي
أحمد: -انا عاوز رحتك يا ورد
ورد: -يبقي تسيبني انا اتصرف معاها.... وماتكلمهاش ابدا...هيا العملية بتاعتها مش بعد يومين
أحمد: -ايوا
ورد: -انا عاوزه افهم ازاي دي تعبانة وعندها القلب
أحمد: -بصي انا عاوزك ماتفكريش فيها وكلها 10 ايام ومش هنشوفها تانى أبدا
ورد: -مافكرش فيها ازاي بس.... هيا سيبانا أبدا دي لازقة.... مسمار جحا ولزق
أحمد: -بصي انتِ مدية الموضوع زيادة عن حجمه.... تجاهليها وخلاص
ورد: -اللهم صلي على النبي.... اتجاهلها.... يا مؤمن يا مؤمن دا انا مش بعمل حاجه طول الاسبوعين اللي فاتوا غير إني اتجاهلها.... وهيا مافيش فايدة انا حقيقي تعبت
أحمد: -طب ممكن تهدي
ورد: -ماتقوليش اهدي.... انت مش عارف انا حاسه بإيه ولا جوايا ايه
أحمد: -حاضر انا اللي ههدي
ورد: -انت بارد كدا ليه يا أحمد.... Sorry يعني بس برودك عصبني زيادة
أحمد: -عشان انا قولتلك مليون مرة إني بحبك وعيوني مابتشوفش غيرك.... بس انتِ بقي مش مصدقه ولا مش واثقة في كلامي مااعرفش ولا عاوزة تعصبي نفسك وخلاص
ورد: -خلاص ههدي ومش هتعصب ولو شفتها هعمل كأني ماشفتهاش..... تمام
أحمد: -تمام..... يالا عشان ننزل نأكل
ورد: -انا عاوزة اقولك حاجه
أحمد: -أؤمري
ورد (بطريقة طفولية): -انا تعبت من أكل الفنتوش واالبنتوش والحاجات اللي باكلها دي
أحمد: -ههههههههه هو مش انتِ اللي كان نفسك فيه
ورد: -ايوا بس خلاص..... تعبت منه وبقيت احس طعمه مش حلو كدا
أحمد؛ -أمرك يا ستي.... ايه رأيك اطبخلك انهاردة
ورد: -ايه رأيك انت ااكلك من ايدي
أحمد: -موافق جدا
ورد: -طب يلا ننزل نشتري شوية حاجات
أحمد: -يالا يا وردتي
*____________________*
في الساحل
عمر: -مبسوطة
فرح: -جدا
عمر: -يارب دايما
فرح: -بس انا مش مبسوطة عشان المكان.... انا مبسوطة عشان انت معايا
عمر: -ربنا مايحرمني منك
فرح: -ولا منك يا حبيبي..... عمر
عمر: -عيونه
فرح: -انت مش زعلان مني صح!
عمر: -هزعل من ايه!؟
فرح: -من اللي قولته على... اقصد يعني كلامي كان غلط على والدتك
عمر: -انا نسيت الموضوع.... مش حابب اننا نزعل من بعض في حاجة زي دي
فرح: -يعني مش زعلان!؟
عمر: -لا
فرح: -ولا حتة حبة صغنانين
عمر: -لا يا مجنونة
فرح: -يعني بتحبني
عمر: -ههههههه ايوا.... عاوزة ايه بقي
فرح: -لا ولا حاجه
عمر: -متأكدة
فرح: -كنت عايزه اقولك اني بحبك وبس
عمر: -بس
فرح:-اه صحيح
عمر: -شوفتي
فرح: -لالا فيه حاجه حصلت يوم ما وصلنا هنا وانت سيبتني ونمت في أوضة تانية
عمر: -حاجة ايه؟!!
فرح: -انا طلعت باليل في البلكونة ولقيت باب الشالية مفتوح وخيال حد راح ورا الشاليه.... دا كان انت؟!
عمر: -انا سيبتك وفضلت في الأوضة وماخرجتش.... طب ما قولتليش ليه وقتها؟!
فرح: -كنت فكراك انت..... وخفت اتكلم معاك وتتعصب عليا
عمر: -والله انتِ ظالماني وماكنتش هتعصب ولا حاجه....بس ممكن يكون حد من بتوع النظافة
فرح(بتنهيدة): -طمنتني
عمر قلق بس ما حبش يبين وقالها كدا بس عشان يطمنها
وفضل يفكر مين اللي ممكن يجي وراهم هنا
*________________*
في نويبع
ليل: -انا عمري عمري في حياتي ما هسامحك ابدا
فهد: -ههههههه ليه بس
ليل: -عشان هنرجع قبل ما نخلص شهر العسل
فهد: -طب تعالي اقعدى جانمبي
ليل قربت وقعدت جانبه
فهد: -اكيد لو حاجة مش مهمة ماكنتش هزعلك وانزل.. صح!؟
ليل: -صح
فهد: -طب ايه!!... مش هنظبط الشنط ولا ايه!
ليل: -مين نظبط!؟... انت اللي قررت إننا ننزل يبقي انت اللي تظبط
فهد: -لوحدي!؟... بتهزري
ليل: -حقي ولا مش حقي
فهد: -بتردهالي يعني!
ليل؛ -أبدا أبدا يا حبيبي... انا اعمل كده برضه
فهد: -لا العفو.... انا طالع اظبط نفسي
ليل: -طيب بقولك... اكلم رحيق اقولها اننا راجعين ولا اعملها مفاجأة؟؟
فهد: -اع...
ليل: -هات اما أكلمها
فهد: -كنت هقول كدا برضه على فكرة... خدي الفون اهوه انا طالع
ليل: -اوك.... ماتنساش تحط هدومي كلها
فهد: -بس يا بت انتِ
ليل اتصلت برحيق وشوية وردت
رحيق: -يااه انتِ لسه فاكره
ليل: -عاملة ايه وحشاني جدا
: -وانتِ كمان والله.... هترجعوا امتا
ليل: -اقول ولا اخليها مفاجأة؟!
