رواية مهاد والنذير
الفصل الثالث3
بقلم منوش
ركبته عربيتي م استنيتو حتي يرد لي مشيت البيت امي قالت لي مالك جيتي قلته ليها تعبانه م قادرة اقعد يدي مضروبه قالت لي الضربك فيها شنو قلته ليها الباب ومشيت غرفتي ضربته اعتزرته من زوبه م قبلت لكن م قدرته ارجع البت داك تاني بعد اخوها قال علي م محترمه نفسي مسحته المرهم واخدته حبة مسكن ونمته قمته العصر لقيت بابا جا قال لي اها م نويتي تنزلي تشتغلي وتمارسي مهنتك قلته ليو افكر في الموضوع قال لي م عايزة تفكير يا بتي الله يهديك قلته ليو طيب ماشي مشيت طلعته فوق شقة اخوي برضو نفس الكلام لازم اسمعو من عثمان مشيت شلته حمودي وقعدته اللعب معاها نهله قالت لي طيب عرسي جيبي ليك اولاد مدام م عايزة تمارسي مهنتك قلته ليها ولا حتي عرس م عايزة قالت لي انتي انسانه غريبه قلته ليها قولي حاجه جديده كدا كدا عده اليوم الليله عرس زوبه اكيد ح تكون زعلانه مني انا ليه خليته في يوم زي دا عشان اخوها المتخلف دا طيب اي واحدة مكاني كان عملت نفس الشئ اعمل شنو في الاخر قررته امشي احضر الزفاف حقها مشي حضرته لي لبسه امشي بيها لانو شنطتي خليها في بيت زينب عملته كم ماسك انتظرته زمن الحفله جا قمته حضرته حالي لبسته فستان شبه الزفاف ابيض وعملته ميكب ظريف وركبته عربيتي ومشيت الصاله كانت العروس لسه م جات لمن جيت داخله الناس كلها قعدت تعاين لي والموسيقي وقفت قايلني العروس مشيت لي خالتو امتثال باركته ليها قالت لي عقبال م نفرح بيك يا بتي قلته ليها بحياتك وانتي طيبه يا خالتو سلمته علي الضيوف المعاها ومشيت قعدته لي في طربيزة شويه كدا والعروس جات الزفه كانت حلوة وبعدين رقصو اسلو رقصتهم حلو رومانسيه حركت مشاعر جواي بعد خلصو مشيت سلمته علي زوبه وباركته ليها قالت لي لو م جيتي كنته خاصمتك طول عمري قلته ليها انا اقدر افويت الرومانسيه دي كلها طلعتي م هينه اتلفته كدا لقيت النذير وراي م سلمته ليو مشيت قعدته مكاني طلعته تلفوني قعدته اصور جا قعد جنبي قال لي الناس بتسلم عاينته ليو بطرف عيني ولا قلته ليو بتقول في شنو قال لي انتي مفتريه كدا لي شنو قلته ليو عفوا انت بتتكلم معاي ومشيت ولا اشتغلته بيو رقصته شويه مع زوبه وكنته ماشه اشوف ليك عثمان ونهله قدامي قلته ليهم بتعملو شنو هنا قالو لي انتي بتعملي شنو قلته ليو دا عرس صاحبتي عثمان قال لي انا عزمني واحد صاحبي عرس اختو كان اشوف النذير بسلم علي عثمان بالحضن انا اعاين ليهم بعد خلصو قلته ليهم احسن شئ انا امش النذير قال لينا تعرفو بعض عثمان قتل ليو دي مهاد. اختي انا طوالي مشيت ركبته عربيتي ورجعته البيت لقيت بابا في الصالون قلته ليو انا بكره مداومه في المستشفي