رواية ظلام القلوب
الفصل الاخير
بقلم مورو مصطفي
دخلت لمار الي غرفتهم ومنها للحمام وفتحت المياه لتقف اسفلها وتنهار في البكاء وبعد قليل استمعت شاهندة لصوت بكاءها فـ نادت آدم ليدخل جري ويفتح باب الحمام ليجدها تجلس في البانيو أسفل المياه بملابسها وتبكي فيدخل لها ويوفقها محتضناً اياها والمياه تهبط عليهم وهو يهمس لها
- عيطي ياقلبي عيطي وطلعي كل حاجة جواكي علشان ح نخرج من هنا وننزل تحت بكل قوة سامعة ياقلب ديمو لتنظر له
- ليه ها ليه بتعمل فيا كده ليه ما انا بنت اخوها زي زي رباب حد يفهمني ليه كان آدم يحتضنها بقوة وهو يهزها بين يديه بهدوء حتى تهدء ويصيح على شاهندة بالخارج
- شاهندة اعملي كوباية لبن سخنة بالعسل للمار
- حاضر حبيبي حالاَ
ظل آدم معها حتى هدء بكاءها وقام بنزع ملابسها كلها وجعلها ترتدي البرنس الخاص بها ووضع منشفة على شعرها ثم نزع ملابسه هو أيضا فقد دخل البانيو بكامل ملابسه حتى الشوز وبعدها ارتدي البرنس الخاص به وحملها الي الخارج ووضعها بالفراش ودثرها جيدا بالغطاء وظل يمسد جسدها حتى تدفئ وجاءت شاهندة ومعها الحليب واخذه منها وبدء يسقيها بيده حتى انتهى واحتضنها قليلاً وشاهندة تقف بجوارهم وهي تبكي فنظر لها آدم لتهمس
- هي ليه كده يا آدم ليه مش زي طنط لمياء لينظر لها آدم وهو يبتسم بسخرية
- لسه عايشة الدور فاكرة نفسها الآمر الناهي بس خلاص النهاردة النهاية انا استحملت كتير قوي وابوكي كمان يا شاهندة استحمل كتير النهاردة ح تسمعي كتير مش عايزك تتصدمي لتبتسم شاهندة بألم
- ماعتقدش في حاجة ممكن تصدمني بعد اللي سمعته يا آدم قال وانا اللي كنت جاية فرحانة وعايزة اقولكم خبر حلو لتنظر لها لمار وتبتسم
- انتي حامل يا شاهي صح
لتحمر شاهندة خجلاً وهي تحرك رأسها بإيجاب ليسحبها اخوها محتضناً اياها هو ولمار ويهمسون لها بالمباركات ليقف آدم ويضحك ويشير لزوجته ان تنهض
- يالا ياقلبي قومي البسي النهاردة يوم تاريخي في حياة العيلة دي
نهض الاثنان وارتدوا ملابسهم ووضعت لمار بعض المساحيق على وجهها حتى تداري انتفاخ عينها وامسك أدم يدها بقوة ونظر لها
- جاهزة لتبتسم
- جاهزة
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
هبط الثلاثة معاً ليجدوا شهيرة تجلس وبجوارها شادي وسناء ورباب وكذلك أحمد ولمياء وقبل ان يصلوا لهم كان يدخل من الباب محمد ومعه امرأه في غاية الجمال والرقة وفي يده طفل يشبهه بشكل كبير يبلغ من العمر عشر سنوات وطفلة تشبه والدتها كثيرا في عمر السابعة تمسك في يد الناني الخاصة بها وفور ان شاهد الطفلان آدم أمامهم جروا عليه وهم يصرخون آبيه آدم ليميل آدم يحتضنهم ويقبلهم بقوة فيهمسون له بصوت منخفض
- هي دي موري ليبتسم ويحرك رأسه بالإيجاب ثم يهمس لهم
- دلوقتي ح تطلعوا مع الناني فوق وبعد شوية ح اندهكم متفقين ليهمسوا له
- متفقين
ليعتدل آدم وينادي على عاملة في المنزل تدعي ازهار لتأخذ الطفلان والناني الي الأعلى إلى جناحه ويتحرك الأربعة معاً لتقف شهيرة بغرورها
