رواية كيندرا الفصل التاسع والعشرون والثلاثون بقلم حليمه عدادى

رواية كيندرا 

الفصل التاسع والعشرون والثلاثون

 بقلم حليمه عدادى

خالد فتح الباب وبص لبرا بذهول 

كان المكان متزين وكأنه قاعة أفراح ممر أحمر مليان ورد أحمر وأبيض وبين الورد في أضواء والكوشة في نهاية الممر كانت على شكل قلب كبير وجاد واقف وشايل بإيديه علبة كبيرة 

خالد : جاد إبني في إيه النهاردة بس خطوبة ليه دا كله ..

جاد : عمي خالد مافيش خطوبه النهاردة هيكون الفرح كل حاجة جاهزه الفرح هيكون هنا لأن في المكان دا كان بداية حبنا و كان أجمل يوم في حياتي ..

يوسف : بس ياجاد إنت قلت الكلام دا لكيندرا ..

جاد : لا ماقلتلهاش حاجة وكفاية اللي ضاع من عمرنا أنا عايز اتجوز ياناس ..

زينب : لووووولوووي ألف مبروك يابني ..

ريم : أنا هدخل علشان نجهز العروسه إنت ماينفعش إنك تدخل ..

جاد : ريم ماتقوليش حاجة قوليلها تلبس الفستان دا من غير ماتعرفيها حاجة .. 

قعد جاد معاهم برا

 داخل الفيلا الكل كان بيحاول إنه يقنع كيندرا إنها تلبس الفستان 

كيندرا: أنا أول مرة أشوف واحدة بتلبس فستان فرح يوم خطوبتها ..

رنا : إنتي مش زي أي حد إنتي ماشاءالله قمر ..

دخلت سناء وهي فرحانه أوي أنا استنيت اليوم دا كثير اليوم اللي أشوف فيه فرح إبني .. 

*******************

في الخارج كل الضيوف حضروا واشتغلت الموسيقى وبدأ الجميع في الرقص 

جاد : هما اتأخروا كدا ليه ..

حسام : إنت اللي مستعجل هما متأخروش ولاحاجة تعالى معايا ياعم ..

حسام ويوسف بدأوا يرقصوا مع جاد على أنغام الموسيقى الشعبيه 

وسط فرحة الجميع كان الكل كان مبسوط وبيرقص 

سام ووسيم بصوت واحد خالوا

شالهم جاد و هو بيرقص معاهم وسط ضحكهم ..

*******************

عند كيندرا 

وضعوا لها اللمسات الأخير بقت زي الأميرات وحجابها زادها جمال فوق جمالها 

دخل خالد باس راسها 

خالد : كبرتي يابنتي وشوفتك أجمل عروسه ..

مسك إيدها وخرج بيها وسط الموسيقى إستغربت لما شافت جاد قدامها والكل بيرمي عليهم الورد 

كيندرا بدموع : كل دا علشاني أنا ..

جاد : مافيش حاجة تكتر عليكي ياقلبي لوطلبتي نجمة من السماء هجبهالك ..

كيندرا : كل دا علشان الخطوبه ..

جاد : كل اللي شيفاه دا وتقولي خطوبة خطوبة إيه بس النهاردة فرحنا ياأجمل أميرة ..

خالد : جاد يابني أنا بسلمك أغلى حاجة عندي جوهرتي ونور عيني متزعلهاش في يوم من الأيام ..

جاد : في حد يقدر يزعل روحه كيندرا دي روحي وأغلى حاجة عندي ..

بدأ كل واحد فيهم يرقص مع مراته 

عند يوسف و رنا 

يوسف : عارف إنك عايزه تقوليلي حاجة أنا عارفك .. 

قربت منه رنا وهمست في وذنه

رنا : أنا حامل كنت حابه أقولك بعدين لكن مقدرتش أصبر .. 

يوسف : إنتي بتتكلمي بجد أنا هبقى أب ..

رنا بسعادة هزت راسها : أيوه هيبقى عندنا ولد .. 

شالها بين إيديه ولف بها بين الحضور

يوسف بصوت عالي: أنا هبقى باباااااااااااا ..

انتبه الجميع على صوته العالي 

حسام : ألف ألف مبروك ياصاحبي..

