رواية 30 يوم
الفصل التاسع9
بقلم مارلي أيهاب
في المستشفى كان دكتور يسري والممرضين يقفون يحاولون انعاش قلب روح الذي انخفض قلبها بدرجة كبيرة جدا
ولكن علي اخر لحظة من انعاش قلبها بالجهاز ابتدات تاخذ نفسها بقوة شديدة ونظر الدكتور الي الجهاز وراى ان الضربات القلب بتعلي عن الاول بكتير فضل واقف لغاية ما شاف ضربات قلبها انتظمت اتنفس بصعوبة..... الحمد لك يارب
وقال للممرضين... خلي واحدة قاعدة هنا تتابع الحالة وبلاش حد يدخل هنا خالص
الممرضة... امرك يا دكتور
خرج دكتور يسري و شاف دكتورة مني تمشي في الدور
يسري... دكتورة مني
مني بهدوء.. دكتور يسري في تحسن في حاله روح
يسري بحزن.... مع الاسف يا دكتورة ضربات قلبها وقفت خمس دقايق بحالهم وانا عملت انعاش لقلبها
ومش في ايدي اعمل حاجه تانية انا منعت الزيارة حاليا لغاية ما تتحسن و هتفضل في العناية احسن ليها
مني بحزن... انا مش عارفه هي مالها واية اللي جرالها في يوم وليله بالمنظر ده
يسري بحزن... ربنا يمد ايده دي حد صايبها عين بسبب النجاح الباهر اللي عملته
مني بحزن... فعلا دايما الناجح بيتبهدل في حياته
و يشوف ايام صعبة ربنا يمد ايده و يشفيها
يسري... يارب انا همشي دلوقتي لان عندي مرور
مني....... اتفضل
يسري مشي اما مني دخلت لتطمئن علي روح
مني نظرت لها بحزن ونظرت لجهاز ضربات القلب
ورات ضرباتها منتظمة
خرجت لتشوف المرضي
في البيت عند احمد كان يجلس بحزن شديد كلما تذكر كلام اللواء وان كل ما حدث كان غير مدبر
احمد دخل لغرفة ابنه وقال... اكمل جهز شنطتك طيارتك بكرة انت واختك الساعه سابعة بليل
اكمل باستغراب... اية السرعة الرهيبة دي
احمد بهدوء... لو مش عايز خلاص
اكمل بفرح... لا طبعا حد يقول لسفر لا هجهزها دلوقتي
احمد قبل جبينه وقال... طيب هروح اقول لاختك
احمد خرج وخبط علي باب غرفة فرح
فرح... ادخل
احمد.... حبيبتي
فرح بحب..... اهلا يا يابابا تعالى
احمد بحب... حبيبتي جهزي شنطتك علشان طيارتك انتي واخوكي بكرة الساعه سابعه
فرح بهدوء..طيب يا بابا طب وانت هتعمل اية هتاكل ازاي يا بابا
احمد بحب.... متقلقيش يا حبيبتي هاكل مع صحابي هطلب اكل
فرح.... لو محتاجني خليني جنبك
احمد قبل راسها وقال... لا يا حبيبتي روحي اتبسطي
فرح ابتسمت.... حاضر
احمد... تصبحي علي الخير
فرح ابتسمت... وانت من اهله
احمد خرج من الاوضة وراح علي اوضة وهو يتذكر تفاصيل القضية تاني.
في بيت روح كان يجلس مازن بحزن اما نهي كانت شاردة في عالم تاني
مازن كان بيتكلم في التلفون ومتعصب وبعد ما خلص قعد بعصبية
نهي بهدوء... مالك يا مازن
مازن بحزن.... مش عارف اعمل اية متقفلة من كل ناحية
نهي... قولي بس في اية
مازن بحزن... فاكرة الفلوس اللي استلفتهم علشان العملية بتاعتك
نهي.... مالهم
مازن.... لسه لغاية دلوقتي مسددتش حقهم والراجل بيكلمني وقالي لو مجبتش الفلوس هيرفع وصلات الامانة وهتحبس ودل 50000 الف جنية اجيبهم منين
نهي بحزن.... متقدرش تبيع العربية
مازن بحزن.... عربية اية هي بتاعتنا دي بتاعة الشركة
نهي بتوتر.... انا معايا الفلوس هدهملك
مازن باستغراب.. منين يعني
نهي بتوتر.... انت عارف ان اخويا مسافر كويت وبصراحة بيبعتلي كل شهر مبلغ محترم علشان يتجوز احنا ناخد الخمسين الف ولما ربنا يفرجها نبقي نحطهم تاني وهو قدامه سنتين علي ما يرجع
مازن باستغراب... انتي مقولتليش قبل كدة علي الموضوع ده
نهي بتوتر.... مجتش فرصة يا مازن اقولك فيها
مازن بضيق. مستحيل اخد حاجه مش بتاعتي ومتنسيش انه تعبان و شقيان بالفلوس اجي اخدهم علي الجاهز
نهي بتوتر..... يا حبيبي مش احسن ما تتحبس وتروح في داهية لازم ناخد الفلوس وبعدين احنا مش هنقوله احنا كدة كدة هنحطهم تاني
مازن بضيق... انا مش موافق علي الكلام ده احنا كدة بنسرق فاهمة
وقام وقف بعصبية
نهي قامت وراه وقالت.. يا حبيبي افهم بس انت معاك عيلين لازم تكون وسطهم والفلوس دي سلف واحنا هندفعهم
مازن بتوتر.... بس هنستأذن منه الاول