- ممكن افهم مين دول اللي داخلين كده كأنهم في بيتهم لينظر لها محمد وهو يرفع يده ليحتضن تلك المرأه التي بجواره
- ماهو بيتهم فعلا يا شهيرة هانم لتصرخ بصوت عالي
- يعني ايه بيتهم فهمني يا محمد ايه الكلام الفاضي ده انت اتجننت ليقترب محمد منها وبعزم ما به يصفعها على وجهها ويمسك يدها بقوة
- لما تتكلمي تتكلمي بأدبك والا ورب الكعبة مايطلع عليكي نهار الا وانتي راقده على ضهرك في اي مستشفى فاهمة ليقترب أحمد منه
- محمد اهدي و اقعد ماينفعش كده اقعدي يامريم
ليقترب آدم من والده ويضع يده على كتفه
- اهدي يابابا ويقترب مقبلاً تلك المرأة من رأسها ازيك يا مريم وقرب لمار منها وهمس لها بصوت منخفض موري دي مريم مرات بابا لتنظر لها لمار بذهول وابتسامتها على وجهها
- كنت واثقة والله يوم ماشفت حضرتك في الشركة لتهمس نورتي
جلس محمد وسحب مريم لتجلس بجواره ونظر الي شهيرة التي تقف وهي تضع يدها على وجهها وتنظر له بذهول ليتحدث محمد بصوت عالي
- اقعدوا ياريت لتنظر له شهيرة بغضب وهي تجز على اسنانها
- ممكن افهم في ايه ومين الست دي وازاي مقعدها جانبك بالشكل ده
لينظر لها محمد ويضع قدمه على الأخرى و يبتسم بسخرية
- الهانم دي مريم بدران
- يعني ايه مش فاهمة.. اختك انت مالكش اخوات ليضحك محمد بقوة ويرفع يد مريم يقبلها
- لا مش اختي يا شهيرة دي حرم محمد بدران مراتي يعني واللي طلعوا دول ولادي أدهم و شيراز لتقف شهيرة وهي تدور حول نفسها وتصرخ به
- مراتك مراتك ازاي انت تعمل فيا انا كده يا محمد لا وببجاحتك جايبها السرايا بتاعتي ليقف محمد أمامها بهدوء
- غلطانة يا هانم شكلك نسيتي وخادتك العنطظة الكدابة بتاعتك واللي انا سايبك فيها بمزاجي دي سرايا بدران ولا نسيتي تحبي افكرك لما ابوكي فلس، بسبب طيشك وطيش البيه اخوكي واتعرضت السرايا للبيع واشترتها انا بس غلط لما سيبتك انتي والبيه اللي ممشياه وراكي زي ولا بلاش عايشين دور الوهم و بتتصرفوا كأنها فلوس ابوكم واقول في بالي مش مهم سيبهم عادي اهي ام أولادك واخوها وفي الاخر السرايا لأولادك لكن مافيش فايدة فيكي جبروتك يعلي ويعلي طالعه تهددي مرات ابنك بكل جبروت تطلب الطلاق والا تحبسي اخوها وتلبسيه مصيبة فاكرة ان رامي زي الدلاديل اللي ماشيين وراكي لا وكملت انك بتكلمي محمود كمان علشان يعمل صور ليه مع بنت اخوكي يفضحها بيها يخربيت افتراكي ياشيخة ماكفاكيش وجع قلب ابنك وانتي بتفهميه ان حب عمره بتحب واحد تاني بلاش ماخفتيش عليه لما عمل الحادثة
ايه فاكرة ان مافيش حاجة تهدك ياستار يارب انا عيشت معاكي مستحمل قرفك علشان ولادي ولما قابلت الملاك ده رفضت اعرفك اننا اتجوزنا علشان مشاعرك وانتي ماتستاهليش الواحد يفكر فيكي نيجي بقى للكلبة اللي جانبك اللي فاكرة انها نفدت بجريمتها صح فاكرة ان لما آدم ماعترفش انك انتي اللي كنتي سايقة العربية اني ح اسيبك تبقى غلطانة انا فضلت وراء كل مكان لغاية ما جبت كاميرا مصوراكي وانتي سايقة والحمدلله انك طلعتى واطية ونادله وهربتي علشان ابني يرجع لحبيبته