رحيق: -وانا كمان اقول ولا اخليها مفاجأة!؟
ليل: -ادا في ايه!؟
رحيق: - قولي انتِ الأول
ليل: -طيب يا ستي،، انا وفهد راجعين على بكرا ان شاءالله
رحيق: -ادا بجد.... تيجوا بالسلامة ان شاءالله يا حبيبي
ليل: -تعالي بس هنا قولي اللي عندك
رحيق: -لا
ليل: -رحيق!!
رحيق: -خلاص هقولك... كتب كتابي انا وزهور بعد أسبوعين
ليل: -ادا بجد!؟
رحيق: -ايوا... عمي عزت كلم حاتم امبارح وقاله
ليل: -الله فرحت خالص والله
رحيق: -وانااا جدا
ليل: -بقولك صحيح.... علاء ابن خالك ماكلمكيش تاني!؟
رحيق: -كل شوية يتصل يشوف انتِ رجعتي ولا لا
ليل: -رحيق لو كلمتيه مش تقولي اننا رجعنا
رحيق: -تمام ماشي ماتقلقيش
ليل: -طيب يا حبيبتي عاوزة حاجة،، هقوم احضر الشنط مع فهد
رحيق: -لا حبيبتي عاوزة سلامتك سلميلي على فهد
ليل: -حاضر يا حب سلام
فهد كان واقف سامع المكالمة كان عاوز يعرف هتسأل على علاء ولا لا... اول ما ليل قفلت طلع الأوضة وبيجهز في شنطته،، وشوية وليل دخلت الأوضة
ليل: -ادا!!... طب وشنطتي
فهد: -انا ماتفقتش هبدأ بشنطتك
ليل: -انا ليه حاسة إنك هتخليني انا في الآخر اللي اجهز الشنط
فهد: -طب بلاش تجهزيهم... تعالي ساعديني
ليل: -اتحايل عليا شوية
فهد ابتسم وبصلها
ليل: -لا خلاص موافقة بعد الابتسامة دي
فهد: -هههههههه
الاتنين وقفوا يجهزوا الشنط وفهد مضايق ان ليل لحد دلوقتي ماقلتلوش على علاء.... شوية وفهد مسك إيد ليل
ليل: -مالك حبيبي
فهد: -مش عاوزة تقوليلي حاجة؟!
ليل: -حاجة ايه!؟
فهد: -يعني تكوني لسه زعلانة مني عشان هننزل دلوقت
ليل: -لا يا حبيبي مش زعلانة خالص.... ان شاءالله لما تكون فاضى نبقي نرجع
فهد: -طب لو حسيتي انك عاوزة تقوليلي حاجة قولي
ليل: -؟؟؟
فهد(بابتسامة بسيطة): -اقصد يعني لو زعلانة او مضايقه
ليل(حضنته): -حاضر يا سيدي لو زعلانة هقولك علي طول،، بس انا واثقه انك مش هتزعلني
فهد: -أكيد.... يالا نقفل الشنط
ليل: -يالا
*__________*
ب سوهاج
بمنزل منصور الدالي
نبيلة: -خير يا عمي
منصور: -خير ان شاءالله.... بس انا ملاحظ ان چعدتك إهنه طولت!
نبيلة: -انا عارفه اني طولت جدا بس انا مش همشى الا وبنتي معايا
منصور: -مش ده اللي انتِ بتفكري فيه يا نبيلة
نبيلة (بثبات مصطنع): - قصدك ايه!!؟
منصور: -ايه اللي في دماغك مخليكِ لسه إهنه
نبيلة: -قولتلك عاوزة بنتي وهمشي على طول... لو تقدر تكلم الحج عزت تخليه يرجعلي رحيق اكيد همشي على طول
منصور: -بس رحيق مش عند الحج عزت... وانتِ عارفة ده
نبيلة: -ايوا عارفة انها عند حاتم.... بس حضرتك عارف ان حاتم عنيد جدا ومش بيسمع الا من الحج عزت
منصور سكت ويأس انه يعرف هيا بتفكر في ايه
منصور (بحدة): -آخر حاجة هقولهالك يا نبيلة.... مافيش داعي تخلي ولادك يكرهوكِ اكتر من كدا،، وخلي بالك ان حاتم بنفسه مش هيسمح بأي مشاكل تحصل.... عن إذنك
منصور مشي ونبيلة فضلت تفكر في مايا وياتري خلصت اللي كانوا متفقين عليه ولا لسه!!
*_____________*
بمنزل عزت القناوي
فهد و ليل وصلوا البيت
سميحة: -حمدالله بالسلامة يا ست ليل... حمدالله بالسلامة يا سي فهد
ليل(بابتسامة واسعة): -الله يسلمك يا سميحة،، عاملة ايه
سميحة: -الحمدلله بخير
فهد: -الحج عزت فين يا سميحة!؟
سميحة: -بالمندرة مع سي الاستاذ حاتم والست هنية
فهد (ل ليل): -طب انا هروح اشوفه تيجي معايا
ليل: -لا بلاش.... سلملي على حاتم و انا شوية وهنزل لعمي يكون لوحده
فهد فهم انها مش عاوزة تروح عشان هنية
فهد: -تمام يا حبيبي براحتك
ليل: -هطلع انا وسميحة نرتب الشنط على ما تيجي
بالمندرة
حاتم: -انا بستأذن حضرتك اني امشي يا عمي
عزت: -اچعد بس يا بني
هنية: -الداهية اللي تودي
عزت: -وبعدهالك يا هنية!
