رواية كيندرا
الفصل التاسع والعاشر
بقلم حليمه عدادى
لما ملقاش رد منهم دخل جرى عالاوضه و اتصدم من اللى شافوا..
كانت ريم بتكسر كل شيء حواليها جرى عليها و مسكها و ضمها ليه..
ريم :: انت خاين خنت ثقتي فيك ابعد عني.
حسام :: ريم يا حبيبتي انا ما خنتكيش..و وضحتلك الموضوع.
ريم :: انا مش مصدقاك كل يوم هدوم شكل و برفان شكل... اتكلم مين دى اللى خليتك تحبها..
حسام :: ريم اهدى انا والله ما اعرف واحده غيرك.
سناء :: اهدى يا بنتى انتى لسه تعبانه.
زقته بعيد وبعدين حضنت امها وصوت شهقاتها بيعلى..
ريم :: ماما شوفتى عمل فيا ايه.. بيحب واحده تانيه.
سناء :: اهدى يا بنتى حسام بيحبك انتى وبس.
ريم :: كذب... تليفونه رن وشوفت اسمها قبل ما يروح الشغل... وكل يوم لبس و برفانات اخر موضه و بقى بيروح الشغل كل يوم.
حسام :: ريم هى مين دى اللى اتصلت انا اقسملك بالله مفيش فى قلبى غيرك انتى وبس.
ريم بنهيار:: كذااااااب هي مين سارة اللى بتتصل بيك اتكلم..
وبعدين انهارت بتصرخ بكل صوتها..
ريم:: مين ساااااارة مين.
و وقعت فاقدة الوعي جرى مسكها بين ايديه
حسام بدموع:: والله ما خونتك.. اخونك ازاى و انتى قلبى و نور عينى.
سناء ؛:انا هنادى للدكتور.
♕♕♕♕♕♕♕♕
دور فى القصر كله وملقهاش..
جاد بغضب: مريييييم مريم انتى فين.
مريم :: انا هنا يا بيه تؤمرنى بحاجه..
جاد :: فين كيندرا... مش قولتلك خلى بالك منها.
مريم :: يا بيه هى فى اوضتها.. أنا كل ما اروح اطمن عليها بلاقيها هناك
جاد:: مش فى اوضتها دورى عليها فى كل حته حالا.
مريم :: حاضر يا جاد بيه.
بدأ يدور عليها زى المجنون حس ان روحه اتسحبت منه
سمع مريم بتنادى عليه جرى عليها
جاد:: حصل ايه لقتيها..
مريم ::ايوه يا بيه قاعدة فى جنينة القصر بره.
جرى على الجنينه لقاها قاعده زى ما شافها اول مرة قاعده و بتبص قدامها بشرود... قعد جنبها و ضمها لحضنه حس كأن روحه رجعتله باس جبنها بحب وقال.
جاد :: عملتى فيا كده ليه يا حبيبتي دنا اتجننت لما ملقتكيش..
مسك ايدها و خلاها تقف
جاد :: مريم جهزلها اوضتها الدكتور هيجى بعد شويه.
مريم :: حاضر يا بيه.
جاد :: يلا يا صغنن النهاردة هنبدأ رحلة العلاج.
♕♕♕♕♕♕♕♕
خرج الدكتور وحسام جرى عليه...
حسام :: دكتور ايه الحكايه هى ريم جرالها حاجه.
دكتور ::: حالتها النفسيه مش كويسه ابدا لازم تبعدوها عن اى حاجه تزعلها... للاسف دخلت فى حالة انهيار..
حسام :: هعمل كل اللي اقدر عليه عشان تبقى كويسه.
سام بدموع:: بابا هى ماما كانت بتصرخ ليه هى كويسه.
حسام :: يا حبيبي متخفش ماما كويسه.
وسيم :: لكن يا بابا احنا سمعناها بتصرخ واضح انها تعبانه اوى.
حسام :: يعنى معندكوش ثقه فيا... هى كويسه يا وحوش.
سناء :: حسام تعال عاوزاك فى حاجه مهمه.
حسام :: اقعد هنا انت و اخوك ومتتحركوش انا راجع على طول.
وسيم :: متقلقش يا بابا مش هنتحرك.
بعد عن الولاد شويه..
حسام:فى ايه يا ماما ايه الحاجه المهمه دى.
سناء :: اتكلم معايا بصراحه... انت تعرف واحده تانيه على ريم.
حسام :: يا ماما انتى كمان صدقتى الكلام ده.. انا معرفش والله اى واحده تانيه غير ريم.
سناء؛:: لو كنت متعرفش اى واحده تانيه غيرها يبقى مين سارة دى اتكلم.