نهي بتوتر.... لا يا حبيبي ممكن يرفض وساعتها ممكن يبعت حد ياخد الفلوس و ممكن كمان يفكر اننا طمعانين فيه
مازن بوجع وقهر.... مش عارف اعمل اية
نهي بتوتر.... اسمع مني يا مازن انا عايزة مصلحتك دي سلفة
مازن بدموع.... ماشي
نهي.... هدخل اجيب الفلوس وتروح تديهم ليه وتجيب الوصلات
مازن... انتي جايبهم هنا
نهي.... اكيد يا حبيبي
مازن بتردد... بس يا نهي
نهي بدموع.... مفيش بس يا مازن في هاخد الفلوس ادفع اللي عليا
نهي سابته ودخلت الاوضة وطلعت شنطة جلد كلها فلوس وعدت المبلغ المطلوب
وبعد ربع ساعة خرجت وهي ماسكة الفلوس في ايديها
وقالت.. خد يا مازن الفلوس ايهي
مازن خدهم بتردد شديد ولكن هي شجعته بنظرتها له وقربت منه وقبلته علي شفتيه قبل بسيطة وقالت.... روح يلا يا مازن وارجع بالوصلات خليني ارتاح انك هتفضل في حضني علي طول
مازن نظر لها بشكر.... وقال... حاضر
مسكت ايده ووصلته لغاية الباب وقالت... متنساش تطمني يا مازن اول ما تاخد الوصلات
مازن... حاضر يا حبيبتي
خرج مازن من البيت وركب عربية الشركة ومشي
،.،..،.،..،.،.،..،.،،،..،.،، في المستشفى عند روح كان يقف احمد مع الممرضة اللي قاعدة مع روح في الاوضة
الممرضة بخوف... بس يا استاذ انا خايفة حد يشوفك والدكتور مانع الزيارة
احمد طلع 500 قال... امسكي دول خلي بالك من الطريق انا مش هضرك في شغلك كلها نص ساعة وهخرج من هنا مش هي فايقة
الممرضة.... ايوه فايقة
احمد بهدوء.. طيب يلا بقي متضيعيش وقتي اكتر من كدة
الممرضة نظرت للدور ومكنش في حد دخلته الاوضة بسرعة وفضلت واقفة برة ترقب اللي جاي
احمد دخل الاوضة وشاف روح عينيها مفتوحة ولكن شكلها باهتان جدا وكان التعب باين اوي
احمد قرب منها وقال.... مساء الخير
روح نظرت له وكانت قادرة تتكلم عن الاول
روح بخوف وصوت واطي..... مين انت وعايز اية بظبط
احمد بهدوء وبيحاول يطمنها..... اهدي انا العقيد احمد الكيلاني
روح تذكرت كلام الشخص اللي كان وجود وقالها احمد هيحصل خالد
الدموع لمعت في عيون القهوة الجميلة
ولمعته الدموع
احمد بهدوء..... اسمعيني انا واقف معاكي للنهاية واكيد هي اليوم قريب اللي هيتقبض عليه انتي فاهمني
روح بدموع ونظرت بعيد عنه ... انا مش عايزة حاجة ولا عايزة قضية ولا غيرة انا بس مضطربة نفسية مش اكتر
احمد ضحك بسخرية... لحق التهديد اشتغل يا روح وانتي استسلمتي ليهم ليه هتبقي عبد عندهم ليه ساعدني دول اكيد بيأذوا بدل الواحد عشرة اسمعيني يا روح مساعدتك ليا دي اكبر دعم هيبقي ليا انا عايز اعرف انتي دخلتي المستشفى ليه و جالك التهديد ازاي لازم بسرعه قبل ما الدكتور يجي
روح كانت عايزة تقول وتساعده وقالت كل اللي حصل وقالت علي التهديد اللي بيهددوها انها لو بعدتش عن موضوع القضية انه هيموته
احمد نظر ليها بهدوء..
اما روح الدموع جمعت في عيونها و قالت... انا مش عايزة حد يموت بسببي
احمد بهدوء... مفيش حاجة من دي هتحصل
روح بسخرية والدموع في عيونها..... وخالد مش مات بسببي
احمد مكنش عايز يعرفها علشان تساعده في القضية... لا كانت حادثة سير واحنا تأكدنا من ده
روح بدموع؟... بس لا هو قالي اني لو متنزلتش علي القضية دي انت هتحصل خالد
احمد اتاكد انهم فعلا عملوا كل ده
احمد.... بيكدب عليكي بيخوفك تقرير الطب الشرعي اثبت ان الحادثة كانت قضاء وقدر
روح مكنتش مصدقة ولكن سكتت لسه هتتكلم دخلت الممرضة بسرعة وقالت الدكتور جه
احمد دخل الحمام بسرعة واستخبي فيه
الدكتور دخل وقال بحده... انتب كنتي وافقة برة بتعملي اية
الممرضة... وللهي يا دكتور انل زهقت من القاعدة قولت اقف اريح رجلي بره مش بقالي حاجه
الدكتور.. متتحركيش من الاوضة انتي فاهمة
روح... سبيها يا يسري تقف مفيش مشكله
يسري بهدوء.. لا ياروح ده غلط لان لازم تقوم بشغلها و تنفذ اللي يتقال عليه وبعدين انتي غالية عندي ولازم اهتم بيه
روح بخجل.... شكرا
وبعد ما فحصها خرج واحمد كمان خرج وقال... انا هجيلك بكرة انا لازم امشي دلوقتي
وفعلا مشي بسرعة وخرج اما روح اتنهد بوجع