حاتم: -بعد إذنك يا عمي ابقي اجيلك لما تكون لوحدك
هنية(بغضب): -اسمع يا جدع انت ياريت تحل عنا انت وامك واخواتك وموضوع زهور ده تنساه خالص
عزت: -والله عال يا هنية،، طايحة في الكل ومش عاملة حساب لحد
هنية: -اسمع يا حج عزت انا مش هخيب حال بتي زي ما انت خيبت حال ولادك التنين... چصدي التلاتة
عزت (بغضب): -مالكيش صالح بولادي يا هنية
هنية: -انا ماليش صالح بيهم... انا بس عاوزة مصلحة بتي.... واخواتك دول لو انت مابعدتش عن زهور انت ماتعرفش انا هعمل فيهم اي
حاتم(بعصبية): -لو فكرتي بس تإذي اخواتي فانتِ ماتعرفيش ولا شوفتي غضبي.... عن إذنكم
فهد دخل وشاف حاتم وهو طالع
فهد(بسرعة): -حاتم!
حاتم لف وبصله بقلق واتكلم بلهفة على ليل
: -فهد!؟.... انتوا رجعتوا فين ليل
فهد: -ليل طلعت فوق.... مالك قلقان ليه!؟
حاتم: -لا مافيش... سلملي عليها.. سلام
فهد: -استن....
عزت: -تعالي يا فهد.... سيبه يهدي شوية
فهد: -ايه اللي حوصل يا ابويا
عزت( بحدة لهنية): -رايد اتكلم مع والدي شوي يا هنية
هنية (بغل): -هخرج يا حچ... بس مش أرحب بفهد الأول،، شكل الجوازة مش عجباه عشان كدا رجع بسرعة
فهد: -والله يا مرت عمي انا مافيش حد مبسوط قدي... وليل بنت اصول بصحيح اول ما عرفت اني عندي شغل ولازم انزل ماقلتش حاجة ونزلنا طوالي
هنية: -إكديه!!،، ربنا يهني سعيد بسعيدة
عزت: -ويبعد عنهم شرك يا هنية... اتفضلي بچا
هنية طلعت وفهد قرب وقعد جانب عزت
فهد: -خير يا ابوي... ايه اللي حوصل وحاتم ماله!!
عزت: -جولتلك مرت عمك مش هتجيبها لبر يا فهد... وشكلها مش ناويه تچيبها لبر
فهد: -خير يا ابوي!
عزت: -هچولك يا ولدي
*_______________*
حاتم طلع مخنوق ومش عارف يعمل ايه!... هو كان غلط انه حب زهور!..ولا يمكن غلط انه ساب اخواته يتجوزوا ويعيشوا في مكان معظم اللي فيه بيكرهوهم بسبب أمهم،، بدأ يفكر في كلام هنية وانها ممكن تأذيهم فعلا للحظة حس انه عاجز ومتكتف ومش عارف يتصرف ازاي!،، يروح ياخد اخواته ويرجعوا يعيشوا مع بعض في مصر تاني وهيبقي كدا مطمن عليهم انهم معاه ولا.... ولا يسيب زهور!... حس انه مش قادر حتي يتخيل حياته من غيرها وقف مكانه وفضل يمسح وشه بإيده ويمررها في شعره يمكن يهدي
: -حاتم..... حاتم
: -زهور!
زهور (بتحاول تاخد نفسها من الجري): -عمالة انده عليك من وقت ماطلعت من المندرة.... ايه اللي حصل؟.. شكلك متعصب ومضايق
حاتم (بضيق): -مافيش يا زهور انا ماشي
زهور: -استنا بس... في ايه؟ مالك ايه اللي حصل
حاتم: -والدتك فين؟!
زهور: -مع عمي.. هيا قالتلك حاجة ضايقتك صح!؟
حاتم فضل يبصلها مش عاوز يسيبها ولا بيفكر في كدا بس هو تعب... تعب من كل حاجه... تقريبا ماشفش في حياته غير التعب من أول ما كبر وبدأ يفهم وعرف نبيلة ومشاكلها وكره الناس ليها وموت والده ومسؤليته لرحيق وليل وآخر حاجة زهور وامها،، للحظة ندم انه شاف زهور وحبها،، بس حبها ده مهون عليه حاجات كتير لكن كان متخيل ان الموضوع كان هيبقي ابسط من كدا
حاتم: -زهور سبيني امشي دلوقتى
زهور (بقلق): -حاتم انت بتفكر تسيبني!؟
حاتم: -انتِ بتقولي ايه انا......
هنية: -بتعملي ايه عندك يا بت
زهور: -امي!... انا كنت...
هنية: -ادخلي جوه وكلامي معاكِ بعدين
زهور: -انا ما عملتش...
هنية: -چولتلك ادخلي
خيري: -خبر ايه يا هنية... عماله تصوتي في البت كدا ليه؟!... ازيك يا حاتم يا ولدي
حاتم: -الحمدلله يا عمي
خيري: -واچف كدا ليه يا ابني!... ادخل
حاتم: -معلش يا عمي مستعجل شوية
خيري؛ -طيب يا بني.... تعالي ورايا هنية.... وانتِ يا زهور سلمي على خطيبك وحصلينا
زهور (بابتسامة): -حاضر يا ابوي
خيري دخل هو وهنية
زهور(مسكت ايد حاتم وشدته): -تعالي يا حاتم نقعد في الجنينة جوا
حاتم (سحب ايده): -زهور.. زهور انا همشي مش قادر اتكلم دلوقت خالص.... لما اروق هكلمك... سلام
زهور: -حاتم!
