روايه لم يكن بيدي انا فقط أحببته الفصل التاني 2 بقلم دنيا محمد

روايه لم يكن بيدي انا فقط أحببته

 الفصل التاني 2 

بقلم دنيا محمد

بابا : يابنتي ال بتتكلمي عنه ده بقي تحت الترااااب وحضرت عزاه قدامك فوووقي بقي ويكون ف علمك اول عريس هيخطي الباب ده هخطبك ليه عشان اخلص من همك 

حرام عليك يا بابا دنا لو غريبه عنك هيصعب عليك حالي اكتر من كده ليه ماحدش حاسس بيا 

بابا : انتهينا من الكلام ف الموضوع ده اتفضلي علي اوضتك

..مشيت علي اوضتي وقفلت عليا بابها لا انا لسه ماتجننتش يارب قويني وساعدني اوصله لو بس افهم ايه ال بيحصل ده هرتاح بيتهرب مني ليه اكيد فيه حاجه مافيش بإيدي حاجه 

غير اني اراقب بيته لازم اوقفه واواجهه غير كده مش هعرف اوصل لحاجه بس استحاله احمد ال حبني الحب ده كله يخدعني بالشكل ده يعمل نفسه ميت ويتهرب مني هوف

من الصبح هروح عند بيتهم وهستني ف عربيتي لحد مايخرج والمره دي مش هسيبه ... نمت بعد تفكير طويل لقيت امي دخله بتصحيني للكليه الصبح ..

ماما : دنيا ربنا يهديك يابنتي ويريح بالك ابعدي عن ال بتفكري فيه ده واهتمي بدراستك نفسي اشوفك حاجه كبيره وزي ماكان نفسك زمان 

انا مش بفكر ف حاجه ياماما 

ماما : هو انا مش عرفاكي ياقلب ماما دانتي علطول سرحانه حتي امبارح نمتي متأخر انا بس كل ال عوزاه منك انك تنسي انتي مش اول الدنيا ولا اخرها ال خطيبها يتوفي فيه أسوأ من كده ف الدنيا كتير 

حتى انتي يا ماما بتقولي لي انسى انا حبيت احمد بجنون عارفه يعني ايه حب خمس سنين يا ماما انت لو كنت قعدتي مع البني ادم ده وعرفتيه انا متاكده انك كنتي هتحبيه كمان وبلاش تتكلمي زي بابا على الاقل انت حسي بيا 

ماما : يا عمري انتي اي اب في الدنيا بيبقى عايز يشوف بنته احسن الناس وبعدين ياما ناس بيحبوا و بيسيبوا بعض في الاخر ده نصيب يا عمري ولازم ترضى بنصيبك

بس ياماما احمد عايش مامتش صدقيني وحاضر يا ماما اعتبريني رضيت انا هقوم دلوقتي عشان اروح الكليه عاوزه حاجه

لا يا عمري عاوزه سلامتك خلي بالك من نفسك يا دنيا ربنا يهدي لك الحال يا بنتي

______

لبست ونزلت اخذت عربيتي ورحت عند بيت احمد فضلت واقفه ساعه والثانيه ما فيش اي جديد عدي الوقت وانا محستش بنفسي غير لما سمعت اذان الظهر وبرده ما فيش 

جديد ما حدش لا طالع ولا اخرج من البيت غير دعاء حتى البنت دي اتغيرت معايا قوي دي كانت بتحبني كأني اختها

الموضوع ده في حاجه غامضه ومش هرتاح غير لما اعرفها 

واحمد مش هسيبه لو هخليه يرجعلى غصب عنه استحاله اضيع حب سنين في غمضه عين كده بس اكيد هيكون في بينا عتاب على طريقه اختفاءه من حياتى بالطريقه دي في 

وسط ما كنت بفكر لمحت شاب نازل من العماره دي يشبهه احمد اوي  هو كان  مديني ظهره طبعا ما تردتش لحظه اني افتح باب العربيه وانزل اجري عليه وفعلا ده اللي عملته 

المشكله اني لما ناديت باسمه ما بصش ناحيتي نهائي بالعكس ده مشي بسرعه ولما حس اني خلاص قربت منه ابتدي يجري لحد ما اختفي من قدامي وقفت و انا بنهج 

بتعب عاوز اصرخ في وشه واقول له ليه بتعمل فيا كده ومن 

القهره اللي كانت جوايا رجعت على بيته تاني وطلعت لحد فوق وكويس ان دعاء مش موجوده في البيت لانها خرجت قدامي خبطت على الباب وفتحت لي والدته سلمت على 

وحضنتني وقبلتني بطريقه كويسه دخلت وقلت لها ممكن شويه ميه يا ماما انا عطشانه قوي قالت لي حاضر يا روحي اقعدي ودخلت تجيبلي ميه اول ما دخلت المطبخ جريت على اوضه 

احمد فتحتها لقيت الاوضه زي ما يكون كان نايم فيها حد وهنا اتاكدت من شكوكي ورجعت خرجت بسرعه قبل ما تلاحظ اني اتحركت من مكاني جابت لي الميه ولقيتها بتقول 

لي انتي اللي فضلالي من ريحه الحبايب استغربت وكنت ببص لها بحزن وبقول في بالي حتى انتي بتكذبي عليا قعدت شويه وقلت لها ماما هو انا ممكن ادخل اوضه احمد قالت لي 

