رواية احببت زين الصعيد كامله جميع الفصول من الاول حتي الاخير بقلم ذات الخمار

رواية خادمة قلبي الجزء الثالث3الفصل التاسع9بقلم زهرة عصام

 

عدي سبع ساعات و الشباب جهزوا و اتحركوا لبيت منال و أول ما وصلوا اتصدموا من وجود فادي و صوت منال اللي بيقول ليهم :- 

اتفضلوا ادخلوا واقفين لية 

وليد بتسائل:- 

مين دا يا منال ؟ 

ضحكت بخبث و قالت :-

فادي راجل البيت و اللي هيتقف لـ رهف 

مالك بصدمة و صوت مهزوز:- 

را اية يختي راجل البيت ؟ 

حازم بصدمة:- 

دا اللي هو إزاي معلش دا إحنا عارفين بعض يا منال اي اللي إنت بتعمليه دا 

منال قعدت على الكرسي و حطت رجل على رجل و قالت:- 

والله دا بيتي و أكبر فيه اللي أنا عاوزه ، دا أنا نسيت اقولكم كمان أنه خطيب ملك ، تخلص شهور العدة من هنا و هيتجوزا من هنا ،حبايبي لايقين على بعض ربنا يحفظكم من العين و خصوصا عيون حد اعرفه .

فادي واقف من فاهم حاجة بس بيجاري منال في كلامها و بيقول:- 

هعملك أكبر و احسن فرح في الدنيا يا حبيبتي ، فرح هيبقي ترند مصر لمده اسبوع

ملك فاتحة بوقها و مش فاهمة حاجة و مالك خلاص صبره نفز فقال بعصبية :- 

جواز اية يا منال اللي بتتكلمي عنه لا اقفيلي كدا يختي 

منال برقت و وقفت مرة واحدة و قالت:- 

لما تتكلم في بيتي تتكلم بصوت واطي ، الصوت العالي دا للأماكن اللي إنت جاي منها ، لكن في في بيتي ها بيتي تتكلم باحترام

ملك بصلها بقرف و قال:- 

والله ؟ 

ضغط على سنانة و قال جواز اية اللي البرنسيسة منال بتتكلم عنه حلو كدا 

- مش بطال ها كنت بتقول اية بقي 

مالك بعصبية:- 

إنت هتستعبطي يا منال عاوزة تجوزي مراتي 

منال وقفت قصاده و قالت:- 

قصدك طليقتك ولا إنت ناسي إنك طلقتها

مالك بشماتة:- 

و رديتها يا منال طلقتها و رديتها

ملك اتصدمت من كلامه و قالت:- 

يعني اية رديتي إنت إزاي تعمل كدا من غير ما تاخد رأيي 

مالك رفع عينه ليها و نزلها بسرعة و قال:- 

اسكتي إنتي 

و بص لـ منال و قال:- 

ها برنسيسه حماتي عاوزة تجوزي بنتك و هي متجوزة ؟ 

منال بعصبية:-:

وإنت إزاي ترد بنتي ليك تاني من غير ما تاخد اذني إنت تطلها دلوقتي حالا

مالك واقفة مصدومه و بتقول:-

اسكتي إنتي !! أنا يتقالي اسكتي إنتي ؟ يعني اية اسكتي إنتي لا بقي مش هسكت

و قفت جمب منال و قالت:- 

استني يا منال لحظة يعني اية اسكتي إنتي إنت عاوزني اسكت لية ؟ دا حقي و بدافع عنه 

ملك بص لـ لملك بعصبية و قال:- 

يعني زي ما سمعتي تسكتي إنتي دلوقتي على ما أشوف أمك اخرها اية 

و بص لـ منال و لسة هيتكلم لقي رهف بتقول:- 

اي امك دي بيئه أوي الكلمة يا مالك إسمها مامتك

مالك بص لـ حازم و قال بعصبية:- 

سكت البغبغان دا بدل ما اسكتكم إنتوا الاتنين

حازم في سره :- 

الله وأنا مالي يا لمبي وأنا كنت جيت ناحيتك

منال بصت ليه و قالت:- 

خليك معايا أنا طلق بنتي اللي رديتها من غير ما تعرفني ولا تاخد اذني 

مالك بعناد و عصبية أكبر:- 

مش هطلقها يا منال و أعلي ما افخلك اركبيه أقولك دا أنا هاخدها معايا و أنا ماشي

وليد باصص لـ منه اللي واقفة تبص هنا شوية و هنا شوية و متابعة الحوار بإهتمام و بتستعد للدخول في المعركة دي قرب منها و قال بصوت مسهتن :- 

منه ازيك

منه بصت ليه من فوق لتحت و رجعت تبص لـ خناقة ملك و مالك من تاني و مدتوش ادني اهتمام