حاتم ماردش عليها ومشي من قدامها خالص
*________________*
نبيلة: -ايه يا مايا!؟
مايا: -ايوا يا نبيله هانم
نبيلة: -حبيبتي لو مش قد اللعبة قوليلي وانا اشوف حد غيرك
مايا: -على فكرة الموضوع ماشي وكلها اسبوع ويخلص
نبيلة: -طب اسمعي يا مايا... أحمد لو ماطلقش ورد بكرا انا بنفسي هبعت لأحمد واكشفك قصاده
مايا(بخوف): &لالا ارجوكِ انتِ ماتعرفيش انا بحبه قد ايه!
نبيلة (بسخرية): -هه طب وريني شطارتك بقي
مايا: -بكرا اكيد هيكون عندك اخبار عنهم
نبيلة: -اما نشوف
مايا: -سلام
نبيلة قفلت مع مايا وفضلت تفكر انها قريب وهتاخد فلوس وأراضي لما مخططها يتحقق وأحمد يطلق ورد ويتجوز مايا
*_________________*
بالمندرة
عزت: -خلاص يا ولدي اتفچنا؟
فهد: -اطمن يا حچ... بس المعاد هيبچي امتا ان شاءالله!
عزت: -انا بچول بعد يومين
فهد: -اشمعنا يومين؟!
عزت: -اتفقت انا وعمك خيري ان كتب كتاب يحيي و وحاتم كمان يومين.... و أأمن وقت تاخد فيه الفلوس اليوم ده هتاخدهم وتيچي على إهنه او تحطهم في مكان آمن لحد ماتروح تحطهم في البنك وبعدها نقسمهم و كل واحد ياخد حقه
فهد: -ماشي يا ابوي
عزت: -انت چولت ل ليل على البيعة دي!؟
فهد: -لا چولتلها شغل وبس.... وهيا مابتسألش كتير
عزت: -كويس.... ابقي چولها وانت بتديها فلوسها
فهد: -ماشي.... بس انت ليه يا حچ ماقولتش ل حاتم على موضوع كتب الكتاب ده،، حتي كان فرح بدل ما مرت عمي عصبته إكديه
عزت(بابتسامة): &بس هيفرح اكتر لما أروحله انا وعمك البيت ونچوله
فهد: -مدلع حاتم انت چوي يا ابوي
عزت: -طيب يا ولدي،، ودخل قلبي طوالي وفيه من عمك الله يرحمه من طيبة قلبه وصبره
فهد: -الله يرحمه،، ماهو اللي مربيه
عزت: -حسبي الله في اللي كانت السبب
*_____________*
في أوضة ليل
ليل: -يعني ايه جاي بكرا!؟
رحيق: -مااعرفش هو قالي كدا،، وبيقول لو استني اكتر من كدا في مصيبة هتحصل
ليل: -علاء لو جه بكرا يبقي فعلا في مصيبة هتحصل،، انتِ مش متخيله فهد بيتعصب ازاي لما يشوفه
رحيق: -مش عارفه بقي،، بس بيقولك اهم حاجة حاتم مايعرفش حاجة
ليل: -انا مش مطمنة... حاسة ان فيه حاجة هتحصل
رحيق: -ربنا يستر ان شاءالله
ليل: -يااارب
رحيق: -ليل... انا هقفل عشان يحيي بيتصل ماشي
ليل: -طيب سلام
رحيق: -سلام
ليل: -ياتري في ايه يا علاء وايه اللي جايبك... ربنا يستر انا حاسة ان ماما عملت حاجة
الفصل الثاني والعشرون
في أوضة ليل وفهد
ليل: -يعني ايه جاي بكرا!؟
رحيق: -مااعرفش هو قالي كدا،، وبيقول لو استني اكتر من كدا في مصيبة هتحصل
ليل: -علاء لو جه بكرا يبقي فعلا في مصيبة هتحصل،، انتِ مش متخيله فهد بيتعصب ازاي لما يشوفه
رحيق: -مش عارفه بقي،، بس بيقولك اهم حاجة حاتم مايعرفش حاجة
ليل: -انا مش مطمنة... حاسة ان فيه حاجة هتحصل
رحيق: -ربنا يستر ان شاءالله
ليل: -يااارب
رحيق: -ليل... انا هقفل عشان يحيي بيتصل ماشي
ليل: -طيب سلام
رحيق: -سلام
ليل: -ياتري في ايه يا علاء وايه اللي جايبك... ربنا يستر انا حاسة ان ماما عملت حاجة
فهد دخل
فهد: -بتكلمي نفسك ولا ايه!؟
ليل: -هاا لا دي رحيق كانت لسه قافلة معايا
*_________*
عدي كام يوم و عزت راح لحاتم هو وخيري و اتفقوا ان الفرح كمان اسبوع هو ويحيي... وحاول يفهمه انه يتجنب هنيه لحد ما الفرح يتم... طول الايام دي هنية بتدبر وبتخطط لموضوع عشان تخلص من ليل.. وفي يوم واقفة قدام أوضة ليل بتتصنت عليها كالعادة سمعت اللي يطمن قلبها اللي مليان بالحقد والشر
في أوضة ليل $ فهد
رحيق كانت قاعدة مع ليل لوحدهم
رحيق: -طب كلميه دلوقت
ليل: -لا لما فهد يجي... هقوله وأكلمه وهو موجود
رحيق: -كلميه دلوقت ولما فهد يجي قوليله
ليل: -يووه يا رحيق قولت لا.. فهد لو عرف اني كلمته هيزعل واحتمال يزعقلي وانتِ عارفة اني مابحبش حد يزعقلي وخصوصا فهد
رحيق: -طب بزمتك فهد هيخليكي تكلميه!.. يخليكي تقوليله كلمتين على بعض اصلا؟
ليل: -ماتحاوليش تقنعيني
رحيق: -طيب براحتك بس لو حصلت مصيبة بسبب ماما انتِ اللي هتبقي السبب
ليل: -انتِ هتخليني اضعف واكلمه
رحيق: -يا ليل مافهاش حاجة كلميه وهو أكيد هيقولك حاجة مهمة وانتِ هتقولي لفهد على اللي عرفتيه وهو مش هيزعل منك
ليل: -طيب خلاص هكلمه
ليل اتصلت ب علاء وشوية ورد
علاء (بسرعة): -اخيرا يا ست ليل!
