رواية بسمتي الفصل الثالث عشر13بقلم حليمة عدادي

الفصل 13 

أعشقك إلى حد الجنون ولن أشفى من جنوني فرغم عذاب الشوق إلا إن شوقي أجمل وإن فارقني هواك اذبل انت في كل نبضات قلبي اذرف الدموع خوفاً من فقدانك فالقلب لا يتحمل من دون نبضاته 

********************

في الصباح كانوا قاعدين على الفطار 

هناء : علي فين مراتك مطلعتش النهاردة من أوضتها هي كويسه ..

علي : قالت هتنظف الأوضة وهتيجي مش عارف إتأخرت ليه ..

هناء : مش عاجبني حالها اليومين دول دائما داخيه ومش بتاكل حاجة ..

 

نور : إنتوا عارفين إيه اللي شاغلها راعوا حالتها ..

علي بقلق : رؤيا روحي نادي عليها إتأخرت أوي ..

 

رؤيا : حاضر ..

رؤيا طلعت لأوضة علي خبطت على الباب مالقتش رد فتحت الباب ودخلت علشان تدور عليها  صرخت لما شافت بسمة واقعه على الأرض مغمى عليها خرجت تنادي عليهم 

علي بخوف :  رؤيا في إيه إتكلمي ..

رؤيا : ماما الحقي بسمة مغمى عليها 

لسه ماكملتش كلامها كلهم طلعوا يجروا وعلي حرك الكرسي ولحقهم أول مرة يحس بالعجز الحقيقي

 دخلوا الأوضة البنات شالوها الفتيات حطوها على السرير 

هناء : هاتوا مايه ..

 

فضلوا يحاولوا يفوقوها لكن مافقدتش علي حس كأن روحه بتتسحب منه 

مراد زعق : بيجاد إتصل بالدكتوره بسرعة ..

علي كان قاعد جنب السرير وهو ماسك دموعه من إنهم ينزلوا بص لوشها اللي كان باين عليه الزعل والتعب 

 علي : أنا السبب أنا اللي خليتك تعاني محسستكيش بالسعادة ولو يوم واحد عملتي كل حاجة علشاني وأنا ماعملتلكيش أي حاجة ..

 

هناء : ماتخافش يابني هتبقى كويسه ياحبيبي دا لأنها ماأكلتش حاجة ..

جت الدكتورة 

علي : دكتورة شوفي مالها بسرعة أرجوكي طمنينا عليها ..

 

الدكتوره : ممكن تطلعوا برا علشان أقدر أكشف عليها ..

خرجت الدكتوره بعدما كشفت عليها

علي بلهفه : طمنيني يادكتورة هي فيها إيه .. 

الدكتوره : اهدى هي كويسه بس الظاهر إنها مابتاكلش كويس ودا مش كويس علشانها هما دلوقتي بقوا إثنين لازم تهتموا بأكلها وكمان الراحة التامة لو ما اهتمتش بأكلها هتفقد الجنين ..

كلهم بصولها بعدم تصديق 

مراد : جنين إيه مين الشخص التاني إنتي قلتي إتنين ..

 

الدكتوره بإبتسامة : ألف مبروك المدام حامل لازمها راحه لأنها لسه في أول الحمل ..

هناء بسعادة : الله يبارك فيكي يادكتوره ..

بيجاد : متشكر يادكتورة 

الدكتوره خرجت وهما لسه مش مصدقين اللي اتقال 

علي بدموع : هو حلمي هيتحقق هيبقى عندي ولد أنا مش مصدق إني هبقى أب ..

مراد بفرحة: ألف مبروك ياحبيبي إيه الأخبار الحلوة دي ..

هناء : هيبقى عندي حفيد ثاني أنا مش مصدقه ..

باركوا لعلي كانوا مبسوطين وهما شايفين الفرحة في عينين علي 

مراد : علي أدخل لمراتك بلغها بالخبر الحلو دا وخليها تاكل علشان صحتها هي والبيبي ..

 

نزلوا كلهم وعلي دخل الأوضة قرب الكرسي جنب السرير مسك إيدها في اللحظة دي بسمة فتحت عينيها علي باس إيدها 

علي : حبيبتي إنتي كويسه حاسه بحاجه ..

 

بسمة بتعب : أنا كويسه ياحبيبي ماتقلقش هو إيه اللي حصل ..

 

علي : إنتي عارفه إن دا هو أسعد يوم في حياتي ..

بسمة : أنا بتمنى إني أشوفك مبسوط دائما هو إيه اللي حصل أنا مش فاكره حاجة كل اللي فاكراه إني كنت بالأوضة هنا ..

علي : رؤيا طلعت علشان تنده عليكي لقتك واقعة على الأرض مغمى عليكي طلبنالك الدكتورة شكل إن في حد كان عايز يقولنا انه موجود ..

بسمة باستغراب : قصدك ايه ياعلي مين دا ..

علي بفرحه : إنتي حامل ياحبيبتي هبقى عندك بيبي شبهك .. 