كيندرا بفرحة : ألف مبروك ياحبيبي أنا هبقى عمتو هييي .. 

يوسف : يابت إكبري إنتي بقيتي عروسه كفاية تنطيط الناس بتتفرج علينا ..

سناء : ألف مبروك يابنتي ..

بقت الفرحه فرحتين استمر الفرح لحد طلوع الفجر كانت أجمل ليلة لجاد و كيندرا و أخيراً اجتمعوا بعد عذاب وألم لكن حبهم القوي لبعض هو اللي جمعهم 

خلص الفرح والضيوف بداؤا يروحوا 

جاد : دلوقتي أنا هاخذ عروستي وأمشي جاد شالها بين إيديه وسط خجلها ..

كيندرا : جاد إنت بتعمل إيه نزلني الكل بيبص علينا ..

جاد : مش مهم أنا شايل مراتي مين اللي عندوا مشكله ..

وصل بيها جاد للعربية وساعدها إنها تركب 

جاد للسواق : طبعاً إنت عارف هتاخذنا لفين ..

السواق : أيوه يا بيه .. 

كيندرا سندت راسها على كتفه ضمها لحضنه 

جاد : أخيراً حصل اللي كنت بستناه كانت حياتنا صعبه لكن بعد الصبر يأتي الفرج ..

كيندرا : رغم كل الألم لكن كانت أمنيتي الوحيده إني أكون معاك ..

جاد : الحمد لله أهي أمنيتك اتحققت ..

وصلوا للفندق نزل جاد ساعدها إنها تنزل مسك إيدها و دخلوا الفندق شافت المكان متزين بالورد والشموع ..

 دخلو لأوضتهم كيندرا انبهرت من جمال الأوضة كانت متزينه بالورد والجو هادي والشموع في كل مكان 

جاد ببتسامة جميلة : نورتي ياأميرة قلبي ..

كيندرا ببتسامة: بنورك ياقلبي ..

جاد : إنتي غيري فستانك هنا وأنا هغير هدومي في الحمام وبعدها هنصلي ركعتين علشان تكون بداية لحياتنا ..

كيندرا بكسوف : طيب ..

بعد مدة قصيرة رجع جاد بعد ماغير هدومه ولبس هدوم خفيفه 

كانت كيندرا لبست الاسدال

جاد : يلا نصلي ركعتين ياقلبي ..

بعد مدة قصيرة كملوا يصلوا

الفصل 30

كيندرا فتحت عينيها لقت نفسها نايمه في حضنه رفعت وشها شافته مبتسم وبيبصلها 

كيندرا : صباح الخير يا قلبي..

جاد ببتسامة : صباح الورد والفل والياسمين ياحبيبتي ..

كيندرا : إنت صاحي من إمتا ..

جاد : صاحي من بدري وكمان طلبت أحلى فطار لأجمل كيندرا ..

كيندرا : ماصحتنيش ليه .. 

جاد : لما صحيت كنت فاكر إني بحلم زي زمان كنت ببصلك وإنتي نايمه زي الملاك أول ماحسيت بيكي جوا حضني عرفت إنه مش حلم ..

كيندرا : لازم تصدق إني بقيت معاك لأخر العمر بحبك ياأجمل حاجه في حياتي ..

جاد : يلا ياقلبي الفطار جاهز قومي خذي دش و تعالي ..

جت علشان تقوم لكن جاد شالها بين يديه 

كيندرا : جاد إنت بتعمل إيه نزلني على فكرة أنا عندي رجلين وأقدر أمشي بيهم ..

جاد : لما أكون موجود أميرتي ماتمشيش على رجليها إتفقنا ..

جاد دخلها الحمام وكان مجهزوا قبلها

كيندرا : امم إنت جهزت الحمام كمان لاااا أنا كدا هتعود على الدلع ..

جاد : اتعودي على راحتك إنتي لسه ماشوفتيش حاجة دي مجرد بدايه ..

كيندرا : بحبك أوي ياجاد قلبي ..

جاد : وأنا بموت فيكي يا قلب جاد وغمزلها عايزه مساعده ..

كيندرا بحرج : جاد ياقلبي يلا على بره متشكرين مش عايزين مساعده..

