رواية كيندرا
الفصل الخامس والسادس
بقلم حليمه عدادى
(وصل المستشفى نزل من عربيته بيقدم رجل و يأخر التانيه اول مرة يحس بالتوتر و دقات قلبه حاسس انها مسموعة من قوتها...معقول هو ده الرجل اللى كان مبيهتمش بحد.. الكل يقف احترام ليه.... قدامها بيبقي ضعيف زى العيل اللى غلط.. وصل لاوضتها خبط على الباب محدش رد فتح الباب بتوتر ملقاش حد في الاوضه حس بالخوف نزل بسرعة الاستقبال عشان يسأل...
جاد :: في مريضة كانت هنا اسمها كيندرا الهلالي.. مش موجوده فى اوضتها ليه نقلتوها اوضه تانيه..
الممرضة :: استنى يا فندم هشوف..
وبصت فى السجلات وقالتله..
الممرضه:: دى خرجت النهارده الصبح.
جاد :: تمام متشكر.
خرج و هو بيفكر ازاى هيطمن عليها وركب عربيته..
*****************************
زينب :: خالد لو كنا سبناها فى المستشفى كان احسنلها.. هنا ازاى هنعرف حالتها و هي لا مش بتتكلم..
خالد :: أطمني هى بخير... اهتمى بيها انتى بس كويس... اه نسيت مقولتش لجاد بيه اننا اخدنا كيندرا قال هيجى يطمن عليها.
زينب :: ليه كده بس.. ده لولا هو امبارح كان حصل لكيندرا حاجه..
زين ::: ماما هى كيندرا هتبقى كويسه.. شكلها تعبانه اوى.
زينب :: اه يا حبيبي هتبقى كويسع و تلعبوا مع بعض تانى..
خبط الباب
خالد :: اما اقوم اشوف مين اللى جايلنا دلوقتي.
فتح الباب وجد جاد أمامه
جاد :: السلام عليكم...انا اسف جيت من غير ميعاد.. كنت عاوز اطمن على انسة كيندرا
خالد :: اتفضل يا جاد بيه.. احنا غلطنا لما خرجنا من غير ما نقولك معلش..
( دخل وهو بيدور بقلبه عنها قبل عينيه دخل لاوضتها كانت زى ما شافها قبل كده باصه قدامها وبس..
جاد :: هى عامله ايه دلوقتي..بقت كويسه.
خالد :: هى كويسه بس على حالتها دى مش كويسه ابدا
جاد :: حمدالله على سلامتها..بس لازم تتعالج عشان ترجع لحالتها الطبيعيه زى زمان.
خالد :: ان شاء الله.. اتفضل معايا زينب جهزت الفطار... خلينا ناكل مع بعض لقمه..
جاد :: لا شكرا ليك.. انا عندى شغل مهم.. انت متجيش النهارده الشغل..وخليك النهارده مع بنتك
*****************************
جاد عالهاتف :: ازاى الحال فى الشركه.. خلى بالك المنافس بتاعنا مترصد لنا و مستنى الفرصه المناسبه عشان يضربنا فى مقتل..
حسام :: أطمن كل حاجه تحت عنيا.. طمنى عليك انت عامل ايه.
جاد :: مش كويس ابدا... كل ما اشوفها بالحاله دى احس بوجع عمرى ما حسيت بوجع زيه قبل كده.
حسام :: اعتقد إنك لو اخدتها عشان تكمل علاجها هتتحسن و تبقى كويسه.. قول لابوها و ساعدها وخليك جمبها.
جاد :: انا بفكر فى حاجه كده معرفش هى صح ولا لا بس هعملها
حسام :: ايه الحاجه اللى ممكن تخليك عاوز تعملها من غير ما تبقى عارف هى صح ولا لا..
جاد ::هتجوزها واخدها معايا القصر.. وهناك هتابع علاجها كويس جدا و كمان هبقى مطمن عليها.
حسام :: جاد انت متاكد من إنك عاوز تعمل كده... طيب هتعمل ايه لو عالجتها وبقت كويسه و بعدين رفضتك و رفضت حبك ليها وطلبت تبعد.
(شعر جاد بالغضب عند فكرة انها تحب غيره ليقول.
جاد:: لا هى ملكى انا ومستحيل تحب غيرى ولازم تتقبل حبى ليها.
