رواية بسمتي
الفصل الثاني2
بقلم حليمة عدادي
مراد : إتكلم ياكريم إحنا سامعينك إيه هي الفكرة دي ..
كريم : أنا هاخذ علي معايا لحارة شعبيه وهقول إنه أخويا وإننا فقراء وهنشوف مين اللي هتحبه بحالته دي وهو فقير ..
مراد : لا الفكرة مش حلوه وعلي مش هيستحمل القعده هناك فكر بحاجة ثانية ..
علي : بابا أنا موافق على فكرة كريم وهروح معاه ..
رؤي : وتفتكر إن فكرتك هتنجح ..
كريم : أيوه برأي إن دا أفضل حل علشان علي يعرف مين اللي هتحبه وهو فقير وتحبه مهما كانت حالته ..
مراد : لو علي موافق أنا ماعنديش مشكله اتمنى إن وقته مايضعش على الفاضي ..
علي : بابا مافيش واحده هتقبل بيا وأنا بالحاله دي كلهم بيبصولي بشفقة لكن أنا عايز أجرب وأعمل الفكره اللي كريم قال عليها ..
هناء : علي ياحبيبي جرب المرة دي إنت مش هتخسر حاجة محدش عارف الخير فين ..
على : لكن لو فكرة كريم مانجحتش مش هتفتحوا معايا الموضوع دا مرة ثانية..
كريم : إن شاءالله هتلاقي اللي تحبك وهتفتكر كلامي في يوم من الأيام وهتحكي لولادك عني ..
رؤيا : أكيد هتلاقيها أنا واثقة بكلام كريم لاقيها بسرعة قبل ماكريم يعجز وهو من غير جواز ..
على: ماتخافيش هجوزه قريب ..
وهما قاعدين بيتكلموا دخل مالك أخو علي
مالك : اللي سمعته صحيح إنت هتروح معاه ياعلي ..
علي : أيوه أنا هعمل اللي قال عليه كريم ..
مالك : بابا أنا مسافر جالي شغل مستعجل ..
مراد : هتاخذ مراتك معاك ..
مالك : أيوه يابابا نور جهزي نفسك مش عايزين نتأخر ..
هناء : خلي بالك من نفسك ومن مراتك يابني ..
نور : تسلميلي ياماما علي ماتيأسش الخير فيما اختاره الله ..
مالك : لما نرجع لازم تكون لقيت شريكة حياتك ..
هناء : إن شاءالله يابني هيلاقيها ..
مالك : أستئذنكم أنا علشان ما أتأخرش خلي بالك عليه ياكريم ..
كريم : إطمن يامالك علي مش صاحبي وبس علي دا أخويا ..
علي : إبقى طمنا عليك لما توصل توصل بالسلامه ..
مالك ودعهم وخرج هو ومراته
كريم :علي جهز نفسك أنا هكلم واحد صاحبي علشان ياخذلنا بيت نعيش فيه وهشتري شوية هدوم ..
علي بإستغراب : وتشتري هدوم ليه ما إحنا معانا..
كريم : إنت نسيت إننا هنكون فقراء لازم هدومنا تكون عادية ..
هناء بقلق : علشان خاطري يا كريم خلي بالك منه كويس ..
كريم : بتوصيني على أخويا علي دا أخويا ..
علي: كريم متشكر أنا مش هنسى كل اللي بتعمله علشاني ..
كريم : مافيش شكر بين الإخوات إنت أخويا اللي أمي ماجابتهوش ياعلي إستعد يلا علشان تدور على أميرتك ..
رؤيا : إن شاءالله هيلاقيها ..
هناء بحب : تعالى اقعد جنبي ياحبيبي هتوحشني أوي ..
علي : وإنتي كمان هتوحشيني ..
علي قعد مع عيلته في جو من المرح .
*********************************************
بسمة : ماما أنا هروح عند جوري ..
جميلة : ليه ماتجيش هي ليه إنتي اللي تروحيلها دائما إنتي عارفه إن أبوها مش بيحب حد إنتي عارفه طبعه ..
بسمة : ياماما أنا مايهنيش اللي بيقوله أنا بروح علشان جوري هي كلمتني وصوتها مكنش عاجبني بتقول إنها عايزاني في موضوع مهم ..
جميلة : تمام يابنتي روحيلها ومهما أبوها قال ماتهتميش لكلامه هي بتحبك ..
بسمة : ماتقلقيش ياماما أنا هروح وهرجع بسرعة ..
بسمه خرجت من البيت وصلت لبيت صاحبتها خبطت على الباب فتحلها أبو جوري
بسمة : إزيك ياعم محمود ..
بصلها محمود
محمود بغلظه : ابعدي عن بنتي ومتجيش هنا ثاني
اتكلم بصوت عالي: بسببك هي مابقتش تسمع كلام حد ..
خرجت أم جوري على صوته
نادية : إتفضلي يابنتي ماتزعليش من كلامه ..
محمود : البنت دي هي السبب في إن بنتك ماتقبلش أي عريس بسبب أفكارها ..
نادية : محمود البنت مالهاش ذنب بلاش تتكلم معاها بالشكل دا ..
محمود بصلها بغضب بعدها خرج ورزع الباب وراه
بسمة بحرج : أنا آسفه ياطنط مكنتش عايزه اتسببلكم بمشاكل ..
نادية : ماتزعليش من كلامه ياحبيبتي إنتي عارفه طبعه ..
بسمة : مازعلتش دا بيته وليه الحق إنه يقول أي حاجة أومال فين جوري ..
نادية : بأوضتها ماطلعتش منها من إمبارح ..
بسمة بإستغراب : ليه إيه اللي حصل هي كويسه .