حسام:: سارة سكريتره عند جاد ومتجوزة و عندها عيال لو مش مصدقانى اسألى جاد.
سناء:: حسام انت عارف ريم مهوسه بيك حتى لو حطيت برفان بتغير كان لازم تعملها اللى هى عوزاه وخلاص.
حسام :: هى بس تقوم بالسلامه وانا اعملها كل اللى هى عوزاه انا موجوع وانا شايفها فى الحالة دى..
**********************************************
بعد مدة خرج الدكتور من اوضتها وقال..
الدكتور:: لازم نعرف سبب صدمتها ايه..واضح انها اتعرضت لصدمة قوية لازم نعرفها عشان نقدر نعالجها بسرعه..
جاد :::أنا بنفسى هدور ورا الموضوع ده عشان اعرف سببه ايه.
الدكتور :: ان شاء الله اول ما تعرف اي حاجه قولى علي طول ده هيساعدنا كثير.
جاد :: شكرا جدا يا دكتور هكلمك تانى انشاء الله..
دخل اوضتها تانى وقعد جنبها...
جاد :: أنا مش عارف ايه اللى وصلك للحاله دى يا حبيبتى بس اوعدك انى اكيد هعرف..
مسك ايدها
جاد ::: انا عارف إنك بتحبى الورد جدا عشان كده هنفطر النهارده فى الجنينه..
جاد :: مريم مريم تعالي
مريم :: جاد بيه الاكل جاهز.
جاد :: هاتلنا الاكل فى الجنينه.
مريم :: حاضر يا بيه
ثم غادرت
قعد و حط راسها على كتفه..
جاد :: هيجى اليوم اللى نقعد فيه فى نفس المكان و تبقى صحتك زى الفل و اسمع منك ولو حرف واحد..
بعد مدة خلصلها اكل و بدأ يمسح ايديها...
جه صوت من وراه...
: جه اليوم اللى اشوف فيه ابن اختي بيمسح ايد مراته..
جاد :: عمتي..
قام وقف و خدها فى حضنه...
جاد:: ازيك عامله ايه وحشتيني ما قولتيش يعني إنك جايه..
سماح ::: مكنتش عاوزة ازعجك بس.
جاد :: استغفر الله يا خالتى متقوليش كده.. انتى عارفه أنا بحبك اد ايه..
سماح :: عارفه يا حبيبى... مش هتعرفنى بمراتك..
ضمها ليه بكل حب وقال..
جاد :: كيندرا مراتى و حبيبتى.
سماح:: ايه كل الحب ده.. اتشرفت بيكى..
جاد ::عمتي معلش هى تعبانه شويه ومش هتقدر ترد عليكى..
سماح :: ربنا يشفيها... انا تعبانه اوى دلوقتي ومش قادرة اتكلم محتاجه ارتاح..
جاد :: تمام.. مريم يا مريم..
مريم ؛: نعم يا بيه محتاج حاجه.
جاد :: خدى عمتي لاوضتها و خلى بالك منها.
مريم :: تحت امرك يا بيه اتفضلى يا هانم.
شالت سماح شنطتها وراحت وراها
************************************************
مر اسبوع كان كل يوم الدكتور يجى يتابع علاج كيندرا
جاد لسه بيبحث عن السبب اللي خلى كيندرا بالحالة دى
اما ريم روحت مع امها و لسه بترفض تشوف حسام
خرج الدكتور من اوضة كيندرا
جاد :: دكتور ايه هي حالة كيندرا دلوقتي.. انا مش شايف اي تغير بحالتها.
دكتور :: حالتها كويسه هي بقت بتحس باللى حواليها و تسمع كل شيء حواليها لكن مش بتظهر اي ردة فعل
جاد :: و ايه المطلوب عشان تبقى كويسه و تتحسن.
دكتور:: لازم تواجه اللى حصل لها و خلاها في حالة الصدمة دى
مشى الدكتور وهو دخلها اوضتها..
جاد ::انا هعمل المستحيل علشان تبقى كويسه ميهمنيش اى شئ غير إنك تبقى بخير.تعالى معايا عشان تغيرى هدومك..
وقف قدام الدولاب و اختار ليها هدوم مناسبه
ساعدها في اللبس و قعد يسرحلها شعرها و مسك ايدها و نزل بيها تحت لقى عمته مستنياه على تربيزة السفرة..
سماح:: مراتك عامله ايه النهارده بقت كويسه..
جاد :: الحمد لله بس لازم اعرف السبب اللى خلاها توصل للحالة دى..
سماح :: متدورش.... ممكن السبب فى الحادثه دى يكون السبب فى فراقكم.
