روايه كبريائي الفصل الحادي والعشرون21بقلم هبة احمد
نجمة / عندك حق
فارس / انت فاكر ان روضة جناحها مكسور و هتكون زى اخواتك اللى مليت قلوبهم رعب و خوف و بتتحكم فيهم
فهد / انا لازم أعلمك الادب و اخليكى زى فرده الجزمة
روضة / طز فيك انت ولا حاجة بالنسبة ليه و هارفع عليك قضية خلع هاخلى العيال فى الشارع يقولوا المخلوع اهو
الحاج عتمان / مجنونة وتعمليها
فهد / انا ماشى بدل ما ارتكب جريمة
فارس / يخربيتك الولد مولع نار د مش بعيد ضغطه وصل لفوق اوى
نجمة / تسلمي يا قمر الفهد طالع هيموت من الغيظ
روضة / انا رضيت بالزواج منه علشان دى كانت رغبة أبويه اسفة للجميع انا اللى يقل منى مستحيل اقبل التعايش معاه
نجمة / احنا هنشوف ايام عنب ربنا معاكى ياقمر جدى معتز عاوز يتكلم معاك انت و فارس هو بيقول أنه جاى الليلة
الحاج عتمان / هو عاوز ياخدك و يتمم زواجكم ايه رأيك
نجمة / مش مهم رأيئ الاهم رأى فهد و حضرتك
روضة / ليه أن شاء الله انتى اللى هتتزوجى مش حد تانى
سندس / لا ياقمر فهد لازم يوافق و الا هيسود عشتنا
روضة / انتم اللى خلتوه اتفرعن عليكم بنات غم
الحاج عتمان / يوم الخميس انت و فارس و معتز و البنات تخرجوا تسهروا فى مكان هادئ وبعدها كل واحد مع مرأته على شقته بعد اذنك يابنتى و بص على هدى
هدى / انا كل اللى يهمنى سعادة ولادى انا موافقة و بالنسبة لروضة حفيدك أسلوبه مش مرياحنى ياريت تشوف حل معاه د من اول يوم كتب الكتاب و هو كل همه يتحكم و يضغط عليها نسى أن ابوها ميت وهى مكسوره
روضة / انا اقدر اخد حقى و اخليه يكلم نفسه بس محترمه وجود جدى وانتى واخوية
رسمية / غيرى شكلك و ابتسمى فى وشه هتلاقيه زى الخاتم فى صباعك
روضة / شكلى ثابت على كده و بعدين ابتسم فى وش مين د عامل زى ولا بلاش
قمر / بقولك تعالى معانا نجيب شوية حاجات طلما هندخل يوم الخميس بعد اذنك يا جدو
روضة / لا مليش نفس أخرج
فريد / بصى يا قلبي عاوزك تصلى ركعتين استخارة و ربنا هو اللى هيدلك على الثواب و انا تحت امرك في اى شيئ
روضة / نفسى ارجع شقتنا تانى اتحما وراء جدرانها
هدى / وصية ابوكم نفضل هنا و الشقة كل فترة نروح نقضى فيها يومين و نرجع
روضة / تمام طب انا من حقى اشتغل
الحاج عتمان / اشتغلى فى المصنع بس مفيش تخصصك
روضة / مش عوزة اكون فى مكان مع الاخ الكشر الا و الله لو اتخطى حدوده معايا ساعتها ما هيهمنى أن فى ناس ممكن تتفرج علينا ولا غيره
فريد/ ماانتى بتشتغلى على النت يعنى مش محتاجه فلوس ثم إن كل طلباتك مجابه
روضة / عوزة احس اني عايشه و ليه هدف في الحياة
قمر / بالله عليكى تعالى معانا البسى بئة
سندس / اخلصى ابت
الحاج عتمان / فريد انت و فارس معاهم
نجمة / الا المفروض ارن اقول لمعتز و لا مش مهم
فارس / لازم يعرف د بقى زوجك
سندس / انا جاهزة
هدير / ده اول مرتب ليه عوزين نجيب لماما هدية
نسمة / أصيلة يا قمر و خدى منى 200 جنية ونجيب حاجة قيمة
صابر / انا ماشى ياماما بلاش تفتحى المحل النهارده انا حجزت ليكى عند الدكتور و ميعاد الكشف 9 بالليل
عبلة / مش هاكشف انا بخير انا نازلة معاك افتحلى و روح شغلك وأخواتك بما انهم إجازة هيفوتوا عليه
نسمة / انا عندى معمل الساعة 3 العصر و القمر دى هتعمل الاكل
هدير / هنجيب سمك مشوي و فى رز فى التلاجة ناقص السلطة و بس
نسمة / تدفعى تمن السمك
هدير / حاضر ياقمر
عبلة / فى فرخة متبلة عوزة تنشوى و جنبها مكرونة و خلصت
هدير / لا انا قررت ناكل سمك مشوي و ده اجبارى
نسمة / عوزة حاجة ياست الكل
عبلة / سلامتكم اخلصوا بسرعة
هدير / ما بلاش تفتحى المحل احنا الحمد لله كلنا بنشتغل وكمان انتى بتقبضى معاش جدى و مستورة و الحمد لله
عبلة / انا لو فضلت فى البيت هاعجز يابنتى الشقى حلو اهو بنعافر مع الدنيا الحمد لله
صابر / تمام يلا يا ست الكل
هدير / ما تخدنا معاك يا اسطى ارمينا على اول الطريق ربنا يستر ولادك
صابر / ماشى يا زنانة نفتح المحل لامى الاول
هدير / هات المفتاح و روح انت وانا بعون الله هاجبلك خبرها
صابر / لا يمكن انا مش مستغنى عن شقى عمرى دى لسه عليها سنتين اقساط
هدير / تمام بقولك انا شوفت المدعوا ابوك كان ماشى فى الشارع شكله مهموم جامد تصدق صعب عليه
نسمة / مايصعبش عليكى غالى انا نفسي اشوفه مزلول مقهور هو احنا شوفنا شوية منه هو و جليلة
نسمة / يكفى أن هو خلف لينا الاخ فارس
عبلة / فارس ده ابن حلال انا بعتبره ابنى ربنا يحفظه
صابر / اتفضلى ياماما هامشى انا هتروحوا فين يابنات
هدير / سنتر غدير
نسمة / لا د أسعاره غالية اوى
هدير / الغالى للغالى ياقمر بنت يا عبلة بلاش تعاكسى الزباين
عبلة / جاتك الهنا اللى ما عاكست وانا في عز شبابى هاعاكس و انا مش قادرة اقف
هدير / علشان تعيدى شبابك ياقمر
نسمة / مسكت ايد اختها و ركبت عربية اخوها
فارس / المكان ده منزل عروض كويسة أية رأيكم تدخلوا تتفرجوا
روضة / الصراحة عنده حاجات كتير حلوة
فارس / هنقعد على الكافى شوب اللى على الناصية خدو الفيزا كارد بتاعتى الباسورد 4568
فريد / د واجب علينا
روضة / اخلصوا هات يا فريد الفيزا كارد و امشوا
صابر / انزلوا هنا و امشوا لآخر الشارع
هدير / تشكر يااسطى هتوحشنى سلم على البسكويته بتاعتك
صابر / يخربيت الفاظك انتى متأكده انك هتكون دكتورة
هدير / أيوة نفسى اكون دكتورة اطفال
صابر / ربنا كريم هيحققلك حلمك
نسمة / جرت و اترمت فى حضنه وحش .......