رواية رؤيا
الفصل الحادي عشر 11
بقلم دينا محمد
رؤيا كانت مصدومه من كلامه بس في نفس الوقت فرحانه أول مره تكون مطمنه كده أول مره تحس ان في حد بيطبطب على قلبها، كانت عارفه انه صادق في كل كلمه قالها لأن كل كلامه وصل قلبها بدون أي مجهود منه، بس برضو كانت خايفه ياترى هيقدر يستحملها هيعرف يتعايش مع حالتها طيب وليه يتحمل كل ده
عاصي: رؤيا ممكن تفكري بصوت عالي قوليلي كل حاجه جواكي بس عايزك تعرفي حاجه أنا لما بأخد قرار عمري مابرجع فيه ابدًا، رؤيا أنا عايز اكمل حياتي معاكي انتِ، عايزك حبيبتي ومراتي وأم لأولادي، عايزك شريكه لعمري كله، رؤيا أنا عارف ان الموضوع مش سهل بس واحنا مع بعض اكيد هيفرق
اتكلمي عايز اسمعك
رؤيا: مش هنكر اني فرحانه بكلامك ده وعارفه انه حقيقي ومشاعرك واضحه فيه جدًا، بس انتَ هتقدر علي قرارك ده
ممكن تفكر بعقلك شويه الموضوع مش بالسهوله دي، أنا متعايشه جدًا مع حالتي انتَ هتقدر طيب بلاش دي، اهلك هيوافقو انك ترتبط بواحده كفيفه
عاصي: رؤيا انتِ لسه مع الوقت والمواقف هتعرفيني اكتر بس انا أكيد عارف نتيجه الكلام اللي قولته وفكرت بعقلي وبقلبي والاتنين اتفقو عليكي، بالنسبه لأهلي ممكن يعترضو في الأول بس أنا هعرف ازاي اخليهم يقتنعو ويحبوكي كمان زي ما أنا بحبك
رؤيا وشها أحمر من الكسوف
مش هسيبك غير لما تتكلمي، ردك ايه على اللي قولته
رؤيا اتوترت
لو مش عايزه اسمعك كنت سيبتك ومشيت
ممكن بقى أكلم ندى علشان اتأخرت على ماما
عاصي ضحك: تمام هكتفي باللي قولتيه دلوقتي بس بعد كده مش هتنازل ابدا
رؤيا أنا محتاج اتكلم معاكي ممكن نتقابل بكره، اكيد انتِ كمان في حاجات كتير عايزه تتكلمي فيها، بكره هعدي عليكي علي الساعه 5 ان شاء الله
رؤيا: تمام ان شاء الله
باب المكتب كان مفتوح وفجأه دخلت رانيا
كده برضو يا عاصي تسيبني برا لوحدي يا ترى من اللي وخداك مني كل ده، ايه ده انتِ اكيد حاله من الحالات اللي بيعطف عليها صح ياعاصي
عاصي بعصبيه مدام رانيا لو سمحتي انتِ كده تخطيتي حدودك وأنا مش هستحمل اكتر من كده
رؤيا بإبتسامة : عاصي خليني أنا أرد عليها، أولا اهلًا بحضرتك، ثانيًا بقي أنا هحتاج مساعده ليه أنا مش ناقصني حاجه الحمد لله، اللي بيحتاجو مساعده دول الناس اللي عندهم خلل في عقلهم وتفكيرهم، الناس اللي مايعرفوش حاجه اسمها زوق
رانيا لسه هترد عليها بس عاصي قطعها
عم سعيد وصل مدام رانيا
رانيا بصتلهم بغيظ ومشيت
عاصي: رؤيا انا آسف علي الموقف الرخم ده
رؤيا بتفهم لا عادي مفيش حاجه بس هي ليه بتتعامل بالاسلوب ده
عاصي مش عارف ومش مهم اعرف المهم انك معايا دلوقتي يارب ندى تتأخر
رؤيا بتضحك: ندى بترن اكيد وصلت أنا هطلع
عاصي: لا استني هطلع معاكي، خلي بالك من نفسك وهطمن عليكي لما تروحي
رؤيا كانت مكسوفه جدًا بس كانت طايره من الفرحه حسيت ان ربنا عوضها اخيرًا بعا
في المقابر
ندى: وحشتيني أوي يانور أنا كويسه متخافيش عليا ماما وبابا معايا علطول ورؤيا كمان، عارفه من بَعدك وانا مش عارفه اصاحب حد ولا أقرب من حد بس ربنا بعتلي رؤيا علشان تخفف عليا وجع فراقك وحشتيني أوي انتِ مكنتيش صحبتي بس انتِ كنتي أختي كمان ربنا يرحمك يا حبيبتي
