رواية بنات الليل
سحر . كاعده جوه الدوش وابجي ما احس اله نفتح علي الباب رجعت ليوره بزويه الحمام لميت نفسي حظنت رجليه
بنت اليل . اف اف شنو هجمال
سحر . بجيت عفيه شتردين مني
بنت اليل . اششش على شنو تبجين اطلعي هسه اخذج الغير عالم ينسيج الدنيا ومابيها
سحر . بقيت ابجي عفيه والله اني الي بيه كافيني الله يخليج عوفيني ابحالي
بنت اليل . قلبوشه هو اني علمودج لانو شفت وضعج يكسر الخاطر حبيت اساعدج واريحج
سحر . بخوف وصوت يرجف زين زين اطلعي خ ابدل
بنت اليل . ماشي رح انتظرج بغرفتج
_______________
رفيف . طلعنه من يم استاذ كرم كلامه اشوي طمنا بلكي الله لصبح نلاكها صعدنه بسياره كريم لحتى يوصلنه
ام رفيف . مشكور خاله كريم الله يوفقك دنيا واخره
كريم . لاشكر على وجب هذا واجبي خاله وان شاءالله بقرب وقت تطمئنين ع بنتج
رفيف .الله يسمع منك اكولك كريم اريد رقم كرم
كريم . نعم شنو تردين
رفيف . شبيك اريد رقم اخوك
كريم . وشسوين بي
رفيف . لحتى اتوصل وياا حتى اذا اكو مستجدات اكون اني اول من يعرف
كريم . بسس اني....
ام رفيف . قاطعته اي خاله فدوه العينك انطينه رقمه حتى انخابره احنه منريد انزحمك
كريم . لا خاله لازحمه ولاشي...
رفيف . بعصبيه لتفتت عليه كريم ابحكم الصدقه الي بينه انطيني رقمه
كريم . هاا ماشي طلعت تلفوني من جيبي فتحته اتصلت ام رفيف زوجتي ارتبكت
رفيف . اباوع على كريم عرك وتوتر هه اكيد هاي زوجته اووف ياربي شتحمل اني رد عليه اكيد خطيه باقيه بقلق عليك
كريم . ماعرف بعد شحجي البنت الي تمنيت ازوجها وحبيتها من كل كلبي كاعده يمي وتطلب مني ارد على زوجتي الله يسامحج يا يمه فتحت خط الوو
ام رفيف . الوو حبيبي وين انت
كريم . عندي شغله هسه شوي وارجع
ام رفيف . هاي رفيف تبجي عليك حاجيه
كريم . لا خليه هسه مو كتها
ام رفيف . حياتي خطيه دتبجي بس كوله جاي تعاي ماما هذا بابا يحاجيج
كريم . هااا باباتي حبيبتي رفيف اني احبج والله خاف عبالج تاخرت عليج تر ا طول هذا الوقت اني بالي وكلبي يمج هسه اني شوي واجي لاتبجين باباتي
رفيف . اسمع كريم ديحجي بتلفون وي بنته واني عرف يقصدني بكلامه متت ختنكت اتمنيت لو مامخابرته وطالبه منه مساعده ودي افتح باب السياره واذب نفسي وهي تمشي بعد مابيه اتحمل الشخص الحبيته والي تمنيت يصير زوجي كاعد بصفي ويحجي وي بنته والله صعبه ياربي
ام رفيف . ياعيني هاي بنتك خطيه
كريم . اي خاله هاي بنتي رفيف تبجي علي لان تاخرت هي متنام اذا مو بحضني
رفيف . بعصبيه يلا ماما انزلي وصلنه
ام رفيف . مشكور خاله وعذرنه تعبناك ويانه
كريم . لاخاله ادللي بخدمتكم اني بس اتصلو علي تلكوني يمكم
رفيف . قاطعت كلامه وين الرقم
كريم . هاا يعني ضروري
رفيف . اخويه بلاااا زحمه عليك انطيني الرقم ترا صبري نفذ
كريم . اباوع الرفيف تحجي ودموعه بطرف اتظاهر بالقوه ماشي سجلي يمج ***********
_____________
الاء . كاعده على كرسي هزاز ومنتظره استاذ علي شوكيت يشرف
علي . اهوو ليوم شيخلصني من السان الاء دخلت للبيت فتحت الباب الصاله على كيف بلكي الكاها نايمه
الاء . وين جنت
علي . بومه كالبه خلقتها 24 ساعه مو ذنيج بنات مثله يضحكن ويشاقن بس هاي نكديه عفتها ورحت لاللغرفه
الاء . علي مو احجي وياك ليش مدجاوبني
علي . دانزع ملابسي اي وشتردين اجاوبج بله
الاء . كولي وين جنت
علي . بشغله
الاء . وشغلتيش هاي بنص اليل
علي . مو ضروري تعرفين