جاد :: قصدك ايه يا عمتي
سماح :: هتعمل ايه لو عرفت انها اتعرضت لاعتداء وده اللى وصلها للحالة دى.
جاد :: لا بعد الحادثه ابوها خدها لدكتور يطمن عليها و اكدله انها كويسه وكمان مفيش حاجه ممكن تفرقنى عنها غير الموت.
سماح ::: انت بتحبها للدرجادى... انا شايفه انك مجنون بيها
جاد :: مش مجنون بيها بس انا بقيت مهووس بيها هى بقت النفس اللى بتنفسه.
سماح :: طيب ولو اتعالجت ورفضتك عشان انت اكبر منها هتعمل ايه؟؟
جاد:: عمتي انا مش عاوز اتكلم فى الموضوع ده.. تخف الاول وبعدين نشوف هيحصل ايه..
************************************************
بعد ما خلصوا اكل غسل ايديها
جاد :: كريم خلي بالك منها انا مش هتأخر وارجع بسرعه
وبصلها ::حبيبتي انا مش هتأخر هرجعلك بسرعه
باس راسها
سماح :: انت ريح فين بسرعه كده
جاد :: هروح علشان اشوف ريم انتى عارفه إللى حصلها
سماح ::: كنت عاوزه اروح بس ورايا حاجه
جاد :: تمام
*********************************************
ريم :: ماما مش عاوزة اشوفه.. مش عوزاه خلاص..
و بدأت تعيط جامد
سناء :: اهدى يا بنتى سارة م......
قاطعتها ريم
ريم:: مش عاوزة اسمع اسمها خليه يمشى.
سناء :: اهدى شويه ولادك بره.
خرجت و هي حزينة على اللى حصل لبنتها.
لقت حسام قاعد مع ولاده..
حسام ::ماما ريم عامله ايه دلوقتي.. انا عاوز اشوفها.
سناء :: لا يا ابنى هى لسه مش عاوزة تشوفك ومقتنعه إنك بتخونها مع سارة..
حسام :: انا وضحت الموضوع ده 100 مرة.
سناء :: منا كل ما اجى اشرحلها الموضوع تقاطعنى و مش عاوزة حتى اذكر اسمها..
جع صوت جاد من وراهم.
جاد :: من دى اللى خلتكوا فى الحاله دى..
حسام :: زى ما قولتلك قبل كده.. اختك فاكرة انى بخنها مع سارة..
سناء::مراتك عامله ايه يا ابنى.
جاد ::: هى كويسه بس لازم نعرف سبب الحادثه عشان نقدر نباشر علاجها.. انا هدخل اشوف ريم.
حسام :: أنا همشى دلوقتي و هرجع لما تهدى شوية.
دخل جاد اوضتها اول ما شافته خدته بالحضن وقالت..
ريم :: شوفت صاحبك عمل فيا ايه بعد كل السنين دى بيخونى.
جاد :: حسام مش بيخونك.. حسام مبيحبش حد غيرك..
ريم:: ازاى بيحبنى و انا شوفتها بتتصل بيه و سكت وما قولتش حاجه و شيفاه بيلبس احسن ما عنده وكل يوم بيحط برفانه المفضل و يروح بيه الشغل..
جاد :: اللي اتصلت بيه هي السكريتيره الخاصه بيا و هي ست عمرها 55 سنة كانت شغاله مع بابا و دلوقتي معايا...عندها عيال في سنك اما بقى موضوع الهدوم و البرفان احنا بقالنا مده فى اجتماعات مع شركات مهمة جدا و كان لازم انه يلبس احسن حاجه..
ريم:: جاد انت بتكلم بجد ولا بتقول كده بس عشان هو صاحبك..
جاد :: بسبب تصرفك ده هتخسري حسام هو بيحبك و لو خانك انا اللى هقتله و دلوقتي فكرى كويس..
و كمل بهزارر.
جاد :: بسببك سبت وردتى لوحدها فى البيت انا هروحلها بقى..
ريم :: هههه الحب يا اخويا... انا عاوزة اشوف مين اللى سرقت قلبك دى..
جاد :: لما تبقى كويسه هخدك تقبليها بس دلوقتي فكرى كويس..
باس رأسها وخرج
جاد :: ماما انا همشى بقى سبت كيندرا لوحدها وجيت..
سناء:: و مجبتهاش معاك ليه.
جاد :: مرة تانيه انشاء الله هى دلوقتي تعبانه.
وصل جاد القصر دخل لقاها قاعده و حاضنه نفسها و وشها غرقان دموع و جسمها بيترتعش و هي بتبص لصورة العائله المتعلقة على الحيطه...