في نفس المكان
مروان: وحشتيني أوي يازهره وحشتيني أوي ياحبيبتي معلش أنا عارف إني اتأخرت عليكي المرادي بس كنت مضغوط الفتره دي في الشغل وكمان مع عاصي تعرفي عاصي اخيرًا عرف طعم الحب زي ما أنا عرفته معاكي حبيبتي، أنا همشي وهجيلك تاني قريب هتوحشيني يازهرة قلبي
في الوقت ده ندى كانت بتخرج من المقابر سمعت صوت واحد بيكلم حد ومن الكلام عرفت انه بيكلم حبيبته المتوفيه اتأثرت جدًا من كلامه وسألت نفسها هو في حد مخلص أوي كده لحبيبه، كانت هتمشي بس سمعت حد بينادي عليها
مروان:ندى
ندى باستغراب مروان، ايوه مش قولتلك أنا متأكده اني شوفتك قبل كده دلوقتي افتكرت أنا شوفتك هنا
مروان: طيب تعالي نطلع مش هينفع نتكلم هنا
ندى في سرها معقول هو ده الشخص اللي كان بيكلم حبيبته
شكلك وراك حكايه كبيره يامروان
مروان: ندى بتقولي حاجه
ندى: لا مفيش
انتِ هنا بتعملي ايه
ندى: بزور نور صاحبتي وانتَ
مروان: بزور حبيبتي زهره
ربنا يرحمها، هي متوفيه قريب
مروان استغرب سؤالها، لا من سنين كتير أوي
ندى استغربها زاد، تمام استأذن انا
مروان: اتفضلي مع السلامه
موبايل ندى رن
ندى:رؤيا حبيبتي كنت لسه هكلمك
رؤيا: عامله ايه يانودي روحتي لنور
ندى: ايوه لسه طالعه من عندها، مش هتصدقي شوفت مين هناك
رؤيا:مين
مروان صاحب استاذ عاصي كان معاه واحنا في المستشفى
رؤيا: ايوه افتكرته، المهم تعالي على البيت عايزه اتكلم معاكي شويه
ندى: حاضر حبيبتي مش هتأخر، باي
في المعرض
عاصي القلوب اللي مش بيسأل على حد
عاصي بيضحك ادخل يارخم، ايه الأخبار عامل ايه
مروان: سيبك مني أنا انتَ ايه اخبارك وشك منور ماشاء الله
عاصي: امسك الخشب يا ابني أنا مش ناقص، مفيش اتكلمت مع رؤيا وهتكلم انهارده مع بابا وماما وهشوف الدنيا هتمشي ازاي
مروان اخيرًا عاصي القلوب هيدخل القفص بس خلي بالك الموضوع مش هيكون سهل معاهم
عاصي: عارف بس أنا هعرف ازاي أقنعهم ان شاء الله
مروان: ان شاء الله، عارف شوفت مين انهارده وانا عند زهره
عاصي: انتَ لسه يامروان بتروح لزهره، ياحبيبي أنا عايزك تركز مع نفسك شويه يا مروان انسى الماضي كفايه تعيش على الذكريات
مروان برفض لو سمحت يا عاصي بلاش كلام في الموضوع ده
عاصي بيأس المهم شوفت مين
ندى صاحبت آنسه رؤيا وحكاله اللي حصل
عند رؤيا في البيت
ندى كانت فرحانه جدًا، بجد يارؤيا أنا مش مصدقه اخيرًا ربنا عوضك انتِ تستاهلي كل حاجه حلوه يارؤيتي
المهم يالا تعالي نختار هتلبسي ايه انهارده
رؤيا: مش مهم أي حاجه
يابنتي بطلي برود دي أول خروجه علشان تتعرفو لازم تكوني زي القمر
رؤيا: يابنتي أنا قمر من غير حاجه
ندى: متواضعه أوي، تعالي بقى احكيلك شوفت ايه وأنا عند نور
وحكتلها على مروان وكلامه مع حبيبته
ندى: بجد يارؤيا انا عمري ماشوفت حد مخلص كده، مروان ده طلع حد محترم وجدع مفيش منه كتير في الزمن اللي احنا فيه
رؤيا: ايه الحماس اللي في صوتك ده مش مرتحالك
ندى بتضحك ليه يارؤيتي عادي أنا مبسوطه ان لسه في ناس بالشخصيه دي
رؤيا: ماشي يانودي
ندى: قولتي لطنط
رؤيا : ايوه طبعًا قولتلها واستأذنتها إني هشوفه انهارده
ندى: تمام حبيبتي، يالا نقوم نختار الطقم اللي هتلبسيه
رؤيا: يالا حبيبتي