ليضحك آدم بقوة وينظر لوالده وخاله
- لا خد الكبيرة ياوالدي الهانم كانت متجوزه شريف مهران عرفي ولما زهق منها رماها اه مش قادر اتصور اني كنت مغفل في يوم ومشيت وراء كلامك ياشهيرة هانم وسيبت لمار الملاك بتاعي علشان شيطان زي دي
لينظر محمد لهم وعلى ملامحهم ترتسم إمارات الذهول لتتحدث لمار وهي تنظر إلى عمتها
- انا نفسي اعرف عملت فيكي ايه علشان تعملي فيا كده ما انا بنت اخوكي زيها ليه كنتي عايزة تكسري قلبي وياريت قلبي لوحدي ده كمان قلب ابنك ليه كل ده ليه لتصرخ شهيرة
- علشان انتي بنت لمياء وأحمد قوية وماشية بدماغك زيهم ماكنتيش تحت طوعي وانا اللي يقعد هنا كان لازم يبقى طوعي ياريتني صممت على كلامي وطردتك من زمان يا أحمد بس للاسف سمعت له واشارت لمحمد كان زمان كل ده ماحصلش
ليضحك محمد بقوة ومعه أحمد ويقف أحمد وهو ينظر لها
- لأخر لحظة كنت مانع محمد يقولك ولمياء كمان واقولهم اختي معلش لكن تيجي لغاية أولادي ماينفعش يا شهيرة طول عمرك انانية ومغرورة وعايزة الكل يمشي وراكي كانك ملكة وهما اتباعك ولما نفدت منك انا ولمياء كنتي ح تموتي وتكسريني ولما فشلتي ادورتي على ولادي طيب احب اقولك يا شهيرة هانم ان السرايا دي نصها ملكي وملك ولادي و اللي انتي مش عرفاه السرايا دي نصها بأسم أدم وشاهندة وأدهم وشيراز والنص التاني بأسم لمار وإياد يعني من الاخر انتم قاعدين في ملكهم عارفة عمري متمنيت في يوم اشوف نظرة الحسرة دي في عينك زي النهاردة الحسرة اللي في عينك والقهرة دي ولا فارقين معايا اخوكي اللي ماشي في ديلك هو ومراته وبنته طول عمرهم من غير رأي مطرح ماتمشيهم بيمشوا ياخسارة ماكنتش اتمنى اشوف اليوم ده بس انتي اللي اجبرتينا كلنا على كده بتصميم ابنك اللي كلم ابوه وقاله لازم تجيب مراتك وولادك وننهي القصة السخيفة اللي عايشين فيها سنين
لينظر محمد لها ولشادي اه صحيح شهيرة هانم انتي طالق ده اولا ثانيا إكراماً بس ان انتي ام أولادي ولأن الاستاذ خالهم فـ في شقة في الزمالك ح ينقلكم لها السواق وكل شهر ح يوصلكم مبلغ تعيشوا بيه الفشخرة الكدابه خلاص راح زمنها اما بقى الهانم الصغيرة دي مطلوب القبض عليها اولا في حادثة ابني اللي ممكن اضغط عليه ويتنازل وكمان مطلوب القبض عليها في بلاغ سرقة اسوره الماظ من شريف اللي لما هددتيه انك تفضحيه قدم فيكي البلاغ ده دلوقتي انا ممكن برضه اضغط على شريف ويسحب البلاغ بس بعد ماتمضي على اعتراف بالجريمتين علشان لو فكرتي تعملي حاجة بدماغك الشمال دي تعرفي انك ح تروحي في داهية ايه رايك لتهمس رباب بخنوع
- حاضر ليكمل محمد
- ادامكم لغاية بالليل تلموا هدومكم علشان تمشوا من هنا لتهمس شهيرة
- محمد أرجوك أمشي ازاي طيب منظري ادام الناس خليني هنا ومش ح اتكلم مع حد خالص لينظر لها محمد