ليل: -ازيك يا علاء عامل ايه؟
علاء: -كويس... المهم حد جانبك؟
ليل: -ايوا رحيق.. في حاجة!
علاء: -طيب اسمعيني كويس.. انا عاوز اشوفك ضروري
ليل: -نعم!.. تشوفني انت اتجننت يا علاء دا انا بكلمك من ورا فهد ومرعوبة، دا لو عرف مش عارفه ممكن يعمل ايه؟
علاء: -امك بتعمل مصيبة يا ليل... و ورد بنت عمك هتتطلق بسببها
ليل(بصدمة): -انت بتقول ايه!! انت متأكد.. ورد هتتطلق ازاي؟... ماتفهمني يا علاء انت بتقول كلمة وتسكت
علاء: -انا بقولك اشوفك وافهمك.... واهم حاجة ماتقوليش لفهد وحاتم فاهمة
ليل: -طب المفروض انا اعمل ايه! اكلم ورد طيب واقولها،، ولا هتفهمني امتا وازاي
علاء: -اوعي تقولي ل ورد لأنها هتقول لأحمد وأكيد هيقول لحاتم وانتِ عارفه هيعمل ايه... وانا هاجي بعد بكرا ان شاءالله حاتم كلمني وعازمني على الفرح.. وانا أول ماهدخل على البلد هكلمك وتقابليني
ليل:- ططيب ماشي
علاء: -مش هأكد عليكِ تاني يا ليل... اياكِ تقولي لحاتم او فهد
ليل: -طيب ماتقلقش... بس انا خايفه على ورد
علاء: -ماتقلقيش ان شاءالله مافيش حاجه تحصل... وبعد اللي هقولهولك تروحي لخالتي وتحاولي معاها انها تبعد عنكم وتهدديها انها لو مابعدتش هتقولي لحاتم على اللي هتعرفيه
ليل: -طيب ماشي.... بس قولي ان ورد مافيش حاجه هتحصلها
علاء: -اطمني ان شاءالله خير.... سلام
ليل؛ -سلام
رحيق: -ايه قالك ايه؟! و ورد هتتطلق ازاي؟؟
ليل: -مش عارفه...مش عارفه يا رحيق هو جاي بعد بكرا وانا هقابله
رحيق: -وفهد؟!
ليل: -هقوله اني جيالك عشان اظبط شنطة هدومك
رحيق: - طيب انا هقوم امشي بقي... خلي بالك ع نفسك
ليل: -ماشي... وماتقوليش لحاتم حاجة
رحيق: -ماتقلقيش... سلام
هنية مشيت بسرعة ورحيق نزلت ولسه هتطلع من البيت قابلت يحيى لسه داخل... نزل من العربية وواتكلموا مع بعض
يحيى: -القمر كان هنا وماشي ليه؟
رحيق: ماشية عشان اتأخرت... حضرتك كنت فين انا موجودة من بدري
يحيي: كنت مع فهد بنخلص شوية شغل
رحيق: ها طيب سلام
يحيي: ادا استني بس.. تعالي حتي اوصلك
رحيق: لا حاتم هيضايق
يحيى: هو انا مش خطيبك ولا ايه
رحيق: ايوا بس حاتم
يحيي: اركبي يا رحيق ومالكيش دعوة بحاتم... وبعدين مش هو سافر يجيبلك حاجات من بيتكم؟
رحيق: ايوا بس انا هقوله
يحيي: شاطرة... يالا اركبي
*_____________*
في بيروت
أحمد و ورد بيجهزوا الشنط بتاعتهم
ورد (بابتسامة):- خلاص كدا خلصت.... الشنط كدا جاهزة
أحمد: تمام يا وردتي
ورد: -أحمد.. هو احنا ماينفعش نرجع بكرا على طول... يعني انت هتخلص العملية على الضهر مش كده؟!
أحمد: ايوا بس انا لازم استني على الاقل 12 ساعة في المستشفى ممكن تحصل حاجة
ورد: -طيب
أحمد: -على العموم ياستي لو خالد زميلي ماسفرش... هنمشي بكرا هو كمان هيبقي معايا في العملية... وهيبقي فيه طيارة هتوصلنا على يوم اللي قبل الفرح
ورد: ياريت بجد عاوزة احضر مع البنات اليوم ده
أحمد: ان شاءالله.... قومي يالا البسي عشان نتغدا ونخرج شوية
ورد: دقيقة واكون جاهزة
الاتنين خرجوا... و أحمد حاول يفرح ورد على مايقدر لأنها تقريبا مااستمتعتش بشهر العسل ده عشان معظم الأيام بيكون في المستشفي... آخر الليل رجعوا الفندق وكانوا مرهقين من الخروجة
ورد: يا الله... انا تقريبا مش استمتعت بخروجه قد انهاردة
أحمد: حاولت اعوضك شوية عن الايام اللي كنت بروح فيها المستشفى
ورد قربت منه وقعدت جانبه على السرير ورفعت إيدها في وشه: ها اعترف ان شهر العسل ده مايتحسبش
أحمد ضحك عليها وقام عشان يقلع التيشرت ورد جريت ومسكته
ورد: اعترف يا أحمد
أحمد: -ههههههه اعترف بإيه يا مجنونة
ورد: انك تقريبا كنت جاي هنا عشان الشغل... وان لما ننزل مصر هنروح نقضي شهر عسل تاني
أحمد رفع ايديه الاتنين على كتفها وحاول يصبغ نبرة صوته بجدية: ورد يا بنتي انتِ اتكتب عليكِ الشقيَ وانتِ لسه صغيرة... عارف انك مش ذنبك انك اتجوزتي دكتور بس اهو بقي حظك... وربنا يستر ولما نرجع مصر تشوفيني صُدفة في البيت
ورد بصدمة: نننننننعم... وانا اللي مستنياك تقولي وربنا يستر ولما نرجع مصر تلاحقي على الخروجات... مدت ايدها ومسكت طرف التيشرت ورقبته منها زي الحرامية... لا يابابا انا ماعنديش الكلام ده... في حاجة اسمها خروج في حاجة اسمها لما ننزل مصر هنخربها
أحمد ضحك: طب هاتي بوسة
سابت التيشرت وبعدت وراحت عند الدولاب: قليل الادب اوي
أحمد كان لسه هيقرب فونه رن وكانت المستشفى
أحمد: الو
: -دكتور أحمد!!