بسمة بصتله شافت أد إيه هو مبسوط حطت إيدها على بطنها 

بسمة بدموع : إنت بتتكلم بجد هيبقى عندنا بيبي 

كانت حاسه بسعادة محستش بيها قبل كدا حضنته بفرحة 

بسمة : علي إنت لازم تخف بسرعة علشان تكون جنب إبنك هنشتريله حاجات كثير ونجهزله أوضته ..

علي : اهدي ياقلبي  لسه في وقت على الكلام دا لازم تاكلي دلوقتي علشان ماتتعبيش ..

 

بسمة : هاكل لكن بشرط ..

علي : طلباتك أوامر ياحبيبتي ..

بسمة : إنت اللي تأكلنا أنا وإبنك عايزين ناكل كثير ..

علي اتبسط من كلمة إبنك 

علي قعد يأكلها بكل حب بيحس إن هي مصدر قوته وإنه مايسواش حاجة من غيرها 

بسمة : أنا عايزه أكلم جوري وأقولها هو فين تلفوني إحنا بنقول كل حاجة لبعض ..

علي : تمام ياحبيبتي قوليلها .. 

بسمة رنت على جوري وقعدت مستنيه الرد بفراغ الصبر

جوري : بسمة حبيبتي إزيك شكلك إمبارح مكنش عاجبني ..

بسمة بفرحة : أنا كويسه لو تعرفي سبب حالتي إمبارح ..

جوري : في إيه يابسمة قلقتيني ..

بسمة : قريب هتبقي خالة ياجوري أنا حامل ..

جوري صرخت وفضلت تتنطط من فرحتها 

جوري : ألف مبروك ياحبيبتي دقائق وهتلاقيني عندك ..

بسمة : يابت اعقلي شوية تيجي فين إنتي لسه عروسه فرحك كان إمبارح ..

 

جوري : فين المشكله أنا جايه يابسمة ..

************

قفلت السكه لفت لقت كريم واقف وراها

كريم : بتصرخي ليه حصل إيه ..

 

جوري : يلا ياكريم مافيش وقت روح ألبس بسرعة هنروح لبسمة ..

كريم : هنروح نعمل إيه هناك خلينا نروح وقت ثاني ..

جوري : عايزه أروح علشان أبارك لبسمة ودلوقتي ..

 

كريم : ليه حصل إيه تباركيلها على إيه ..

 

جوري : بسمة حامل ياكريم لسه عارفين النهاردة كلهم مبسوطين ..

 

كريم بسعادة : دي أكتر حاجه علي كان بيتمناها يلابينا نروحلهم ..

************************

في قصر مراد سليمان

كلهم كانوا قاعدين في جو من الفرح والبهجة 

سليم : ماما هيبقى عندي أخ صغير ألعب معاه واشتريله ألعاب صح ..

نور : أيوه ياقلب ماما إنت هتبقى أخوه الكبير هتخلي بالك عليه ..

دخل كريم هو وجوري كريم خذ علي بالحضن

كريم : ألف مبروك ياخويا يارب يكون سبب في سعادتكم ..

 

علي : الله يبارك فيك ياحبيبي وعقبالك يارب لما نشوف ولادك ..

جوري : هنخرج إمتا علشان نشتري حاجته ..

جميلة : لسه بدري يابنتي ..

جوري : أنا متحمسه علشان نروح نشتريله كل حاجه ..

قعدوا يتكلموا لحد ما رن تلفون مراد طلعوا وبصله  بخوف

بيجاد : في إيه يابابا ..

مراد : الدكتور اللي بيدور على متبرع بيتصل عليا مش عارف إن كان هيقول خبر حلو ولا وحش مابقاش في وقت طويل علي لازم يعمل العملية ..

بيجاد : طيب رد يابابا الدكتور كلمك مرتين وإنت ماردتش عليه مهما كان الوضع لازم نتفاءل رد عليه

مراد فتح الخط وهو من جواه بيتمنى إنه يسمع خبر حلو

مراد : أهلا يادكتور جلال طمني لقيت متبرع

مراد : إنت بتتكلم بجد الحمدلله ..

 

بيجاد : في إيه يابابا ..

  

مراد : العملية بكرة إن شاءالله ..

بيجاد بفرحة : الحمدلله أخيراً علي هيبقى كويس ..

هناء بدموع : الحمد والشكر ليك يارب ..

مراد : يلابينا مافيش وقت نضيعه ..

كريم : إن شاءالله هيطلع منها بالسلامه ..

بيجاد : مين اللي هيجي معانا يابابا ..

  

مراد : هناء وكريم وإنت يابني ..

بسمة : أنا كمان عايزه أروح معاكم يابابا ..

مراد : لا يابنتي إنتي لسه تعبانه مش هتقدري تسافري ..

 

علي : ممكن تقعدوا في حاجة مهمه عايز أتكلم معاكم فيها قبل ما أعمل العملية ..

هناء : مافيش حاجة أهم من صحتك يابني لازم نسافر بسرعة مافيش وقت ..

علي : الموضوع يخص املاكي أنا  مش عارف إذا كنت هرجع ولالا ..

 

بسمة بدموع : بعد الشر عليك إنت  هترجع  ..