جرى عليها و خدها فى حضنه و اتصدم لما لقاها بتحضنه وهى بتترعش اوى..
جاد :: اهدي يا روحي انا هنا معاكى..
الفصل 10
لازالا يحتضنها و عقله هينفجر من التفكير إيه علاقه عيلته بيها
إتصل بالدكتور وحسام و قعد يستناهم كانت بتترعش وهو بيحاول إنه يهديها
جاد : اهدي ياحبيبتي أنا هنا محدش هيقرب منك اهدي جه يقوم لكن مسكت فيه بقوة نزلت دمعه من عينيه و هو شايفها بالحالة دي ..
جاد : كل ما بشوفك كده قلبي بيوجعني ياترى إيه علاقة عيلتي بالحادث ..
مريم : جاد بيه وصل الدكتور وحسام بيه
جاد : خليهم يتفضلوا مسح دموعه وبصلها لاقاها نامت شالها وحطها على سريرها وحط الغطا عليها وقبل رأسها وطلع برا يستقبلهم
الدكتور : أهلاً جاد بيه طلبتني بسرعة خير إيه اللي حصل
جاد : طلبتك علشان كيندرا لما شافت صورة عيلتي اتصدمت ..
الدكتور : طب كويس جداً دا هيفيدنا علشان نعرف سبب الحادث دلوقتي لقينا طرف الخيط
جاد : إزاي هنعرف وإحنا مش فاهمين هي ليه خافت للدرجة دي لما شافت صورة العيلة ..
الدكتور : دا معناه إن حد من العيلة له دخل بالحادث اللي حصلها ..
جاد : لا مش معقول إن حد من عيلتي يكون السبب ...
ريم اتجوزت من عشر سنين ،أمي مبتقدرش تأذي حد ، أنا لا يمكن أذيها ، و بابا مستحيل إنه يعمل كدا
الدكتور : الحادث اللي أثر عليها له علاقه بعيلتك و مرتبط بيهم ..
جاد : تمام ودلوقتي يادكتور أنا هعمل إيه هي مش كويسة من وقت ما شافت الصورة و هي بتترعش..
الدكتور : خذلها شوية مهدئات من الصيدلية وفي أدوية ثانية تعالى العيادة عندي علشان تاخذهم استأذن أنا خرج الدكتور
حسام : في إيه ياجاد يعني إيه عيلتك كانت سبب في حادث كيندرا ..
جاد : أنا هتجنن من كثر التفكير إزاي عيلتي يكون ليها علاقه بالحادث ..
حسام : إزاي هتعرف مين اللي له علاقه بالحادث خليها تشوف كل صورة من صور أفراد العيلة لوحدها ..
مريم نزلت تجري
مريم : جاد بيه جاد بيه الحقني كيندرا هانم بتبكي و بتترعش ..
جاد جري قبل ما مريم تكمل كلامها دخل لاقاها حاضنة نفسها وشهقاتها عاليه ضمها لحضنه ..
جاد : أنا هنا اهدي ياحبيبتي مافيش حاجة حاول يهديها و هو حاضنها
جاد : حسام أفتح الدرج وهات كل ألبومات الصور
حسام جاب صور العيلة كلها مسك جاد صورته وحطها قدامها بصتلها بدون أي رد فعل
بعدها حط صورة والدته وكان نفس رد الفعل
بعدها صورة ريم مافيش أي حاجة برضو
بعدها حط صورة والده ولما شافتها وكأن أفعى قرصتها مسكت فيه بقوة و خبت رأسها جوا حضنه حس جاد إنها بدأت تتشنج ..
جاد : حسام روح بسرعة وهات لها حقنه مهدئة جري حسام علشان يجيب الحقنة
حاول جاد يهديها لكن فشلت كل محاولته
جاد : بابا عمل إيه خلاكِ بالحالة دي وكمل بدموع إزاي بابا بيأذي حتة من قلبي لا لا بابا ماعملش حاجة روحي بتتألم لما بشوفك بتتألمي
بعد مدة وصل حسام علشان يديها الحقنه إمسكها كويس لأنها بتتحرك و اداها الحقنه
بعد فترة حس إنها هديت بصلها لاقاها غمضت عينيها مسح دموعها و باس عينيها
جاد : هعمل المستحيل علشان تبقي بخير وغطاها كويس وخرج
***************
ريم : ماما أنا مش قادرة أفكر كويس قلبي بيقولي أسامحه و عقلي بيقولي إني لازم أعلمه الأدب
سناء : حسام ما خانكيش هو بيحبك إنتي وبس إنتي اللي غلطتي ..