بعد مدة قصيرة خلصوا فطار 

كيندرا : الفطار حلو أوي ..

جاد : دا بس فطار بسيط ياقلبي ..

كيندرا : لكن أحلى فطار أكلته في حياتي لأنه معاك ..

جاد : الحمد لله بعد كل التعب اللي عشناه اتحقق كل اللي كنت بتمناه دا أحلى صباح ..

كيندرا : دائما بعد التعب بيجي الفرج بس الصبر لما نرجع بيتنا هأكلك من إيديا وبس الأكل من برا ممنوع ..

جاد : حاضر من عينيا هو أنا أقدر أرفضلك طلب يلا قومي جهزي نفسك .. 

كيندرا : ليه هنروح فين هنرجع البيت ..

جاد : لا بيت إيه إحنا هنسافر لمكان من زمان نفسي أروحوا ومستني اليوم دا علشان نروحوا سوى ..

كيندرا بفرحة : هنسافر فين ..

جاد: لا دي مفجأه يلا قومي جهزي نفسك .. 

بعد شوية وقت كيندرا و جاد كانوا قدام البحر 

جاد : كيندرا عايزك تغمضي عينيك ..

كيندرا بهزار : إيه عايز تخطفني ..

ضحك جاد : هههه اه عندك مانع عايز اخطف مراتي ..

كيندرا : إنت تؤمر يا باشا هههه ..

جاد ربطلها عينيها 

جاد : أوعي تغشي لو غشيتي هرميكي في الميه ..

كيندرا : ترميني في الميه لا لا أنا بخاف من الميه جاد أنا خايفة أقع ..

جاد : حبيبتي ماتخافيش وإنتي معايا أنا معاك ياقلبي ها مستعده هفتح الرباط من على عينيكي ..

كيندرا : اه مستعده ..

اول ماجاد شال الرباط من على عينيها قفزت كيندرا وحضنته بفرحة وهي بتبكي 

كيندرا : يخت ياجاد أنا من زمان بحلم إني أركب يخت ويمشي بينا وسط البحر ..

جاد : دي لسه أول مفجأة ..

حبيبتي اليوم كله مفاجآت تعالي معايا 

كيندرا اتعلقت برقبته وحضنته 

بحبك ياجاد قلبي ربنا يخليك ليا إنت عامل كل دا علشان تسعدني يارب أقدر أسعدك أنا كمان ..

جاد : إنتي مصدر سعادتي وأكبر فرحه في حياتي ..

جاد مسك إيدها وساعدها علشان تطلع اليخت قعدوا وحطت راسها على كتفه 

كيندرا : جاد إنت فاكر أول يوم شوفنا بعض فيه ..

جاد : كان أجمل يوم في حياتي كنتي زي حرية وسط الحقول أول مرة أصدق الحب من أول نظره ..

كيندرا : مع إني وقتها جيت علشان أنتقم منك لكن حنيتك خطفت قلبي وحبيتك من غير ماحس ..

جاد : حبيبتي انسي الماضي كل اللي حصل وقتها كان وراه حكمه ..

بعد فترة من الوقت وقف اليخت جاد مسك إيدها علشان تنزل 

كيندرا بصت للمكان بإنبهار كان عبارة عن جبال والبحر مابينهم والاشجار الخضرا والزهور ماليه المكان وصوت العصافير المكان كان هادي وجميل أوي

كيندرا بسعادة: إيه دا ياجاد المكان جميل أوي أوي ..

جاد : أنا اخترت المكان دا علشان نبقى فيه لوحدنا أنا وإنتي وبس ..

كيندرا بفرحة : يلا بينا ياجاد نجري وسط الشجر الورد وماتقولش لا .. 

جاد بضحك : مقدرش أقول لا هنجري لحد مانوصل لبيتنا ..

كيندرا : بيت إيه مافيش بيوت هنا .. 

جاد : بصي للشجر اللي هناك دا بيتنا هناك .. عملته علشانك من أول مرة شوفتك فيها ..  

كيندرا بسعادة : جاد أنا عايزة أصرخ بعلو صوتي وأسمع العالم كله إني بحبك بحبك ..

