رواية بنات الليل
الفصل الثاني عشر12
بقلم دلال
كرم .واكف من بعيد دا ارقبهم ارتفعت اصوات صار لزم ادخل
عقيل . انتي صدك مو مؤدبه و متستحين رفعت ايدي اريد اضربها
كرم . لزمت ايده ضغطتها بقوه نزل ايدك واحترم نفسك افتهمت
عقيل . صحت بصوت عالي وانت بصفتك منووو انت تحجي وياي
رفيف . اجه استاذ كرم ماعرف ليش كلبي اطمن وحسيت بالامان
كرم . صوت ناصي وهدوء صوتك لا يعلى علي لا السانك اكصه
عقيل . وانت شنو عود صاير زلمه رفعت ايدي جاي اضربه بوكس
كرم . (واكف مقابيلي اني اطول واظخم منه اتقدم راد يضربني بوكس لزمت ايده لويت ايده خليتها وره ضهره دفعت للحايط بيدي الخ عصرت راسه وي الحايط ) انت شلون تجرء اتمد ايدك علي لك انت تعرف اني منو وشنو رتبتي
ام عقيل . يبووي يبوووي عوف ابني خاله بيش طالبه رح تموته عوفه اندريت علي رفيف كله منج يا سافله تربيت امج مالوم ابوج بيجن انت مال ذبح
رفيف . بقيت ابجي رحت تقربت الكرم لزمت ايده فدوه عوفه هسه اني بيا حال
ام فلاح . عزه عزه خاله انتو بالمستشفى مو وكت عرك
كرم . رح اعفي عنك الخاطرها بس وعفته
ام عقيل . لزمت ايد ابني امشي يمه امشي ذن عدهن جماعات واديهن اطول مستهترات مالنه علاقه بيهن يطبهن مرض هنه ومهن
____________
عمر . كاعد بسجن صغير خاص بدائرة الستخبارات
متندم على عمري الي ضيعته واني اتعاطى ذكرة سحر شلون جرجرتها باسم الحب وبنات هواي دمرت مستقبلهن بقيت ابجي اني ماستاهل اعيش وين وصل بيه الحال خسرت الدنيا قبل الاخره
من لعب بعمره ضيع أيام حرثه ومن ضيع أيام حرثه
ندم أيام حصاده
الشرطي . بستهزء وينك استاذ عمر كاعد تبجي
عمر . مسحت دموعي نعم سيدي
الشرطي . ينعم عليك الله ولو انت و امثالك مو مال نعم مال نقم
عمر . نزلت راسي فعلا اني استاهل كل الي رح ايصير بيه
الشرطي . هاك هذا غداك لبن ودولمه
عمر . (اجه ابوقته اني حيل جوعان بالخص من اضوج وانقهر احس اموت من الجوع ) هاي انتو هيج تهتمون بالموقفين
الشرطي . ضحكت لا طبعآ بس انت اظاهرعندك معارف وناس واصلين جو5 شباب مرتبين لابسين زي رسمي انطوني هذا غداك وكالو من يكمل غده نتفاهم وياا
عمر . وين هسه هم
الشرطي . رحو وكالو ساعه ونجي بين مايكمل غده نحجي ويا
عمر . (فرحت يعني مرح تعبي وي عماد هدر ولو هذا مصلحجي مو لسواد عيوني بس لحتى ماعترف عليه ) اخذت الغده رحمه الله والديك سيدي
_____________
الاء . نظفت البيت وعطرته وطبخت وغسلت ملابس كملت كل شغل البيت وسبحت ومكياج خفيف لبست اتراك ماروني ربع اردان وخليت حمره بلونه وقررت اتغير وصير شخصيه ثانيه غير الي معتاد عليه عليها سمعت صوت الباب انفتح اكيد هذا علي خلي اروح اتلاكاا
علي . فتحت الباب كفختني عطور البيت اخذت نفس امممم احب ريحة المنظفات
الاء . بتسمت الله يساعدك
علي . ويساعدك عفتها ودخلت جو (هاي شنو اليوم ابتسامه ومكياج وترتيب معقوله اتغيرت ولو ابو طبع ميتغير )