أحمد: -ايوا انا خير؟
: -المريضة اللي مفروض تعملها العملية تعبانة جدا وطالبة تشوف حضرتك
أحمد ( عقد بين حواجبه واتنهد بنفاذ صبر... لأنه عارف ان مايا اكيد عاوزاه يجي): تعبانة ازاي يعني؟... المفروض ان فيه علاج بتاخده.. وبعدين العملية الصبح وكمان فيه أكتر من دكتور عندك
ورد قربت منه وعرفت انه بيتكلم عن مايا
: -يا فندم فعلا دكتور خالد دخلها بس هيا طالبة تشوف حضرتك ضرورى.. وممكن تتأكد من دكتور خالد انها تعبانة
أحمد: طيب اقفل
أحمد قفل وكلم زميله
خالد: -السلام عليكم
أحمد: -وعليكم السلام... هو فيه ايه يا خالد.. مش انا مبلغك اني هكون موجود بكرا الصبح قبل العملية بساعتين... ومنبه ان ماحدش يكلمني طالما مافيش حالة حرجة
خالد: -اهدي بس مالك؟.. ايه اللي حصل
أحمد: اللي حصل اني المستشفى لسه مكلماني دلوقت عشان استاذه مايا تعبانة... هو انت مش موجود
خالد: -هيا فعلا تعبت جامد من شويه.. وانا اتعاملت مع الوضع... بس هيا لسه تعبانة مش اوي بس تعبانة... وطالبة تشوفك بأي طريقة
أحمد: -اووووف
خالد: -معلش يا أحمد تعالي على نفسك وتعالي شوفها... انت عارف ان حالتها خطرة
أحمد ساكت ومش عارف يتكلم من ورد... مش عارف يقول طيب هاجي ولا يقوله انها كل مرة تستخدم كارت تعبها عشان يجي وتشوفه... سكاته طال وورد بعدت الفون عن ودنه واتكلمت بهدوء
ورد: هيا تعبانة اوي مش كدا؟
أحمد: بيقولوا
ورد: طب روح وانا هاجى معاك
أحمد: تيجى معايا؟
ورد ابتسمت بهدوء: ايوا.. انت مش عاوز تروح عشان تصرفاتها معاك... وماينفعش ماتروحش عشان دا واجبك
أحمد قرب الفون: -خلاص انا هروح لوحدي... ايوا يا خالد انا جاي سلام
قام يطلع هدوم وهيا قربت: هاجي معاك يا أحمد
أحمد لفلها واتكلم ببساطة: ورد انا هروح واجي بسرعة... هيا تقريبا عاوزة تشوفني وخلاص
ورد بتريقة: يا سلام... عاوزة تشوفك وخلاص تصدق ارتحت
أحمد: ورد انا حقيقي تعبان ومضغوط وانتِ اكيد حاسة بده
ورد: عشان انا حاسه بده بقولك انا هاجي معاك.. لاني عارفة انها هتتجاوز حدودها معاك... واكيد برضه انا مش هبقي مرتاحة وانا عارفه انك ريحلها وانا قاعدة هنا
أحمد: وهتيجي معايا بصفتك ايه؟
اتصدمت من كلمته... يعني ايه بصفتها ايه؟.. بس فسرت انه قال الكلمة دي بدافع انه مخنوق
ورد: بصفتي اني مراتك... مانفعش؟... وياسيدي لو مستعر تقولهم اني مراتك قولهم صاحبة مايا وجاية تزورها
أحمد: -ورد انا مقصدش اللي انتِ فهمتيه.. وبطلي هبل
ورد: طيب يا أحمد.. انا داخلة البس عشان جاية معاك
أحمد: -يالله... ماشي يا ورد.. اعملي اللي يعجبك
الاتنين لبسوا ونزلوا مع بعض وراحوا المستشفي.. أحمد دخل مكتبه الاول هو وورد وكلم خالد عشان يشوف حالتها قبل مايروحلها... خالد دخل وكان لسه هيتكلم بس شاف ورد.. قرب منها ومد ايده عشان يسلم
خالد بابتسامة: اهلا وسهلا يا مدام نورتي المستشفي كلها والله
أحمد مد ايده وزق خالد على الكرسي بهدوء شديد: -المدام مش بتسلم يا خالد
خالد: طبعا يا سيدي من حقك تعمل عليها حصار
أحمد: فين التقرير يا خالد
خالد: -اتفضل.... تحبي تشربي ايه يا مدام اا... اسم حضرتك ايه
أحمد بغيرة: شاربة.. شاربه قبل مانيجي يا خالد... يالا يا مدام نروح لصاحبتك
خالد: اكيد اول ما هتشوفك هتقوم تتنطت ههههه
أحمد: خالدروح شوف الحالات اللي وراك.. يالا
ورد قامت وخرجت مع أحمد وهيا حاسة انه هيديها قلم بسبب اللي صاحبه قاله.. بس كانت بتطمن نفسها ان ماحصلش حاجة وان هو مخنوق لوحده.. بس مرة واحدة لقيت حاجة شدتها وخبطتها في الحيطه
أحمد (بغضب) : -مبسوطة دلوقت!