حسام :: هو ده حب ولا هوس.. انت لو حبتها بالعنف ده مش هتخليها تحبك ابدا و هتكرها فيك.
جاد :: انا بحبها ده مش هوس و لكن انا بغير من فكرة انها تحب غيري انا شايفها زى بنتي و نور عيني يبقى ازاى هعاملها بعنف..
جاد :: طيب كلم ابوها ولو وافق هاجى انا وريم... تحب اقول لخالتى سناء؟؟؟
جاد :: لا متقولهاش.. لو قولتلها انت هتزعل منى.. انا هقولها بنفسى.
*****************************
ريم :: ازاى عاوز يتجوزها يا حسام وهو مشفهاش غير مرتين تلاته.
حسام:: اخوكى محبش قبل كده...و حبها من اول نظرة... انتى مبتشوفيش حالته قدامها كأنه طفل صغير... مهما كان قدام الناس بيتعامل بقسوة بس بيجى قدامها ويبقى ضعيف
ريم :: طول السنين اللى فاتت دى واحنا منتظرين انه يتجوز... لكن كان بيرفض ودلوقتى جه الوقت لكن انا خايفه انها تكسر قلبه.. لما تبقى كويسه و ما تتقبلش فكرة انها تكون مع راجل اكبر منها..
حسام :: احنا منعرفش القدر مخبيله ايه..متقوليش الكلام ده بقى قدامه لانه بيزعل.
ريم :: متقلقش.. انا هقوم اشوف سام و وسيم بيعملوا ايه.
حسام :: بتهربى منى و اول ما امشى تفضلى تقولى ارجع بسرعه.
ريم :: انا اسفه يا حبيبي مقصدتش والله بس انا قلقت عليهم قولت اقوم اطمن عليهم بس... انا لو عليا افضل جمبك طول حياتي.
ضمها لحضنه
حسام :: انا عارف ياقلبي.. تعالى نقوم سوا نشوف بيعملوا ايه.
ريم :: انا بتعب معاهم جدا لما ببقى لوحدي... بس لما بتبقى هنا ببقى مرتاحه و باخد منك طاقه والله.
*****************************
فضل قاعد مستنى و هو خايف ان ابوها يرفض طلبه و مرتبك مش عارف يبدأ منين قطع شروده صوت خالد لما وصل..
جاد :: اسف انى اتصلت بيك في وقت زى ده
خالد :: مفيش حاجه يا بني انا اتعودت اخرج بليل و اجى هنا..
جاد :: انسه كيندرا عامله ايه دلوقتي.. بقت احسن
خالد :: هى بخير الحمد لله.... بس بالنسبالى هى دايما تعبانه ومش كويسه.
جاد :: عم خالد انا عاوز اكلمك فى حاجه بس بدون عصبيه والله ربنا يعلم انى كل اللى عايزوا خير.
خالد :: اتكلم يا ابنى مفيش عصبيه ولا حاجه.. وبعدين انا هتعصب عليك ليه.
جاد ::: عم خالد انا عاوز اطلب ايد بنتك كيندرا للجواز
الفصل 6
وَعَلَى سَبِيلِ العِشْقِ هَاتِي أصبَعَك
فَلَقَدْ نَذَرتُ العُمْر كي أبْقَى مَعَك
وَلَقَدْ نَذرتُ مَسَامِعِي لَكِ وَحْدَكِ
مَا حَاجَتِي بِالسَّمْعِ إِن لَم أَسْمَعُك
وَعَلَى سَبِيلِ الشَّوْقِ ضُمَّينِي إِلَى
ضِلْعَيْكِ إِنِّي قَدْ خُلِقْتُ لِأَضْلُعِكَ
هِيَ مَنشَأَي فِي الذرّ حِين تَكَوُّنِي
وَنِدَائهَا فِي الحَشْرِ عِنْدِي مَرْجِعُك
وَعَلَى سَبِيلِ الحُبَّ أَنتِ أَمِيرَتِي
سِيرِي وَقَلْبِيَ لَا مَحَالَةَ يتبعك
وَخُذِي حَيَاتِيَ كُلَّهَا وَإِبْقَيْ مَعَي
إنِّي نَذَرْتُ العُمْرَ كي أَحْيَا مَعَكَ
***********************************************
الفصل 6
جاد :: عم خالد انا عاوز اطلب ايد بنتك للجواز
خالد :: جاد بيه انت شوفت حالة بنتى... انت عاوز تجوزها ازاى وهى فى حالة متسمحلهاش حتى تخلى بالها من نفسها.
