رواية 30 يوم
الفصل السابع7
بقلم مارلي أيهاب
في المستشفى كان يذهب مازن في الارجاء ويعود حيث غرفة اخته الكبيرة التي تموت رعباً و قهراً و لا تعلم لما يحدث هذا معاها نهي كانت تقف بجانبه
نهي قربت بحزن.... اهدي يا مازن
مازن بدموع ورعشة... اهدي طيب ازاي وانا شايف اختي بتموت قصاد عيني ومش قادر اعمل حاجه فاهمة يعني اية اختي بتموت وانا مش قادر اعمل حاجه انا بموت بموت
نهي بحزن.... هتقوم بالسلامة صدقني الموضوع موضوع وقت مش اكتر من كدة ارجوك اهدي شوية
لسه مازن هيرد شاف الدكتورة مني خرجت
مازن برعب.... ها في اية
مني بحزن.... بصراحه يا مازن الموضوع بقي صعب جدا هي جالها انهيار بسبب الرعب والخوف ومع الاسف الانهيار ده سبب صرع وتشنجات في الجسم
علشان كدة هي هتفضل في المستشفي لغاية ما تقوم بالسلامة ونلقي حالتها في تحسن هتقدر تخرج. من. هنا
مازن بدموع.... هتطول
مني بحزن... مع الاسف يا مازن شكلها هتطول وممكن لا قدر الله لو متحسنتش لازم ندخلها مصحة للامراض العقلية
مازن بصدمة.... انتي مجنونه ولا اية بقي دكتوره كانت بتدخل المصحة علشان تعالج الناس تقوم تدخلها علشان تتعالج انتي مجنونه
نهي بهدوء... مازن عيب كدة اهدي شوية
مني بحزن.... روح صحبتي واختي زي ما هي اختك بظبط ويهمني مصلحتها يا مازن بس المرض مش عيب ولا حرام هي يمكن بتمر بضغوطات نفسيه مش اكتر علشان كدة لازم نحط كل الاحتمالات قدامنا لان الموضوع مع الاسف بيخرج بره ايدينا وانا ودكتور يسري بنحاول علي قد ما نقدر اننا نحاول نشوف في اية بظبط و نعالجه احنا امالنا في ربنا كبير جدا وان شاء الله هنسمع اخبار حلوة
مازن بحزن و دموع.... اسف يا مني انا تعبان وانا شايف اختي في الوضع والحالة دي
مني.... انا مقدرة موقفك روح انت ومراتك يا مازن كدة كدة هي نايمة ومش هتقدروا تشافوها
مازن بدموع.... اسف انا مش هقدر امشي غير لما اطمن عليها
مني بحزن... حرام علشان العيال علي الاقل
نهي بحزن ... انا سايبهم عند ماما مفيش قلق عليهم متقلقيش
مني بحزن..... خلاص براحتكم انا حبيت بس اخليكم ترتاحوا اتفضلوا في مكتبي لو تحبوا
مازن بحزن.... تسلمي يا مني انا هنفضل هنا مش هنتحرك
مني بحزن... تمام يا مازن لو احتاجتوا اي شئ ياريت تيجوا تقولولي فورا
نهي بهدوء.... شكرا يا مني ربنا يخليكي
مني بحزن.... علي اية يا بنتي احنا اخوات بعد اذنكم
نهي. . اتفضلي
مشيت نهي من قدامهم ونهي طبطبت علي كتف زوجها اللي شكله تعبان
نهي بحزن... انت لازم تروح ترتاح علشان شغلك يا مازن
مازن بدموع... منين هتيجي الراحة وانا اختي في الحالة دي قوليلي بس
وجلس بحزن وهي بجانبه ولم تقدر علي الحكي ابدا
،..،.،.،.،.،..،.،.،.،.،..،.،..،.،..،..،..،.،.،.،.،.،.،
في منزل روح نزل احمد من عربيته بهدوء وقال للبواب... بيت مدام روح في اي دور
البواب.... مع الاسف يا استاذ مدام روح اتنقلت للمستشفي امبارح بليل جات الاسعاف واخدتها
احمد بهدوء.... متعرفش ليه
البواب.... ربنا يبعد عني وعنك يا بيه شكلها عقلها فوت ومبقاش في عقل
احمد بهدوء.. تعرف المستشفى اللي اتنقلت عليها دي فين
البواب..... لا ياباشا معرفش
احمد بهدوء.... تمام
وركب سيارته مرة اخرة ومشي وقال... اكيد راحت المستشفى اللي كانت فيها قبل كدة خالد كان قال اسمها اية يا ربي اه افتكرت العدل تمام.