نادية : إبن عمتها جه وطلب إيدها وهي رفضت عمتها غضبت ومشيت وعمك محمود ضربها ومن إمبارح وهي بتعيط وقافلة على نفسها ..
بسمة جريت لأوضتها وخبطت على الباب
جوري ببكاء : مش عايزه أشوف حد ..
بسمة : أنا بسمة ياجوري إفتحي الباب ..
جوري سمحتلها إنها تدخل أول ماجوري شافتها حضنتها وانهارت
جوري : شوفتني اللي عمله بابا فيا بابا ضربني علشان رفضت اتجوز إبن أخته ..
بسمة : اهدي ياحبيبتي وقوليلي ليه رفضتي إبن عمتك ..
جوري : زي ما بيقولوا هو إبن أمه ومش بيشتغل وأمه هي اللي بتصرف عليه وكل يوم سهرات مش بيتحمل المسؤولية إزاي هعيش معاه أنا مش بحبه وبابا اتعصب وضربني ..
بسمة : اتكلمي مع أمك يمكن تقدر تقنعه ويتراجع ..
جوري : أصلاً عمتي مش هتيجي هنا ثاني بعدما رفضت إبنها ..
بسمة : طب امسحي دموعك وخلينا نستمتع بالوقت قبل مامشي وعدت ماما إني مش هتأخر ..
جوري : مش عارفه ليه بابا بيعمل معايا كدا ..
بسمة : خلاص بقى ابتسمي خلي القمر يطلع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
رجع كريم لقصر علي لاقاه جاهز ولم كل حاجته
كريم : لقيت هناك راجل طيب استأجرلنا بيت ..
علي : طب كويس بس هتعمل إيه بالنسبة لشغلك ..
كريم : حطيت حد مكاني علشان يتابع الشغل ..
مراد : لو المكان ماعجبكوش ارجعوا بسرعه ..
هناء : خلي بالك على نفسك ياحبيبي ولما توصل كلمني ..
علي : ليه التاكسي معانا عربيه ..
كريم : إحنا هندخل للمكان على أساس إننا فقراء يابني ..
رؤيا : ههه كريم طلع بيفهم أوي ..
كريم بغيظ : اسكتي يابت ليه أنا كنت غبي ..
علي : تمام يلا مع السلامه
ودعوهم ركبوا التاكسي واتجهوا للمكان المقصود ___________________
عند بسمة قضت وقت مع جوري تلفونها رن برقم أمها
بسمة : ماما بتتصل إتأخرت أوي
بسمة ردت : ايوه ياماما في إيه حصل حاجه في غيابي ..
جميلة : اهدي ياحبيبتي محصلش حاجه بس لازم تيجي دلوقتي ..
بسمة بقلق : في إيه ياماما قلقتيني ..
جميلة : البيت اللي قدامنا في شابين استأجروه وصاحب البيت عايزنا ننظفه ..
بسمة : حاضر ياماما مسافة الطريق وأكون عندك ..
جوري : في إيه إنتي مستعجله ليه ..
بسمة : في ناس استأجرت بيت ولازم أساعد ماما في تنظيفه ..
جوري : تمام لو بابا سمحلي هاجي لعندك ..
بسمة : هستناكي ياقلبي سلام ..
ودعت صديقتها وراحت بسرعة بعد مدة قصيرة وصلت شافت أمها مستنياها
جميلة : يلا يابنتي صاحب البيت جابلي المفاتح خلينا نستعجل هما على وصول ..
بسمة : هغير هدومي وألحقك ..
جميلة : بسرعه ماتتأخريش عليا ..
بسمة غيرت هدومها وراحت مع امها وقسموا الشغل بينهم
_______________________
في التاكسي علي حس بالملل
علي : هنوصل إمتا أنا تعبت ..
كريم : إحنا دخلنا الحارة فاضل شوية ..
علي : تعرف الحارة دي منين ..
كريم : كان عندي شغل هنا من فترة ..
علي : كويس الظاهر إنك تعرف حاجات كثيره ..
كريم : أيوه هههه إطمن كل البنات هنا قمرات ..
علي : أنا مش بسأل عن البنات ..
فات القليل من الوقت أتوقفت العربية قدام البيت
علي : هو دا البيت اللي هنعيش فيه ..
كريم : أيوه هو حلو من جوا ..
نزل كريم فتح شنطة العربيه نزل الاكياس ساعد علي إنه ينزل ويقعد على الكرسي زق الكرسي ناحية البيت
دخلوا لقوا جميلة قدامهم
جميلة : أهلاً بيكم إتفضلوا البيت بقى جاهز ..
كريم : إنتي مين وبتعملي هنا إيه ..
جميلة : صاحب البيت طلب إننا ننظفلكم البيت قبل ماتيجوا تسكنوا ..
كريم : أنا بشكركم ..
طلع فلوس من جيبه علشان يعطيها لجميلة
كريم : إتفضلي دا حق تعبك ..
جميلة : لا يابيه إحنا بنشتغل وصاحب البيت هو اللي بيدفعلنا ..
كريم : ماشي تقدروا تمشوا ..
جميلة : لو احتجتوا حاجة بيتي هنا ..
كريم : شكراً ..
خرجت جميلة هي وبنتها كريم قفل الباب
كريم : دلوقتي هترتاح شوية وبعدها نفكر هنعمل إيه ..
على : تمام ..
______________________
دخلت بسمة وأمها لبيتهم
بسمة : أنا هرتاح شوية ياماما أنا تعبت ..
جميلة : تمام ياحبيبتي ..
بسمه دخلت أوضتها ونامت على سريرها الصغير ونامت بعمق