ورد بصدمة: اان انا!
أحمد: -ايوا افضلي قولي ااا... انتِ عارفة انا هعمل فيكِ ايه؟؟
ورد هزت راسها.. وأحمد كان لسه هيتكلم فهيا قطعته بسرعة
ورد: لا اوعي تقول... هتقرقش ملامحي!
أحمد: ايه؟.. هإيه؟
ورد: هتقرقش ملامحي... ايوا انت هتعمل كدا
أحمد: -انتِ بتحاولي تضحكيني صح؟
ورد: لا والله
أحمد اتنهد وبعد عنها: -ماشي يا ورد... بس انا لسه مضايق منك
وردت بصت حواليها بسرعة وباسته في خده
أحمد: هيييييييه
ورد حطت إيدها على شفايفه بسرعة: الله يخربيتك
أحمد: ههههههه... ينفع اللي انتِ عملتيه ده في المستشفى!
ورد بغرور: اه ينفع....جوزي وماحدش ليه دعوة
أحمد: ياولا
ورد: خلاص مش زعلان!
أحمد: يعني
ورد: طب تعالي نشوف البتاعة دي.. وبعدين اشوف اصالحك ازاي
أحمد: ورد
ورد ماشية قدامه بخطوات بسيطة: همم
أحمد: بحبك
ورد وقفت وبصتله شوية وابتسمت اوي... مشيوا الاتنين سوا وأحمد خبط على أوضة مايا
مايا: ادخل
الاتنين دخلوا... وأحمد شاف مايا بتحاول تنزل من علي السرير وبتشيل المحاليل اللي متعلقه في إيدها... جري عليها بسرعة وخضة ضيقت ورد... وحاول يمنعها
أحمد: انتِ بتعملي ايه؟
مايا بصريخ: عمالة اقولهم من الصبح اني عوزاك وماحدش راضي يطلبك.... حضرتك كنت فين
أحمد بعصبية وهو بيركبلها المحاليل تاني: انا مش تحت أمر معاليكِ وقت ماتكوني عاوزة تشوفيني اجيلك واقولك شوبيك لوبيك... انا ورايا حالات تانية وانتِ من ضمن الحالات دي... وأكيد مش كل حالة تطلب تشوفني هروح جري واقولها نعم مالك انا تحت امرك
مايا: حالة!!.. انا
أحمد: آنسة مايا حاولي تحافظي على هدوئك العملية بكرا الصبح... وحضرتك بطريقتك دي بتهدي كل اللي عملناه الايام اللي فاتت
مايا كل ده ماكنتش لاحظت وجود ورد واول ما شفتها اتعصبت جدا
مايا: انتِ بتعملي ايه هنا.. وداخلة أوضتي ليه!
ورد بهدوء: جاية اطمن عليكِ
مايا بكدب بصت لأحمد: اااه عشان كدا قولتلي دلوقتي اني حالة
أحمد اتكلم بهدوء وشدد على كل حرف قاله: انتِ دايما كنتِ حالة يا آنسة مايا وهتفضلي كدا
مايا ضحكت بتهكم وبصت ل ورد وسكتت
أحمد: احب اعرف حضرتك عوزاني ليه بقي؟
مايا: نتكلم على انفراد
أحمد: اين كان اللي هتقوليه.. اقوليه في وجود مراتي
مايا كانت بتحاول ماتنفذش لعبتها مع نبيلة وكانت في صراع مع نفسها طول الوقت.. بس كلام أحمد ضايقها وخلاها تاخد قرار انها تكمل اللعبة
مايا: كنت عاوزة اعترفلك إني بحبك
أحمد بص ل ورد اللي اتصدمت من جرائتها وكان لسه هيتكلم ف مايا شاورتله
مايا: لو سمحت سيبني اتكلم للآخر... ايوا بحبك،، ومن غير كلام كتير انا بوعدك دلوقت اني هبعد طالما دي رغبتك...
هعمل العملية ومش هتشوف وشي... انا عارفه انك كنت عاوزني ابعد وبالتحديد من وقت ماظهرت المدام حسيت انك متاخد كده وطريقتك في الكلام بقت فظة جدا معايا
مايا كانت بتحاول تختار الكلام اللي توصل بيه معني مختلف لكل واحد فيهم وفعلا ده اللي حصل... أحمد كان فاهم انها بتتكلم على الوقت اللي كانت بتكلمه وتسأله على علاجها وتبقي عاوزة تتكلم معاه وهو يُصدها... وورد مش فاهمة هو
ليه كان بيكلمها.. المفروض انه الدكتور بتاعها المفروض تروحله العيادة ولو هتكلمه فهي مرة ولا اتنين مثلا في الاسبوع ومش هتلاحظ طريقته الفظة اللي هيا بتقول عليها دي... أحمد ماقلهاش انها كنت بتكلمه
مايا لاحظت ان ورد ملامحها اتغيرت من السكون للغيرة فكملت: انا بوعدك انك مش هتشوفني تانى... ومن بكرا هتابع مع دكتور خالد
أحمد: تمام يا آنسة مايا... واتمنالك الشفاء العاجل عن إذنك... يالا يا ورد
مايا بسرعة: هو مش انتِ قولتي انك جاية تزروني!
ورد: ايوا!!
مايا: طب اقعدى معايا شوية.. ممكن؟
أحمد بص ل ورد وشاورلها بعنيه انها ترفض بس مسكت ايده وابتسمت: طبعا اقعد معاكِ
أحمد بهمس: ورد!