الاء . اصبلك غده شلون سويتك باميه تاكول اصابعك وراها
علي . لا ماريد متغدي
الاء . بس اني منتظرتك
علي . هاي من شوكت تنتظريني
الاء . هاا لا بس اليوم حبيت ناكول سوى
علي . روحي اتغدي انتي اني ماريد حسوني شو ماله حس
الاء . ضجت منه وعصبت حيل بس ماريد ابين على نفسي اخذت نفس حسوني نومته
علي . غديتي
الاء . اي اكيد
علي . عفتها ورحت للغرفه انام (خلي اشوفها الاهمال شلون ينحمل عباله اني طفل وتقشمرني بهسوالف )
الاء . رح علي للغرفه النوم واني متت قهر ياربي هذا مو مال احد يحترمه ويقدره ولاباوع ابوجي امده حظي الاغبر خلي اخابر هاي العوبه طلعت رقمها اتصلت
صفاء . كاعده اني وزوجي سامي واطفالي دا نتغده دك تلفوني حبيبي عن اذنك هاي صديقتي الاء خطيه عندها مشاكل عائليه ولازم ماتخلى عنها
سامي . برحتج حياتي
صفاء . لو هلاو حبي
الاء . شفتي حظي المصخم والملطم
صفاء . اهدي واحجيلي شنو صار
الاء . يمعوده كتلج هذا ميتغير كولشي ميفيد وياا
صفاء . سويتي الي كوتلج عليه
الاء . وربج طبقته بالحرف
صفاء . ميخالف حبي لاتستسلمين من اول محاوله اعرف صعبه عليج بس اتحملي
الاء . شتحمل صفاء والله ولاهتملي
صفاء . حياتي طولي بالج وانتي تردين اتغيرين رجال مو طفل حتى بسرعه يتغير طبعآ يرادلج وقت وصبر وطاقه تحمل ساعته والله بعد ميشوف غيرج ولايزعلج بكلمه
الاء . يعني هسه شسوي ازعل اكلب خلقتي عليه
صفاء . ضحكت هو شنو صار اصلا
الاء . اجه كبل رح للغرفه ومتغدي بره
صفاء . لا حبي لعد خليج طبيعيه متستوجب زعل
الاء . شوف هاي اكلج لبسني ورح
صفاء . مو كوتلج لاتيأسين من اول محاوله خليج صبوره
____________
سحر . وكفت اكبال المرايه اباوع النفسي واني دموعي ماسكتن ياربي هسه شلون وضع اهلي ماما رفيف اصاير بيهم بقيت ابجي بحركه ياربي ساعدني والله ماجنت اعرف رح يغدر بيه هالحيوان عمر الله ينتقم منه
ايو . كاعده بغرفتي كالعاده محبوسه وممنوع اطلع او اختلط وي اي بنت سمعت صوت وحده تبجي بالغرفه الي بصف غرفتي خليت اذني قريبه للحايط استمع
سحر . كعدة بالكاع حظنت رجلي ودنكت ابجي بحركه ولج ماما كلبي يوجعني عليج
اكيد هسه تفتر بشوارع ادور عليه ورفيف سوده عليه خيتي لو سامعه كلامج امداني من ثقيت ابواحد حقير وعفتكم
ايو . خطيه والله مسكينه رح اروح يمها وشيصير خلي يصير طلعت بسرعه بدون محد يشوفني فتحت باب الغرفه دخلت
سحر . نفتحت باب الغرفه رفعت راسي دخلت عليه بنت صغيره بالعمر ناعمه ومخاله مكياج ملامحها بريئه انتو شتردون مني عوفوني ابحالي
ايو . دخلت عليه وضعها ينكسر الخاطر اتقربت عليه خليت ايدي على كتفها لاتخافي اني مو مثل البنات الي هنا
سحر . وشتردين مني
ايو . ماريد شي اني غرفتي هي الي بصفج( اسرت على جهه اليسر) سمعت صوتج تبجين فهمت انتي ضحيه جديده وردت اكعد وياج نحجي اتفضفضيلي وافضفضلج بس اذا مو حابه وجودي عادي اروح هسه
سحر . بقيت ابجي لاخليج والله محتاجه احد اشكيله الي بكلبي