ريم : أنا بقيت مهووسه بحبه مقدرش أشوفوا بيخرج بهدوم حلوة لأني لما بشوفوا كدا بشك إنه يعرف ست ثانية
سناء : الهوس دا هو سبب المشاكل بينكم جوزك رجل أعمال و مدير شركات اخوك لازم يكون مظهره حلو .
ريم : ماما حسام لو عرف واحدة غيري هقتله و أقتل نفسي ماما أنا محتاجه أرتاح هنا النهاردة وبكره هرجع بيتي مع نور عيني
سناء : خففي الغيرة دي شوية لأن الغيرة الكثيره هي سبب المشاكل
ريم : نعم ماما أنا بغير عليه حتى منك إنتي مش عايزه أي ست بحياته غيري .
******************
حسام : دلوقتي عرفت إن والدك له علاقة بالموضوع لكن لازم تعرف ايه هو الحادث دا .
جاد : إزاي هعرف بابا هو الوحيد اللي كان عارف وأهو مات فإزاي هعرف
حسام : ماما سناء يمكن تكون تعرف حاجة وهي اللي هتجاوب على كل اسألتك .
جاد : كلامك مضبوط هكلم ماما علشان تيجي هي و ريم طلع تلفونه و رن على أمه و استنى الرد
سناء : أهلا ياحبيبي إزيك و مراتك صحتها عامله ايه..
جاد : الحمد لله ياأمي لكن كيندرا مش كويسه تعالي إنتي وريم ماتتأخروش
سناء : حاضر يابني هنيجي لكن مش هنقعد إنت عارف شكل علاقتي مع سماح عامله إزاي
جاد. : ماما تعالي علشان خاطري أنا ماما أنا محتاجلك .
سناء.: خلاص ياحبيبي هنيجي .
جاد : هستناكي ياأمي مع السلامه قفل الخط معاها وحط رأسه بين إيديه .
جاد : أنا تعبت هعمل إيه ياحسام.
حسام : إنت قلت إنك بتحبها وهتتحمل معاها وعلشانها كل حاجة
جاد : مش تعبان منها هي اللي تاعبني هو التفكير الكثير في ألف فكرة في رأسي بتألم لما بشوفها بالحالة دي
حسام : لازم تكون قوي علشانها .
************************************************
سناء : ريم جهزي نفسك هنروح بيت أخوك
ريم : ماما خذي الولاد معاك عايزه أفضل هنا علشان أتكلم مع حسام .
سناء : طيب يابنتي لكن بلاش تعملي مشكله اتكلمي معاه بهدوء ورجعي لبيتك ولادك محتاجينك وكمان حسام محتاج لك .
ريم : ماما أنا أكثر واحده محتاجه لحسام هو نبض قلبي هحضرله الأكل اللي بيحبه و نقعد نتكلم مع بعض وبعدين هروح معاه
***************
وصلت سناء لبيت إبنها شافت جاد قاعد حزين وحسام قاعد معاه
سناء : خير يابني إيه اللي حصل خلاك بالحالة دي .
جاد : هقولك ياأمي علشان كدا أنا طلبتك جاد حكى لأمه كل حاجة
سناء : إنت قصدك إن أبوك كان ليه علاقه بالحادث اللي حصل لكيندرا
جاد : أيوه ياأمي إنتي ماشوفتيش حالتها عامله إزاي ... ماما إنتي عارفه حاجة
سناء : أنا عارفه أبوك كويس هو ملوش علاقه بأي حاجة إنت عارف إن أبوك قلبه طيب و ميقدرش يأذي حد .
جاد : أنا كل ما أشوفها بالحالة دي بتجنن ياأمي وبعدها سألها هي ريم فين
سناء : اه نسيت حسام يابني ريم عايزه تتكلم معاك هي مستنياك في البيت
حسام : بفرحة بجد ياأمي
سناء : أيوه يابني سبتها وهي بتعملك الأكل اللي إنت بتحبه متزعلهاش ياحسام هي بتحبك أكثر من نفسها .
حسام وهو بيقوم جري على بره : حاضر ياأمي مع السلامه
************************************************
وصل حسام للبيت وكان بيدور عليها بشوق لأنه اشتاق لها كثير
حسام : ريم ريم إنتي فين ياحبيبتي
دور عليها في البيت كله وملاقهاش افتكر حديقة البيت فراح هناك وأول ما دخل شاف الأكل على الأرض و الطربيزة مقلوبه والورد متكسر كأن في حد كان بتيسحب فوقيه بص للأرض شاف دم واتصدم لما شاف سلسلة ريم فوق الدم دا