بتردد اه يا حبيبتي و ماله اتفضلي فتحت الباب ودخلت وهي ورايا اتعمدت أبصلها و انا بسال ماما هو في حد بينام في الاوضه دي اصل سريرهاا مش مرتب عشان كده سالت برده اتكلمت 

بتردد وقالت لي اه ايوه دعاء هي اللي بتنام هنا انتي عارفه هي كانت بتحب احمد قد ايه قلت لها اه طيب وخرجت وقلت لها انا لازم امشي بقى عشان اتاخرت نزلت من عندهم 

وانا بعيط لما دخلت اوضته شميت ريحته فيها انا حقيقي مشتاقه ليه عملت فيا كده ليه يا احمد هتجنن حرام عليك ركبت عربيتي وقعدت فيها دقيقتين ومشيت على الكليه 

دخلتها وانا تايهه وما فيش في دماغي اي حاجه غير اللي بيحصل وبسببه انا موهومه ده قعدت في حديقه الكليه لقيت اصحاب ليا جايين نحيتي منهم ساره صاحبتي سألتني وقالت 

لي لحد امتى يا بنتي هتفضلي كده فات عليك محاضرات كتيره وبجد كده ما ينفعش يا دنيا قلتلها معلش يا ساره انا تعبانه شويه الفتره دي .........طيب وحتي مبتحضريش

معانا الكورصات وبالاخص الدكتور عمر بقالك كتير ما حضرتلوش اي حاجه في عندنا قرص النهارده اتمنى تحضريه معنا قلت لها هو امتى قالت لي بعد نص ساعه من دلوقتي 

قلت لها حاضر هحضر معاكم وبالفعل قعدنا شويه لحد النص ساعه ما عدت وحضرنا الكورص ده وخرجنا منه على الساعه تمانيه مساءاً ركبت عربيتي ومشيت وفيه طريق بيوصل لي 

بيتنا الطريق ده دايما ضلمه كنت مشغله فوانيس العربيه وماشيه بهدوء وسرحانه فجاه لقيت واحد واقف لابس زعبوط على دماغه و حاطط ايديه في جيوب جاكيته 

وباصص فالارض  وقفت بسرعه واتخضيت عشان خفت اخبطه نزلت من العربيه بسرعه وقفت قدامي لسه جايه اقوله انت كويس رفع وشه وبصلي  لقيته احمد كنت واقفه بابص 

له و مبرقه معرفش ليه دلوقتي مش قادره انطق مع انها فرصه كنت بستناها من زمان واخيرا قدرت اقول احمد انت عارف انا بسببك بتعذب قد ايه بتعمل فيا كده ليه ها عشان 

خاطري ريحني انا اذيتك في ايه رد عليا بتبصلي كده ليه يا احمد انا عملت فيك ايه عشان تإذيني بالشكل ده انا ما بقتش عايشه حقيقي حياتي اتدمرت بسببك رد عليا ارجوك كل اللي 

كان بيعمله بيبص لي وساكت بس انا كنت مستغربه من نظرته حاسه فيها حاجه غريبه ابتديت اصرخ في وشه عشان ما بيردش عليا واقول له رد علي يا بني ادم بتعمل فيا 

كده ليه لو دنا لو كنت عدوتك ماكنتش هتجرحني بالطريقه ال تقهر دي لو اذيتك في حاجه قولها لي علي الاقل ارتاح طب لو ما كنتش بتحبني خطبتني ليه علقتني بيك ليه ما 

تنطق لقيته فجاه حط ايده علي بُقى وايده الثانيه على رقبتي من ورا وكان بيبص في عيني ونَفسه كان عالي لدرجه اني كنت سامعاه حاولت اشيل ايده ما عرفتش فضلت ابص 

له انا كمان وواقفه مابتحركش ماسبنيش غير لما حس بدموعي علي ايده وشافها بعد عني ولسه جاي يمشي جريت عليه شديته من ايده ....احمد استني عشان خاطري 

ماتمشيش اتكلم قولي اي حاجه تريح قلبي الله يخليك دنا حب عمرك مش ده ال كنت بتقولهولي راح فين الحب ده ها 

دبلتك فين دفنتها هيا كمان مع الشخص ال ادعيت انه انت 

هتجنن رد عليا دي اخرتها يعني دول خمس سنين يا احمد ازاي ماحستش ولو للحظه انك هتخدعني كده هموت يا احمد ريحني حتي بكلمه دلوقتي بقت بتهون عليك دموعي 

زمان ماكنتش بتتحملها لما فاض بيا قولتله خلاص خلاص انتهينا مدام طلعت وحش بالشكل ده يبقي انتهينا وحرام اظلم نفسي عشان بالشكل ده ....رفعت ايدي وجيت اقلع 

الدبله عشان اديهاله لقيته مسك ايدي جيت اشدها مش راضي يسيبني بصيتله سيب ايدي لو سمحت دي الحاجه ال لبسه بتربطني بيك وانا خلاص مش عوزاها لقيته اخيرا نطق 

وقال لي خليها ف ايدك رجعت مجرد ما سمعت صوته قلبي وجعني وحنيتله تاني بكيت بزياده وقولتله طب ليه منتا نهيت كل ال بينا خلاص يبقي لزمتها ايه .... صدمني لما 

اتكلم بتلقائيه كده وقالي احمد عمره ماحب غيرك ومش بمزاجه سابك ده قضاء ربنا وقدره !!!!! يعني ايه ال بتقوله ده 

                  الفصل الثالث من هنا

لقراءة باقي الفصول من هنا