وليد نفخ و قال بهدوء:- 

أنا عارف إنك زعلانة مني و مش عاوزة حتي تبصي في وشي بس علفكرة إنتي ظاماني هو أنا حبيت ولا هحب حد قدك 

منة رفعت حاجبها و بصت لية نظرة احتقار و قالت:- 

شوفولي مين اللي قال إن في حد بيتغير عشان اديله بالشبشب أصل ديل الكلـ ـب عمره ما يتغير يا ولا بلاش بينا عيش و ملح و طفل صغير

وليد مسكها من دراعها و قال:- 

قصدك إن أنا كلب ؟ هي حصلت تشتميني يا منه ؟ 

منه شالت اديها بقوة و قالت:-

 و الله اللي على راسه بطحة يحسس عليها يخويا و كويس إنك عارف نفسك .

وليد بعصبية :- 

لا دا انتي لبختي في الكلام أوي لاحظي إنك بتكلمي جوزك يا هانم 

منه بصوت عالي:- 

الخاين البصاص اللي مش عامل اي إحترام لمراته

- خاين اية كنتي قفشتيني في اوضة نوم معاها ، ما مالك اللي جايبها و إنت عارفة

- مالك جايبها و إنت تبصلي عليها يا أخي اتقي الله دا حتي ربنا أمرك بغض البصر 

وليد بوقاحة:- 

دلوقتي إنتي اللي بقيتي الست الخضرة الشريفة اللي مبتغلطتش خالص ؟ دا إنت بنت منال يعني منهي قلة الأدب و 

منه زقته من كتفه و قالت:- 

ولا كلمة عشان مش هسمحلك تغلط بكلمة في حقي ولا في حق أمي انت فاهم ولا لا 

وليد بعصبية :- 

لا مش فاهم أنا كل اللي فاهمة إن مراتي بتطول لسانها عليا و بتتكلم بطريقة لا تليق بيا كزوج ابدا 

- محسسني إنك جاي من المسجد أو قايم من على سجادة الصلاة دا إنت لسة امبارح عمال تبحلق في البت مسبتش حته في جسمها إلا و بصيت عليها 

- براحتي أنا راجل أعمل اللي أنا عاوزة 

منه بصوت مرتفع:- 

اللي زيك ميتقالش عليه راجل عارف يتقال علية اية لامؤاخدة واحدة ست 

وليد بص ليها و الشر بيخرج من عينه و 

......

حازم و رهف واقفين في جنب و بيتكلموا و بيهزروا مع بعض

حازم بصلها و قال:- 

مقولتليش يا رهوفة بتحبني زي ما أنا بحبك 

رهف بصت للوضع و بصت لية و قالت:- 

بقي بزمتك دا وقت محن مش شايف الهم اللي إحنا فيه ؟ 

حازم بص عليهم و بعدين بص لـ رهف تاني و قال :-

اي اللي إحنا فيه دي أحلي حاجة يا بينتي سيبك منهم هما شوية و هيتعبوا و نقعد نتفق ليك يا جميل

تعرفي إني بجد فرحان أوي النهاردة

رهف ضحكت و بصت لية و قالت:- 

فرحان بالدوشة دش يا حازم ، طب قول كنت اتمني اليوم يعدي على خير مش كدا 

حازم ضحك و قال:- 

والله يا بنتي أنا كنت عارف إن في حاجة هتحصل تدري ليش ؟ لأن الأشكال دي و المقصود بيها أنا وإنتي مش وش فرح ابدا مكتوب عليها الحُزن و الأسي طول العُمر 

رهف بابتسامة:- 

لا متقولش كدا بكرة تتعدل اجبلك عصير تروق دمك و لا نكمل فرجه على الخناقة

حازم ضحك و قال:- 

كملي يختي فرجة كملي أنا عارف إن فاتك حاجة هتموتي فيها 

رهف ضحكت و تابعت اللي بيحصل 

فادي واقف مصدوم من اللي بيحصل هو مش فاهم حاجة و كل حاجة جت مرة واحدة يبص هنا شوية و هنا شوية فجأة قال بصوت عالي :- 

بااااااااااس خلاص اسكتوا 

الكل انتبه ليه فكمل و قال:- 

نقدر نحل كل المشاكل دي بالهدوء علفكرة العصبية دي عمرها ما هتنفع لازم نكون هاديين

منال بصتله و قالت :- 

و النبي إنت اللي فيهم شوفلك كنبه اقعدلك عليها عُبال ما نخلص و بصت لـ مالك تاني و قالت :- 

تاخد مين معاك و إنت ماشي إنت مفكرها سايبة و لا اية تطلقها و قت ما تحب و ترجعها و قت ما تحب ، إنت مفكر إن مفيش حد هيقولك ولا اية يبقي متعرفش منال يا بيه فوق كدا و اعرف إنت بتكلم مين 

مالك بوقاحة :- 

هيكون مين يعني انجلينا جولي دا انتي منال يا منال 

- و مالها منال يعنيها خد بالك بكلمة واحدة مني ترجعلك طول ما أنا مش راضية عنك يبقي تنساها خالص ، و أفضل زود غلطانك كدا 

....