الاء . لاضروري اعرف
علي . تمددت على جربايه درت وجهي بلا صوت اريد انام تعبان فتهمتي اي كلمه زايده رح تشوفين مني غير تصرف زين
_________
سحر . طلعت البنت شكله مو راحه عمرها بثلاثين شوي سمينه وضخمه وتارسه وجها مكياج
كمت بدلت طلعت لبست تشيرت ابيض وبجامه رصاصي من الي بالكنتور محظريهن طلعت
بنت الليل . نعيمآ يحلوه
سحر . امشي وارجف رجلي ثكال باكوه اتحرك من مكاني شكرآ
بنت اليل . اعرف هسه انتي خايفه مني وحقج اتخافي واعرف هسه انتي تتمنين لو تنامين وتنسين كل الي صار وياج
سحر . هزيت راسي اممممم
بنت اليل . طيب ولي ينطيج الحل الي يريحج
سحر . اي عفيه فدوه ساعديني اريد اخلص اريد اروح لهلي هسه ماما واختي يدورون علي
بنت اليل . شوفي هي مال تخلصين من ادين عماد كزيزه هاي انسيها من سابع المستحيلات
سحر . ومنو هذا عماد
بنت اليل . هذا الكواد مالتنه وضحكت
سحر . عفيه شنو هاي اللفاظ
بنت اليل . اوووي عيني الفافظ الي يسمعج يكول جتيتنه من جامع لو كنيسه
سحر . دنكت ونزلت دموعي
بنت اليل . شوفي من الاخير انتي هنا سوء قبلتي لو رفضتي ماكو مفر هسه تردين شي يريحج ونسيج لو اكوم اروح
سحر . اي اريد جسمي ورجليه يوجعني اريد انام
بنت اليل . هاج هاي ابره ضربيه بيدج
سحر . هاي مال شنو
بنت اليل . هاي مال منوم وهمينه مسكن الم
سحر . اكو ابره منوم ومسكن الام تنضرب باليد
بنت اليل . اي كو هاي تختلف جربيها
سحر . خلي اضربها هسه قابل شيصير اموت ياريت امو واخلص اخذتها منا
بنت اليل . تردين اضربج اني
سحر . اباوع النضراتها مو راحه وتخوف لالا اني ضربها كعدت هي مسحوبه بسرنجه حاولت اضرب نجكت ايدي ماسيطرت
بنت اليل . اويلي هاي كل حلوه هيج عنوديه خليني اني اضربج
سحر . لا لا اني
ضربتها دخت بعد ماحس لابالم ولابشي جسمي كوله خدر تمددت بمكاني اشرتله بيدي روحي
بنت اليل . (هه وهاي وكعتي بيدي ) يلا رايحه بالعافيه اشوكت متردين كوليلي
__________
(صباح يوم جديد )
رفيف . من بعد مارجعنه البارحه مانمت ابد على نفس كعدتي على المصلايه احسن احل للكلبه مجروح ومهموم يكعد على المصلايه ويحجي همومه الربه ويبجي براحته فعلا تحس براحه
باوعت على ساعه 7:5 قيقه
نزعت جادر الصلاة وخليته بمصلايه
اخذت تلفوني خ اتصل على كرم
كرم . الو نعم
رفيف . صباح الخير
كرم . اهلا
رفيف . العفو منك استاذ كرم اني رفيف
كرم . منو رفيف
رفيف . اني صديقه اخوك كريم البارحه بليل يمك
كرم . اهاا اهلا وسهلا ارجو المعذره معرفتج لذلك.كلامي كان بحديه اشوي
رفيف . لاعادي استاذ
كرم . وهذا رقمج مو
رفيف . بلي استاذ هذا رقمي و البارحه اخذت رقمك من كريم واعتذر لنو حتى هو مقبل ينطينياا
كرم . مافي مشكله عادي
رفيف . اوك استاذ بشرني اصار على موضوع اختي والله لسه منايمه
كرم . ان شاءالله خير حددنه مكان التلفون وهسه رح انداهم المكان ومنا الساعه ان شاءالله يجيكم خبر عن اختج
رفيف . الله يبشرك بالخير عادي اجي وياكم
كرم . لا مو عادي احنه نعرف شغلنه اذا صار شي اني اتصل
رفيف . طيب استاذ انتظر منك مكالمه
كرم . ماشي عن اذنك
رفيف . اخذراحتك موفق ان شاء الله فصلته ورحت اركض
ماما ماما معقوله لسه نايمه كيت باب غرفه ماما اكعدي وينج ماكو صوت فتحت الباب لكيت ماما وكعه بالكاع وغركانه بالدم صرخت ماااامااااااا
نهوى الرحِيل حِينُ تنتهي كُل حُلول البقَاء .. نحمل على أكتَافنا أوجَاعنا بِرأس مُنخفِض وخطوَات ثقيله.