رواية 30 يوم
الفصل الثاني2
بقلم مارلي أيهاب
بعد ما قرأت الرساله مش هنكر ان جسمي قشعر واني خوفت اوي بس هديت نفسي وقولت ده اكيد حد يعرف اني هكتب الرواية دي انا مأجلها من زمان علشان اكتبها بس انا مقولتش لحد اني عامله رواية اسمها 30 يوم
نمت وانا كنت قلقانة و صحيت الصبح الساعة سابعة كالعادة واخذت الشاور بتاعي و لبست هدومي و كأني نسيت حكاية الرسالة دي مكنش ليا نفس افطر اخدت شنطتي ومفاتيح عربيتي ونزلت بس استغربت لما لقيت العربية الكوتش بتاعها نايم دول الاربع كوتشات مش كوتش واحد مش هنكر ان القلق رجع تاني ليا و افتكرت الرسالة سألت البواب وقولتله.... ايه ده ياعم حسن الكوتشات العربية حصل فيها ايه
البواب كان رده اغرب..... معرفش ياست هانم انا صحيت الصبح لقيتها كده
زعقت فيه و قولته... امال انت لازمتك ايه حطينك حراسة علي العمارة ليه
لقيته بصلي وسكت وانا اضيقت ومشيت بس قبل ما امشي شوفت ورقة علي الارض جنب الكوتش و متثبته ب حجارة قربت منها وفتحتها كانت مكتوبة بالانجليزي بس انا كا دكتورة اقدر اترجم
Hahahaha, it's the first day, dear soul. Wait for more suspense
هههههه انه اليوم الاول عزيزتي روح انتظري المزيد من التشويق
دي كانت الرسالة اللي جات وقلبي كان هيقف وقفت تاكسي والخوف كان ماليني وركبت وقولت للسواق علي العنوان بس نظراته السواق كانت غريبة كانت مخوفاني كنت بتمني الطريق يخلص لقيته بيخش في شوارع ضيقة وغريبة عن طريق المستشفى صرخت فيه بقوة و قولته... اقف عندك احسن ما اصرخ والم عليك الناس انت سامع
لقيته ابتسم بطريقة تخوف وقالي بصوت مخيف.... انا بحب الصويت صوتي يا دكتورة
وقتها اترعبت لما ضحك بصوت مرعب وقولت لنفسي اكيد هيغت*صبني لكن لقيته وقف في مكان مقطوع وقالي انزلي يلا
كنت بموت من الرعب والدموع ملت عيني وقولته وانا بترجاه...... لو سمحت سبني وانا هعملك كل اللي انت عاوزة الله يخليك سبني
لقيته بيتكلم وهو بيقولي بصوت مش عالي ولكن كفيل بانه يخليني ابكي من الخوف صوته كان غريب اوي مكنتش عارفة هو عاوز ايه بظبط نزلت وانا مرعوبة واتصدمت لما لقيته مشي بالعربية وسابني في الحته المقطوعة دي وكان قدامي بيت قديم جدا وشكله كان يرعب لقيت ورقة تانية متعلقة وبتقول ادخلي يا دكتورة
اديت لنفسي بعض الشجاعة والجرأة و ابديت اول خطواتي ناحية البيت اللي مش عارفة موجود فيه ايه
لسه هخبط علي الباب لقيته مفتوح دخلت وانا سامعة دقات قلبي المرعوبة لكن صرخت لما شوفت جثة حد انا عارفة كويس اوي اوي
صرخت بقوة وانا ببكي بشدة وقولت لا لازم اخرج ولسه هخرج الباب اتقفل عليا وسمعت صوت وهو بيقول بصوت مخيف اوي
ضحكت عليكي لما قولتلك اني هنفذ روايتك فيكي لا انا مألف رواية مخصوص ليكي يا دكتورة روح اسمعي كويس السيناريو. والحوار هيبقي مشوق ليكي وخليكي عايشة في رعب ما عشتهوش قبل كده
لقيت نفسي بكيت اوي وانا بقوله.... انا عملتلك ايه علشان تأذيني اوي كده طب ليه
رد عليا بصوت المرعب ده.... أذتيني. اوي يا روح ومش هتعرفي انا مين غير في اخر يوم بس واللي هتكوني فيه بتاعتي انا وبس وملكي
صرخت فيه وانا ببكي... انت مين وعاوز ايه حرام عليكي دي ذنبها ايه تقتلها ليه كده انت كافر
لقيته رد بس بصوت اقوي ومرعب..... ذنبها انها صحبتك يا روح وكل مصاحبه هيكون ده مصيره تتخيلي كده مين هيموت تاني والدور علي مين تعرفي اني اكيد مش هسيب دليل ورايا متقلقيش وفجأة لقيت حاجة بتقع من السقف اللي كان مفتوح ونزلت علي الجسد سايحته صرخت بكل وجع من المنظر المرعب ده وكنت خلاص هموت ليقت الباب اتفتح خرجت وانا بتمني الموت من المنظر كنت ببكي وبجري وبقع كل شوية كنت حاسة اني روحي بتروح مني مكنتش مصدقه اني صحبتي حصل فيها كده وبالمنظر ده علي ايد واحد مجنون ايوه اكيد مجنون