- أسف ياشهيرة ح تعيشي هنا ازاي انا وطلقتك خلاص وابنك ومراته ماعتقدش بعد اللي عملتيه فيهم ح يقبلوا اه كمان مؤخرك ونفقتك ح تتحط في حسابك في البنك
لتقف في محاولة اخيرة منها
- تمام يا محمد وانا مش عايزة منك ولا من البيه ابني حاجة انا ح اعيش مع بنتي لتضحك شاهندة بقوة
- من امتى ياشهيرة هانم من امتى بنتك ده انا مش فاكرة اني قلت لك مامي دي الا كام مره تتعد على الصوابع انا كنت بقول لطنط لمياء مامي اكتر منك بكتير اسفة يا شهيرة هانم انا حامل وعايزة اربي ابني على الحب والحنان مش على التكبر والتعالي على الناس ياريت حضرتك فعلا تروحي تقعدي في الشقة اللي بابي جبها لحضرتك وحاولي بقى تصلحي أفكارك يمكن في يوم من الايام نقدر ننسى اللي عملتيه فينا كلنا لتنظر لأبيها
- بابي بعد اذنك انا ح اطلع اتعرف على اخواتي لينظر لها محمد
- خدي مريم معاكي حبيبتي وانا شوية وح احصلكم ونظر لزوجته روحي حبيبتي معاها
- ماشي حبيبي عن اذنك
- اتفضلي ياقلبي لتنظر لمار لآدم
- ديمو انا ح اطلع انا كمان ح تيجي ليقف آدم وينظر لوالده
- احنا فوق بقى يا باشا خلصوا وحصلونا لتقف لمياء وهي تتحرك مع مريم
- استنى ياروما انا جاية معاكي لتضحك شهيرة وتنظر لأخيها
- كنت عارف انه متجوز عليا وساكت هو ده انتقامك يا أحمد ليضحك أحمد
- انتقام! ليه هو انا اتبدلت بيكي وبحقدك على الناس اه كنت عارف ولعلمك كنت شاهد على عقد الجواز كمان عارفة ليه علشان الست اللي متجوزها ملاك نازل من السما إنما انتي دماغك شيطان حقدك وغلك عموا عينك عن كل حاجة اتمنى النقلة اللي ح تتنقلوها دي تغيركم للأحسن ولو اني اشك اللي فيه داء مش بيعرف يغيره اه خليكم عارفين انتم الأربعة انكم تحت عيونا
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
صعدوا الأربعة الي اجنحتهم وقاموا بجمع ملابسهم واشياءهم الخاصة ونزلوا ليصعد الخدم وينزلون الحقائب ليقف شادي أمام محمد وأحمد
- حقكم تعملوا اكتر من كده حقكم بجد غلط لما قررت اعيش مسالم ومهادن مع شهيرة ودي كانت النتيجة خسرت كل حاجة خسرت كرامتي وابني وحتى بنتي حطت راسي في الطين انا استاهل ده فعلا شكرا يامحمد انت واحمد على وقوفكم جانبنا طول الفترة دي واوعدكم اني مش ح اسمح لحد فيهم يهوب ناحيتكم لينظر له أحمد
- خلاص ياشادي اللي حصل حصل خلاص المهم اللي جاي خلي معاك كارت الفيزا ده كل شهر ح يتحط لكم مبلغ فيه ياريت تتحكم انت في مصاريفهم ولو في حاجة كلمني أو كلم محمد احنا في الأول والآخر اخوات ليتحدث محمد بدران دون أن ينظر لشهيرة
- في الشقة هناك في طباخة وشغالة عندهم أوامر لو اتعاملتم معاهم بقلة ادب او تعالي او اؤامر مالهاش لازمه ح يفتحوا الباب ويمشوا
ونظر أحمد لشادي
- مرتباتهم معايا يا شادي لينظر له
- كتر خيرك يا أحمد سلام عليكم
انصرف شادي ومعه سناء ورباب وخلفهم شهيرة التي كانت تحاول أن تحافظ على كبرياءها ولكنها فشلت لتنهار في البكاء فور دخول السيارة التي تحركت بهم الي مكان إقامتهم الجديد
