رواية بعد عقد قران
الفصل التاسع عشر19
بقلم ريم ابو القاسم
كيف يعني أمل ؟! انتي وحده كذابه ، دقيقة كانت بتبكي و ترجف طلعت التلفون حقها و اتصلت بي امل و ده كلو انا فاتحه مسجل الصوت قالت ليها امل كيفك قالت تمام مالك متصله لي ، اتصلته عشان اقول ليك مصطفى دخل السجن بي سببك وهو بريئ ، بلاي خلاص دخل و انتهى يعني ح نغير شنو و روان و ماتت تاني في شنو ، روان صح ماتت بس انتي مرتاحه ، انا هههههه اكيد، مش قتلتيها كيف تكون مرتاحه كده و عاينت لي ..
صح انا قتلته روان لانو تستاهل كمان تشاركني في مصطفى يلا و هو زاتو عرس غيري و دخل السجن و لو ما امي الغبيه جات الشقه اليوم داك كنته خلصته عليو لانو واحد خاين وانتي تاني لو سمحتي ما تتصلي لي و قفلت الخط في وشها ...
قالت لي شفتي ؟!
طبعا كميه الصدمه الدخلت فيني ما طبيعيه جاني صداع اول شي عملتو قفلته المسجل و ختيت التلفون في جيبي و سقته العربيه بي هدوء وصلته سحر البيت و دخلته قبل ادخل قالت لي دقيقه وقفته عاينت ليها ،،
اسمعي هنا عثمان ما يعرف بي شي و امسحي صوتي لو عايزه تقعدي في البيت ده ، تمام قلتها بي اخر نفس عندي و دخلته الغرفه قعدته مسافه بعاين للسقف معقوله أمل البت الصغيرة يطلع منها ده كلو و تكون بالطريقه دي معقوله براها تتصرف كده و تقتل روح بريئه قمته من سرحتي وقت شفته اتصال محمد قلته لي محمد كيفك ..
انا تمام اتصلته عشان اذكرك بي الكرامة...
والله ما بقدر اجي اعفي لي ..
لو ما جيتي تاني ما تتكلمي معاي لانك دايما اعزارك بايخه اسي لو سالتك مالك ح تقولي ما عندي مزاج ..
ما كده يا محمد ..
كيف طيب المهم كلامي ما بكترو معاك قلته العندي بتمني تجي ...
ان شاء الله ..
حلو منتظرك ..
وقفل ما حبيت اقول ليو موضوع القضيه انو حصل فيها جديد ف قفلته الموضوع علي كده لازم قبل اخد اي خطوه الاقي امل ..
فتحته الدولاب اخترته عبايه عاديه تاني قلته هي كرامه يعني مناسبه ما ينفع اخترته فستان بترولي طقمتو بي منقاوي هادي جاي مع درجة اللون ..
و كويت ملابسي و ختيتا فوق (اي مشوار ما بحب اجهز في نفس اليوم دايما بحب اجهز بدري ...)...
الصباح قمته بعد شربته الشاي لبسته و عملته ميكب خفيف مرطب شفايف و واقي و رقدته حواجبي عاينته لنفسي في المرايه وقلته (دايمآ مميزه 😂🙈) ما اسحر نفسي بس حقيقي كنته رهيبه 😂🦋....
ركبته العربيه و مشيت وصلته البيت اتصلته لي محمد جاني قال لي اتفضلي دخلته عرفني علي ناس بيتو و بعرف ابوهو سلفا بجد ظراف شديد قضيت اليوم ونسه و مساعدات ووقت جيت امشي ام محمد قالت لي ارتحته ليك شديد يا بتي عليك الله تعالي لينا كل فتره، ان شاء الله يا خالتو بجيكم عاينته لي محمد لقيتو بتبسم ساي طلعته وصلته البيت سحر تعاين لي بس ما اشتغلته بيها دخلته الحمام غيرته ...
اول شي بكره ح اعملو ح امشي لي مصطفى في السجن احتمال كبير اطلع بي شي و بعدين الاقي أمل..
الصباح قمته جهزته نفسي و مشيت الاقي مصطفى قعدته مسافه بعدين جاء مع الشرطي حالتو صعبه ملابسو شعرو لونو حقيقي اتغير حتي في شخصيتو ما مصطفى الانا بعرفو مصطفى الزول الشايف نفسي الشخصية النرجسيه كلو راح في شهر وشويه عاين لي بعين حتى انا ما فهمتها شوق ولا عتاب قال لي مفروض تجي بكره صح لانك وعدتيني تجي بعد اسبوع ..
قلته لي صح بس محمد كان عامل كرامه و مشيت ..
محمد ؟! محمد منو ؟...
محمد زميلي في الجامعه يعني كرامه لي امو ما حبيت احرجو
ما شاء الله داخله في علاقه جديده شكلك و موضوع القضيه اخر همك صح قالا بي استفزاز..
قلته لي مصطفى ده كلام شنو انا جايه من هناك عشان أساعدك و بجري هنا و هناك بس عشان اطلعك و اثبت برائتك و تجي تقول لي داخله علاقه جديدة...
انتي ما مجبورة يا غنوان و انا ما طلبته منك حتى عشان تتفضلي علي و افضل اعيش هنا عمري كلو ولا امد يدي ..
حلو طيب ممكن ننسى الكلام ده لانو اسي ما مهم و نركز علي القضيه ..
عاين لي مسافه ، ما محتاج مساعدتك تفهمي كيف انتي الا اقولا ليك بالواضح مساعدتك بليها و اشربيها عندي محامي و عندي عثمان انتي اطلعي منها لو سمحتي 🙏...