فضلت اجري وانا بقول الكلام ده في نفسي لدرجة اني كنت حاسة اني فضلي تكه و هموت فضلت نص ساعة اجري وبعدين لقيت نفسي في طريق عمومي والناس بتبصلي بستغراب من شكلي وحالتي الغريبة
ركبت تاكسي و قولتله علي العنون وكنت بعيط وصعبت عليه وقالي اهدي يا انسة ان شاء الله خير اهدي
مكنتش برد او كنت حاسة اني اتخرست ندمت ان كتبت الرواية او اني فكرت اكتب في يوم من الايام
وصلت البيت بعد نص ساعة وحسبته ومن غير كلام طلعت حتي ماخدتش الباقي وطلعت جري علي السلم حتي مستنتش الاسانسير دخلت الشقة وانا بتنفس بعنف واول ما قفلت الباب قعدت علي الارض وسندت ضهري علي الباب وبكيت بمنتهي الانهيار كنت حاسة ان تفكيري اتشل صرخت اوي وانا بفتكر اللي حصل في مني صحبتي الروح بالروح كنت بتقطع فضلت اصرخ وانا حاسة الحنجرة هتتشال من كتر الصراخ اللي صرخته البواب طلع وبعض الجيران حاولوا يكلموني وبيخبطوا علي الباب بفزع وانا مكنتش في وعي اني ارد علي حد خلاص معدتش عايزة حاجه من حد سكت بتدريج ولقيت الدنيا كلها لفت بيا وعيني بتغمض
وسكت تمام
بس كنت بين لا وعي و الوعي دموعي كانت لسه بتنزل حتي وانا عيوني مغمضة كنت حاسة بيهم
و سامعه الخبط الجامد اللي علي الباب
ومفقوتش غير وانا علي السرير واخويا واحد جنبه
اسامه بخوف... حببيتي عامله ايه دلوقتي
مكنتش قادرة اتكلم حبيت السكوت ودموعي كانت نازلة مكنتش قادرة حتي ابصله
اسامه نظر الي الدكتور وقال بحزن.... مالها يادكتور فيها ايه
كنت سامعه رعشة صوت اسامه وهو بيكلم الدكتور
الدكتور.... من الواضح انها اتعرضت لصدمه عصبية شديدة اثرت عليها ومحتاجة دكتور نفسي تتعالج عنده من الصدمه دي لانها لو طولت ممكن اوي تتدخل في اكتئاب شديد ويؤدي الي الانتحار
اسامه بحزن والدموع علي طرف عينه... يا دكتور اصلا هي دكتورة نفسية ده غير اني كنت موجود امبارح وهي كانت كويسة جدا ومفيهاش اي حاجة
الدكتور.... دكتورة نفسية بس في حالتها دي مش هتقدر تتخطي ده لوحدها محتاجة دكتور او دكتورة تحاول تتكلم معاها وتعرف مالها لان من الواضح انها مش هتتكلم معانا او مع حد لازم حد يعرف يخليها تتكلم
اسامه بحزن.... شكرا يا دكتور اتفضل
الدكتور.... اتفضل دي روشته فيها مهدئات لغاية ما تروح للدكتور اتفضل
اسامة بحزن.... شكرا
وخرج الدكتور واسامه كان وراه وادله فلوس ودخل لروح اللي كانت تعبانة اوي اوي
ودموعها نازلة بشدة من غير صوت مجرد دموع نازلة
اسامه الدموع ظهرت في عينه وقعد جنبها ومسك ايدها وباسها وقال... مالك يا حبيبة اخوكي مالك يا حبيبتي
بصتله بكل وجع ومقدرتش اتكلم بس نظرتي ليه كانت كفيلة انها تفهمه اني بموت
لقيت دموعه نزلت بقهر وهو بيقولي.. قوليلي ايه اللي حصل من امبارح لانهاردة قوليلي يا حبيبتي طب اكتبي ليا ايه اللي حصل وانا هساعدك ولو ليكي حق هجيبة اتكلمي يا حبيبتي ردي عليا
مكنتش بتكلم كنت مكتفيه بنظرة الوجع والرعب اللي في عيني مش اكتر
لقيت نفسي عيني بتقفل وبنام نوم عميق اوي
اما اسامة خرج بره وهو حزين علي اخته بشدة ونفسه يعرف مالها
تلفونه رن وكانت نهي مراته
اسامه رد بكسرة... الو
نهي بقلق... ها في ايه يا اسامه
اسامه بدموع.... تعالي انتي والعيال يا نهي اختي بتموت يا نهي مش عارف مالها
نهي بقلق... حاضر يا حبيبي جاية حاضر
اسامه بدموع.... مستنيكي
نهي.... حاضر
وقفل وهو مستغرب في ايه