جاد :: ميهمنيش حالتها..انا هتجوزها و هكملها علاجها و هترجع احسن من الاول كمان.
خالد :: طيب انت ليه عاوز تجوزها.. شفقه ولا عشان فلوس العمليه اللى دفعتها.
جاد :: انت بتقول ايه يا عم خالد.. طيب انا هقولك على حاجه و عارف انك مش هتصدقنى.
خالد :: ايه الحاجه دى اللى تخليك عاوز تجوز بنتى بوضعها ده.
جاد :: من اول مره عينى وقعت عينى عليها و هى قاعده وسط الارض... وانا حبتها حب مش زى اى حب لدرجة انى بقيت حاسس ان هى الهوا اللى بتنفسه.
خالد :: جاد بيه انا بنتى مبتخرجش شوفتها ازاى وفين.
جاد ؛: اول يوم ليا هنا شوفتها قريب من المزرعه.
(افتكر خالد اليوم ده لما مراته قالتله انها ملقتش كيندرا فى اوضتها
جاد :: عم خالد كيندرا هتكون في عينيا ارجوك صدقني...انا مش عاوز حاجه غير انها تكون ليا وبس
خالد :: انا مش عارف اقولك ايه.. طيب ادينى عالاقل وقت افكر.
جاد :: خد وقتك و انا مستنيك.. انا بس عاوزك تعرف انى حبتها اكتر من روحى... و هى معايا هتبقى بخير صدقنى.
خالد :: هبلغك ردى فى الموضوع ده بليل انشاء الله.
(مشى جاد من عند خالد و هو حزين.. كان خايف جدا من رفض ابوها للجواز.. بس هو قرر انه هيحاول و لا يمكن يستسلم..
************************************************
حسام :: ريم انتى فين هتاخر كده.
(خرجت ريم تجرى و هى شايله فنجان القهوة.
ريم :: حبيبي ليه كل البرفان اللى انت حاطه ده..قولتلك قبل كده بلاش البرفان ده
حسام ؛: ده برفان عادى.. ماله يعني.
ريم بغضب:: ريحته ملفته جدا للنظر و انت شغال معاك ستات كتير هناك.. وبعدين انت متشيك اوى ليه كده.
حسام ؛: ريم مالك مدايقه اوى ليه كده.. انا بس بعمل اللى بيريحنى مش اكتر
ريم :: وانت بترتاح لما الستات بترمى نفسها عليك و كل واحده تكلك بعيونها
حسام :: انا ميهمنيش نظرات حد.. ده برفانى المفضل وبحبه.
ريم بغيرة:: برفانك المفضل انت ولا واحدة هناك
حسام ؛: ريم... ايه اللي انتى بتقوليه ده... ازاى تتهمينى بحاجه زى دى.. انا ما ببصش لغيرك وانتى عارفه.
ريم :: امال معناها ايه انك كل يوم فى الشركه و بتلبس احسن لبس و بتحط احسن برفان.. ده اسمه ايه.
حسام :: انا بروح عشان شغلى مش عشان حاجه تانيه.. وخلى بالك كلامك كله غلط
ريم :: انا دايما اللى غلط و انت اللى صح.. خلاص اتفضل روحلها يلا.
حسام بغضب:: ريم انا مبصتش لست تانيه غيرك طول عمري.. ايه اللى هيخلينى ابص لواحده غيرك دلوقتي.
ريم :: انت كمان بتزعق فى وشى.. انا هسبلك البيت و امشى
(طلعت تجرى برا البيت و دموعها مغميه عنيها و مشفتش العربيه اللى جايه عليها صرخ حسام وقتها..
حسام :: رييييييم حااااااسبى.
(ولكن مسمعتهوش.. خبطتها العربيه بقوة وقعت على الأرض و الدم مغطي جسمها.. حس كأن الهواء اتسحب من حوليه جرى عليها رفع رأسها وحطها على رجليه
(قالتله والدم مغطى وشها وجسمها..
ريم:: سامحني يا حسام انا بغير عليك حتى من الهوا.. خلى بالك من ولادنا..
وبعدين وقعت راسها... فصرخ حسام بقوة تخلع القلب.. وهو بيعيط.
حسام ؛؛ ريييييييم لالالا.