ورد بهمس: ماتقلقش حبيبي
أحمد: بس!
مايا: انت خايف على مراتك مني يا دكتور... للدرجة دي شايفني وحشة!.. بعدين انا تعبانة مش هقدر اعملها حاجة
ورد: لالا هو مايقصدش كدا اكيد... هو قاصده انه يروحني عشان يعرف يرجع قبل معاد العملية... بس خلاص يا أحمد مش مهم
أحمد اتنهد وبص لمايا بابتسامة بسيطة: تمام هسيبكم مع بعض شوية واروح امر على باقي الحالات
ورد: تمام.. انا شوية وهجيلك المكتب
أحمد: ماشي.. عن إذنك يا آنسة مايا
أحمد خرج و ورد قعدت قصاد سرير مايا.. ومايا فضلت بصلها شوية وبعدها مدت إيدها جانب السرير وجابت سيجارة وولعتها
ورد: مش غلط عليكِ؟
مايا رفعت حاجيبها وبصتلها بتحدي.. وورد اتصدمت لأن اللي بتتكلم دي مش هيا اللي كانت بتتكلم في وجود أحمد
مايا: -مالكيش دعوة باللي غلط عليا.. انتِ نفسك غلط عليا
ورد: انا!!
مايا: ايوا انتِ.. خطفتي حبيبي وخلتيني ابوظ شكلي عشان يتأكد اني تعبانة و...
ورد: نعم!!.. حبيبك مين؟.. أحمد بيحبني انا مش بس بيحبنى ده بيعشقني كمان... وكل ما تستوعبي الكلام ده بيقي احسن ليكِ
مايا: هه مسكينة اوي.. انا وأحمد عشنا مع بعض فترة في شقة واحدة.. لحد ماشافك وانتِ خطفتيه
ورد: اخرسي.. أحمد ماحبش غيري أبدا ولا هيحب.. وانا عمري ما أصدق كلامك ده...عمري
مايا: تحبي اثبتلك؟
ورد سكتت شوية وبعدها وقفت بغرور: لا مااحبش.. حتي لو ده حصل... فانا اللي مراته دلوقت مش انتِ يا اللي عشتي معاه.. انا اللي في قلبه.. وانا اللي مراته.. وانا برضه اللي كل الناس يعرفوا انه هو حقي... عن إذنك يا يا آنسة مايا
مايا: صعبانة عليا اوي... هتتصدمي لما تتأكدي اننا وهو كنا...
ورد: اسمعي يا ست انتِ تخرسي خالص... وياريت تبعدي عن جوزي.. لأني ممكن اهد الدنيا عشان احافظ عليه.. سامعة.. وبغض النظر عن اللي مابينا اتمنالك الشفاء العاجل او الموت اريحلك عشان تبعدي عن طريقنا وعن حياتنا
ورد طلعت وهيا مضايقه وعلى آخرها وبتحاول ماتصدقش كلام مايا.. راحت الممر اللي بيودي علي مكتب أحمد وهيا عمالة تشتم فيها وقفت في نص الممر ومش فاكره انه مكتب!.. كانت لسه هتصوت لما حست بحد بيحضنها من ضهرها
أحمد: ششش ايه انا!
ورد: فين مكتبك؟
أحمد: نستيه؟
ورد: أحمد!
أحمد بعد عنها شوية: قالتلك كلام يضايقك صح؟!
ورد بتحاول تتماسك وماتعيطش وهو حس بيها واخدها ودخلوا مكتبه.. قعدها على الكنبه وشد كرسي وقعد قدامها
أحمد: قالتلك ايه بالظبط!... وماتخبيش عليا يا ورد
ورد اتنهدت وحكتله اللي مايا قالته كله
أحمد: وانتِ!.. صدقتيها؟
ورد: لا طبعا... بس
أحمد: بس ايه؟
ورد: هيا قالت انكم كنتم بتتكلموا وانت سكت.. وما انكرتش
أحمد: ايوا كانت بتكلمني تسألني على العلاج وكانت بتحاول تطول الكلام وانا كنت بصدها.. حتي قبل ما اخطبك كنت بصدها
ورد: انا فكرت انك كنتم يعني...
أحمد: انا كنت حاسس انها بتحاول توقع بينا بالكلام بشكل غير ملحوظ... عشان كدا ماكنتش عاوزك تفضلي معاها
ورد: انا ماكنتش متخيله انها بالسواد ده
أحمد: لا تخيلي... واكيد اكتر كمان.. المهم يالا عشان اروحك
ورد: لا
أحمد: لا!!
ورد: هنام هنا
أحمد: هتنامي هنا فين
ورد: فيه سرير هناك اهو
أحمد بص على السرير اللي في جانب من الأوضه وبعدين بصلها شوية وهيا فهمت
ورد: لالا.. اكيد يعني مش هنام على السرير واسيبك تنام على الكنبه.. اكيد لا يعني
أحمد قرب وشلها وحطها على السرير: طبعا مصدقك
ورد: ههههههه.. وانت!
أحمد: هروح اكمل مرور واجي نتناقش مين ينام على الكنبه
ورد: ههههههه طب ارتاح شوية
أحمد: لا هخلص بسرعة واجيلك... عشان ارتاح شوية قبل عملية المدام
ورد: ماشي يا حبيبي... ربنا يشفيها ويبعدها عننا بخيرها وشرها
أحمد: امين يا حبيبتي.. نامي انتِ شوية
أحمد طلع يكمل شغله وورد فضلت في مكتبه
في أوضة مايا
مايا بتتكلم في الفون
مايا: الو... ايوا يا زفت.. نص ساعه وأحمد يكون في أوضتي
: -ماتقلقيش يا هانم.. ربع ساعه بالكتير ويجيلك
مايا: طب اخلص وجهز الكاميرا
: -أوامرك