كيندرا مسكت إيده وفضلوا يجروا مع بعض كم هو جميل أن تجد شخصاً يحبك ويعوضك عن ألم الماضي وتعيش معاه كأنه طفل 

وصلوا قدام البيت

جاد فتح الباب كيندرا انبهرت من منظر البيت وجماله 

جاد : أول حاجة هنعملها إننا ننزل البحر .. 

بعد مدة قصيرة كانت كيندرا بتصرخ 

كيندرا : لا يا جاد لالا أنا هغرق مش قادره ..

جاد : هتغرقي إزاي وإنتي معايا ماتخافيش يا قلبي ..

كيندرا : جاد بجد أنا خايفه أوي المكان هنا صعب ..

جاد : طيب أمسكي رقبتي ..

قضوا وقت جميل مع بعض وبعدها رجعوا لبيتهم  

بعد مدة كيندرا كانت واقفه في المطبخ وجاد جه وقف جنبها و هي بتعمل الأكل مع إن جاد جاب الأكل معاه لكن هي صممت إنها تطبخله بإيديها

جاد : كيندرا إنتي تعبتي النهاردة خليني أساعدك شوية .. 

كيندرا : خلاص خلصت فاضل شوية بس ..  

جاد ساعدها في رص الأطباق والأكل على السفرة بعدها كيندرا دخلت تاخذ دش وتغير هدومها 

قعدوا ياكلوا مع بعض وجاد كان بيأكلها بكل حب ..

جاد : تسلم ايديكي ياقلبي الأكل يجنن ..

كيندرا : بألف هنا ياحبيبي بس إنت قاعد بتأكلني ومأكلتش حاجة ..

جاد : كل دا وتقولي ماكلتش حاجة..

كيندرا : طيب أنا هقوم أعملك فنحان قهوة أنا عارفه إنك بتحب القهوة ..

جاد مسك إيدها و باسها 

جاد : إنتي أجمل أحلامي استنيت كثير لحد مالقيت جوهرتي ..

 تعالي هنخرج دلوقتي

كانوا ماشيين قدام البحر وماسكين بإيدين بعض كان وقت الشروق والمكان هادئ 

جاد نام فوق الرمله و هي قعدت جنبه وحطت رأسها على صدره 

كيندرا : دا أجمل مكان شوفته في حياتي مكان هادي مافيش فيه حد غير أنا و حبيبي ..

جاد : علشان كدا أنا اخترت المكان دا علشان نبعد عن كل حاجة بتزعجنا ..

كيندرا : جاد عايزه أطلب منك طلب ومش عايزاك تقول لا ..

جاد : طلباتك أوامر يا قلبي ..

كيندرا : إيه رأيك نركب عجله ونتسابق ..

جاد : ههههه ماعنديش مانع الظاهر كدا أني هعمل كل اللي ماعملتهوش وأنا شاب .. 

كيندرا بحب : إنت لسه شاب إيه تفكير العواجيز دا..

جاد : ههههه لأني عجوز يلا تعالي ناخذ عجل .. 

ركبوا العجل وبدأوا السباق وكل مرة هو جاد اللي بيكسب 

كيندرا بتذمر : جااااااد إنت كل مرة اللي بتكسب خليني أكسب مرة واحده بس ..

جاد : تعالي عندي فكره ..

كيندرا نزلت من فوق العجلة وراحت لعنده شالها وقعدها قدامه على العجله ومشي بيها ..

جاد : بكدا هنكسب سوى ..

قضوا أجمل أسبوع مع بعض

                ***********************

زينب : كيندرا وحشتني أوي البيت مظلم من غيرها .. 

رنا : وأنا يعني مش غالية عندك كيندرا وبس ..

زينب : إنتي نور عيني إنتي كمان بنتي وماقدرش على بعدكم إنتوا الإثنين ..

يوسف : هههه أول مرة أشوف حماة تحب مرات ابنها ومابتحبش ابنها ..

زينب : لأن مرات إبني هي كمان بنتي .. 

خالد : ربنا يديم المحبة بينكم و ما يحرمكوش من بعض ..

يوسف : جاد وكيندرا هيرجعوا إمتا ..

رنا : فات اسبوع ممكن يفضلوا هناك شهر .. 

   الفصل الحادي والثلاثون من هنا

لقراءة باقي الفصول اصغط هنا