ظل محمد يجلس وامامه احمد في صمت حتى هبط آدم لهم وجلس بجوار ابيه وهمس
- ماكنتش عايز الأمور تبقى كده لكن باللي قالته وعملته النهاردة ماكانش لها حل سامحوني ليربت والده على قدمه
- يابني اللي حصل ده كان مصيره يحصل دلوقتي او بعدين ليتحدث أحمد
- ولولا ان ابوك أصيل كان حصل من زمان المهم نادي على مريم من فوق يامحمد وخدها وروح هات حاجتكم خلاص بقى لازم تيجي وتعيش هنا والأولاد يبقوا مع اخواتهم
لينظر محمد لآدم
- اختك عاملة ايه يا آدم تقبلت اخواتك ضحك آدم بقوة
- دي قاعدة مربعة على الأرض هي ولمار وأدهم وشيراز ومقعدة معاهم مريم وطنط لمياء وبيلعبوا كوتشينة بتلعبهم الشايب الهبلة وكل شوية تخسر وتجنن وان شاء الله ح يجننوا بعض ربنا يستر على موري وماتلدعش منهم انا ملحقتش وربنا لينظر له أحمد ويهمس بقلق يشوبه الحب
- اتجوزتم خلاص يا آدم ليضحك آدم بقوة حتى دمعت عيونه ونظر لهم
- شفتم الهنا مش تباركوا لي النهاردة كانت الصباحية يالهووووووووووي انا قلت لها يوم لن ينسى في التاريخ ليضحك محمد وأحمد ويقوم الاثنان بإحتضانه وهم يباركون له
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
مر مايقرب من ٨ شهور وكانت السرايا بها ناس كخليه نحل فاليوم سبوع ابن شاهندة الذي ولد منذ اسبوع وولدت معها في نفس الوقت لمار طفلتها ولكنها ولدتها في الشهر السابع من توترها وخوفها على شاهندة وفي نفس التوقيت علموا ان مريم زوجة محمد حامل أيضا في شهرها الثالث وكان محمد في منتهى السعادة اما آدم وأيمن كلما نظروا له ضحكوا بشدة فعم أولادهم أصغر من ابناءهم وكان محمد يجلس ويضع ساق على الأخرى وهو يحتضن مريم وينظر لهم ويبتسم
- ح تموتوا بغيظكم انتم خليكم كده مش اخوك يا ض ح يبقى أصغر من بنتك بس ح اخليه يمشيها على عجين ماتلخبطه ليضحك آدم وينظر لوالده
- المصيبة ليتفقوا علينا ح تبقى واقعة طين ياوالدي ومش ح نعرف نسلك فيهم لينظر له والده
- اخ دي تبقي مصيبة والمصيبة الأكبر لما يتلم عليهم البلوتين اللي فوق دول ليضحك آدم وهو يحتضن لمار
- كده ضمنا السرايا الصفراء من أوسع أبوابها ولا السرايا الصفراء ليه لينظر لوالده حضرتك تغيير الاسم بره من فيلا بدران الي السرايا الصفرا وندهنها اصفر لون صفار البيض وبكده يبقى مش ناقصنا حاجة على البركة بقى
اخذ الجميع يضحك وهم يجلسون معاً ابتداء من محمد بدران الذي يجلس وبجواره مريم وامامهم أدهم وشيراز يلعبون مع الصغار الذين يجلسون في كراسيهم ويجلس، آدم وفي احضانه لمار وكذلك إيمن وهو يحتضن شاهندة وأحمد الذي يحتضن لمياء اما رامي وإياد الذين عادوا للعمل مع محمد وآدم وأحمد في الشركة كانوا يقفون خلف العمال في كل مكان حتى يجهزون سبوع على أروع مستوى وفي المساء كان السبوع جميل للغاية وكل واحدة منهم تحمل طفلها والجميع يضحكون بسعادة
تمت بحمد الله