رواية بعد عقد قران
الفصل الرابع عشر14
بقلم ريم ابو القاسم
بلسان مصطفى ..
وين غنوان يا حجه لسه ما رجعت من الجامعه ، غنوان شالت شنطتا و رجعت بيتا بعد كشفته حقيقتا واجهتها ، ده كلام شنو كيف تخليها تطلع و تمشي يعني شالت اي شي، وانت مالك خايف علي طلعتا قدر ده مش مشت بي ارادتا خلاص وقالت رسل
ليها ورقتا ، لا حول ولا قوة الا بالله العلي العظيم ليه يا حجه تخليها تمشي انا حكيت ليك بس عشان افضفض لاكن ما لدرجه الامور تصل هنا و مشيت منها فتخته الدولاب الادراج كلو ما في شي بخصها يعني شالت اي شي قعدته مسكته راسي كيف يحصل كده لازم ترجع لو غنوان مشت بالطريقه دي ما ح تخليني و ح تبقى دي فرصتا تاني ، يا ربي
ارجعا كيف بقيت ماشي و جاي و متوتر غنوان ما لازم تبقى بعيده مهما كان قررته خلاص ح اسافر و ارجعا باي طريقه ، عايز انزل الشنطه الباب ضرب قلته اتفضل جاتني سحر قلته ليها سحر مش عملته القلتي بالحرف خليني لو سمحتي كفايه ياخ ، اعصابك يا بيبي ما تنسى الفي يدي تمام يا
ريت تاني ما تتكلم معاي بالاسلوب ده فاهم ، سكته و قعدته في الكرسي، شافت الشنطه قالت ماشي ترجعا ولا شنو ، ما يخصك يا ريت تطلعي من حياتي مش كفايه خلاص انا زهجته منك ياخ يعني شنو لو قتلته روان ولا اقول ليك الادله حقتك دي بليها و اشربيها انا ح امشي اسلم نفسي
وارتاح منك و من قرفك انا عمري ما كنته كده كلو بي سببك بقيت انجس انسان اغتصبته و ضربته و عميتي لي عيوني خليتيني اصدق نفسي انا كده واعيش الدور لدرجه كنته بخون اخوي بس طفح الكيل، شوف تحكي لي عثمان حاجه و تخرب لي بيتي الله قال بقولك ، انا مستحيل اخرب
بيت و ابقى زيك ، حلو سلم نفسك و اتسجن مؤبد يعني شنو لو سلمته نفسك ما انت الخسران ، لسه بتحاولي تسممي لي عقلي بي سمك بس تاني
وعيت للبحصل مستحيل اصدق اي حرف بتقولي و اطلعي لو سمحتي ، بتطردني انا عشان مرتك ، ما بعرف لي بتحقدي عليها كده لدرجه تغصبيني اعمل فيها العملتو اليوم داك انا ح احكي ليها اي شي و اني عملته كده
طلب منك انتي ، يعني شنو انت شافع انا اغصبك وما بهمني غنوان ولا غيرا يعرف بس عثمان يعرف بي شي اترحم علي روحك و طلعت ...
دي مصيبه شنو كمان انا خلاص راسي ح يطرشق مستحيل اقدر امشي اتكلم معاها بي ياتو عين 💔 ح اكتب ليها رساله و بس فتحته الواتساب كتبته ليها اي شي حصل من الاغتصاب كانت اوامر سحر و كانت ماسكه يدي لحدي البنات الجابتهم الشقه
ديل تبعي بس قبل اتزوج و هي اجبرتني اخلي امل تجي و ما اتوقع هي تكون ادت عنوان الشقه لي نارين و قالت لي اوري الحجه اي شي عشان تكرها ده كلو و انا كنته عباره عن اله تحكم في يدها و اخر شي قلته لي
ها انا قتلته وحده اسمها روان و هي كانت ماسكاني بالحاجه دي و ماشي اسلم نفسي عشان انا زهجته من البحصل و بتمنى تسامحيني وورقتك ح تصلك قبل امشي ما تخافي و مصطفى طلع من حياتك للابد و العفو والعافية ..
قفلته النت و حذفته الواتساب ما عايز اعرف ردها شنو اتصلته بي واحد محامي و قلته جاي عليك مشيت
ليو قال لي الاوراق ح تطلع بكره طوالي انتظرته تاني يوم و مشيت استلمتها و رسلتها طوالي بالباصات عن طريق واحد من معارفنا بس قلته لي امانه لازم توصلا لي غنوان رجعته البيت لقيت الحجه بتعمل في الغداء قالت
لي امشي غير وتعال اكب ليك تاكل قلته ليها حاضر مسافه اغير دخلته الحمام بقيت ابكي بحرقه معقوله الامور تصل لي هنا انا ظلمته غنوان
و لازم اخد جزاي كفايه بعد ده طلعته بقيت سرحان في الحجه و هي بتجهز في الغدا و جابت العيش ح اشتاق للاكل الطاعم ده طوالي دموعي نزلت مسحتها قبل تشوفا قالت لي الليله عملته الفطاير البتحبها سخنه من الفرن ،
يا سلام اروع فطاير من احلى ام في الدنيا انتي كمان اقعدي معاي ، قعدت تضحك قالت لي اكل حبيبي كنته باكل و بمسح دموعي قبل تشوفا قمته قالت لي ما تاكل ولا ما عجبتك ، لا بستها في راسا بس دسيها
لي بعدين بجي اضربا اسي عشان ماكل مع الشباب ديل ، تمام ما مشكلة البريحك ، مشيت الغرفه رتبتها و ما بعرف حاجه بتقول لي غنوان احتمال ترجع جبته ورقه و قلم و كتبته رساله و ختيتا بين ملابسي و طلعته
عاينته للحجه قلته ليها يلا انا طالع قالت لي ما تتاخر الفطاير راجياك دموعي نزلت طوالي طلعته و اتوجهته علي المركز عشان اسلم نفسي ...
بلسان غنوان...
امي جات لقتني قاعده مع عواطف في شنو يا بت طلقوك ولا شنو، عاينت ليها مسافه قلته ليها لا جيت اسلم عليكم زهجته من هناك 🥺 ، معقوله لاكن الجيران يقولو علينا شنو شهر ما تميتي عواطف عايزه تفتح خشما تقول و جايبه ملابسا كلها الا
قرصتها بعدين قالت انا زاتي قلته ليها كده بس يا امي اشتقنا ليها البت دي خليها يومين تلاته ، والله عاد لاكن انا وقت عرسوني ما رجعته بيت
امي الا للولاده لاكن بنات الزمن ديل الوحده لو زهجت ساي تلم حاجاتا و تجي بري منكم ، عواطف قالت لي ما تشتغلي بيها بس انتي لسه مصره ما تحكي لي ما تقولي ما في شي لانو ظاهر في عيونك انك داسه شي
و شي كبير كمان ، عواطف اصلا ما ممكن معاك يعني الزول ما يرتاح و دموعي نزلت مسكتني قالت لي شفتي اصلا عارفه جيتك دي وراها حاجه ، عواطف ياخ و قمته دخلته الغرفه و قفلتها علي بقيت ابكي بحرقه
و اتذكرته الحصل ما ارتاح وقت عمل عملتو كمان يصل لدرجه يتهمني بي حاجات هو كان بعملا اول مره قلبي يتكسر كده واحس نفسي ضعيفه للدرجه دي ،كلو بي سببك يا مصطفى الله ينتقم منك ..