دخلت لارا وبنتها سمعوا كلامه

مراد : كنتوا مختفيين فين بقالكم فترة ..

لارا : كان عندنا شغل سمعت علي بيتكلم عن أملاكه إيه يامراد إنت وزعت املاكك على ولادك ..

مراد : للأسف من وقت طويل ها ياعلي كنت عايز تقول إيه ..

علي : لو العملية مانجحتش وأنا مرجعتش أنا كتبت كل املاكي بإسم مراتي محدش يظلمها ولا ياخذ حقها ..

بسمة ببكاء : أنا مش عايزه فلوس ولا أملاك أنا عايزاك إنت وبس أرجعلي بالسلامة إنت أحسن حاجة أمتكلها ..

فايدتها إيه الأملاك لو إنت مكنتش معايا ..

  

علي مسك وشها بين إيديه : لو عايزاني أرجعلك بلاش دموعك دي أنا قلتلك إيه قبل كدا ، خلي بالك من نفسك ومن إبننا 

مش عايزك تعيطي عايزك تدعيلي من جوا قلبك إنتي مصدر قوتي لو إنتي ضعفتي بالشكل دا أنا بقى هيحصلي إيه ..

بسمة مسحت دموعها وقلبها بيترعش من الخوف 

بسمة : حاضر أنا هكون قوية علشانك إنت وإبننا هستناك لحد ماترجعلي بالسلامة ..

علي : هي دي بسمتي القوية مش عايز دموع ..

ودعوا العيلة خرجوا ركبوا العربية واتحركوا علي لف بيبص وراه نظرة أخيرة 

علي : أنا مش عارف إن كنت هرجع ولالا أنا حاسس بالقهر أنا عارف إنها قاعدة بتعيط دلوقتي وبتتألم قعدت طول الليل تصلي وتدعيلي ..

 برغم وجود عيلتي حواليا لكن كنت حاسس إني وحيد ولما اتجوزتها كانت نعمه السند لو مرجعتش بسمة أمانة عندك ياكريم 

كريم : بعد الشر عنك مالك ياصاحبي إن شاءالله هترجع ..

*********************

بسمة كانت قاعدة الدموع نازلة من عينيها 

جميلة : بس يابنتي العياط مش هينفعه بحاجة اهدي علشان إبنك ..

رؤيا : بسمة إطلعي إرتاحي شوية بإذن الله هيخف ويرجعلنا بالسلامة ..

 

بسمة : بتطلبوا مني أرتاح أرتاح إزاي وهو مش موجود مافيش راحة إلا وهو موجود مافيش أمان إلا معاه أنا مش هقدر استحمل .. 

فجأة مال رأسها على كتفها 

نور : بسمة بسمة ردي عليا بسمة فيكي إيه دي مش بترد ..

 

اتجمعوا حواليها لاقوها مغمى عليها دخلوها أوضتها 

جميلة : ماأكلتش حاجة علشان كده تعبت ..

نور : أنا هروح أعملها كوباية عصير وأي حاجه تاكلها .. 

**************************

عند علي

وصلوا المستشفى استقبلهم دكتور جلال 

مراد : دكتور جلال هتعمل العملية دلوقتي ..

جلال : غرفة العمليات جاهزه يلا مافيش وقت ..

علي بص على عيلته وراح مع دكتور جلال دخلوه أوضة العمليات 

هناء قعدت وانهارت حاولت إنها تكون قوية لكن مقدرتش

 بيجاد قعد جنبها حاول يهديها وهو بيحترق من الخوف على أخوه 

************************

البنات دخلوا يطمنوا عليها لاقوها حاضنة صورته ودموعها مغطيه وشها

جوري حضنتها بتحاول تخفف عنها لو شوية 

جوري : اهدي ياحبيبتي خذي نفس علي هيرجعلك يلا كلي شوية   علشان لما علي يرجع يلاقيك كويسه ..

 

بسمة : مش عايزه أكل من غير علي لما يرجع هناكل سوى ..

جميلة : بسمة ياحبيبتي لازم تأكلي علشان إنتي وإبنك ميحصلكوش حاجة لازم لما علي يرجع يلاقيكي قوية ..

بعد محاولات كثيرة بسمة أكلت شوية 

رؤيا : كدا كويس ها قوليلي إيه هتسمي إبنك او بنتك ..

بسمة : لو جه ولد هسميه أركان ولو بنت علي عايز يسميها أبرار ..

قعدوا يتكلموا معاها علشان تنسى شوية ..

************************

كريم : عدت ثلاثة ساعات ومافيش خبر ولا حد طلع يطمنا ..

 

هناء : مراد علشان خاطري أعمل حاجة إتأخروا أوي أنا قلقانه ..

مراد : دي عمليه قلب يعني مش سهلة ..

 

قعدوا مستنيين لحد ماعدت  خمس ساعات القلق والتوتر  سيطروا عليهم والخوف ملى قلوبهم 

أخيراً الدكاترة خرجوا من أوضة العمليات

مراد : طمني يادكتور إبني عامل إيه ..