شاف دفتر زي كشكول كبير ومكتوب عليه تلاتين يوم استغرب وفتحه وعرف ان دي روايه اخته كتابها جديدة بس مش عارف ليه قلبه اتقبض من الرواية دي رغم انه متعود يقراء روايات اخته علي طول
قفل الدفتر وفضل قاعد يفكر ايه اللي بيحصل
بعد نص ساعة الباب خبط وقام يفتح كانت مراته وولاده الاتنين ياسين واكمل عندهم 10 سنين
نهي مراته.... في ايه يا اسامه مفهمتش حاجة في التلفون
اسامة ابتداء يحكي ليها اللي الدكتور قاله وهي استغربت... ليه بس وحصل ده ازاي
اسامة بدموع.... مش عارف ولله تعالي اقعدي معاها علي ما اروح اجيب العلاج واجي
نهي... ماشي يا اسامه روح وانا هروح اقعد معاها
اسامه هز راسه وسكت وخرج وهي دخلت عندها الاوضة وشافتها حالتها حزينة وتعبانة
قعدت جنبها علي السرير وهي ساكته علشان متصحهاش
بعد نص ساعه رجع اسامه وشاف نهي قاعدة علي السرير
فضلوا اقعدين معاها وهي نايمة لغاية الساعه عشره بليل
فتحت عيوني بتعب وشوفتهم قاعدين قدامي
اخويا طلع مش عارفة ليه ونهي قالت.... الف حمدلله بالسلامة يا حبيبتي
هزيت راسي وسكت
دخل اسامة وشايل صنية فيها اكل
اسامه بهدوء... يلا يا حبيبتي كلي لقمة علشان تاخدي العلاج
روح هزت راسها بتعب وانها مش ليها نفس للاكل
اسامه حاول يقنعها ولكن لا حياة لمن تنادي
تلفونها كان جنبها سمعت صوت الرسالة اللي ابتدت تكره فتحت التلفون بتاعها وشافت المكتوب كالاتي
حلو اوي اخوكي وعيلته هيبقوا مشهد حلو اوي وهما مع بعض وعلشان كده بفكر يكون ليهم يوم من الايام في الشهر ايه رايك
كتبت رسالة بسرعة وانا بموت من القلق والخوف.... لا لا ارجوك هعملك كل اللي انت عاوزة
لقيته كتب رسالة تاني ليها وقال..... اطرديهم وتعمليهم معامله وحشة وعلي فكرة لو مقطعتيش علاقتك بيهم ساعتها هتقرائي عليهم الفتحة هما و القطاقيط الصغيرين ها ايه رايك
كتبت بدموع... حاضر حاضر
وقفلت والتلفون وانا بفكر اعمل ايه من غير ما اخويا يشك فيا وان في حاجه
عدت ساعة خدت الدواء من غير اكل
بعدين قولت بجمود..... اتفضلوا انتوا روحوا
مفيش دعي لاقعدتكم
نهي اتصدمت وسكتت
اما اسامه.... ازاي يعني اسيبك في الحالة دي
روح بجمود..... اسامة خد ولادك ومراتك وامشي انا مش محتاجه حاجة من حد
اسامة باستغراب.... خلاص لو مش عاوزنا في الشقة تعالي عندي علي الاقل علشان اخد بالي منك
روح بوقاحة..... قولتلك اطلع بره انت ومراتك وعيالك مش عاوزة حد ايه مابتفهمش ولا ايه
اسامة استغرب وحزن من معاملة اخته ليه..... بقي كدة علشان خايف عليكي بتطرديني من الشقة متشكر يا اختي مش هزعل منك هجي بكره ابص عليكي
روح بوقاحة وهي ماسكة دموعها وبتدريها..... لا بكره ولا بعده مش عاوزه اشوف وشك ولا وشك حد من اهل بيتك ولا تكلمني ولا تجني انت سامع ولا لا مش عاوزه اشوف وشك سامع
اسامة بحزن... ليه انا عملت ايه علشان تعاملني كده يا روح في ايه انا زعلتك في حاجه
روح بعصبية..... انا حرة انت مالك انا حرة ابعد عني بقي غوروا من حياتي برة اطلعوا بره
اسامة بهدوء وحزن.... ماشي طالع ومش هتشوفي وشي انا وعيلتي بعد اذنك يلا يا نهي
واخد اسامة مراته وولاده وخرجوا بره الشقة
اما روح بكت وهي بتحاول تمنع صراخها من الوجع وهي بتقول سامحيني يا حبيبي سامحني غصب عني غصب عني وللهي علشانك وللهي بعمل كدة
سمعت صوت الرسالة كرهته من كتر اللي جالها....
برافو عليكي يا روح قلبي كده اعتبري اخوكي في امان لان بشوف كل حاجه بتحصل في الشقة وبره الشقة ومتعيطيش كتير والاكل اللي علي السرير كليه علشان يبقي عندك طاقة لبكرة
استنيني في Two Day
في اليوم التاني
وقفل اما هي بصت للشقة بصدمة....