____________
رفيف . واكفه اسمع كلام بيبي لااكدر ارد عليه ولاكدر ابلع كلامها الي مثل السم متت من القهر بقيت ابجي شلون خجلتني هسه شيكول عليه كرم وام فلاح
ام فلاح . كافي خاله لاتبجين وكولي ياالله ولاضوجين من بيبتج مره كبير ومها اتكون اضل ام ابوج
رفيف . خاله شلون مابجي شفتي الحقد والكرهه بهذا وضعي وجاين يتعاركون وياي
كرم . واكف واباوع على رفيف ضجت عليه لان وحيده وماله احد تسأؤلات ابالي هواي ليش هيج عمها وبيبيته يكرهونهم وليش ابوها ضارب امها اروح اسألها لو... لاماله داعي
الدكتور . طلعت من الصاله العمليات وينهم مرافقين المريضه احلام عبد الحسين
رفيف . طلع الدكتور رحت اركض اني دكتور بنتها
الدكتور . بنتي العمليه نجحت نظفنه الجروح بس المريضه بحاجه البطلين دم لان زفت هواي واساسآ جسم المريضه هم ضعيف
رفيف . بس اني دمي ممطابق وياها
كرم . شنو فصيلة دمها
رفيف د O
كرم .O+ مثل فصيلة دمي اني مستعد اتبرع
الدكتور . اوكي استعجل ترا وضع المريضه
___________
عمر . فتحت العلب الغدع لكيت برياني ولبن ونص دجاجه بطل مي كعدت اكلت وشربت لبن ومي دخت اشوي ومعدتي وبطني كامت توجعني الم متينحمل بقيت اتقيء اريد اصيح لشرطي صوتي ميطلع ماعرف شنو حاطيلي بالاكل احول اصرغ صوتي ميطلع جسمي اشنج ماكدرت اتحرك من مكاني الم قوي بقيت ابجي لاحول ولاقوه الى ان مضت عيوني انتهيت
الشرطي . كاعد بمكتب استاذ كرم وبالي افكر شلون ادخل اكل من بره للسجين بس يعرف استاذ كرم اله يعلكني فلقه بس اني هم عبد مأمور وماريد اوكع نفسي بمشاكل يلا هسه اني شمسوي هو غده انطيتها خلي اروح اشوفه فتحت الباب منو انتوو
الطرف الثاني . بدون حركه ولاصوت احسن مايتيمون جهالك
الشرطي . انتو شتردون وتابعين المنو
الطرف الثاني . كدامي ادخل انطيني اوراق افادت عمر بسرعه قبل لا ارفع تلفوني واتصال واحد تروح ورا الشمس
الشرطي . لادخيلكم عندج جهال هاي اوراق اعترافات عمر بس انتو وشتردون
الطرف الثاني . اخذنه الاوراق ودفعناا للكاع وطلعنه بسرعه
الشرطي . ذوله اكيد اتباع ***** اجو حتى يخفون الحقيقه رحت اركض وصحت الشرطه البقيه وياي وينكم
الشرطه الطرف الثاني . خير شبيك اصيح
الشرطي . انتو شلون دخلون ذوله جوه
الشرطه الطرف الثاني . ليش احنه منو حتى نمنعهم رادو يقابلون الظابط كرم وعدهم باجات تابعين ال****
الشرطي . عفتهم ورحت الغرفه التوقيف لكيت المتهم متمدد بالكاع صاير ازرك رحت تلمس نبظ كلبه ميت
اخذت تلفوني خلي اتصل على الظابط كرم
_________
رفيف .واكفه اباوع على كرم متمدد والكانونه بأيده استاذ اني كولش ممنونه منك حيل اشكرك علي هذا موقفك ويانه يعني لو مو انت ماعرف شلون صار حالي هسه
كرم . الوحيد الي يستحق الشكر هو الله اما اني ماسويت غير واجبي دك تلفوني
الو نعم
الشرطي . الحك سيدي المتهم عمر انقتل
كرم . شلوون ......
يعني صدكوني حيل خجلانه منكم بس والله صوج النت 😭