( جه جرى على الصوت سام و وسيم لامهم بدموع... اتجمع الناس حوليهم اتصل واحد من الناس بالاسعاف شلها حسام بين ايديه وركب بيها عربية الاسعاف مع اولاده وهو بيبكى بقوة.
___________________________________________
جاد انتظر كتير عشان عم خالد يرد عليه و لسه مردش.. فكان قاعد خايف من فكرة رفضه.. رن تليفونه برقم حسام فرد عليه..
جاد :: السلام عليكم عامل ايه يا حسام
(سمع صوت شهقات حسام حس بالصدمة من صوته و سأله..
جاد:: حسام فيك ايه..انت كويس
حسام ببكاء:: جاد انا مش كويس ريم ريم
جاد :: حصلها ايه ريم. اتكلم حصل ايه.
حسام :: ريم عملت حادثه... خبطتها عربيه واحنا فى المستشفى.
جاد بصدمة:: يعني هى كويسه ولا لأ.. مين اللى عمل كده.. انتوا فين بالضبط.
حسام :: تعالى بسرعة احنا محتاجينك يا جاد.. احنا فى مستشفى العيله.
جاد :: طيب مسافة الطريق و اكون عندكم..
قفل معاه الخط و جرى على عربيته عشان يروحله
************************************************
في المستشفى كان حسام قاعد و هو بيمثل القوة قدام عياله عشان مينهروش... ولكن قلبه بيبكي دم.. دخل جاد بيجرى عليه.
جاد :: ايه اللي حصل يا حسام.. حالتها عامله ايه دلوقتي.
(بصله حسام بصه فهم جاد منها انه مش عايز يتكلم قدام الاولاد.
جاد :: حبايب خالوا.. عاملين ايه.. لا لا انا مش عايز دموع... ريم هتبقى كويسه خالص.. وانا جيت عشان تعملى الاكل اللي بحبه.
وسيم :: بتتكلم جد يا خالوا.. ماما هتبقى كويسه... انا شوفت راسها كلها دم.
جاد :: ده مجرد جرح عادي هتبقى كويسه... حسام انا هاخد الاولاد عند ماما.. سام... وسيم.. يلا عشان نروح لجدتكم.
سام :: بس انا عايز اطمن علي ماما.
حسام :: روح مع خالك يا حبيبي ولما تصحى هاجى اخدكوا تطمنوا عليها.
جاد :: هوديهم و ارجعلك بسرعه يا حسام.
_____________________________________________
وصل جاد بيت والدته فتح الباب لأنه معاه نسخة من المفاتيح دخل لقى امه بتتفرج على التلفزيون.
سناء :: جاد... وحبايب جدتهم..
( الاولاد طلعوا يجرى عليها لانهم بيحبوها جدا.. حضنتهم اوى و بعدين حضنت جاد
جاد :: عامله ايه يا ماما وحشتيني اوى والله.
سناء:: لو كنت وحشتك كنت جيت شوفتنى.. عايش لوحدك فى القصر و بتخرج منه على شغلك ومش بشوفك.
جاد :: يا ماما انا قولتلك تعالى عيشى معايا فى القصر و نكون مع بعض.
سناء :: جاد انت عارف ان من ساعة اللى حصل لابوك فى القصر ده وانا مبقتش بحب ادخله.
جاد :: طيب يا ماما زى ما تحبى..انا همشى انا وخلى معاكى الاولاد.
سناء :: ماشي ياحبيبي.. بس فين ريم و حسام هما مجوش معاكوا ليه.
سام بدموع:: ماما فى المستشفى عملت حادثة.
سناء :: جاد ايه اللى هو بيقوله ده فين اختك.
جاد :: اهدى يا ماما دى حادثة بسيطه انا هروح دلوقتي ولما ارجع هفهمك كل حاجه.
************************************************
زينب:: هو ازاى عاوز يتجوزها وهو شايف حالتها عامله ازاى
خالد:: هو قال انه بيحبها وانا بصراحه مصدقه باين عليه انه مش بيكدب.بس مش عارف هى هتقبل تعيش معاه ولا لا..
زينب:: لو كان بيحبها زى ما قال يبقى هيكمل علاجها بسرعه و هترجع زى الاول و احسن و تعيش معاه بشكل طبيعي..
خالد:: انا عموما هفكر كويس قبل ما ابلغه قرارى النهائي... مش لازم اتسرع ابدا