وليد بص ليها و الشر بيخرج من عينه و قال:- 

أنا مش راجل طب 

المكان سكت من صوت الكف اللي منه اخده و صوت و ليد و هو بيقولها:- 

انتي طالق 

طلما مش شيفاني راجل يبقي متقعديش على زمتي نص ساعة

بص لـ منال و قال:- 

بنتك عندك أهي يا منال ربيها و علميها تكلم جوزها إزاي ، ولا جوزها اية بقي معي خلاص بقيت مطلقة ، مش دا اللي كنتي عاوزاه أهو حققتلك أمنيتك أهو

منه واقفة و بتنز.ف من أنفها و بتبص على وليد بعيون حمرا و الدموع في عينها مش راضية تنزل نهائي ، دخلت في صدمة و ودنها مصفرة مش سامعة حاجة نهائي

حازم اللي اتعدل في وقفته و جري على وليد يشده لبرا عشان ميلبخش في الكلام أكتر من كدا و رهف اللي وقفت جنب منه بتهز فيها عشان ترد أو تدي أي رد فعل لكنها واقفة زي الصنم

فادي فاتح عينه و مش مصدق اللي حصل  و اللي بيحصل عموماً و حلف في سره و قال:- 

أقسم بالله عيلة مجنونة و الداخل ما بينها خسران أنا كان اية اللى رماني الرمية السودة دي ؟ هما عارفين بعض و خافظين بعض ادخل أنا لية ؟ 

اتقدم خطوة لـ مالك و قال:- 

أظن أنهم لازم يكونوا لوحدهم دلوقتي عشان المشاكل متزدش لازم ننسحب 

مالك بص لـ فادي بضيق و قال من بين سنانة :- 

كل دا بسببك إنت و أقسم بالله ما هسيبك أقولك خُد 

فادي أخد بوكس من مالك و منال صوتت و قالت:- 

جرا اية يا شوية بلطجـ ـية واحد يضرب البت و التاني يضرب الضيف ، غور اطلع بره و مش عاوزة أشوف حد فيكم غير ما تتربوا من أول و جديد و ترجعوا لعقلكم من تاني بره بقولك

مالك خرج بره البيت و هو بيفخ و بيلعن غباء أخوه و عصبيته اللي طلعت في وقت مش مناسب

نزل لقي وليد واقف يبص على شباك منه و عيونه حمرا مالك كان ناوي يضربه هو كمان لكن لما شاف حالتو سكت 

حازم اللي واقف بيبص على وليد و مستني اي رد فعل منه و مستعد أنه يمسكه و يبعده عن اي شئ إجرامي ناوي يعمله 

مالك شده دخله العربية و هو رجليه زي الحجر مش راضي يتحرك و دموعه ابتدت تنزل في صمت و ما زال باصص نجاه شقة منال 

مالك ركب العربية و حازم ركب جنب وليد ورا عشان يكون جنبه 

مالك اتحرك بالعربية و عيون وليد علي البيت لحد ما اختفي عن نظره 

الوضع فوق مكنش أحسن حاجة منه مكانها و أنفها بينز.ف و حاطة اديها مكان القلـ ـلم اللي اخدته و منال جنب فادي بتقومه من الأرض و بتقوله:- 

معلش يبني أنا السبب في اللي حصلك دا لامؤاخدة

فادي من زوقة قالها :- 

محصلش حاجه يا أمي بس حاولوا تحلوا مشاكلكم بأسلوب ارقي و أحسن من كدا الخناق مش هيفيد بحاجة بالعكس دا هيعقد المشكلة أكتر زي ما حضرتك شوفتي دلوقتي أنا هستاذن دلوقتي و اتمني إن الآنسة " و شاور على منه " تكون بأفضل حال بعد اذنك

منال بحسرة:- 

شوف البني آدم الزوق مش اللي البلطجية اللي اخدتوهم

منه بصت ليهم كلكم و دخلت أول أوضة قابلتها و قفلت عليها الباب و دموعها نزلت بصمت 

                    الفصل العاشر اضغط هنا

لقراة باقي الفصول الجزء الثالث اضغط هنا

لقراة الجزء الثاني جميع الفصول كاملة اضغط هنا

لقراة الجزء الاول جميع الفصول كاملة من هنا 

تعديل المقال