واخد سيارته وبسرعة البرق وصل للمستشفي ودخل وسأل في الاستقبال
احمد بهدوء.... لو سمحتي في واحده هنا دكتورة اسمها روح
الاستقبال.... الدكتوره روح حاليا مش بتمارس وظفيتها
احمد بهدوء.... انا عايزها هي شخصية عارف انها تعبانة ومريضة في المستشفى دي وانا عايز اتكلم معاها ضروري
الاستقبال... تمام يا فندم هي في غرفة 602 في الدور السابع
احمد عرف المكان ومردش حتي علي الاستقبال وطلع بسرعة وشاف الشاب اللي جاب ملف الرواية لخالد يجلس بحزن
احمد بهدوء.... السلام عليكم
مازن بحزن.. عليكم السلام مش حضرتك اللي كنت مع استاذ خالد
احمد بحزن... الله يرحمه
مازن بصدمه... هو الموضوع بجد ولا اية
احمد جلس بجانبه وقال بصوت منخفض.... انا العقيد احمد الكيلاني وعندي خبر بكل القصة من الاول لغاية موت خالد اللي هو طبعا عن عمد واللي مرتبط باقضية اخت حضرتك
مازن بعد فهم... حضرتك تقصد اية انه عمد واية علاقة موضوع اختي بقتله
احمد بهدوء... مش هينفع نتكلم هنا اتمني نتكلم في مكان تاني
مازن بسرعة.... تمام اتفضل معايا يلا يا نهي
نهي قامت بقلق وخرجوا التلاته من المستشفى
و وقف احمد قدام عربيته وقال اتفضلوا
مازن بهدوء.... اية رايك اجي وراك بالعربية بتاعتي و نتقابل في كافية
أحمد بهدوء.... اللي يريحك في كافية قريب من هنا نقعد ونتكلم بهدوء
مازن... تمام اتفضل
احمد ركب سيارته و مازن و نهي كمان في عربيتهم
و طلعوا الاثنين و اتقبلوا في الكافية
احمد وقف قدام عربيته لغاية ما وصلوا ودخلوا التلاته وقعدوا
احمد بهدوء... تحبوا تشربوا حاجه
مازن بقلق... مفيش داعي لو سمحت انا عايز اعرف كل حاجه
احمد بحزن... من اول يوم اختك راحت تعمل محضر وبعد ما رح يشوف الشقة والمستشفي معاها كل ده قاله بالتفصيل غير الرواية اللي اختك كتابتها قالي عليها و امبارح اتفاجئت ان خالد جاي الساعة الساعة كانت حاولي 12 بليل انا اتفاجئت جدا و سألته لو حصل حاجة لقيته طلع التليفون وان حد باعت رساله تهديد صريحة بيقوله فيها انه لو مبعدش عن روح و كمان عن القضية دي ساعتها هيخسر حياته وده اللي حصل الصبح جه ليا الصبح في المكتب و اتكلمنا شوية وقالي انه هيجي يقابل اختك و يدوب خرج من المكتب وصل لنص الطريق بالظبط لقيته بيتصل بيا وبيقولي ان فرامل العربية مش شغله وحاولت اهدية ولكن لقيته صرخ والخط اتقطع وبعد ما طلعت ناس في المرور تدور عليه لقوه عربية محمله اسياخ خبطته ومشيت و في سيخ دخل في بطنه وموته في الحال وفي العربية اتبعتله رساله وهو خد اسكرين وبعته ليا وان واحد كتبله دي نهايتك يا خالد
وده كان بسبب القضية بتاعة اختك وانا حق صحبي هجيبه منهم ومش هسيبهم يفلتوا ابدا وانا كلمت اللواء وعرفته الموضوع كله وهو متعاون جدا معانا وعايز يعرف مين اللي بيعمل كدة
مازن بحزن.... يعني كلام روح حقيقي مش معقول طيب ليه بيعمل كدة هي اذيته في اية ومين ده اصلا
احمد بجدية.... كل ده هنعرفه كويس اوي متقلقش بس ياريت متتكلمش و متقلوش اللي حصل ده لاي حد ابدا
مازن بحزن.... متقلقش يا فندم مش هنتكلم
احمد.... كدة تمام بعد اذنكم
مازن.... اتفضل
خرج احمد من الكافية
مازن بدموع. ليه بيحصل معانا كدة انا مش فاهم
نهي بهدوء... ممكن تهدي شوية لو سمحت يامازن وان شاء الله كله هيتحل و هيكون كويس
مازن بدموع..... يارب يا نهي يارب
نهي نظرت الي الامام بشرود